Rajeev Chandrasekhar
രാജീവ് ചന്ദ്രശേഖറിനെതിരെ പരാതിയുമായി മാധ്യമപ്രവർത്തക
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെതിരെ മാധ്യമപ്രവർത്തകയുടെ പരാതി. കൈരളി ടിവിയിലെ റിപ്പോർട്ടർ സുലേഖയാണ് ഡിജിപിക്ക് പരാതി നൽകിയിരിക്കുന്നത്. ജോലി തടസ്സപ്പെടുത്തിയെന്നും, അപകീർത്തിപ്പെടുത്തിയെന്നും ഭീഷണിപ്പെടുത്തിയെന്നും സുലേഖ പരാതിയിൽ ആരോപിച്ചു.
തിരുമല അനിൽ ആത്മഹത്യ: മാധ്യമപ്രവർത്തകരോട് ക്ഷോഭിച്ച് രാജീവ് ചന്ദ്രശേഖർ
തിരുമല വാർഡ് കൗൺസിലർ അനിൽ തിരുമലയുടെ ആത്മഹത്യയുമായി ബന്ധപ്പെട്ട് മാധ്യമപ്രവർത്തകരോട് രൂക്ഷമായി പ്രതികരിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. വേണ്ടാത്ത കാര്യങ്ങൾ പറയരുതെന്നും സത്യം എന്താണെന്ന് വരും ദിവസങ്ങളിൽ അറിയുമെന്നും അദ്ദേഹം പറഞ്ഞു. ഇത് സി.പി.ഐ.എമ്മിന്റെ തന്ത്രമാണെന്നും ഗുരുതരമായ വിഷയമായി കാണുന്നുവെന്നും രാജീവ് ചന്ദ്രശേഖർ കൂട്ടിച്ചേർത്തു.
ആഗോള അയ്യപ്പ സംഗമം പൂർണ പരാജയമെന്ന് രാജീവ് ചന്ദ്രശേഖർ
ആഗോള അയ്യപ്പ സംഗമം പൂർണ പരാജയമാണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അഭിപ്രായപ്പെട്ടു. സംഗമം ബഹിഷ്കരിച്ച അയ്യപ്പഭക്തർക്ക് അദ്ദേഹം അഭിനന്ദനങ്ങൾ അറിയിച്ചു. ജനങ്ങളെ ചൂഷണം ചെയ്യുന്നവരെ അല്ല, സേവിക്കുന്ന നേതാക്കളെയാണ് ആവശ്യമെന്നും രാജീവ് ചന്ദ്രശേഖർ കൂട്ടിച്ചേർത്തു.
സുരേഷ് ഗോപിയുടെ കലുങ്ക് സംവാദത്തിനെതിരെ വിമർശനം; എയിംസിൽ വ്യക്തത വേണമെന്ന് കോർകമ്മിറ്റിയിൽ ആവശ്യം
കേന്ദ്രമന്ത്രി സുരേഷ് ഗോപിയുടെ 'കലുങ്ക് സൗഹൃദ സംവാദ'ത്തിനെതിരെ ബിജെപി കോർ കമ്മിറ്റിയിൽ വിമർശനം. സംസ്ഥാന നേതൃത്വവുമായി ആലോചിക്കാതെ പരിപാടി നടത്തിയതിൽ ഒരു വിഭാഗം നേതാക്കൾ അതൃപ്തി അറിയിച്ചു. എയിംസിൻ്റെ കാര്യത്തിൽ പാർട്ടി വ്യക്തത വരുത്തണമെന്നും, ക്രൈസ്തവ നയതന്ത്രം അധികമാകുന്നുവെന്നും വിമർശനങ്ങൾ ഉയർന്നു. നിയമസഭാ മണ്ഡലങ്ങളിൽ ശ്രദ്ധ കേന്ദ്രീകരിച്ച് തദ്ദേശ തിരഞ്ഞെടുപ്പിൽ പ്രവർത്തിക്കാൻ രാജീവ് ചന്ദ്രശേഖർ നിർദ്ദേശം നൽകി.
