Vadakara
വടകരയിൽ ഉറങ്ങിക്കിടന്ന 12 വയസ്സുകാരിയെ പീഡിപ്പിക്കാൻ ശ്രമിച്ച യുവാവ് അറസ്റ്റിൽ
വടകര തിരുവള്ളൂരിൽ ഉറങ്ങിക്കിടന്ന 12 വയസ്സുകാരിയെ പീഡിപ്പിക്കാൻ ശ്രമിച്ച യുവാവിനെ പോലീസ് അറസ്റ്റ് ചെയ്തു. തിരുവള്ളൂർ മേളം കണ്ടി മീത്തൽ അബ്ദുള്ളയാണ് അറസ്റ്റിലായത്. വീടിന്റെ മുകൾ നിലയിലെ വാതിലുകൾ ഇല്ലാത്ത ഭാഗത്തുകൂടി അകത്ത് കടന്നാണ് ഇയാൾ കുട്ടിയെ പീഡിപ്പിക്കാൻ ശ്രമിച്ചത്.
വടകര സി ഐക്ക് യു ഡി എഫ് പ്രവര്ത്തകരുടെ ഭീഷണി; ‘നാളുകള് എണ്ണപ്പെട്ടു’ എന്ന മുദ്രാവാക്യം
കോഴിക്കോട് വടകരയിൽ കൺട്രോൾ റൂം സി ഐ അഭിലാഷ് ഡേവിഡിന് നേരെ യു ഡി എഫ് പ്രവർത്തകരുടെ ഭീഷണി മുദ്രാവാക്യം. ഷാഫി പറമ്പിലിനെ മർദ്ദിച്ചതുമായി ബന്ധപ്പെട്ടാണ് ഭീഷണിയെന്നാണ് സൂചന. വടകരയിൽ നടത്തിയ പ്രകടനത്തിനിടെയായിരുന്നു യു ഡി എഫ് പ്രവർത്തകർ മുദ്രാവാക്യം മുഴക്കിയത്.
ഷാഫി പറമ്പിലിനെ പരസ്യമായി തടയേണ്ടതില്ലെന്ന് ഡിവൈഎഫ്ഐ
ഷാഫി പറമ്പിലിനെ പരസ്യമായി തടയേണ്ടതില്ലെന്ന് ഡിവൈഎഫ്ഐ ജില്ലാ സെക്രട്ടറി പി സി ഷൈജു അറിയിച്ചു. ഷാഫി പറമ്പിൽ എം.പി ഒരു കൂട്ടം ആളുകളെ സംഘടിപ്പിച്ച് പ്രകോപനം സൃഷ്ടിക്കാൻ ശ്രമിക്കുന്നുണ്ടെന്നും ഡിവൈഎഫ്ഐ പ്രവർത്തകർ അതിൽ വീണുപോകരുതെന്നും അദ്ദേഹം മുന്നറിയിപ്പ് നൽകി. രാഹുൽ മാങ്കൂട്ടത്തിലിനെതിരായ ലൈംഗിക ആരോപണങ്ങളുടെ പശ്ചാത്തലത്തിലാണ് ഷാഫിക്കെതിരെ പ്രതിഷേധം ഉയർന്നുവന്നത്.
വടകരയില് നടപ്പാത യാത്രക്കാരനെ ഇടിച്ചുതെറിപ്പിച്ച ശേഷം കടന്നുകളഞ്ഞ ഡ്രൈവര് പിടിയില്
വടകരയില് കാല്നടയാത്രക്കാരനെ ഇടിച്ചുതെറിപ്പിച്ച് കടന്നുകളഞ്ഞ കാർ ഡ്രൈവറെ പൊലീസ് അറസ്റ്റ് ചെയ്തു. അപകടത്തില് ഗുരുതരമായി പരിക്കേറ്റ് ചികിത്സയിലായിരുന്ന അമല് കൃഷ്ണ കഴിഞ്ഞ ദിവസം മരണപ്പെട്ടിരുന്നു. 150-ഓളം സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് കാര് കണ്ടെത്തിയത്.
വടകരയിൽ തോണി മറിഞ്ഞ് മത്സ്യത്തൊഴിലാളിയെ കാണാതായി
വടകര സാന്റ് ബാങ്ക്സിൽ തോണി മറിഞ്ഞ് മത്സ്യത്തൊഴിലാളിയായ സുബൈറിനെ കാണാതായി. ചൊവ്വാഴ്ച രാത്രിയായിരുന്നു അപകടം. സുബൈറിനായുള്ള തിരച്ചിൽ നാട്ടുകാരും ദുരന്തനിവാരണ സേനയും ചേർന്ന് ഇപ്പോഴും തുടരുകയാണ്.
