ചെന്നൈയിൽ പതിനഞ്ചുകാരി വീട്ടുജോലിക്കാരി കൊല്ലപ്പെട്ട നിലയിൽ; ദമ്പതികൾ അറസ്റ്റിൽ

ചെന്നൈയിലെ അമിഞ്ചിക്കരൈ മെഹ്താ നഗറിൽ നടന്ന അതിദാരുണമായ സംഭവം പൊലീസിനെ ഞെട്ടിച്ചിരിക്കുകയാണ്. പതിനഞ്ചുകാരിയായ ഒരു വീട്ടുജോലിക്കാരിയുടെ മൃതദേഹം ഇന്നലെ രാത്രിയോടെ അവൾ ജോലി ചെയ്തിരുന്ന ഫ്ളാറ്റിലെ ശുചിമുറിയിൽ നിന്ന് കണ്ടെത്തി. കുട്ടിയുടെ ശരീരത്തിൽ മുഴുവൻ മുറിവുകളും സിഗരറ്റ് കുറ്റികൊണ്ടും ഇസ്തിരിപ്പെട്ടികൊണ്ടും പൊള്ളിച്ചപാടുകളും ഉണ്ടായിരുന്നു. ഫ്ളാറ്റിന്റെ ഉടമസ്ഥരായ ദമ്പതികൾ മുഹമ്മദ് നിഷാദും നാസിയയും കൊലപാതകത്തിന് ശേഷം സഹോദരിയുടെ വീട്ടിലേക്ക് കടന്നുകളഞ്ഞെങ്കിലും പൊലീസിന്റെ പിടിയിലാകുകയായിരുന്നു. ഇരുവരുടെയും വക്കീൽ പൊലീസിനെ വിളിച്ചു പറഞ്ഞതിന്റെ അടിസ്ഥാനത്തിൽ നടത്തിയ പരിശോധനയിലാണ് മൃതദേഹം കണ്ടെത്തുന്നത്. കുട്ടിയുടെ മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റിയിരിക്കുകയാണ്. കഴിഞ്ഞ വർഷമാണ് മുഹമ്മദ് നിഷാദും നാസിയയും വീട്ടുജോലിക്കായി പതിനഞ്ചുകാരിയെ സുഹൃത്ത് വഴി സംഘടിപ്പിക്കുന്നത്. വീട്ടിൽ എത്തിച്ച ശേഷം കുട്ടിക്ക് നേരിടേണ്ടി വന്നത് അതിക്രൂരമായ മർദ്ദനമാണെന്ന് സുഹൃത്ത് തന്നെ വ്യക്തമാക്കുന്നു. കുട്ടിയെ ദമ്പതികൾ സ്ഥിരമായി സിഗരറ്റ്കുറ്റി ഉപയോഗിച്ച് മുറിവ് ഉണ്ടാകുമായിരുന്നുവെന്നും നിരന്തരമായി അടിക്കുകയും മറ്റും ചെയ്യാറുണ്ടെന്നും സുഹൃത്ത് പറഞ്ഞു. Story Highlights: 15-year-old domestic worker found dead in Chennai flat bathroom, couple arrested for murder