ബിജെപി വോട്ട് കണക്കിൽ കല്ലുകടി; സംസ്ഥാന നേതൃത്വത്തിനെതിരെ വിമർശനവുമായി രാജീവ് ചന്ദ്രശേഖർ
തദ്ദേശ തിരഞ്ഞെടുപ്പുമായി ബന്ധപ്പെട്ട് ബിജെപി അവകാശപ്പെട്ട വോട്ടുകളുടെ കണക്കുകൾ വ്യാജമാണെന്ന റിപ്പോർട്ട് രാജീവ് ചന്ദ്രശേഖറിന് ലഭിച്ചു. രണ്ട് ഏജൻസികൾ നടത്തിയ സർവേ റിപ്പോർട്ടുകൾ ലഭിച്ചതിന് പിന്നാലെ, സംസ്ഥാന അധ്യക്ഷൻ രാജീവ് ചന്ദ്രശേഖർ കോർ കമ്മിറ്റി അംഗങ്ങളെ അതൃപ്തി അറിയിച്ചു. തിരഞ്ഞെടുപ്പ് അടുത്തുവരുമ്പോൾ ഇത് പാർട്ടിക്കുള്ളിൽ വലിയ ചർച്ചകൾക്കും വിമർശനങ്ങൾക്കും വഴിവെക്കുന്നു.
ആഗോള അയ്യപ്പ സംഗമത്തിനെതിരല്ല, വിശ്വാസത്തെ എതിർക്കുന്നവരെ ക്ഷണിക്കുന്നതിനെയാണ് എതിർക്കുന്നത്; രാജീവ് ചന്ദ്രശേഖർ
ബിജെപി ആഗോള അയ്യപ്പ സംഗമത്തിനെതിരല്ലെന്നും വിശ്വാസത്തെ എതിർക്കുന്നവരെ ക്ഷണിക്കുന്നതിനെയാണ് എതിർക്കുന്നതെന്നും രാജീവ് ചന്ദ്രശേഖർ പറഞ്ഞു. സംസ്ഥാനത്തെ എല്ലാ ജനങ്ങൾക്കും ബിജെപി ഹെൽപ്പ് ഡെസ്ക് ഉപകാരപ്രദമാകും. എല്ലാ ജില്ലകളിലും ഹെൽപ്പ് ഡെസ്ക് ആരംഭിച്ചു കഴിഞ്ഞു, പരാതികൾ നൽകാൻ അവിടെ സൗകര്യമുണ്ടാകും എന്നും അദ്ദേഹം കൂട്ടിച്ചേർത്തു.
ബിജെപി സംസ്ഥാന കമ്മിറ്റി പ്രഖ്യാപിച്ചു; 163 അംഗങ്ങളെ ഉൾപ്പെടുത്തി രാജീവ് ചന്ദ്രശേഖർ
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ 163 അംഗ സംസ്ഥാന കമ്മിറ്റി പ്രഖ്യാപിച്ചു. വി. മുരളീധരൻ പക്ഷത്തിലെ പ്രധാന നേതാക്കളായ നാരായണൻ നമ്പൂതിരി, സി. ശിവൻകുട്ടി, പി. രഘുനാഥ് എന്നിവരെ കമ്മിറ്റിയിൽ ഒതുക്കി. യുവമോർച്ച മുൻ സംസ്ഥാന ജനറൽ സെക്രട്ടറി കെ. ഗണേഷ്, ഒബിസി മോർച്ച സംസ്ഥാന ജനറൽ സെക്രട്ടറി അഡ്വ. അരുൺ പ്രകാശ് എന്നിവരെയും പരിഗണിച്ചിട്ടില്ല.
രാജീവ് ചന്ദ്രശേഖറിൻ്റെ ശൈലിക്കെതിരെ ബിജെപിയിൽ വിമർശനം; രാജി ആലോചിച്ച് മണ്ഡലം പ്രസിഡന്റുമാർ
രാജീവ് ചന്ദ്രശേഖറിൻ്റെ കോർപ്പറേറ്റ് ശൈലിക്കെതിരെ ബിജെപി സംസ്ഥാന നേതൃയോഗത്തിൽ വിമർശനമുയർന്നു. അമിതമായ ജോലിഭാരം കാരണം മണ്ഡലം പ്രസിഡന്റുമാർ രാജി വെക്കാൻ ഒരുങ്ങുന്നതായും സൂചനയുണ്ട്. പാർട്ടി പ്രവർത്തനം ഒരു കമ്പനി പോലെ നടത്തരുതെന്നും യോഗത്തിൽ അഭിപ്രായമുയർന്നു.
