Pahalgam Terror Attack: Malayali Tourist Among 16 Killed

**പഹൽഗാം (ജമ്മു കശ്മീർ)◾:** പഹൽഗാമിൽ നടന്ന ഭീകരാക്രമണത്തിൽ കൊല്ലപ്പെട്ടവരിൽ ഒരു മലയാളിയും ഉൾപ്പെട്ടതായി റിപ്പോർട്ടുകൾ സൂചിപ്പിക്കുന്നു. കൊച്ചി ഇടപ്പള്ളി സ്വദേശിയായ രാമചന്ദ്രൻ (65) ആണ് കൊല്ലപ്പെട്ടതെന്ന് കൊച്ചി സിറ്റി പോലീസ് കമ്മീഷണർ 24 നോട് സ്ഥിരീകരിച്ചു. കുടുംബത്തോടൊപ്പം വിനോദസഞ്ചാരത്തിനായി പഹൽഗാമിലെത്തിയ രാമചന്ദ്രൻ മകളുടെ മുന്നിൽ വച്ചാണ് കൊല്ലപ്പെട്ടതെന്നാണ് റിപ്പോർട്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇടപ്പള്ളി മങ്ങാട്ട് റോഡിലാണ് രാമചന്ദ്രന്റെ കുടുംബം താമസിക്കുന്നത്. ഹൈദരാബാദിൽ നിന്ന് കശ്മീരിലേക്ക് 15ഓളം പേരുടെ സംഘത്തോടൊപ്പമാണ് ഇന്നലെ അദ്ദേഹം യാത്ര തിരിച്ചത്. സംഘത്തിലെ മറ്റുള്ളവർ സുരക്ഷിതരാണെന്ന് ഇടപ്പള്ളി കൗൺസിലർ വിജയകുമാർ അറിയിച്ചു.

ഭീകരാക്രമണത്തിൽ ആകെ 16 പേർ കൊല്ലപ്പെട്ടതായി സ്ഥിരീകരിച്ചിട്ടുണ്ട്. കർണാടക, മഹാരാഷ്ട്ര എന്നിവിടങ്ങളിൽ നിന്നുള്ള രണ്ട് പേർ വീതവും യുഎഇ, നേപ്പാൾ എന്നിവിടങ്ങളിൽ നിന്നുള്ള രണ്ട് വിദേശ പൗരന്മാരും കൊല്ലപ്പെട്ടവരിൽ ഉൾപ്പെടുന്നു. ഹരിയാന, യുപി, ഗുജറാത്ത്, ജമ്മു കശ്മീർ എന്നിവിടങ്ങളിൽ നിന്നുള്ള ഓരോ വിനോദസഞ്ചാരി വീതവും മരിച്ചിട്ടുണ്ട്.

പഹൽഗാം ഭീകരാക്രമണം: സൗദി സന്ദർശനം വെട്ടിച്ചുരുക്കി മോദി ഇന്ത്യയിലേക്ക്

Story Highlights: A Malayali tourist from Kochi was among the 16 people killed in a terror attack in Pahalgam, Jammu and Kashmir.

പെഹൽഗാം ഭീകരാക്രമണം: മതത്തിനും ഭീകരതയ്ക്കും ബന്ധമില്ലെന്ന് മുസ്ലിം ലീഗ്