Vithura
വിതുരയിലെ പ്രതിഷേധം; ചികിത്സ വൈകിയെന്ന ആരോപണം തള്ളി രാഹുൽ മാങ്കൂട്ടത്തിൽ
വിതുരയിൽ യൂത്ത് കോൺഗ്രസ് നടത്തിയ പ്രതിഷേധ സമരത്തിൽ യുവാവിന് ചികിത്സ വൈകിയെന്ന ആരോപണം രാഹുൽ മാങ്കൂട്ടത്തിൽ എംഎൽഎ തള്ളി. യൂത്ത് കോൺഗ്രസാണ് യുവാവിനെ ആശുപത്രിയിൽ എത്തിക്കാൻ സഹായിച്ചതെന്നും അദ്ദേഹം പറഞ്ഞു. മരണത്തെപ്പോലും കോൺഗ്രസ് സമരത്തെ പൊളിക്കാനുള്ള ആയുധമാക്കുന്നുവെന്നും രാഹുൽ കുറ്റപ്പെടുത്തി.
വിതുരയിൽ ആംബുലൻസ് തടഞ്ഞ സംഭവം; കെജിഎംഒഎയുടെ പ്രതിഷേധം
വിതുരയിൽ ആംബുലൻസ് തടഞ്ഞതിനെ തുടർന്ന് രോഗി മരിച്ച സംഭവത്തിൽ കേരള ഗവണ്മെന്റ് മെഡിക്കൽ ഓഫീസേഴ്സ് അസോസിയേഷൻ (കെജിഎംഒഎ) പ്രതിഷേധം അറിയിച്ചു. സംഭവത്തിൽ വിതുര താലൂക്ക് ആശുപത്രിയിലെ ജീവനക്കാർക്ക് പൂർണ്ണ പിന്തുണ നൽകുന്നതായും അവർ അറിയിച്ചു. ഇത്തരം അതിക്രമ സംഭവങ്ങൾ ആവർത്തിച്ചാൽ ശക്തമായ പ്രതിഷേധ പരിപാടിയിലേക്ക് കടക്കുമെന്നും കെജിഎംഒഎ മുന്നറിയിപ്പ് നൽകി.
വൈദ്യുതി മുടങ്ങി: രാത്രി കെഎസ്ബി ഓഫിസ് ഉപരോധിച്ച് നാട്ടുകാർ
വിതുരയിൽ വൈദ്യുതി ബന്ധം തടസ്സപ്പെട്ടതിനെ തുടർന്ന് കെഎസ്ഇബി ഓഫീസ് ഉപരോധിച്ചു. റോഡ് നിർമ്മാണത്തിനിടെ പോസ്റ്റ് ഒടിഞ്ഞതാണ് കാരണം. ശുദ്ധജല വിതരണം തടസ്സപ്പെട്ടതോടെയാണ് നാട്ടുകാർ പ്രതിഷേധവുമായി രംഗത്തെത്തിയത്.
വിതുര മരുതാമലയിൽ ജനവാസ മേഖലയിലേക്ക് ഇറങ്ങിയ കാട്ടാനക്കൂട്ടത്തെ കാട് കയറ്റി
വിതുര മരുതാമല മക്കിയിലെ ഐസർ കാമ്പസിന് സമീപം ജനവാസ മേഖലയിലേക്ക് ഇറങ്ങിയ കാട്ടാനക്കൂട്ടത്തെ വനം വകുപ്പ് തുരത്തി. കുട്ടിയാനകൾ ഉൾപ്പെടെ ഏഴോളം കാട്ടാനകളാണ് കഴിഞ്ഞ ദിവസം രാത്രി ജനവാസ മേഖലയിലെത്തിയത്. തുടർന്ന് പരിഭ്രാന്തരായ പ്രദേശവാസികൾ വനം വകുപ്പിനെ വിവരമറിയിച്ചു.
ബോണക്കാട് വനത്തിനുള്ളിൽ കണ്ടെത്തിയ മൃതദേഹം കന്യാകുമാരി സ്വദേശിയുടേതെന്ന് സൂചന
ബോണക്കാട് വനത്തിൽ കണ്ടെത്തിയ മൃതദേഹം കന്യാകുമാരി സ്വദേശിയായ മുപ്പത്തിയേഴുകാരന്റേതെന്നാണ് സൂചന. മൃതദേഹത്തിനടുത്ത് നിന്ന് ആധാർ കാർഡും മറ്റ് വസ്തുക്കളും കണ്ടെടുത്തു. പോലീസ് അന്വേഷണം ഊർജിതമാക്കി.
