Youth Congress
പി.ജെ. കുര്യനെതിരെ രാഹുൽ മാങ്കൂട്ടത്തിൽ; യൂത്ത് കോൺഗ്രസിനെ എസ്.എഫ്.ഐയുമായി താരതമ്യം ചെയ്യാനാകില്ല
യൂത്ത് കോൺഗ്രസിനെതിരായ പി.ജെ. കുര്യൻ്റെ വിമർശനത്തിനെതിരെ രാഹുൽ മാങ്കൂട്ടത്തിൽ എം.എൽ.എ രംഗത്ത്. യൂത്ത് കോൺഗ്രസിനെ എസ്.എഫ്.ഐയുമായി താരതമ്യം ചെയ്യുന്നത് അംഗീകരിക്കാനാവില്ലെന്ന് രാഹുൽ പറഞ്ഞു. ഏതെങ്കിലും ഒരു നേതാവിൻ്റെ ഗുഡ് സർട്ടിഫിക്കറ്റിന് വേണ്ടിയല്ല യൂത്ത് കോൺഗ്രസ് പ്രവർത്തിക്കുന്നതെന്നും അദ്ദേഹം കൂട്ടിച്ചേർത്തു.
യൂത്ത് കോൺഗ്രസ് വിമർശനത്തിൽ ഉറച്ച് പി.ജെ. കുര്യൻ; നിലപാടുകൾ ആവർത്തിച്ച് അദ്ദേഹം
യൂത്ത് കോൺഗ്രസിനെതിരായ വിമർശനങ്ങളിൽ ഉറച്ചുനിൽക്കുന്നതായി മുതിർന്ന കോൺഗ്രസ് നേതാവ് പി.ജെ. കുര്യൻ വ്യക്തമാക്കി. തന്റെ പ്രസ്താവനകൾ സദുദ്ദേശപരമായിരുന്നുവെന്നും തനിക്ക് ബോധ്യമുളള കാര്യങ്ങളാണ് പറഞ്ഞതെന്നും അദ്ദേഹം കൂട്ടിച്ചേർത്തു. എല്ലാ പഞ്ചായത്തിലും യൂത്ത് കോൺഗ്രസ് കമ്മിറ്റികൾ ഉണ്ടാകണമെന്നാണ് ആഗ്രഹിക്കുന്നതെന്നും കുര്യൻ പറഞ്ഞു.
യൂത്ത് കോൺഗ്രസ്, കെ.എസ്.യു നേതാക്കളെ ആക്ഷേപിക്കരുത്; ചെറിയാൻ ഫിലിപ്പ്
യൂത്ത് കോൺഗ്രസ്, കെ.എസ്.യു നേതാക്കളെ മുതിർന്ന നേതാക്കൾ ആക്ഷേപിക്കരുതെന്ന് ചെറിയാൻ ഫിലിപ്പ്. അധികാര കുത്തകക്കാർ ഇന്നത്തെ യുവാക്കളെ ഉപദേശിക്കേണ്ടതില്ല. കെ.എസ്.യു, യൂത്ത് കോൺഗ്രസ് എന്നിവയിലൂടെ വളർന്നു വന്ന പല നേതാക്കളും പുതിയ തലമുറയുടെ ശത്രുക്കളായി മാറി എന്നും അദ്ദേഹം കുറ്റപ്പെടുത്തി.
യൂത്ത് കോൺഗ്രസിനെ വിമർശിച്ച പി.ജെ. കുര്യനെതിരെ കോൺഗ്രസിൽ പ്രതിഷേധം
മുതിർന്ന കോൺഗ്രസ് നേതാവ് പി.ജെ. കുര്യൻ യൂത്ത് കോൺഗ്രസിനെ വിമർശിച്ചതിനെതിരെ കോൺഗ്രസിൽ പ്രതിഷേധം ശക്തമാകുന്നു. യൂത്ത് കോൺഗ്രസ് നേതാക്കളെ ടി.വിയിൽ മാത്രമേ കാണാൻ കഴിയൂ എന്നും എസ്.എഫ്.ഐയെ കണ്ടു പഠിക്കണമെന്നുമുള്ള കുര്യന്റെ പ്രസ്താവനയാണ് വിവാദമായത്. യൂത്ത് കോൺഗ്രസ് നേതാക്കൾ സോഷ്യൽ മീഡിയയിലൂടെയും മറ്റും തങ്ങളുടെ പ്രതിഷേധം അറിയിച്ചു.
