Thiruvananthapuram
കൊച്ചിയിൽ അഞ്ച് കിലോ കഞ്ചാവ് പിടിച്ചെടുത്തു; തിരുവനന്തപുരത്ത് കഞ്ചാവ് കൃഷി ചെയ്ത കേന്ദ്രസർക്കാർ ജീവനക്കാരൻ അറസ്റ്റിൽ
കൊച്ചിയിൽ അഞ്ച് കിലോ കഞ്ചാവുമായി ഒഡീഷ സ്വദേശിയും മലയാളിയും പിടിയിൽ. തിരുവനന്തപുരത്ത് വീട്ടിൽ കഞ്ചാവ് കൃഷിചെയ്ത കേന്ദ്രസർക്കാർ ജീവനക്കാരനും അറസ്റ്റിൽ. എക്സൈസ് ലഹരി വിരുദ്ധ സ്ക്വാഡിനാണ് ഇരുവരെയും പിടികൂടിയത്.
ഹെഡ്ഗേവാർ റോഡ്: കോൺഗ്രസ്-ലീഗ് പിന്തുണയെന്ന് എം.എസ്. കുമാർ
തിരുവനന്തപുരം നഗരസഭാ പരിധിയിലെ റോഡിന് ഹെഡ്ഗേവാർ റോഡ് എന്ന് പേരിട്ടതിന് കോൺഗ്രസും മുസ്ലിം ലീഗും പിന്തുണ നൽകിയിരുന്നെന്ന് ബിജെപി നേതാവ് എം.എസ്. കുമാർ. 1992-93 കാലഘട്ടത്തിൽ ഇടതുമുന്നണിയുടെ എതിർപ്പ് അവഗണിച്ചാണ് ഈ പ്രമേയം പാസാക്കിയതെന്നും അദ്ദേഹം കൂട്ടിച്ചേർത്തു. നഗരസഭാ രേഖകളിൽ ഇപ്പോഴും റോഡിന് ഹെഡ്ഗേവാർ റോഡ് എന്നാണ് പേര്.
കഞ്ചാവ് കൃഷി: എ.ജി. ഓഫീസ് ഉദ്യോഗസ്ഥൻ അറസ്റ്റിൽ
തിരുവനന്തപുരം കമലേശ്വരത്ത് വീട്ടിൽ കഞ്ചാവ് കൃഷി ചെയ്തതിന് അക്കൗണ്ട്സ് ജനറൽ ഓഫീസിലെ ഉദ്യോഗസ്ഥൻ അറസ്റ്റിലായി. ജതിൻ എന്ന ഉദ്യോഗസ്ഥനാണ് എക്സൈസ് സ്പെഷ്യൽ സ്ക്വാഡിന്റെ പിടിയിലായത്. നാല് മാസത്തോളം വളർച്ചയെത്തിയ അഞ്ച് കഞ്ചാവ് ചെടികളാണ് വീട്ടിൽ നിന്ന് കണ്ടെടുത്തത്.
കേരള ക്ഷേത്ര സംരക്ഷണ സമിതിയുടെ സംസ്ഥാന സമ്മേളത്തിൻ്റെ മുന്നോടിയായുള്ള സാംസ്കാരിക സമ്മേളനം സംഘടിപ്പിച്ചു
കേരള ക്ഷേത്ര സംരക്ഷണ സമിതിയുടെ സംസ്ഥാന സമ്മേളനത്തിന് മുന്നോടിയായി സാംസ്കാരിക സമ്മേളനം സംഘടിപ്പിച്ചു. മുൻ ഡിജിപി ടി.പി.സെൻകുമാർ സമ്മേളനം ഉദ്ഘാടനം ചെയ്തു. മെയ് ആദ്യവാരമാണ് സംസ്ഥാന സമ്മേളനം.
അവധി ചോദിച്ചതിന് ജീവനക്കാരനെ കുത്തി; ഹോട്ടലുടമ അറസ്റ്റിൽ
വർക്കലയിൽ അവധി ചോദിച്ചതിന് ജീവനക്കാരനെ ഹോട്ടലുടമ കുത്തിപ്പരിക്കേൽപ്പിച്ചു. വക്കം സ്വദേശി ഷാജിയാണ് പരിക്കേറ്റത്. ഹോട്ടലുടമ ജസീറിനെ പോലീസ് കസ്റ്റഡിയിലെടുത്തു.
പൊലീസുകാരെ ഹെൽമെറ്റ് കൊണ്ട് തലയ്ക്കടിച്ച യുവാവ് അറസ്റ്റിൽ
കഴക്കൂട്ടം തൃപ്പാദപുരത്ത് പൊലീസുകാരെ ഹെൽമെറ്റ് കൊണ്ട് അടിച്ച യുവാവിനെ അറസ്റ്റ് ചെയ്തു. കുളത്തൂർ സ്വദേശി റയാൻ ബ്രൂണോ (19) ആണ് പിടിയിലായത്. പൊതുസ്ഥലത്ത് പുകവലിച്ചതിന് പൊലീസ് ഇടപെട്ടതിനെ തുടർന്നാണ് സംഭവം.