ഓപ്പറേഷൻ സിന്ദൂർ പൂക്കളത്തിൽ എഫ്ഐആർ: പ്രതിഷേധവുമായി രാജീവ് ചന്ദ്രശേഖർ
"ഓപ്പറേഷൻ സിന്ദൂർ" എന്ന പേരിൽ പൂക്കളം ഒരുക്കിയതിന് കേരള പൊലീസ് എഫ്ഐആർ ഇട്ട സംഭവം അംഗീകരിക്കാനാവില്ലെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. ഇത് ഭാരതത്തിന്റെ ഭാഗമെന്നതിൽ അഭിമാനിക്കുന്ന നമ്മുടെ നാട്ടിൽ ഒരിക്കലും അംഗീകരിക്കാനാവില്ലെന്നും അദ്ദേഹം കൂട്ടിച്ചേർത്തു. രാജ്യദ്രോഹപരവും ലജ്ജാകരവുമായ ഈ എഫ്ഐആർ ഉടൻ പിൻവലിക്കണമെന്നും അദ്ദേഹം ആവശ്യപ്പെട്ടു.
ശബരിമല യുവതീപ്രവേശനത്തിൽ സി.പി.എമ്മിനെതിരെ വിമർശനവുമായി രാജീവ് ചന്ദ്രശേഖർ
ശബരിമല യുവതീപ്രവേശന വിഷയത്തിൽ സി.പി.ഐ.എമ്മിനെതിരെ രൂക്ഷവിമർശനവുമായി ബി.ജെ.പി. സംസ്ഥാന അധ്യക്ഷൻ രാജീവ് ചന്ദ്രശേഖർ രംഗത്ത്. ശബരിമലയിലെ ആചാരങ്ങൾക്കെതിരായ സത്യവാങ്മൂലം പിൻവലിക്കണമെന്നും ഭക്തർക്കെതിരെയുള്ള കേസുകൾ പിൻവലിക്കണമെന്നും അദ്ദേഹം ആവശ്യപ്പെട്ടു. സി.പി.എം നടത്തുന്നത് രാഷ്ട്രീയ മുതലെടുപ്പ് മാത്രമാണെന്നും അദ്ദേഹം ആരോപിച്ചു.
ജനയുഗം മാസികയിൽ രാജീവ് ചന്ദ്രശേഖറിൻ്റെ ലേഖനം: രാഷ്ട്രീയ നിരീക്ഷകർ ഉറ്റുനോക്കുന്നു
സിപിഐ മുഖപത്രമായ ജനയുഗം ഓണപ്പതിപ്പിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൻ്റെ ലേഖനം പ്രസിദ്ധീകരിച്ചത് ശ്രദ്ധേയമാകുന്നു. ഇന്ത്യൻ ജനാധിപത്യത്തിൽ ആശങ്കപ്പെടേണ്ട സാഹചര്യങ്ങൾ ഇല്ലെന്ന് രാജീവ് ചന്ദ്രശേഖർ ലേഖനത്തിൽ പറയുന്നു. തിരഞ്ഞെടുപ്പ് കമ്മീഷന്റെ പട്ടികയിൽ പിശകുണ്ടെങ്കിൽ പരിഹരിക്കാൻ നിയമവഴികൾ ഉണ്ടെന്നും അദ്ദേഹം കുറിച്ചു.
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൻ്റെ പിതാവ് അന്തരിച്ചു
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൻ്റെ പിതാവ് എം.കെ.ചന്ദ്രശേഖർ (92) അന്തരിച്ചു. ബെംഗളൂരുവിലെ ആശുപത്രിയിൽ ചികിത്സയിലായിരുന്നു. വ്യോമസേനയിൽ എയർ കമ്മഡോർ ആയിരുന്നു.