Politics
മെസിയുടെ വരവിൽ മുഖ്യമന്ത്രിക്ക് ധാരണയില്ല; ഗുരുതര ആരോപണവുമായി ഹൈബി ഈഡൻ
മെസിയുടെ വരവിനെക്കുറിച്ചും കലൂർ സ്റ്റേഡിയം നവീകരിക്കുന്നതിനെക്കുറിച്ചും മുഖ്യമന്ത്രിക്ക് ഒരു ധാരണയുമില്ലെന്ന് ഹൈബി ഈഡൻ എം.പി ആരോപിച്ചു. 70 കോടി രൂപ എങ്ങനെ ചെലവഴിക്കുന്നു എന്നതിനെക്കുറിച്ച് ദുരൂഹത നിലനിൽക്കുകയാണെന്നും അദ്ദേഹം പറഞ്ഞു. സ്റ്റേഡിയം നവീകരിക്കുന്നതിൽ ഗുരുതരമായ സാമ്പത്തിക ക്രമക്കേട് നടന്നിട്ടുണ്ടെന്നും ഡി.സി.സി അധ്യക്ഷൻ മുഹമ്മദ് ഷിയാസ് ആരോപിച്ചു.
ഷാഫി പറമ്പിലിനെതിരായ പൊലീസ് അതിക്രമം; സർക്കാരിനെതിരെ കെ.എം.അഭിജിത്ത്
ഷാഫി പറമ്പിലിനെതിരായ പോലീസ് ആക്രമണത്തിൽ യൂത്ത് കോൺഗ്രസ് ദേശീയ നേതാവ് കെ.എം. അഭിജിത്ത് പ്രതികരിച്ചു. വാദിയെ പ്രതിയാക്കാൻ ശ്രമം നടക്കുന്നുവെന്നും നീതി സർക്കാരിന് ഇഷ്ടമുള്ളവർക്ക് മാത്രമാണെന്നും അദ്ദേഹം ആരോപിച്ചു. മെസ്സിയുടെ പേരിൽ സർക്കാർ സ്പോൺസേർഡ് തട്ടിപ്പ് നടക്കുന്നുവെന്നും അഭിജിത്ത് വ്യക്തമാക്കി.
പി.എം. ശ്രീയിൽ സി.പി.ഐ.എം. വഴങ്ങുന്നു; ധാരണാപത്രം മരവിപ്പിക്കാൻ കേന്ദ്രത്തിന് കത്ത് നൽകും
പി.എം. ശ്രീയിൽ സി.പി.ഐ.എം. വഴങ്ങുന്നു എന്ന വിവരങ്ങളാണ് പുറത്തുവരുന്നത്. ധാരണാപത്രം മരവിപ്പിക്കാൻ തീരുമാനിച്ചതായി കേന്ദ്രത്തെ അറിയിച്ചുകൊണ്ട് കത്ത് നൽകാൻ സി.പി.ഐ.എം. തയ്യാറെടുക്കുന്നു. എം.എ. ബേബി കത്തിന്റെ കരട് സി.പി.ഐ. ജനറൽ സെക്രട്ടറി ഡി. രാജയ്ക്ക് അയച്ചു കൊടുത്തു.
കേരളത്തിൽ കോൺഗ്രസിന് മുഖ്യമന്ത്രി മുഖമുണ്ടാകില്ലെന്ന് എഐസിസി
നിയമസഭാ തിരഞ്ഞെടുപ്പിൽ കോൺഗ്രസിന് മുഖ്യമന്ത്രി സ്ഥാനാർത്ഥി ഉണ്ടാകില്ലെന്ന് എഐസിസി അറിയിച്ചു. തിരഞ്ഞെടുപ്പിൽ ഒറ്റക്കെട്ടായി മുന്നോട്ട് പോകാൻ കോൺഗ്രസ് ഹൈക്കമാൻഡ് സംസ്ഥാന ഘടകത്തിന് നിർദ്ദേശം നൽകി. സ്ഥാനാർത്ഥി നിർണയം വിജയ സാധ്യത മാത്രം പരിഗണിച്ച് നടത്തണമെന്നും എഐസിസി സംസ്ഥാന നേതാക്കൾക്ക് നിർദ്ദേശം നൽകി.