വടകരയിൽ കാണാതായ പ്ലസ് വൺ വിദ്യാർത്ഥിയുടെ മൃതദേഹം പുഴയിൽ കണ്ടെത്തി
കോഴിക്കോട് വടകരയിൽ നിന്ന് കാണാതായ പ്ലസ് വൺ വിദ്യാർത്ഥിയുടെ മൃതദേഹം പുഴയിൽ കണ്ടെത്തി. മേമുണ്ട ഹയർ സെക്കണ്ടറി സ്കൂളിലെ വിദ്യാർത്ഥിയും വടകര ചാനിയം കടവ് സ്വദേശിയുമായ ആദിഷ് കൃഷ്ണ (17) യുടെ മൃതദേഹമാണ് ചാനിയം കടവ് പുഴയിൽ നിന്നും കണ്ടെത്തിയത്. 28-ാം തീയതി രാത്രിയിൽ വീട്ടിൽ നിന്ന് ഇറങ്ങിയ കുട്ടിയെ കാണാതാവുകയായിരുന്നു.
അഴിമതിക്കാരുടെ കാൽ തല്ലിയൊടിക്കുന്ന പാരമ്പര്യം വടകരയ്ക്കുണ്ട്; വിവാദ പരാമർശവുമായി ഇ. ശ്രീധരൻ
വടകര നഗരസഭയിലെ അഴിമതിക്കാരായ ഉദ്യോഗസ്ഥർക്കെതിരെ മുൻ നഗരസഭാ അധ്യക്ഷൻ ഇ. ശ്രീധരൻ വിവാദ പരാമർശം നടത്തി. അഴിമതിക്കാരുടെ കാൽ തല്ലിയൊടിച്ച പാരമ്പര്യം വടകരയ്ക്കുണ്ടെന്ന് അദ്ദേഹം പറഞ്ഞു. സാധാരണക്കാരെ പിഴിഞ്ഞ് ടാറ്റയോ ബിർളയോ ആകാൻ ശ്രമിക്കുന്ന ഉദ്യോഗസ്ഥരെയും അദ്ദേഹം വിമർശിച്ചു.
വടകരയിൽ 13 വയസ്സുകാരനെ കാണാനില്ല; മാനന്തവാടിയിൽ സിസിടിവി ദൃശ്യങ്ങൾ
കോഴിക്കോട് വടകരയിൽ 13 വയസ്സുകാരനെ കാണാനില്ല. ആയഞ്ചേരി അഷ്റഫിന്റെ മകൻ റാദിൻ ഹംദാനെയാണ് കാണാതായത്. കുട്ടിക്കായി കോഴിക്കോടും വയനാടും ഊർജിതമായ തിരച്ചിൽ നടത്തുകയാണ് പൊലീസ്.
വടകരയിൽ മൂന്ന് പേരെ കുത്തിപ്പരിക്കേൽപ്പിച്ചു; പ്രതി റിമാൻഡിൽ
വടകരയിൽ അയൽവാസികളായ മൂന്ന് പേരെ കുത്തിപ്പരിക്കേൽപ്പിച്ച കേസിൽ പ്രതി റിമാൻഡിലായി. ശശി, രമേശൻ, ചന്ദ്രൻ എന്നിവർക്കാണ് കുത്തേറ്റത്. മലച്ചാൽ പറമ്പത്ത് ഷനോജിനെയാണ് വടകര കോടതി റിമാൻഡ് ചെയ്തത്.
ബസ് തൊഴിലാളികൾക്ക് നേരെ എയർ പിസ്റ്റൾ ചൂണ്ടി; വ്ളോഗർ തൊപ്പി കസ്റ്റഡിയിൽ
വടകരയിൽ സ്വകാര്യ ബസ് തൊഴിലാളികൾക്ക് നേരെ എയർ പിസ്റ്റൾ ചൂണ്ടിയതിന് വ്ളോഗർ തൊപ്പി എന്നറിയപ്പെടുന്ന മുഹമ്മദ് നിഹാദ് പോലീസ് കസ്റ്റഡിയിൽ. കാറിന് സൈഡ് നൽകാത്തതുമായി ബന്ധപ്പെട്ട തർക്കത്തിനിടെയാണ് സംഭവം. ബസ് തൊഴിലാളികൾ തടഞ്ഞുവെച്ച് പൊലീസിൽ ഏൽപ്പിക്കുകയായിരുന്നു.
കൊല്ലത്തും വടകരയിലും വൻ മയക്കുമരുന്ന് വേട്ട
കൊല്ലത്ത് 90 ഗ്രാം എംഡിഎംഎയുമായി യുവതി പിടിയിൽ. വടകരയിൽ എട്ട് കിലോ കഞ്ചാവുമായി രണ്ട് ഇതര സംസ്ഥാന തൊഴിലാളികളും പിടിയിലായി. ആർപിഎഫ്, പോലീസ്, എക്സൈസ് സംയുക്ത പരിശോധനയിലാണ് കഞ്ചാവ് പിടികൂടിയത്.
വടകരയിൽ ബൈക്ക് മോഷണവുമായി 7 വിദ്യാർത്ഥികൾ പിടിയിൽ
വടകരയിൽ മോഷണം പോയ ബൈക്കുകളുമായി ഏഴ് സ്കൂൾ വിദ്യാർത്ഥികളെ പോലീസ് പിടികൂടി. എടച്ചേരി പോലീസ് സ്റ്റേഷൻ പരിധിയിൽ നിന്നാണ് ബൈക്കുകൾ കണ്ടെത്തിയത്. മോഷണ പരമ്പരയിൽ പൊലീസ് അന്വേഷണം ഊർജിതമാക്കി.