Wild Elephants
മൂന്നാറിൽ കാട്ടാനകൾ എഎൽപി സ്കൂൾ തകർത്തു; വിദ്യാർത്ഥികളുടെ പഠനം മുടങ്ങുമോ എന്ന് ആശങ്ക
മൂന്നാർ നയമക്കാട് ഈസ്റ്റിലെ എ.എൽ.പി. സ്കൂളിന്റെ കെട്ടിടം കാട്ടാനക്കൂട്ടം തകർത്തു. ശനിയാഴ്ച പുലർച്ചെയുണ്ടായ ആക്രമണത്തിൽ സ്കൂളിന് സാരമായ നാശനഷ്ടം സംഭവിച്ചു. സ്കൂൾ കെട്ടിടം തകർത്തതിനാൽ വിദ്യാർത്ഥികളുടെ പഠനം തടസ്സപ്പെടുമോ എന്ന ഭയം രക്ഷിതാക്കൾക്കുണ്ട്.
കാട്ടാന ശല്യം: ചൂരാൽമലയിൽ നാട്ടുകാരുടെ പ്രതിഷേധം
വയനാട് ചൂരാൽമലയിൽ കാട്ടാന ശല്യം രൂക്ഷമായതിനെ തുടർന്ന് നാട്ടുകാർ മുണ്ടക്കൈ ഫോറസ്റ്റ് സ്റ്റേഷൻ ഉപരോധിച്ചു. കാട്ടാനകൾ കൃഷിയിടങ്ങളിൽ നാശനഷ്ടം വരുത്തുന്നതിൽ പ്രതിഷേധിച്ചാണ് സമരം. ജനങ്ങളുടെ പങ്കാളിത്തത്തോടെ ഒരു വൈദ്യുത വേലി നിർമ്മിക്കാമെന്ന് ഉറപ്പ് നൽകിയതിനെ തുടർന്ന് സമരം താൽക്കാലികമായി പിൻവലിച്ചു.
വയനാട്ടിൽ ജനവാസ മേഖലയിൽ ഭീതി പരത്തിയ പുലി ഒടുവിൽ കൂടുങ്ങി; തമിഴ്നാട്ടിൽ കാട്ടാനശല്യം രൂക്ഷം
വയനാട് നെൻമേനി ചീരാൽ - നമ്പ്യാർകുന്ന് പ്രദേശങ്ങളിൽ ഭീതി പരത്തിയിരുന്ന പുലി ഒടുവിൽ കൂട്ടിലായി. കല്ലൂർ ശ്മശാനത്തിന് അടുത്ത് സ്ഥാപിച്ച കൂട്ടിലാണ് പുലി കുടുങ്ങിയത്. തമിഴ്നാട് നീലഗിരി ഗൂഡല്ലൂരിൽ ജനവാസ കേന്ദ്രത്തിൽ കാട്ടാനകൾ ഇറങ്ങിയതും ഭീതിയുളവാക്കി.
വിതുര മരുതാമലയിൽ ജനവാസ മേഖലയിലേക്ക് ഇറങ്ങിയ കാട്ടാനക്കൂട്ടത്തെ കാട് കയറ്റി
വിതുര മരുതാമല മക്കിയിലെ ഐസർ കാമ്പസിന് സമീപം ജനവാസ മേഖലയിലേക്ക് ഇറങ്ങിയ കാട്ടാനക്കൂട്ടത്തെ വനം വകുപ്പ് തുരത്തി. കുട്ടിയാനകൾ ഉൾപ്പെടെ ഏഴോളം കാട്ടാനകളാണ് കഴിഞ്ഞ ദിവസം രാത്രി ജനവാസ മേഖലയിലെത്തിയത്. തുടർന്ന് പരിഭ്രാന്തരായ പ്രദേശവാസികൾ വനം വകുപ്പിനെ വിവരമറിയിച്ചു.
കാട്ടാനാക്രമണം: സർക്കാരിനെതിരെ ഹൈക്കോടതി
കാട്ടാനാക്രമണങ്ങളുടെ പശ്ചാത്തലത്തിൽ സർക്കാരിനെതിരെ ഹൈക്കോടതി രൂക്ഷവിമർശനം ഉന്നയിച്ചു. വന്യമൃഗ ആക്രമണങ്ങൾ തടയാൻ സ്വീകരിച്ച നടപടികളെക്കുറിച്ച് ചീഫ് സെക്രട്ടറി റിപ്പോർട്ട് സമർപ്പിക്കണമെന്ന് കോടതി നിർദേശിച്ചു. ജനങ്ങളുടെ പരാതികളും നിർദ്ദേശങ്ങളും അറിയുന്നതിനായി ലീഗൽ സർവീസ് അതോറിറ്റി സർവേ നടത്തണമെന്നും കോടതി നിർദേശിച്ചു.
കാട്ടാനയുടെ ആക്രമണത്തിൽ മലയാളി കർഷകൻ മരിച്ചു; പ്രതിഷേധം അണപൊട്ടി
വയനാട് - തമിഴ്നാട് അതിർത്തിയിൽ കാട്ടാനയുടെ ആക്രമണത്തിൽ മലയാളി കർഷകൻ മരിച്ചു. സംഭവത്തെ തുടർന്ന് പ്രദേശത്ത് വ്യാപക പ്രതിഷേധം ഉയർന്നു. അധികൃതർ നഷ്ടപരിഹാരവും ജോലിയും വാഗ്ദാനം ചെയ്തതോടെ സമരം അവസാനിപ്പിച്ചു.
ചിന്നക്കനാലിലെ കൊമ്പൻ മുറിവാലൻ ചരിഞ്ഞു; ചക്കക്കൊമ്പന്റെ ആക്രമണത്തിൽ പരുക്കേറ്റിരുന്നു
ചിന്നക്കനാലിലെ കൊമ്പൻ മുറിവാലൻ ചരിഞ്ഞു. ചക്കക്കൊമ്പന്റെ ആക്രമണത്തിൽ ഗുരുതരമായി പരിക്കേറ്റിരുന്നു. വനം വകുപ്പ് ഉദ്യോഗസ്ഥർ ചികിത്സ നൽകി വരുന്നതിനിടെയാണ് ആന ചരിഞ്ഞത്.