മലയാള സിനിമാ മേഖലയിലെ സ്ത്രീകൾക്കെതിരായ ലൈംഗിക ചൂഷണം അന്വേഷിക്കാൻ സർക്കാർ രൂപീകരിച്ച പ്രത്യേക സമിതിയുടെ പ്രവർത്തനത്തിൽ വനിതാ ഉദ്യോഗസ്ഥർക്ക് പ്രധാന പങ്കാണ് നൽകിയിരിക്കുന്നത്. പുരുഷ ഉദ്യോഗസ്ഥരുടെ പങ്ക് മറ്റ് കാര്യങ്ങളിൽ സഹായം നൽകുക എന്നതിൽ മാത്രം ഒതുങ്ങും. ക്രൈം എഡിജിപി എച്ച് വെങ്കിടേഷിന്റെ മേൽനോട്ടത്തിലുള്ള സംഘത്തിൽ നാല് വനിതാ അംഗങ്ങൾ ഉൾപ്പെടെ ഏഴ് അംഗങ്ങളാണുള്ളത്.