ബോണക്കാട് ഉൾ വനത്തിൽ ഒരു മാസത്തിലേറെ പഴക്കമുള്ള മൃതദേഹം; കയ്യിൽ ‘ഭഗവാൻ’ എന്ന് ടാറ്റൂ, അടിമുടി ദുരൂഹത
വിതുരയിലെ ബോണക്കാട് വനമേഖലയിൽ നിന്ന് ഒന്നര മാസം പഴക്കമുള്ള മൃതദേഹം കണ്ടെത്തി. കയ്യിൽ ‘ഭഗവാൻ’ എന്ന് ടാറ്റൂ ചെയ്തിരുന്നു. ആത്മഹത്യയോ കൊലപാതകമോ ആകാമെന്ന് പോലീസ് സംശയിക്കുന്നു.
ഓട്ടോറിക്ഷയിൽ കയറ്റി കൊണ്ടു പോയി അൻപത്തിയഞ്ചുകാരിക്കു നേരെ പീഢന ശ്രമം; വിതുരയിൽ ‘കാപ്പ’ ചുമത്തപ്പെട്ടയാൾ അറസ്റ്റിൽ
വിതുരയിൽ ബസ് കാത്തുനിന്ന സ്ത്രീയെ ഓട്ടോറിക്ഷയിൽ കയറ്റിക്കൊണ്ടുപോയി പീഡിപ്പിക്കാൻ ശ്രമിച്ച കേസിൽ കാപ്പ ചുമത്തപ്പെട്ട പ്രതി അറസ്റ്റിലായി. ഓടുന്ന വാഹനത്തിൽ നിന്നും ചാടി രക്ഷപ്പെട്ട സ്ത്രീ പൊലീസിൽ പരാതി നൽകി. പ്രതിക്കെതിരെ പത്തോളം പീഡനക്കേസുകൾ നിലവിലുണ്ട്.
വിതുരയിൽ കാറും സ്കൂട്ടറും കൂട്ടിയിടിച്ച് പ്ലസ് വൺ വിദ്യാർഥി മരിച്ചു
വിതുരയിൽ നടന്ന കാർ-സ്കൂട്ടർ കൂട്ടിയിടിയിൽ പ്ലസ് വൺ വിദ്യാർത്ഥി മുഹമ്മദ് നായിഫ് (17) മരിച്ചു. സ്കൂട്ടറിൽ പിന്നിൽ യാത്ര ചെയ്തിരുന്ന സുഹൃത്ത് അൻസിഫിനെ ഗുരുതര പരുക്കുകളോടെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കാർ തെറ്റായ ദിശയിലേക്ക് കയറിയതാണ് അപകടത്തിന് കാരണമെന്ന് ദൃക്സാക്ഷികൾ പറഞ്ഞു.
വിതുരയിൽ എസ്റ്റേറ്റിനുള്ളിൽ പുലിയെ കണ്ടതായി അഭ്യുഹം
വിതുരയിലെ ഗോകുൽ എസ്റ്റേറ്റിൽ പുലിയെ കണ്ടതായി പ്രചരിക്കുന്ന വാർത്തയെത്തുടർന്ന് വനംവകുപ്പ് സ്ഥലത്തെത്തി പരിശോധന നടത്തിയെങ്കിലും തെളിവുകളൊന്നും ലഭിച്ചില്ല. തേവിയോട് ജംഗ്ഷനു സമീപം റോഡരികിലാണ് പുലിയെ കണ്ടതായി പ്രദേശവാസികൾ അവകാശപ്പെട്ടത്. ചിറ്റാർ മേഖലയിൽ തെരുവുനായ്ക്കളുടെ എണ്ണത്തിൽ കുറവുണ്ടായത് നേരത്തെ തന്നെ ആശങ്കയ്ക്ക് വഴിവച്ചിരുന്നു.
വിതുരയിൽ പതിനാറുകാരനെ ക്രൂരമായി മർദ്ദിച്ച സംഭവം; പോലീസ് അന്വേഷണം ആരംഭിച്ചു
വിതുരയിൽ പതിനാറുകാരനെ സമപ്രായക്കാർ ക്രൂരമായി മർദ്ദിച്ച സംഭവത്തിൽ പോലീസ് അന്വേഷണം ആരംഭിച്ചു. പെൺകുട്ടിയെക്കുറിച്ച് മോശമായി സംസാരിച്ചു എന്നാരോപിച്ചായിരുന്നു മർദ്ദനം. മർദ്ദന ദൃശ്യങ്ങൾ പുറത്തുവന്നതോടെയാണ് സംഭവം പുറംലോകമറിയുന്നത്.