Wildlife
വനസംരക്ഷണം: കിഫ്ബി ഫണ്ടോടെ കേരളത്തിൽ പദ്ധതികൾ
കേരളത്തിൽ മനുഷ്യനും വന്യജീവികളും തമ്മിലുള്ള സംഘർഷം കുറയ്ക്കുന്നതിന് സംസ്ഥാന സർക്കാർ കിഫ്ബി വഴി വിവിധ പദ്ധതികൾ നടപ്പാക്കുന്നു. ഈ പദ്ധതികളിൽ സൗരോർജ്ജ വേലികൾ സ്ഥാപിക്കുന്നതും വനമേഖലയിലെ കുടുംബങ്ങളെ മാറ്റിപ്പാർപ്പിക്കുന്നതും ഉൾപ്പെടുന്നു. വന്യജീവി ആക്രമണങ്ങളിൽ ഉണ്ടാകുന്ന നാശനഷ്ടങ്ങൾക്ക് ഒരു ശാശ്വത പരിഹാരം കാണുകയാണ് സർക്കാരിൻ്റെ ലക്ഷ്യം.
വന്യമൃഗങ്ങളെ കൊല്ലാൻ പരിമിതമായ അധികാരം മാത്രം; കേന്ദ്ര നിലപാട് ഇങ്ങനെ
കേന്ദ്ര വന്യജീവി സംരക്ഷണ നിയമത്തിന്റെ പട്ടിക ഒന്നില് പെട്ട വന്യമൃഗങ്ങളെ കൊല്ലാന് ചീഫ് വൈല്ഡ് ലൈഫ് വാര്ഡന് വളരെ പരിമിതമായ അധികാരമെ ഉള്ളൂ എന്ന് കേന്ദ്ര വനം പരിസ്ഥിതി മന്ത്രാലയം അറിയിച്ചു. ആക്രമണകാരികളായ വന്യമൃഗങ്ങളെ കൊല്ലുന്നതിന് ഏര്പ്പെടുത്തിയ അപ്രായോഗിക വ്യവസ്ഥകളില് മാറ്റം വരുത്തണമെന്നും കാട്ടുപന്നിയെ ക്ഷുദ്രജീവിയായി പ്രഖ്യാപിക്കണമെന്നും കേരളം ആവശ്യപ്പെട്ടിരുന്നു. ഈ വിഷയത്തില് കേരളം അയച്ച കത്തിന് മറുപടിയായാണ് കേന്ദ്രം നിലപാട് വ്യക്തമാക്കിയത്.
വയനാട്ടിൽ വീണ്ടും പുലി ആക്രമണം; ഒരാടിനെ കൂടി കൊന്നു
വയനാട്ടിൽ പുലി ശല്യം രൂക്ഷമായി തുടരുന്നു. പുല്പ്പള്ളി മുള്ളൻകൊല്ലി കബനിഗിരിയിൽ ഒരാടിനെ പുലി കൊന്നു. ബത്തേരിയിൽ കാർ യാത്രികന്റെ മുന്നിൽ പുലി പ്രത്യക്ഷപ്പെട്ടു. പ്രദേശവാസികൾ ഭീതിയിലാണ്.
പത്തനംതിട്ടയിൽ ആൾതാമസമില്ലാത്ത ഷെഡ്ഡിൽ നിന്ന് പെരുമ്പാമ്പുകളെയും കുഞ്ഞുങ്ങളെയും കണ്ടെത്തി
പത്തനംതിട്ട കൊടുമണ്ണിൽ ആൾതാമസമില്ലാത്ത ഷെഡ്ഡിൽ നിന്ന് രണ്ട് പെരുമ്പാമ്പുകളെയും പത്ത് കുഞ്ഞുങ്ങളെയും കണ്ടെത്തി. നാട്ടുകാരുടെ വിവരമറിയിച്ചതിനെ തുടർന്ന് വനംവകുപ്പ് ഉദ്യോഗസ്ഥർ എത്തി പാമ്പുകളെ പിടികൂടി. തകർന്ന ഷെഡിനടിയിലെ താഴ്ന്ന താപനിലയാണ് പെരുമ്പാമ്പുകളെ ആകർഷിച്ചതെന്നാണ് വനംവകുപ്പിന്റെ നിഗമനം.
കേന്ദ്രമന്ത്രിയുടെ സന്ദർശനം പ്രഹസനമാകരുത്: എ.കെ. ശശീന്ദ്രൻ
കേന്ദ്ര വനം മന്ത്രിയുടെ കേരള സന്ദർശനം പ്രായോഗികമായ പരിഹാര മാർഗങ്ങൾ നിർദ്ദേശിക്കുന്നതിനുള്ളതാകണമെന്ന് മന്ത്രി എ.കെ. ശശീന്ദ്രൻ. പാർലമെന്റിൽ കേന്ദ്ര മന്ത്രി നടത്തിയ പ്രസ്താവനകൾ ജനങ്ങളെ തെറ്റിദ്ധരിപ്പിക്കുന്നതാണെന്നും അദ്ദേഹം കുറ്റപ്പെടുത്തി. കാട്ടുപന്നി, കുരങ്ങ് തുടങ്ങിയ ജീവികളെ ഷെഡ്യൂൾ ഒന്നിൽ നിന്ന് നീക്കം ചെയ്യണമെന്നും മന്ത്രി ആവശ്യപ്പെട്ടു.
വന്യജീവികളെ വെടിവെക്കാൻ ചക്കിട്ടപ്പാറ പഞ്ചായത്ത്
മനുഷ്യർക്ക് ഭീഷണിയാകുന്ന വന്യജീവികളെ വെടിവെച്ചുകൊല്ലുമെന്ന് ചക്കിട്ടപ്പാറ പഞ്ചായത്ത്. സർക്കാർ എതിർത്താൽ കോടതിയെ സമീപിക്കും. പഞ്ചായത്ത് സെക്രട്ടറിയുടെ വിയോജനക്കുറിപ്പ് സർക്കാരിലേക്ക് അയക്കും.
