Robbery
തൃശ്ശൂരിൽ ടാറ്റാ മോട്ടോർസ് ഷോറൂമിൽ കവർച്ചാ ശ്രമം; ജീവനക്കാർ ബന്ധിക്കപ്പെട്ടു
തൃശ്ശൂർ പുഴക്കലിലെ ഹൈസൺ ടാറ്റാ മോട്ടോർസിൽ കവർച്ചാ ശ്രമം. ശനിയാഴ്ച പുലർച്ചെയായിരുന്നു സംഭവം. തമിഴ് സംസാരിക്കുന്ന നാല് പേരടങ്ങുന്ന സംഘമാണ് കവർച്ചക്കെത്തിയത്. ജീവനക്കാരെ കെട്ടിയിട്ട ശേഷം കവർച്ച നടത്താൻ ശ്രമിച്ചു.
പേരാമ്പ്രയിൽ കല്യാണ വീട്ടിൽ കവർച്ച; വിവാഹ സമ്മാനമായി കിട്ടിയ പണം നഷ്ടപ്പെട്ടു
കോഴിക്കോട് പേരാമ്പ്രയിൽ കല്യാണ വീട്ടിൽ വൻ കവർച്ച. വിവാഹ സൽക്കാരത്തിന് ലഭിച്ച മുഴുവൻ തുകയും സൂക്ഷിച്ച പണപ്പെട്ടിയാണ് മോഷണം പോയത്. പേരാമ്പ്ര പൊലീസ് സംഭവത്തിൽ അന്വേഷണം ആരംഭിച്ചു. ലഭിച്ച തുക എണ്ണി തിട്ടപ്പെടുത്താത്തതിനാൽ എത്ര തുക നഷ്ടമായി എന്ന് കണക്കാക്കാനാവില്ല.
അതിഥി തൊഴിലാളികളിൽ നിന്ന് പണം തട്ടിയ കേസിൽ രണ്ട് എക്സൈസ് ഉദ്യോഗസ്ഥർക്ക് സസ്പെൻഷൻ
എറണാകുളത്ത് അതിഥി തൊഴിലാളികളിൽ നിന്ന് പണം തട്ടിയ സംഭവത്തിൽ രണ്ട് എക്സൈസ് ഉദ്യോഗസ്ഥരെ സസ്പെൻഡ് ചെയ്തു. പെരുമ്പാവൂർ എക്സൈസ് ഓഫീസിലെ സലിം യൂസഫ്, ആലുവ ഓഫീസിലെ സിദ്ധാർഥ് എന്നിവരെയാണ് എറണാകുളം ഡെപ്യൂട്ടി കമ്മീഷണർ സസ്പെൻഡ് ചെയ്തത്. കഴിഞ്ഞ ദിവസം പോലീസ് ചമഞ്ഞ് പണം തട്ടിയ കേസിൽ രണ്ട് എക്സൈസ് ഉദ്യോഗസ്ഥർ ഉൾപ്പെടെ നാല് പേരെ തടിയിട്ട പറമ്പ് പോലീസ് അറസ്റ്റ് ചെയ്തിരുന്നു.
സ്വർണമാല കവർച്ച: വയോധികയുടെ കൊലപാതകത്തിന് രണ്ടുപേർക്ക് 11 വർഷം തടവ്
തേവന്നൂരിൽ സ്വർണമാല കവർച്ചയ്ക്കിടെ വയോധിക കൊല്ലപ്പെട്ട കേസിൽ രണ്ട് പ്രതികൾക്ക് 11 വർഷം തടവ്. 2018 ആഗസ്റ്റ് 28നാണ് തൊണ്ണൂറുകാരിയായ പാറുക്കുട്ടിയമ്മ കൊല്ലപ്പെട്ടത്. കൊട്ടാരക്കര അഡീഷണൽ സെഷൻസ് കോടതിയാണ് ശിക്ഷ വിധിച്ചത്.
വാളയാറിൽ വീട്ടമ്മയെ ആക്രമിച്ച് സ്വർണമാല കവർച്ച: രണ്ട് യുവാക്കൾ അറസ്റ്റിൽ
വാളയാറിൽ വീട്ടമ്മയെ ആക്രമിച്ച് സ്വർണമാല കവർന്ന കേസിൽ രണ്ട് യുവാക്കളെ പോലീസ് അറസ്റ്റ് ചെയ്തു. കോയമ്പത്തൂർ സ്വദേശികളായ അഭിലാഷ് (28), ധരണി (18) എന്നിവരാണ് പിടിയിലായത്. രണ്ടേമുക്കാൽ പവൻ തൂക്കമുള്ള സ്വർണമാലയാണ് പ്രതികൾ കവർന്നത്.