മദ്യലഹരിയിൽ മുത്തച്ഛന്റെ ക്രൂരമർദ്ദനം; 13കാരൻ ആശുപത്രിയിൽ
തിരുവനന്തപുരം വെള്ളല്ലൂരിൽ മദ്യലഹരിയിലായിരുന്ന മുത്തച്ഛൻ 13 വയസ്സുകാരനായ കൊച്ചുമകനെ ക്രൂരമായി മർദ്ദിച്ചു. തേക്ക് മരത്തിൽ കെട്ടിയിട്ട് കേബിൾ കൊണ്ട് അടിച്ചെന്നാണ് പരാതി. കുട്ടി നിലവിൽ തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്.
ആശാ വർക്കർമാരുടെ സമരം 65-ാം ദിവസത്തിലേക്ക്; സമരം വ്യാപിപ്പിക്കാൻ തീരുമാനം
ആശാ വർക്കർമാരുടെ സമരം 65-ാം ദിവസത്തിലേക്ക് കടന്നു. സെക്രട്ടേറിയറ്റിന് മുന്നിലെ സമരം വ്യാപിപ്പിക്കാനാണ് സമരസമിതിയുടെ തീരുമാനം. മന്ത്രി വി. ശിവൻകുട്ടിയുമായി നടത്തിയ ചർച്ചയിൽ തൃപ്തികരമായ ഒരു പരിഹാരം ഉണ്ടാകാത്തതാണ് സമരം നീട്ടാൻ കാരണം.
മുതലപ്പൊഴിയിൽ മത്സ്യത്തൊഴിലാളി സമരം ശക്തമാകുന്നു
മുതലപ്പൊഴി ഹാർബറിൽ അടിഞ്ഞുകൂടിയ മണ്ണ് നീക്കം ചെയ്യണമെന്നാവശ്യപ്പെട്ട് മത്സ്യത്തൊഴിലാളികളുടെ സമരം ശക്തമാകുന്നു. സിഐടിയു ഉൾപ്പെടെയുള്ള സംഘടനകളുടെ നേതൃത്വത്തിൽ ഇന്ന് ഹാർബർ എൻജിനീയറിങ് ഓഫീസ് ഉപരോധിക്കും. ഫിഷറീസ് മന്ത്രിക്ക് കത്തയയ്ക്കാനും സമരസമിതി തീരുമാനിച്ചു.
ന്യൂസ്18 കേരളം കേസരി ക്രിക്കറ്റ് ടൂർണമെന്റിൽ വിജയികൾ
കേസരി – എസ് എൽ ശ്യാം ക്രിക്കറ്റ് ടൂർണമെൻ്റിൻ്റെ രണ്ടാം സീസണിൽ ന്യൂസ്18 കേരളം ചാമ്പ്യന്മാരായി. ഫൈനലിൽ മാതൃഭൂമി ന്യൂസിനെ ആറ് വിക്കറ്റിന് പരാജയപ്പെടുത്തിയാണ് ന്യൂസ്18 കേരളം കിരീടം ചൂടിയത്. തിരുവനന്തപുരം സെൻട്രൽ സ്റ്റേഡിയത്തിൽ അഞ്ച് ദിവസങ്ങളിലായി നടന്ന ടൂർണമെൻ്റിൽ വിവിധ മാധ്യമ സ്ഥാപനങ്ങൾ പങ്കെടുത്തു.
അന്താരാഷ്ട്ര സർഫിംഗ് മത്സരം: കിഷോർ, ഷുഗർ, ഹരീഷ് വിജയികൾ
തിരുവനന്തപുരത്ത് നടന്ന അന്താരാഷ്ട്ര സർഫിംഗ് മത്സരങ്ങൾ സമാപിച്ചു. മെൻസ് ഓപ്പണിൽ കിഷോർ കുമാറും വിമൻസ് ഓപ്പണിൽ ഷുഗർ ശാന്തി ബനാർസെയും ഗ്രോംസ് 16 ആന്ഡ് അണ്ടര് ബോയ്സ് വിഭാഗത്തിൽ ഹരീഷും വിജയികളായി. ചലച്ചിത്ര താരം സുദേവ് സമ്മാനദാനം നിർവഹിച്ചു.
447 പുതിയ പോലീസ് കോൺസ്റ്റബിളുകൾ സേനയിൽ ചേർന്നു
447 പുതിയ പോലീസ് കോൺസ്റ്റബിളുകൾ കേരള പോലീസിൽ ചേർന്നു. തിരുവനന്തപുരത്ത് നടന്ന പാസിംഗ് ഔട്ട് പരേഡിൽ സംസ്ഥാന പോലീസ് മേധാവി സല്യൂട്ട് സ്വീകരിച്ചു. വിവിധ വിഷയങ്ങളിൽ പരിശീലനം നേടിയാണ് ഇവർ സേനയിൽ ചേരുന്നത്.