Shajan Scaria
ഷാജൻ സ്കറിയക്കെതിരെ സ്ത്രീത്വത്തെ അപമാനിച്ചതിന് കേസ്
യൂട്യൂബർ ഷാജൻ സ്കറിയക്കെതിരെ പാലാരിവട്ടം പൊലീസ് സ്ത്രീത്വത്തെ അപമാനിച്ചതിന് കേസ് രജിസ്റ്റർ ചെയ്തു. വിദേശത്ത് ജോലി ചെയ്യുന്ന ഒരു മലയാളി യുവതി നൽകിയ പരാതിയുടെ അടിസ്ഥാനത്തിലാണ് കേസ്. കേസിൽ ജാമ്യമില്ലാ വകുപ്പുകളും ഐടി ആക്ടും ഉൾപ്പെടുത്തിയിട്ടുണ്ട്.
ഷാജൻ സ്കറിയയുടെ രാജ്യദ്രോഹ കേസ്; കോടതി മേൽനോട്ടത്തിൽ അന്വേഷണം
യൂട്യൂബ് ചാനൽ ഉടമ ഷാജൻ സ്കറിയക്കെതിരായ രാജ്യദ്രോഹക്കുറ്റം കോടതി മേൽനോട്ടത്തിൽ അന്വേഷിക്കും. കുറ്റപത്രം സമർപ്പിക്കുന്നതിൽ പൊലീസിന് വീഴ്ച സംഭവിച്ചതിനെ തുടർന്നാണ് കോടതിയുടെ ഈ നടപടി. ഓരോ 30 ദിവസം കൂടുമ്പോഴും അന്വേഷണ പുരോഗതി കോടതിയിൽ റിപ്പോർട്ടായി സമർപ്പിക്കണം.
ഷാജൻ സ്കറിയയ്ക്ക് ജാമ്യം
അപകീർത്തികരമായ വാർത്ത നൽകിയെന്ന പരാതിയിൽ അറസ്റ്റിലായ മറുനാടൻ മലയാളി യൂട്യൂബ് ചാനൽ ഉടമ ഷാജൻ സ്കറിയയ്ക്ക് ജാമ്യം. മാഹി സ്വദേശിനിയായ യുവതിയുടെ പരാതിയിലായിരുന്നു അറസ്റ്റ്. കർശന ഉപാധികളോടെയാണ് ജാമ്യം അനുവദിച്ചത്.
ശ്രീനിജൻ എംഎൽഎക്കെതിരായ ജാതി അധിക്ഷേപ കേസിൽ ഷാജൻ സ്കറിയ അറസ്റ്റിൽ
ശ്രീനിജൻ എംഎൽഎക്കെതിരായ ജാതി അധിക്ഷേപ കേസിൽ മറുനാടൻ മലയാളി എഡിറ്റർ ഷാജൻ സ്കറിയ അറസ്റ്റിലായി. അറസ്റ്റ് രേഖപ്പെടുത്തി വിട്ടയച്ചു. ഷാജൻ സ്കറിയ, സി.ഇ.ഒ ആൻ മേരി ജോർജ്, ചീഫ് എഡിറ്റർ ജെ.റിജു എന്നിവരെ പ്രതികളാക്കിയാണ് കേസ് രജിസ്റ്റർ ചെയ്തിരിക്കുന്നത്.