Tiger Attack
വാൽപ്പാറയിൽ പുലി ആക്രമണത്തിൽ കൊല്ലപ്പെട്ട എട്ടു വയസ്സുകാരന്റെ പോസ്റ്റ്മോർട്ടം ഇന്ന്
തമിഴ്നാട് വാൽപ്പാറയിൽ പുലി ആക്രമണത്തിൽ കൊല്ലപ്പെട്ട എട്ടുവയസ്സുകാരന്റെ പോസ്റ്റുമോർട്ടം ഇന്ന് നടക്കും. അസം സ്വദേശി നൂറിൻ ഇസ്ലാമിനെയാണ് പുലി ആക്രമിച്ചത്. ഏതാനും ആഴ്ചകൾക്ക് മുൻപ് വാൽപ്പാറയിൽ വെച്ച് ജാർഖണ്ഡ് ദമ്പതികളുടെ ആറുവയസുകാരിയെ പുലി ഭക്ഷിച്ചിരുന്നു.
തൃശ്ശൂർ മലക്കപ്പാറ വീരൻകുടിയിൽ വീണ്ടും പുലിയിറങ്ങി; ഭീതിയിൽ നാട്ടുകാർ
തൃശ്ശൂർ മലക്കപ്പാറ വീരൻകുടിയിൽ വീണ്ടും പുലിയിറങ്ങിയതിനെ തുടർന്ന് നാട്ടുകാർ ഭീതിയിൽ. നാല് വയസ്സുകാരനെ പുലി കടിച്ച് കാട്ടിലേക്ക് കൊണ്ടുപോയ സംഭവം ഇവിടെയുണ്ടായി. വീരൻകുടി ഉന്നതിയിലെ കുടിലുകളിൽ പുലി കയറിയതാണ് ഭീതിക്ക് കാരണം. ഈ വിഷയത്തിൽ അധികാരികൾ എത്രയും പെട്ടെന്ന് ഇടപെട്ട് തങ്ങൾക്ക് ഒരു ശാശ്വത പരിഹാരം കാണിച്ചു തരണമെന്ന് നാട്ടുകാർ ആവശ്യപ്പെടുന്നു.
മലപ്പുറം കാളികാവിൽ വീണ്ടും കടുവാഭീതി; പുല്ലങ്കോട് എസ്റ്റേറ്റിൽ പശുവിനെ ആക്രമിച്ചു
മലപ്പുറം കാളികാവിൽ വീണ്ടും കടുവ ഇറങ്ങി. പുല്ലങ്കോട് എസ്റ്റേറ്റിൽ മേയാൻ വിട്ട പശുവിനെ കടുവ ആക്രമിച്ചു. പുല്ലങ്കോട് സ്വദേശി നാസറിൻ്റെ കന്നുകാലികളെ മെയ്യ്ക്കുന്നതിനിടെയാണ് പശുവിനെ കടുവ പിടികൂടിയത്.
കാളികാവ് കടുവാ ആക്രമണം; വനംവകുപ്പിന് ഗുരുതര വീഴ്ച, DFO അയച്ച കത്ത് അവഗണിച്ചു
മലപ്പുറം കാളികാവിൽ കടുവാ ആക്രമണത്തിൽ വനംവകുപ്പിന് ഗുരുതര വീഴ്ച. കടുവയുടെ സാന്നിധ്യം ചൂണ്ടിക്കാട്ടി നിലമ്പൂർ സൗത്ത് DFO ചീഫ് വൈൽഡ് ലൈഫ് വാർഡന് കത്തയച്ചെങ്കിലും നടപടി സ്വീകരിച്ചില്ല. കത്തയച്ചിട്ടും ചീഫ് വൈൽഡ് ലൈഫ് വാർഡൻ അനുമതി നൽകിയിരുന്നില്ല. മെയ് 15നാണ് കാളികാവ് അടയ്ക്കാക്കുണ്ടില് ടാപ്പിംഗ് തൊഴിലാളിയായ ഗഫൂറിനെ കടുവ കടിച്ചുകൊന്നത്.
ഡിഎഫ്ഒയെ മാറ്റാൻ താനോ നാട്ടുകാരോ ആവശ്യപ്പെട്ടിട്ടില്ലെന്ന് എ.പി. അനിൽകുമാർ എം.എൽ.എ
കടുവ ആക്രമണത്തിന്റെ പശ്ചാത്തലത്തിൽ ഡിഎഫ്ഒയെ മാറ്റിയതിൽ പ്രതികരണവുമായി എ.പി. അനിൽകുമാർ എം.എൽ.എ. കടുവ ദൗത്യത്തിന് നേതൃത്വം നൽകുന്ന ഉദ്യോഗസ്ഥനെ മാറ്റിയത് ശരിയായില്ലെന്നും മന്ത്രി എ.കെ. ശശീന്ദ്രനാണ് ഒന്നാം പ്രതിയെന്നും അദ്ദേഹം ആരോപിച്ചു. ഉദ്യോഗസ്ഥരുടെ തലയിൽ പഴിചാരി മന്ത്രിക്ക് ഒഴിഞ്ഞുമാറാനാവില്ലെന്നും അനിൽകുമാർ കുറ്റപ്പെടുത്തി.
