SDPI
താമരശ്ശേരി ഫ്രഷ് കട്ട് കേസ്: എസ്ഡിപിഐ പ്രാദേശിക നേതാവ് അറസ്റ്റിൽ
താമരശ്ശേരി ഫ്രഷ് കട്ട് സംഘർഷവുമായി ബന്ധപ്പെട്ട് എസ്ഡിപിഐ പ്രാദേശിക നേതാവിനെ പോലീസ് അറസ്റ്റ് ചെയ്തു. കൂടത്തായി സ്വദേശി അമ്പാടൻ അൻസാറാണ് പിടിയിലായത്. ഇതോടെ അറസ്റ്റിലായവരുടെ എണ്ണം 13 ആയി ഉയർന്നു.
അമ്പായത്തോട് ഫ്രഷ് കട്ട്: കലാപം നടത്തിയവരെ നിയമത്തിനു മുന്നിൽ കൊണ്ടുവരണം; സി.പി.ഐ.എം
കോഴിക്കോട് അമ്പായത്തോട്ടിലെ ഫ്രഷ് കട്ട് അറവുമാലിന്യ സംസ്കരണത്തിനെതിരായ ജനകീയ പ്രതിഷേധത്തിൽ നുഴഞ്ഞുകയറി കലാപം നടത്തിയവരെ നിയമത്തിനു മുന്നിൽ കൊണ്ടുവരണമെന്ന് സി.പി.ഐ.എം ജില്ലാ സെക്രട്ടറിയേറ്റ് ആവശ്യപ്പെട്ടു. ഹൈക്കോടതി ഉത്തരവിന്റെ പിൻബലത്തിൽ പ്രവർത്തിക്കുന്ന ഫ്രഷ്കട്ട് അറവ് മാലിന്യ പ്ലാന്റിനെതിരെ ജനങ്ങൾ നടത്തിവരുന്ന സമരങ്ങളെല്ലാം സമാധാനപരമായിരുന്നു. ചൊവ്വാഴ്ച നടന്ന സമരത്തിൽ, എസ്ഡിപിഐ അക്രമികൾ നുഴഞ്ഞുകയറി കലാപം അഴിച്ചുവിടുകയായിരുന്നുവെന്ന് സി.പി.ഐ.എം ജില്ലാ സെക്രട്ടറിയേറ്റ് പ്രസ്താവനയിൽ പറയുന്നു.
പാലക്കാട് തേങ്കുറിശ്ശിയിൽ മാല മോഷണക്കേസിൽ എസ്ഡിപിഐ പ്രവർത്തകൻ പിടിയിൽ
പാലക്കാട് തേങ്കുറിശ്ശിയിൽ പാൽവിൽപനക്കാരിയായ വയോധികയുടെ മാല കവർന്ന കേസിൽ എസ്ഡിപിഐ പ്രവർത്തകൻ അറസ്റ്റിലായി. കൊടുവായൂർ സ്വദേശി ഷാജഹാൻ ആണ് പിടിയിലായത്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്.
പള്ളുരുത്തി ഹിജാബ് വിവാദം: പിന്നിൽ SDPI എന്ന് ഷോൺ ജോർജ്
പള്ളുരുത്തിയിലെ ഹിജാബ് വിവാദത്തിന് പിന്നിൽ എസ്ഡിപിഐ ആണെന്ന് ബിജെപി സംസ്ഥാന വൈസ് പ്രസിഡന്റ് ഷോൺ ജോർജ് ആരോപിച്ചു. രക്ഷിതാവിനൊപ്പം എസ്ഡിപിഐ നേതാക്കൾ സ്കൂളിലെത്തി ഭീഷണിപ്പെടുത്തി. വിഷയത്തിൽ വിദ്യാഭ്യാസ മന്ത്രി സമവായത്തിന് ആഹ്വാനം ചെയ്തു.
എസ്ഡിപിഐ പ്രവർത്തകന്റെ രക്തസാക്ഷി ദിനത്തിൽ കേക്ക് മുറിച്ച് ആഘോഷം; ആർഎസ്എസ് പ്രവർത്തകർക്കെതിരെ കേസ്
കണ്ണൂരിൽ എസ്ഡിപിഐ പ്രവർത്തകന്റെ രക്തസാക്ഷി ദിനത്തിൽ കേക്ക് മുറിച്ച് ആഘോഷിച്ച ആർഎസ്എസ് പ്രവർത്തകർക്കെതിരെ കേസ്. കണ്ണവം കണ്ണൂരിലാണ് സംഭവം നടന്നത്. ഇതിന്റെ ദൃശ്യങ്ങൾ സാമൂഹ്യ മാധ്യമങ്ങളിൽ പ്രചരിപ്പിച്ചതിനെ തുടർന്നാണ് കേസ് രജിസ്റ്റർ ചെയ്തത്.
പോപ്പുലർ ഫ്രണ്ട് പ്രവര്ത്തകര് എസ്ഡിപിഐയിലേക്ക് കുടിയേറിയെന്ന് ഡിജിപി
പോപ്പുലർ ഫ്രണ്ട് പ്രവർത്തകർ എസ്ഡിപിഐയിലേക്ക് മാറിയെന്ന് സംസ്ഥാന പൊലീസ് മേധാവി റവാഡ ചന്ദ്രശേഖർ. നിരോധനത്തിന് ശേഷം പോപ്പുലർ ഫ്രണ്ട് പ്രവർത്തനം എസ്ഡിപിഐയിലേക്ക് മാറിയെന്ന് ഡിജിപി പറഞ്ഞു. ലഹരി മാഫിയക്കെതിരെ ശക്തമായ നടപടിയെടുക്കുമെന്നും ഡിജിപി അറിയിച്ചു.