പി.എം. ശ്രീ: സി.പി.ഐ.യെ അനുനയിപ്പിക്കാൻ സി.പി.ഐ.എം. വീണ്ടും ചർച്ചയ്ക്ക്
പി.എം. ശ്രീ വിഷയത്തിൽ സി.പി.ഐയുടെ അതൃപ്തി പരിഹരിക്കാൻ സി.പി.ഐ.എം വീണ്ടും ഇടപെടൽ നടത്തും. സി.പി.ഐ സംസ്ഥാന കൗൺസിൽ ചേരുന്നതിന് മുന്നോടിയായി ഇടതുമുന്നണി യോഗം വിളിക്കാൻ സാധ്യതയുണ്ട്. അനുകൂല സമീപനമുണ്ടായില്ലെങ്കിൽ മന്ത്രിമാരെ രാജിവെപ്പിച്ച് മന്ത്രിസഭയെ പുറത്തുനിന്ന് പിന്തുണയ്ക്കുന്നതിലേക്ക് സി.പി.ഐ നീങ്ങിയേക്കും.
നിർണായക സമയത്ത് ചുമതലയേറ്റെന്ന് ഒ.ജെ. ജനീഷ്; സമരത്തിന് ഇന്ന് തീരുമാനം
യൂത്ത് കോൺഗ്രസ് സംസ്ഥാന അധ്യക്ഷനായി ഒ.ജെ. ജനീഷ് ചുമതലയേറ്റു. കെപിസിസി അധ്യക്ഷനോട് തദ്ദേശ തിരഞ്ഞെടുപ്പിൽ യൂത്ത് കോൺഗ്രസുകാരെ പരിഗണിക്കണമെന്ന് അഭ്യർത്ഥിച്ചു. യൂത്ത് കോൺഗ്രസിൻ്റെ പുതിയ കമ്മിറ്റിയുടെ ആദ്യ യോഗം ഇന്ന് ചേരുമെന്നും സമരങ്ങൾ പ്രഖ്യാപിക്കുമെന്നും അദ്ദേഹം അറിയിച്ചു.
പി.എം. ശ്രീ വിഷയം: മുഖ്യമന്ത്രിയും ബിനോയ് വിശ്വവും ഇന്ന് ചർച്ച നടത്തും
പി.എം. ശ്രീ വിഷയത്തിൽ മുഖ്യമന്ത്രി പിണറായി വിജയനും സി.പി.ഐ സംസ്ഥാന സെക്രട്ടറി ബിനോയ് വിശ്വവും ഇന്ന് ചർച്ച നടത്തും. വൈകിട്ട് 3.30-നാണ് കൂടിക്കാഴ്ച. ചർച്ചയുടെ എല്ലാ വാതിലുകളും എൽ.ഡി.എഫിൽ എപ്പോഴും തുറന്നു കിടക്കുമെന്നും ബിനോയ് വിശ്വം നേരത്തെ അറിയിച്ചിരുന്നു.
എ.ഐ.സി.സി നിയമനം: സന്തോഷമെന്ന് ചാണ്ടി ഉമ്മൻ
എ.ഐ.സി.സി ടാലൻ്റ് ഹണ്ട് നോഡൽ കോർഡിനേറ്റർ ആയി നിയമിച്ചതിൽ സന്തോഷമുണ്ടെന്ന് ചാണ്ടി ഉമ്മൻ. പാർട്ടി നൽകുന്ന എല്ലാ ചുമതലകളും നിർവഹിക്കുമെന്നും അദ്ദേഹം പറഞ്ഞു. അരുണാചൽ പ്രദേശ്, മേഘാലയ സംസ്ഥാനങ്ങളുടെ ചുമതലയാണ് അദ്ദേഹത്തിന് നൽകിയിരിക്കുന്നത്.