യൂത്ത് കോൺഗ്രസിനെ വിമർശിച്ച് പി.ജെ. കുര്യൻ; എസ്എഫ്ഐയെ പ്രശംസിച്ച് കോൺഗ്രസ് നേതാവ്
യൂത്ത് കോൺഗ്രസിനെ വിമർശിച്ചും എസ്എഫ്ഐയെ പുകഴ്ത്തിയും മുതിർന്ന കോൺഗ്രസ് നേതാവ് പി.ജെ. കുര്യൻ രംഗത്ത്. യൂത്ത് കോൺഗ്രസ് നേതാക്കളെ ടിവിയിൽ മാത്രമേ കാണാൻ കഴിയൂ എന്നും കുര്യൻ വിമർശിച്ചു. താൻ പറഞ്ഞത് കേൾക്കാതിരുന്നതിനാൽ പത്തനംതിട്ടയിലെ അഞ്ച് സീറ്റും നഷ്ടമായെന്നും അദ്ദേഹം കുറ്റപ്പെടുത്തി.
ശശിക്കെതിരെ യൂത്ത് കോൺഗ്രസ്; കോൺഗ്രസ് ഒളിത്താവളമല്ലെന്ന് വിമർശനം
പി.കെ. ശശിയെ കോൺഗ്രസ്സിലേക്ക് ക്ഷണിച്ചതിനെതിരെ യൂത്ത് കോൺഗ്രസ് രംഗത്ത്. സ്ത്രീകളെ അപമാനിച്ചവർക്ക് ഒളിക്കാനുള്ള ഇടമല്ല കോൺഗ്രസ് എന്നും, പി.കെ. ശശിയെ ക്ഷണിച്ചത് ദൗർഭാഗ്യകരമാണെന്നും യൂത്ത് കോൺഗ്രസ് അഭിപ്രായപ്പെട്ടു. വി.കെ. ശ്രീകണ്ഠൻ എം.പി.യുടെ പ്രസ്താവനക്കെതിരെയും യൂത്ത് കോൺഗ്രസ് വിമർശനം ഉന്നയിച്ചു.
വയനാട് ഫണ്ട് പിരിവിൽ യൂത്ത് കോൺഗ്രസിൽ നടപടി; നിരവധി പേരെ സസ്പെൻഡ് ചെയ്തു
വയനാട് ഫണ്ട് പിരിവുമായി ബന്ധപ്പെട്ട് യൂത്ത് കോൺഗ്രസിൽ സംഘടനാ നടപടി സ്വീകരിച്ചു. 50,000 രൂപയിൽ കുറവ് പിരിവ് നടത്തിയവരെ സസ്പെൻഡ് ചെയ്തതാണ് ഇതിന് പിന്നിലെ കാരണം. പെരിന്തൽമണ്ണ, മങ്കട, തിരൂരങ്ങാടി തുടങ്ങിയ നിയോജകമണ്ഡലം പ്രസിഡന്റുമാർക്കെതിരെയാണ് നടപടി.
കുന്നംകുളം സ്റ്റേഷനിൽ യൂത്ത് കോൺഗ്രസ് നേതാവിനെ മർദിച്ച സംഭവം; പൊലീസുകാർക്കെതിരെ കേസ്
കുന്നംകുളം പൊലീസ് സ്റ്റേഷനിൽ യൂത്ത് കോൺഗ്രസ് നേതാവിനെ മർദിച്ച സംഭവത്തിൽ പൊലീസുകാർക്കെതിരെ കേസെടുക്കാൻ കോടതി ഉത്തരവിട്ടു. ചൊവ്വന്നൂർ മണ്ഡലം പ്രസിഡന്റ് സുജിത്ത് വി.എസിനെ മർദ്ദിച്ചതിനാണ് കേസ്. സ്റ്റേഷനിലെ സിസിടിവി ദൃശ്യങ്ങൾ പൊലീസുകാർക്കെതിരായ നടപടിക്ക് കാരണമായി.
