ബലാത്സംഗക്കുറ്റം ചെയ്യുന്നവർക്ക് വധശിക്ഷ ഉറപ്പാക്കുന്ന ബിൽ പാസാക്കാൻ അടുത്തയാഴ്ച നിയമസഭാ സമ്മേളനം വിളിക്കുമെന്ന് പശ്ചിമ ബംഗാൾ മുഖ്യമന്ത്രി മമത ബാനർജി പ്രഖ്യാപിച്ചു. 10 ദിവസത്തിനുള്ളിൽ ബിൽ പാസാക്കുമെന്നും, ഗവർണർ പാസാക്കിയില്ലെങ്കിൽ പ്രതിഷേധിക്കുമെന്നും അവർ വ്യക്തമാക്കി. കൊൽക്കത്തയിൽ കൊല്ലപ്പെട്ട ട്രെയിനി ഡോക്ടറുടെ കുടുംബത്തോട് ഐക്യദാർഢ്യം പ്രകടിപ്പിച്ച മമത, സ്ത്രീ സുരക്ഷയ്ക്കായി ശക്തമായ നടപടികൾ സ്വീകരിക്കുമെന്ന് ഉറപ്പു നൽകി.