മൈസൂരിൽ മലയാളി വ്യവസായിയെ ആക്രമിച്ച കേസിൽ ഏഴ് മലയാളികൾ പിടിയിൽ
മൈസൂരിൽ മലയാളി വ്യവസായിയെ ആക്രമിച്ച് പണം കവർന്ന സംഘത്തിലെ ഏഴ് പേരെ പോലീസ് അറസ്റ്റ് ചെയ്തു. സംഘത്തിലെ പ്രധാന പ്രതിയായ ആദർശിനെ പോലീസ് വെടിവെച്ചു പിടികൂടി. പിടിയിലായവരെല്ലാം മലയാളികളാണ്.
കോഴിക്കോട് കാർ കവർച്ച നാടകം; പരാതിക്കാരൻ ഉൾപ്പെടെ രണ്ടുപേർ പിടിയിൽ
കോഴിക്കോട് പൂവാട്ടുപറമ്പിൽ കാറിൽ നിന്ന് 40 ലക്ഷം രൂപ കവർന്നെന്ന പരാതി നാടകമാണെന്ന് പോലീസ് കണ്ടെത്തി. പരാതിക്കാരൻ ഉൾപ്പെടെ രണ്ടുപേർ അറസ്റ്റിലായി. കവർച്ച പോയെന്ന് പറയുന്ന പണം കുഴൽപ്പണമാണോ എന്നും സംശയമുണ്ട്.
മൈസൂർ കൊള്ളക്കേസ്: മലയാളി പ്രതിയെ പോലീസ് വെടിവെച്ചു
മൈസൂരിൽ വാഹനം ആക്രമിച്ച് കൊള്ള നടത്തിയ കേസിലെ മലയാളി പ്രതിയെ പോലീസ് വെടിവെച്ചു. ആലപ്പുഴ സ്വദേശിയായ ആദർശിനെയാണ് വെടിവെച്ചത്. തെളിവെടുപ്പിനിടെ പോലീസിനെ ആക്രമിച്ച് രക്ഷപ്പെടാൻ ശ്രമിച്ചപ്പോഴാണ് വെടിവെപ്പ് നടന്നത്.
ആലുവയിൽ ബാർ ജീവനക്കാരനെ കത്തിവെച്ച് കവർച്ച: നാലുപേർ അറസ്റ്റിൽ
ആലുവയിൽ റെയിൽവേ സ്റ്റേഷനിൽ നിന്ന് വീട്ടിലേക്ക് പോകുകയായിരുന്ന ബാർ ജീവനക്കാരനെ കത്തിവെച്ച് കവർച്ച ചെയ്ത കേസിൽ നാലുപേർ അറസ്റ്റിലായി. ഇടുക്കി, ആലുവ, തൃശൂർ, ആലപ്പുഴ സ്വദേശികളാണ് പിടിയിലായത്. സിസിടിവി ദൃശ്യങ്ങളുടെ സഹായത്തോടെയാണ് പ്രതികളെ പിടികൂടിയത്.
വടക്കഞ്ചേരി പെട്രോൾ പമ്പ് കവർച്ച: പ്രതികൾ പിടിയിൽ
വടക്കഞ്ചേരിയിലെ പെട്രോൾ പമ്പിൽ നിന്ന് 48380 രൂപ കവർന്ന കേസിലെ പ്രതികളെ പിടികൂടി. പരപ്പനങ്ങാടി സ്വദേശികളായ റസൽ, ആഷിക്ക് എന്നിവരെയാണ് കോഴിക്കോട് പന്നിയങ്കര പോലീസ് അറസ്റ്റ് ചെയ്തത്. എറണാകുളത്തുനിന്ന് മോഷ്ടിച്ച ബൈക്കിലാണ് ഇവർ കവർച്ചയ്ക്ക് എത്തിയതെന്നും പോലീസ് കണ്ടെത്തി.
കാസർഗോഡ് ക്രഷർ മാനേജരെ തോക്ക് ചൂണ്ടി കവർച്ച: നാല് ഇതരസംസ്ഥാന തൊഴിലാളികൾ അറസ്റ്റിൽ
കാസർഗോഡ് ക്രഷർ മാനേജരെ തോക്ക് ചൂണ്ടി ഭീഷണിപ്പെടുത്തി 10.2 ലക്ഷം രൂപ കവർന്ന കേസിൽ നാല് ഇതര സംസ്ഥാന തൊഴിലാളികളെ പോലീസ് അറസ്റ്റ് ചെയ്തു. മംഗളൂരുവിൽ നിന്നാണ് പ്രതികളെ പിടികൂടിയത്. ക്രഷറിലെ ജീവനക്കാരനും പോലീസ് പിടിയിലായിട്ടുണ്ട്.
കോട്ടയത്ത് വീട്ടമ്മയെ കെട്ടിയിട്ട് മോഷണം; മൂന്ന് പവനും രണ്ടായിരം രൂപയും നഷ്ടം
കോട്ടയം മള്ളൂശ്ശേരിയിൽ വീട്ടമ്മയെ കെട്ടിയിട്ട് മോഷണം. മൂന്ന് പവൻ സ്വർണവും രണ്ടായിരം രൂപയുമാണ് നഷ്ടമായത്. സംഭവത്തിൽ ഒരാളെ പോലീസ് തിരയുന്നു.