വന്യജീവികളെ വെടിവെക്കാനുള്ള ചക്കിട്ടപ്പാറ പഞ്ചായത്തിന്റെ തീരുമാനത്തിനെതിരെ വനംവകുപ്പ്
മനുഷ്യർക്ക് ഭീഷണിയാകുന്ന വന്യജീവികളെ വെടിവെച്ചുകൊല്ലുമെന്ന ചക്കിട്ടപ്പാറ പഞ്ചായത്തിന്റെ തീരുമാനം ഭരണഘടനാ വിരുദ്ധമാണെന്ന് വനംവകുപ്പ്. പഞ്ചായത്ത് പ്രസിഡന്റിന്റെ ഓണററി വൈൽഡ് ലൈഫ് വാർഡൻ പദവി റദ്ദാക്കുമെന്നും മുന്നറിയിപ്പ്. പഞ്ചായത്തിലെ പത്ത് വാർഡുകളും വനത്താൽ ചുറ്റപ്പെട്ടിരിക്കുന്നതിനാൽ വന്യജീവി ആക്രമണങ്ങൾ വർധിച്ചിരിക്കുന്നതായി പഞ്ചായത്ത് അധികൃതർ ചൂണ്ടിക്കാട്ടുന്നു.
വന്യജീവികളെ വെടിവെക്കരുത്; കേന്ദ്ര വന്യജീവി ബോർഡ് കേരളത്തിന്റെ ആവശ്യം തള്ളി
ജനവാസ മേഖലകളിൽ പ്രശ്നങ്ങൾ സൃഷ്ടിക്കുന്ന വന്യജീവികളെ വെടിവെക്കുന്നതിനെതിരെ കേന്ദ്ര വന്യജീവി ബോർഡ്. പന്നി ഉൾപ്പെടെയുള്ള ജീവികളെ വെടിവെക്കാൻ സ്ഥിരമായി അനുമതി നൽകണമെന്ന കേരളത്തിന്റെ ആവശ്യം ബോർഡ് നിരാകരിച്ചു. വന്യമൃഗങ്ങളെ പിടികൂടി പുനരധിവസിപ്പിക്കണമെന്നാണ് ബോർഡിന്റെ നിർദേശം.
ജാംനഗറിലെ വന്താര വന്യജീവി പുനരധിവാസ കേന്ദ്രം മോദി ഉദ്ഘാടനം ചെയ്തു
ജാംനഗറിലെ വന്താര വന്യജീവി പുനരധിവാസ കേന്ദ്രം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. അനന്ത് അംബാനിയുടെ നേതൃത്വത്തിലുള്ള ഈ കേന്ദ്രത്തിൽ 2000 ഇനങ്ങളിലായി 1,50,000 മൃഗങ്ങളെ പാർപ്പിച്ചിരിക്കുന്നു. ഏഷ്യാറ്റിക് സിംഹക്കുട്ടികളുമായി കളിക്കാനും മറ്റ് മൃഗങ്ങൾക്ക് ഭക്ഷണം നൽകാനും പ്രധാനമന്ത്രി സമയം ചെലവിട്ടു.
വന്യജീവി ആക്രമണം: സർക്കാരിനെതിരെ രൂക്ഷവിമർശനവുമായി പത്തനംതിട്ട രൂപത
വന്യജീവി ആക്രമണങ്ങളിൽ സർക്കാർ പരാജയപ്പെട്ടെന്ന് പത്തനംതിട്ട രൂപത. എയ്ഡഡ് മേഖലയോടും കർഷകരോടും സർക്കാരിന് അവഗണനയാണെന്ന് ആരോപണം. ലഹരി ഉപയോഗം പുതുതലമുറയെ നശിപ്പിക്കുന്നുവെന്നും രൂപത മുന്നറിയിപ്പ് നൽകി.
വന്യമൃഗ ആക്രമണം തടയാൻ എഐ സാങ്കേതികവിദ്യയുമായി വനം വകുപ്പ്
വന്യമൃഗ ആക്രമണങ്ങൾ ലഘൂകരിക്കുന്നതിനായി കേരള വനം വകുപ്പ് ആർട്ടിഫിഷ്യൽ ഇന്റലിജൻസ് (എഐ) സാങ്കേതികവിദ്യ ഉപയോഗിക്കുന്നു. ചെതലത്ത് റെയിഞ്ചിൽ പദ്ധതി വിജയകരമായി പരീക്ഷിച്ചു. സംസ്ഥാനത്തെ മുഴുവൻ വനമേഖലയിലേക്കും പദ്ധതി വ്യാപിപ്പിക്കും.
അതിരപ്പള്ളിയിലെ കാട്ടാനയ്ക്ക് പ്രാഥമിക ചികിത്സ പൂർത്തിയായി
അതിരപ്പള്ളിയിൽ മുറിവേറ്റ കാട്ടാനയ്ക്ക് പ്രാഥമിക ചികിത്സ പൂർത്തിയാക്കി. ഒന്നര മാസത്തെ തുടർചികിത്സ വേണ്ടിവരുമെന്ന് ഡോ. അരുൺ സക്കറിയ അറിയിച്ചു. കാട്ടാനകൾ തമ്മിലുള്ള ഏറ്റുമുട്ടലിൽ കഴിഞ്ഞ വർഷം 12 ആനകൾ ചരിഞ്ഞതായും അദ്ദേഹം പറഞ്ഞു.