Thiruvananthapuram
തിരുവനന്തപുരത്ത് വയോധികയെ ആക്രമിച്ചു റോഡിൽ ഉപേക്ഷിച്ചു; പോലീസ് അന്വേഷണം ഊർജ്ജിതമാക്കി
തിരുവനന്തപുരത്ത് ആറ്റിങ്ങൽ - വെഞ്ഞാറമ്മൂട് റോഡിൽ വയോധികയെ ആക്രമിച്ച ശേഷം റോഡിൽ ഉപേക്ഷിച്ചു. പരുക്കേറ്റ വയോധികയെ വലിയ കുന്നുമ്മൽ ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് സിസിടിവി കേന്ദ്രീകരിച്ച് അന്വേഷണം ആരംഭിച്ചു.
രാഷ്ട്രപതിയുടെ സന്ദർശനം: തിരുവനന്തപുരത്ത് ഗതാഗത നിയന്ത്രണം
രാഷ്ട്രപതി ദ്രൗപതി മുർമുവിന്റെ സന്ദർശനത്തോടനുബന്ധിച്ച് തിരുവനന്തപുരം നഗരത്തിൽ ഗതാഗത നിയന്ത്രണം ഏർപ്പെടുത്തി. ഡിസംബർ 3 ഉച്ചയ്ക്ക് 2 മുതൽ രാത്രി 9 വരെയും ഡിസംബർ 4 രാവിലെ 6 മുതൽ 11 വരെയുമാണ് നിയന്ത്രണങ്ങൾ. സുരക്ഷാ ക്രമീകരണങ്ങളുടെ ഭാഗമായി പ്രധാന റോഡുകളിലും ഇടറോഡുകളിലും പാർക്കിംഗ് അനുവദിക്കില്ല.
തിരുവനന്തപുരം നഗരസഭയിൽ എൽഡിഎഫ് പ്രകടനപത്രിക പുറത്തിറക്കി
തിരുവനന്തപുരം നഗരസഭയിലെ എൽഡിഎഫ് പ്രകടനപത്രിക പുറത്തിറക്കി. "തലസ്ഥാന നഗരം സന്തോഷ നഗരം" എന്നതാണ് പ്രധാന മുദ്രാവാക്യം. വിഷൻ 2050 ലക്ഷ്യമിട്ടുള്ള പ്രകടനപത്രികയിൽ ജീനോം സിറ്റി സ്ഥാപിക്കുമെന്നും, വയോജന സൗഹൃദ നഗരമാക്കുമെന്നും പറയുന്നു.
ബ്രഹ്മോസ് മിസൈൽ യൂണിറ്റിന് തിരുവനന്തപുരത്ത് സ്ഥലം; സുപ്രീം കോടതിയുടെ അനുമതി
ബ്രഹ്മോസ് മിസൈൽ നിർമ്മാണ യൂണിറ്റിന് തിരുവനന്തപുരത്ത് സ്ഥലം ലഭിക്കും. ഇതിനായി നെട്ടുകാൽത്തേരി തുറന്ന ജയിലിന്റെ ഭൂമി കേന്ദ്ര സ്ഥാപനങ്ങൾക്ക് നൽകാൻ സംസ്ഥാനം സമർപ്പിച്ച അപേക്ഷ സുപ്രീംകോടതി അംഗീകരിച്ചു. 457 ഏക്കറിൽ 257 ഏക്കർ ഭൂമിയാണ് മൂന്ന് കേന്ദ്ര സർക്കാർ സ്ഥാപനങ്ങൾക്ക് നൽകുന്നത്.
തിരുവനന്തപുരത്ത് എൽഡിഎഫ് സ്ഥാനാർത്ഥിക്ക് ലഹരിസംഘത്തിൻ്റെ ആക്രമണം; നിരവധി പേർക്ക് പരിക്ക്
തിരുവനന്തപുരത്ത് കഠിനംകുളത്ത് എൽഡിഎഫ് സ്ഥാനാർത്ഥി എയ്ഞ്ചലിനും ബന്ധുക്കൾക്കും ലഹരിസംഘത്തിൻ്റെ ആക്രമണത്തിൽ പരിക്കേറ്റു. പത്തിലധികം പേരെ പ്രതിയാക്കി കഠിനംകുളം പൊലീസ് കേസ് രജിസ്റ്റർ ചെയ്തു. തിരഞ്ഞെടുപ്പ് പ്രചാരണത്തിന് ശേഷം വീട്ടിൽ തിരിച്ചെത്തിയപ്പോഴായിരുന്നു ആക്രമണം.
രാഹുൽ മാങ്കൂട്ടത്തിൽ കൂടുതൽ തെളിവുകൾ കോടതിയിൽ സമർപ്പിച്ചു
രാഹുൽ മാങ്കൂട്ടത്തിൽ യുവതിക്കെതിരായ കേസിൽ കൂടുതൽ തെളിവുകൾ തിരുവനന്തപുരം ജില്ലാ കോടതിയിൽ സമർപ്പിച്ചു. ഗർഭഛിദ്രം സ്വന്തം ഇഷ്ടപ്രകാരമാണ് നടത്തിയതെന്ന രേഖകളും ഇതിൽ ഉൾപ്പെടുന്നു. ഒളിവിൽ കഴിഞ്ഞിരുന്ന രാഹുൽ മുൻകൂർ ജാമ്യ ഹർജിക്കായി തലസ്ഥാനത്ത് എത്തി.