കാളികാവിൽ കടുവ കൊന്ന ഗഫൂറിന് കഴുത്തിൽ ആഴത്തിൽ കടിയേറ്റെന്ന് പോസ്റ്റ്മോർട്ടം റിപ്പോർട്ട്
മലപ്പുറം കാളികാവിൽ കടുവയുടെ ആക്രമണത്തിൽ കൊല്ലപ്പെട്ട ഗഫൂറിൻ്റെ പോസ്റ്റ്മോർട്ടം റിപ്പോർട്ട് പുറത്തുവന്നു. പോസ്റ്റ്മോർട്ടം റിപ്പോർട്ട് പ്രകാരം ഗഫൂറിൻ്റെ കഴുത്തിന് ആഴത്തിൽ കടിയേറ്റതാണ് മരണകാരണം. കടുവയെ പിടികൂടാനായി വനം വകുപ്പ് തിരച്ചിൽ ഊർജ്ജിതമാക്കിയിട്ടുണ്ട്.
കാളികാവിൽ നരഭോജി കടുവ; പിടികൂടാൻ വനംവകുപ്പ് കൂടുകളും ക്യാമറകളും സ്ഥാപിച്ചു
മലപ്പുറം കാളികാവിൽ നരഭോജി കടുവയെ പിടികൂടാൻ വനം വകുപ്പ് കൂടുകളും ക്യാമറകളും സ്ഥാപിച്ചു. കടുവയുടെ ആക്രമണത്തിൽ കൊല്ലപ്പെട്ട ഗഫൂറിൻ്റെ മൃതദേഹം കല്ലാമൂല ജുമാ മസ്ജിദിൽ ഖബറടക്കി. ഗഫൂറിൻ്റെ കുടുംബത്തിനുള്ള ധനസഹായത്തിലെ ആദ്യ ഗഡു ഇന്ന് കൈമാറും.
വണ്ടിപ്പെരിയാറിൽ കടുവ ഭീതി: വളർത്തുമൃഗങ്ങളെ കൊന്നു
വണ്ടിപ്പെരിയാർ ഗ്രാമ്പിയിൽ ജനവാസ മേഖലയിൽ കടുവ വീണ്ടും ഇറങ്ങി ഭീതി പരത്തി. തോട്ടം തൊഴിലാളിയായ നാരായണന്റെ വളർത്തുമൃഗങ്ങളെ കടുവ കൊന്നൊടുക്കി. വനംവകുപ്പ് സ്ഥലത്തെത്തി പരിശോധന നടത്തി വരികയാണ്.
ഊട്ടിയിൽ വന്യമൃഗ ആക്രമണം: അമ്പത്തിയഞ്ചുകാരി കൊല്ലപ്പെട്ടു
ഊട്ടിയിലെ പേരാറിൽ വന്യമൃഗത്തിന്റെ ആക്രമണത്തിൽ അമ്പത്തിയഞ്ചുകാരി കൊല്ലപ്പെട്ടു. മാനസിക വെല്ലുവിളികൾ നേരിടുന്ന അഞ്ജലൈയെ ഇന്നലെ രാത്രി മുതൽ കാണാതായിരുന്നു. ഇന്ന് രാവിലെ നടത്തിയ തെരച്ചിലിനിടെയാണ് മൃതദേഹം കണ്ടെത്തിയത്.
വയനാട്ടിൽ മൂന്ന് ദിവസം ജനകീയ പരിശോധന; ഡ്രോൺ ഉപയോഗിച്ച് നിരീക്ഷണം
വയനാട്ടിലെ ആറ് റേഞ്ചുകളിലും മൂന്ന് ദിവസം ജനകീയ പരിശോധന നടത്തുമെന്ന് വനം മന്ത്രി എ.കെ. ശശീന്ദ്രൻ. ഡ്രോണുകൾ ഉപയോഗിച്ചാകും പരിശോധന. ജനങ്ങളുടെ ഭയം പരിഹരിക്കുകയാണ് പ്രഥമ ലക്ഷ്യമെന്നും മന്ത്രി പറഞ്ഞു.
പഞ്ചാരക്കൊല്ലി സമരം: ജനങ്ങളുടെ കൂടെയാണ് സർക്കാർ എന്ന് വനം മന്ത്രി
പഞ്ചാരക്കൊല്ലിയിലെ ജനങ്ങളുടെ ആശങ്കകൾക്ക് പരിഹാരം കാണാൻ സർക്കാർ പ്രതിജ്ഞാബദ്ധമാണെന്ന് വനം മന്ത്രി എ.കെ. ശശീന്ദ്രൻ. കടുവയെ വെടിവെച്ചുകൊല്ലാനുള്ള മുഖ്യമന്ത്രിയുടെ നിർദ്ദേശപ്രകാരം വിദഗ്ധോപദേശം തേടിയെന്നും മന്ത്രി വ്യക്തമാക്കി. ജനങ്ങളുടെ കൂടെ നിൽക്കാൻ സർക്കാരും മുന്നണിയും ആഗ്രഹിക്കുന്നുവെന്നും മന്ത്രി പറഞ്ഞു.
വയനാട്ടിൽ മന്ത്രി ശശീന്ദ്രന് എതിരെ പ്രതിഷേധം; രാധയുടെ കുടുംബത്തെ സന്ദർശിച്ചു
കടുവാ ആക്രമണത്തിൽ കൊല്ലപ്പെട്ട രാധയുടെ കുടുംബത്തെ വനംമന്ത്രി എ.കെ. ശശീന്ദ്രൻ സന്ദർശിച്ചു. മന്ത്രിയുടെ സന്ദർശനത്തിനിടെ വഴിയിൽ പ്രതിഷേധവുമായി നാട്ടുകാർ തടിച്ചുകൂടി. രാധയുടെ മകന് താൽക്കാലിക നിയമന ഉത്തരവ് കൈമാറി.