പി പി ദിവ്യ ജയിലിൽ നിന്ന് പുറത്തിറങ്ങും; സ്വീകരിക്കാൻ സിപിഐഎം നേതാക്കൾ

എഡിഎം – കെ നവീൻ ബാബുവിന്റെ മരണക്കേസിൽ ജാമ്യം ലഭിച്ച പി പി ദിവ്യ വൈകിട്ട് നാലുമണിയോടെ പള്ളിക്കുന്ന് ജയിലിൽ നിന്ന് പുറത്തിറങ്ങും. സിപിഐഎം വനിതാ നേതാക്കളും കണ്ണൂർ ജില്ലാ സെക്രട്ടേറിയറ്റ് അംഗം പി വി ഗോപിനാഥും, ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യനും ദിവ്യയെ സ്വീകരിക്കാനായി ജയിലിനു മുന്നിലുണ്ട്. എന്നാൽ, പി പി ദിവ്യയെ ബ്രാഞ്ചിലേക്ക് തരം താഴ്ത്തിയിട്ടുണ്ട്. സിപിഐഎം സംസ്ഥാന സെക്രട്ടറി എംവി ഗോവിന്ദൻ പി പി ദിവ്യയെ കൈവിടില്ലെന്ന് ആവർത്തിച്ചു. കേഡർക്ക് തെറ്റ് സംഭവിച്ചാൽ അത് തിരുത്തി മുന്നോട്ടു പോകുമെന്ന് അദ്ദേഹം പറഞ്ഞു. ദിവ്യയെ കോടതിയില്‍ ഹാജരാക്കിയപ്പോള്‍ സിപിഐഎം നേതാക്കള്‍ അവിടെ പോയിരുന്നതിനെക്കുറിച്ചും അദ്ദേഹം പ്രതികരിച്ചു. നേതാക്കള്‍ ഇനിയും ഒപ്പം പോകുമെന്നും ജയിലില്‍ നിന്ന് വന്നാലും പോകുമെന്നും അദ്ദേഹം കൂട്ടിച്ചേർത്തു. കോടതിയില്‍ ദിവ്യ എടുക്കുന്ന നിലപാട് അവരുടെ വ്യക്തിപരമായ നിലപാടാണെന്നും അത് പാര്‍ട്ടി നിലപാടായി കാണേണ്ടതില്ലെന്നും എംവി ഗോവിന്ദൻ വ്യക്തമാക്കി. 24 മണിക്കൂറുകൊണ്ട് ദിവ്യയെ പ്രധാനപ്പെട്ട സ്ഥാനത്തുനിന്ന് മാറ്റിനിര്‍ത്തിയതായും, ഇത് കോണ്‍ഗ്രസിന്റെ പൈലി രീതിയല്ലെന്നും അദ്ദേഹം കൂട്ടിച്ചേർത്തു. പാർട്ടി കേഡർ ആയിരുന്ന ദിവ്യയെ തെറ്റിന്റെ പേരില്‍ കൊല്ലാന്‍ ആകില്ലെന്നും അദ്ദേഹം പറഞ്ഞു. Story Highlights: PP Divya to be released from jail, CPM leaders to welcome her despite demotion