മെഡിക്കൽ കോളേജ് ഡയാലിസിസ് വിഭാഗത്തിൽ വിദ്യാർത്ഥികൾക്ക് നേരെ അതിക്രമം; സുരക്ഷ വർദ്ധിപ്പിക്കാൻ പ്രിൻസിപ്പൽ
തിരുവനന്തപുരം മെഡിക്കൽ കോളേജിലെ ഡയാലിസിസ് വിഭാഗത്തിൽ വിദ്യാർത്ഥികൾക്ക് നേരെ അതിക്രമം. നൈറ്റ് ഡ്യൂട്ടിക്കിടെ വിദ്യാർത്ഥികൾക്ക് അപരിചിതന്റെ ആക്രമണം നേരിടേണ്ടിവന്നു. മെഡിക്കൽ കോളേജ് പ്രിൻസിപ്പൽ സുരക്ഷ വർദ്ധിപ്പിക്കാൻ നിർദ്ദേശം നൽകി.
ആര്യൻകോട് കാപ്പാ കേസ് പ്രതിക്ക് നേരെ വെടിവെപ്പ്; എസ്എച്ച്ഒയ്ക്ക് നേരെ ആക്രമണ ശ്രമം
തിരുവനന്തപുരം ആര്യൻകോട് കാപ്പാ കേസ് പ്രതിക്ക് നേരെ എസ് എച്ച് ഒ വെടിയുതിർത്തു. എസ്എച്ച്ഒയെ ആക്രമിക്കാൻ ശ്രമിച്ചപ്പോഴായിരുന്നു വെടിയുതിർത്തത്. നിരവധി കേസിൽ പ്രതിയായ കൈരി കിരണിന് നേരെയാണ് വെടി വെച്ചത്. പ്രതിക്ക് വെടിയേറ്റില്ലെന്ന് പൊലീസ് അറിയിച്ചു.
കുപ്രസിദ്ധ മോഷ്ടാവ് ബണ്ടി ചോർ തിരുവനന്തപുരത്ത് കരുതൽ തടങ്കലിൽ
കുപ്രസിദ്ധ മോഷ്ടാവ് ബണ്ടി ചോറിനെ തിരുവനന്തപുരത്ത് റെയിൽവേ പൊലീസ് കരുതൽ തടങ്കലിൽ വെച്ചിരിക്കുകയാണ്. തമ്പാനൂർ റെയിൽവേ സ്റ്റേഷനിൽ വെച്ച് കണ്ടെത്തിയതിനെ തുടർന്നാണ് ഇയാളെ കസ്റ്റഡിയിലെടുത്തത്. റെയിൽവേ എസ്.പി. ഷഹൻഷായുടെ നേതൃത്വത്തിൽ ഇയാളെ ചോദ്യം ചെയ്തുവരികയാണ്.
തിരുവനന്തപുരം വെള്ളറടയിൽ എട്ടാം ക്ലാസുകാരനെ തൂങ്ങി മരിച്ച നിലയിൽ കണ്ടെത്തി
തിരുവനന്തപുരം വെള്ളറടയിൽ എട്ടാം ക്ലാസ് വിദ്യാർത്ഥിയെ തൂങ്ങി മരിച്ച നിലയിൽ കണ്ടെത്തി. ഗിരീഷ്, ബിന്ദു ദമ്പതികളുടെ മകൻ അനന്തു (13) ആണ് മരിച്ചത്. സംഭവത്തിൽ വെള്ളറട പോലീസ് കേസ് രജിസ്റ്റർ ചെയ്തു.
എസ്ഐആർ നടപടികൾക്ക് കുട്ടികളെ ബുദ്ധിമുട്ടിക്കില്ലെന്ന് കളക്ടർ
എസ്ഐആർ നടപടികൾക്കായി കുട്ടികളെ ബുദ്ധിമുട്ടിക്കില്ലെന്നും ഡിജിറ്റലൈസേഷനാണ് വിദ്യാർത്ഥികളെ ഉപയോഗിക്കുകയെന്നും തിരുവനന്തപുരം ജില്ലാ കളക്ടർ അനുകുമാരി അറിയിച്ചു. കോളേജ് വിദ്യാർത്ഥികളെ പ്രധാനമായി ഉപയോഗിക്കുമെന്നും കുട്ടികൾക്ക് വീടുകളിൽ കയറേണ്ട ആവശ്യമില്ലെന്നും കളക്ടർ വ്യക്തമാക്കി. വിദ്യാഭ്യാസമന്ത്രിയെ ഈ കാര്യങ്ങൾ ബോധ്യപ്പെടുത്തിയിട്ടുണ്ട് എന്നും അവർ ട്വന്റിഫോറിനോട് പറഞ്ഞു.
തിരുവനന്തപുരം കൊലപാതകം: പ്രതികളുമായി തൈക്കാട് മോഡൽ സ്കൂളിൽ തെളിവെടുപ്പ്
തിരുവനന്തപുരം നഗരമധ്യത്തിൽ 18 വയസ്സുകാരൻ കൊല്ലപ്പെട്ട സംഭവത്തിൽ പ്രതികളുമായി പൊലീസ് തെളിവെടുപ്പ് നടത്തി. മുഖ്യപ്രതി അജിനെയും മൂന്നാം പ്രതി കിരണിനെയും തൈക്കാട്ടെ കൊലപാതകം നടന്ന സ്ഥലത്ത് എത്തിച്ചായിരുന്നു തെളിവെടുപ്പ്. ഈ കേസിൽ ഇതിനോടകം ഏഴ് പ്രതികൾ പിടിയിലായിട്ടുണ്ട്.