എസ്ഡിപിഐയെ വളർത്താൻ പോപ്പുലർ ഫ്രണ്ട് പദ്ധതിയിട്ടു; നിർണ്ണായക കണ്ടെത്തലുമായി എൻഐഎ
എസ്ഡിപിഐയെ ഒരു നിർണായക രാഷ്ട്രീയ ശക്തിയായി വളർത്താൻ പോപ്പുലർ ഫ്രണ്ട് പദ്ധതിയിട്ടിരുന്നതായി എൻഐഎ കോടതിയിൽ. മുസ്ലിം സമുദായത്തെ പൂർണ്ണമായി നിയന്ത്രിക്കാൻ ശേഷിയുള്ള ഒരു ശക്തിയായി എസ്ഡിപിഐയെ മാറ്റിയെടുക്കാനും ലക്ഷ്യമിട്ടു. 2047 ഓടെ ഇസ്ലാമിക ഭരണം സ്ഥാപിക്കുക എന്ന ലക്ഷ്യത്തോടെയായിരുന്നു പോപ്പുലർ ഫ്രണ്ടിൻ്റെ പ്രവർത്തനങ്ങൾ.
കണ്ണൂർ കായലോട് ആത്മഹത്യ: പ്രതികൾ വിദേശത്തേക്ക് കടന്നു; ലുക്ക് ഔട്ട് നോട്ടീസ്
കണ്ണൂർ കായലോട് യുവതി ആത്മഹത്യ ചെയ്ത സംഭവത്തിൽ പ്രതികളായ രണ്ട് എസ്ഡിപിഐ പ്രവർത്തകർ വിദേശത്തേക്ക് കടന്നു. ആൺസുഹൃത്തിനെ മർദിച്ച കേസിലെ പ്രതികളായ സുനീർ, സക്കറിയ എന്നിവരാണ് വിദേശത്തേക്ക് മുങ്ങിയത്. പ്രതികൾക്കായി പൊലീസ് ലുക്ക് ഔട്ട് നോട്ടീസ് പുറത്തിറക്കി.
കായലോട് സംഭവം: എസ്ഡിപിഐയുടെ വികൃതമുഖമെന്ന് കെ.കെ. രാഗേഷ്
കായലോട് സംഭവം എസ്ഡിപിഐയുടെ വികൃതമുഖം തുറന്നുകാട്ടുന്നതാണെന്ന് സി.പി.ഐ.എം കണ്ണൂർ ജില്ലാ സെക്രട്ടറി കെ.കെ. രാഗേഷ് പറഞ്ഞു. എസ്ഡിപിഐയുടെ മതരാഷ്ട്രവാദമാണ് ഇത്തരം സംഭവങ്ങൾക്ക് പിന്നിൽ. കോൺഗ്രസ് തങ്ങളുടെ നിലപാട് വ്യക്തമാക്കണമെന്നും രാഗേഷ് ആവശ്യപ്പെട്ടു.
സഞ്ജിത്ത് വധക്കേസിൽ സാക്ഷിയെ സ്വാധീനിക്കാൻ ശ്രമിച്ച എസ്ഡിപിഐ പ്രവർത്തകർ അറസ്റ്റിൽ
പാലക്കാട് സഞ്ജിത്ത് വധക്കേസിൽ സാക്ഷിയെ സ്വാധീനിക്കാൻ ശ്രമിച്ച രണ്ട് എസ്ഡിപിഐ പ്രവർത്തകരെ പോലീസ് അറസ്റ്റ് ചെയ്തു. കാവിൽപ്പാട് സ്വദേശി മുഹമ്മദ് ഇല്ലിയാസ്, ചടനാംകുറിശ്ശി സ്വദേശി ഇസ്മായിൽ എന്നിവരാണ് അറസ്റ്റിലായത്. 2021 നവംബർ 15ന് ഭാര്യയോടൊപ്പം സഞ്ചരിക്കുകയായിരുന്ന സഞ്ജിത്തിനെ വെട്ടിപ്പരിക്കേൽപ്പിച്ച കേസിൽ രാഷ്ട്രീയ വിരോധമാണ് കൊലപാതകത്തിന് കാരണമെന്ന് പോലീസ് കണ്ടെത്തിയിരുന്നു.
വഖഫ് ഭേദഗതി പ്രതിഷേധം: മുർഷിദാബാദിൽ കലാപം ആസൂത്രിതമെന്ന് പോലീസ്
വഖഫ് ഭേദഗതി നിയമവുമായി ബന്ധപ്പെട്ട് മുർഷിദാബാദിൽ നടന്ന കലാപം ആസൂത്രിതമായിരുന്നുവെന്ന് പോലീസ്. എസ്ഡിപിഐയുടെ പങ്ക് നിർണായകമെന്നും കണ്ടെത്തൽ. കലാപത്തിൽ മൂന്ന് പേർ കൊല്ലപ്പെടുകയും 160ഓളം പേർ അറസ്റ്റിലാവുകയും ചെയ്തു.
എസ്ഡിപിഐ പ്രവർത്തകരുടെ വീടുകളിൽ എൻഐഎ റെയ്ഡ്; നാല് പേർ കസ്റ്റഡിയിൽ
മഞ്ചേരിയിൽ എസ്ഡിപിഐ പ്രവർത്തകരുടെ വീടുകളിൽ എൻഐഎ റെയ്ഡ് നടത്തി. നാല് പേരെ കസ്റ്റഡിയിലെടുത്തു. ഏത് കേസുമായി ബന്ധപ്പെട്ടാണ് റെയ്ഡ് എന്ന് വ്യക്തമല്ല.