ജി. സുധാകരനെ വീട്ടിലെത്തി സന്ദർശിച്ച് എം.എ. ബേബി; കൂടിക്കാഴ്ച 40 മിനിറ്റ്
സിപിഐഎം ജനറൽ സെക്രട്ടറി എം.എ. ബേബി, ജി. സുധാകരനെ അദ്ദേഹത്തിൻ്റെ വസതിയിൽ സന്ദർശിച്ചു. പുന്നപ്ര വയലാർ വാരാചരണങ്ങളുടെ ഭാഗമായി ആലപ്പുഴയിൽ എത്തിയപ്പോഴായിരുന്നു കൂടിക്കാഴ്ച. ജി. സുധാകരനുമായി ബന്ധപ്പെട്ട വിഷയങ്ങളിൽ പാർട്ടിയുടെ ശ്രദ്ധയും പരിഗണനയും ഉറപ്പാക്കുകയാണ് ലക്ഷ്യം.
കൊല്ലം സിപിഐഎം ജില്ലാ സെക്രട്ടറി സ്ഥാനത്ത് എസ് ജയമോഹൻ; എം വി ഗോവിന്ദൻ ഇന്ന് കൊല്ലത്ത്
സിപിഐഎം കൊല്ലം ജില്ലാ സെക്രട്ടറിയുടെ താൽക്കാലിക ചുമതല എസ് ജയമോഹന് നൽകും. നിലവിലെ ജില്ലാസെക്രട്ടറി എസ് സുദേവൻ ആരോഗ്യ പ്രശ്നങ്ങളാൽ അവധിയിൽ പ്രവേശിച്ചതിനെ തുടർന്നാണ് എസ് ജയമോഹന് സെക്രട്ടറിയുടെ ചുമതല നൽകുന്നത്. ഇന്ന് സംസ്ഥാന സെക്രട്ടറി എം വി ഗോവിന്ദൻ പങ്കെടുക്കുന്ന ജില്ലാ സെക്രട്ടേറിയേറ്റ് യോഗത്തിൽ എസ് ജയമോഹൻ ചുമതല ഏറ്റെടുക്കും.
ശബരിമല വിഷയം വഴിതിരിച്ചുവിടാനുള്ള ശ്രമം; ദേവസ്വം ബോര്ഡിനെ സംരക്ഷിക്കുന്നത് സ്വര്ണക്കടത്ത് മറയ്ക്കാന്: ഷാഫി പറമ്പില്
ശബരിമല വിഷയം വഴിതിരിച്ചുവിടാനുള്ള ശ്രമമാണ് പേരാമ്പ്രയില് നടന്നതെന്ന് ഷാഫി പറമ്പില് എം.പി. ആരോപിച്ചു. ദേവസ്വം ബോര്ഡിനോട് രാജി ആവശ്യപ്പെടാന് സര്ക്കാര് മടിക്കുന്നതിന്റെ കാരണം ശബരിമല സ്വര്ണ വിഷയത്തിലെ പങ്കാളിത്തം മറച്ചുവെക്കാനാണെന്നും അദ്ദേഹം കുറ്റപ്പെടുത്തി. പേരാമ്പ്രയില് തനിക്കെതിരെ നടന്ന ആക്രമണത്തെക്കുറിച്ചും ഷാഫി വിശദീകരിച്ചു.
കൊല്ലത്ത് സി.പി.ഐയിൽ നടപടി; ജെ.സി. അനിലിനെ പുറത്താക്കി
കൊല്ലത്ത് സി.പി.ഐ മുൻ ജില്ലാ കൗൺസിൽ അംഗം ജെ.സി. അനിലിനെ പാർട്ടിയിൽ നിന്ന് പുറത്താക്കി. സാമ്പത്തിക ക്രമക്കേടുകൾ നടത്തിയെന്ന് കണ്ടെത്തിയതിനെ തുടർന്നാണ് നടപടിയെന്ന് പാർട്ടി അറിയിച്ചു. അന്വേഷണ കമ്മീഷൻ റിപ്പോർട്ടിന്റെ അടിസ്ഥാനത്തിലാണ് നടപടിയെന്നും പാർട്ടി വ്യക്തമാക്കി.