വയനാട് ഫണ്ട് തട്ടിപ്പ്: ആലപ്പുഴ യൂത്ത് കോൺഗ്രസിൽ പൊട്ടിത്തെറി; ശബ്ദ സന്ദേശം പുറത്ത്
വയനാട്ടിലെ ദുരിതബാധിതർക്ക് വീട് നിർമ്മിക്കുന്നതിനുള്ള ഫണ്ട് പിരിവിനെ ചൊല്ലി ആലപ്പുഴ യൂത്ത് കോൺഗ്രസ്സിൽ ഭിന്നത. അമ്പലപ്പുഴയിൽ നിന്ന് പിരിച്ചെടുത്ത പണം ചിലർ ചേർന്ന് മുക്കിയെന്ന് ഒരു വിഭാഗം ആരോപിച്ചു. ഇതിന് ജില്ലാ പ്രസിഡന്റ് കൂട്ടുനിന്നെന്നും ആരോപണമുണ്ട്.
വീണാ ജോർജിനെതിരായ പ്രതിഷേധം; യൂത്ത് കോൺഗ്രസ് നേതാക്കൾക്ക് റിമാൻഡ്
ആരോഗ്യ മന്ത്രി വീണാ ജോർജിനെതിരായ പ്രതിഷേധത്തിൽ അറസ്റ്റിലായ യൂത്ത് കോൺഗ്രസ് ജില്ലാ ജനറൽ സെക്രട്ടറി ജിതിൻ ജെ നൈനാൻ, ആറന്മുള മണ്ഡലം പ്രസിഡന്റ് ഏദൻ ജോർജ് എന്നിവരെ റിമാന്റ് ചെയ്തു. 14 ദിവസത്തേക്കാണ് റിമാന്റ് ചെയ്തത്. കിടങ്ങന്നൂർ വല്ലന കമ്മ്യൂണിറ്റി ഹെൽത്ത് സെൻ്ററിലെ ശിലാഫലകം അടിച്ചു തകർത്ത കേസിലാണ് ഏദൻ ജോർജ് അറസ്റ്റിലായത്.
മന്ത്രി വീണാ ജോർജിനെതിരെ പ്രതിഷേധം: യൂത്ത് കോൺഗ്രസ് മണ്ഡലം പ്രസിഡന്റും അറസ്റ്റിൽ
ആരോഗ്യ മന്ത്രി വീണാ ജോർജിനെതിരെ പ്രതിഷേധിച്ച യൂത്ത് കോൺഗ്രസ് പ്രവർത്തകരെ അറസ്റ്റ് ചെയ്തതിനെ തുടർന്ന് സംഘർഷം. ആറന്മുള മണ്ഡലം പ്രസിഡന്റ് ഏദൻ ജോർജിനെയാണ് ഒടുവിൽ അറസ്റ്റ് ചെയ്തത്. ഇതിനു മുൻപ് യൂത്ത് കോൺഗ്രസ് പത്തനംതിട്ട ജില്ലാ സെക്രട്ടറിയെയും വീട്ടിൽ കയറി അറസ്റ്റ് ചെയ്തിരുന്നു. പ്രതിഷേധം ശക്തമായതോടെ പോലീസ് നടപടികൾ കടുപ്പിക്കുകയാണ്.
ആരോഗ്യമന്ത്രിക്കെതിരെ പ്രതിഷേധം: യൂത്ത് കോൺഗ്രസ് ജില്ലാ സെക്രട്ടറി അറസ്റ്റിൽ
ആരോഗ്യമന്ത്രി വീണാ ജോർജിനെതിരെ പ്രതിഷേധിച്ച യൂത്ത് കോൺഗ്രസ് പത്തനംതിട്ട ജില്ലാ സെക്രട്ടറിയെ അറസ്റ്റ് ചെയ്തു. പൊതുമുതൽ നശിപ്പിച്ചെന്നാരോപിച്ച് ജിതിൻ ജി. നൈനാനെയാണ് പോലീസ് അറസ്റ്റ് ചെയ്തത്. അറസ്റ്റിനെ തുടർന്ന് യൂത്ത് കോൺഗ്രസ് പ്രവർത്തകർ പ്രതിഷേധവുമായി രംഗത്തെത്തി.