Political News
ഭാര്യയെ പ്രിൻസിപ്പലാക്കിയതിൽ പങ്കില്ല; ഖുർആൻ തൊട്ട് സത്യം ചെയ്ത് കെ.ടി. ജലീൽ
മുൻ മന്ത്രി കെ.ടി. ജലീൽ തൻ്റെ ഭാര്യയെ വളാഞ്ചേരി എയ്ഡഡ് ഹയർ സെക്കൻ്ററി സ്കൂളിൻ്റെ പ്രിൻസിപ്പലാക്കിയതിൽ തനിക്ക് പങ്കില്ലെന്ന് വ്യക്തമാക്കി. ഭാര്യയുടെ നിയമനവുമായി ബന്ധപ്പെട്ട് ഒരാളോടും ശുപാർശ നടത്തിയിട്ടില്ലെന്നും അദ്ദേഹം പറഞ്ഞു. കോൺഗ്രസ് നേതാവ് സിദ്ദീഖ് പന്താവൂരിന്റെ ആരോപണത്തിന് മറുപടിയായാണ് ജലീലിന്റെ പ്രതികരണം.
മുഖ്യമന്ത്രിയെ കരിങ്കൊടി കാണിക്കാനെത്തിയ യൂത്ത് കോൺഗ്രസ് പ്രവർത്തകർ അറസ്റ്റിൽ
മുഖ്യമന്ത്രി പിണറായി വിജയനെ കരിങ്കൊടി കാണിക്കാനെത്തിയ യൂത്ത് കോൺഗ്രസ് പ്രവർത്തകരെ പാലക്കാട് വെച്ച് പോലീസ് അറസ്റ്റ് ചെയ്തു. കഞ്ചിക്കോട് ഇൻഡസ്ട്രിയൽ ഫോറം ഇൻഡ് സമ്മിറ്റ് പരിപാടിയിൽ പങ്കെടുക്കാൻ മുഖ്യമന്ത്രി എത്തിയപ്പോഴായിരുന്നു പ്രതിഷേധം. പോലീസ് മർദ്ദനങ്ങളിൽ പ്രതിഷേധിച്ച് സെക്രട്ടേറിയറ്റിന് മുന്നിൽ യൂത്ത് കോൺഗ്രസ് നടത്തിയ മാർച്ച് അക്രമാസക്തമായി, ആറ് പ്രവർത്തകരെ കസ്റ്റഡിയിലെടുത്തു.
കേരള കോൺഗ്രസ് നേതാവ് അഡ്വ.പ്രിൻസ് ലൂക്കോസ് അന്തരിച്ചു
കേരള കോൺഗ്രസ് ജോസഫ് വിഭാഗം നേതാവും ഉന്നതാധികാരസമിതി അംഗവുമായിരുന്ന അഡ്വ.പ്രിൻസ് ലൂക്കോസ് (53) അന്തരിച്ചു. വേളാങ്കണ്ണിയിൽ നിന്ന് കോട്ടയത്തേക്കുള്ള ട്രെയിൻ യാത്രയ്ക്കിടെ ഹൃദയാഘാതം സംഭവിച്ചതിനെ തുടർന്നായിരുന്നു അന്ത്യം. 2021-ൽ മന്ത്രി വി.എൻ. വാസവനെതിരെ ഏറ്റുമാനൂർ നിയോജക മണ്ഡലത്തിൽ സ്ഥാനാർഥിയായി മത്സരിച്ചിട്ടുണ്ട്.
അമ്മയ്ക്കെതിരായ പരാമർശത്തിൽ പ്രധാനമന്ത്രിയുടെ വൈകാരിക പ്രതികരണം
തൻ്റെ മാതാവിനെതിരായ പരാമർശത്തിൽ പ്രധാനമന്ത്രി നരേന്ദ്ര മോദി വൈകാരികമായി പ്രതികരിച്ചു. കടുത്ത ദാരിദ്ര്യത്തിൽ വളർത്തിയ അമ്മയെ കോൺഗ്രസ് നേതാവ് ആക്ഷേപിച്ചുവെന്നാരോപിച്ചാണ് പ്രധാനമന്ത്രിയുടെ പ്രതികരണം. രാഷ്ട്രീയവുമായി ബന്ധമില്ലാത്ത, ഇപ്പോൾ ജീവിച്ചിരിപ്പില്ലാത്ത അമ്മയെ ആർജെഡിയും കോൺഗ്രസും ചേർന്ന് അപമാനിച്ചുവെന്നും അദ്ദേഹം കൂട്ടിച്ചേർത്തു.
മുഖ്യമന്ത്രിയെ വിമാനത്തിൽ വധിക്കാൻ ശ്രമിച്ച കേസ്: കുറ്റപത്രത്തിന് അനുമതി നിഷേധിച്ച് കേന്ദ്രം
മുഖ്യമന്ത്രി പിണറായി വിജയനെ വിമാനത്തിനുള്ളിൽ വെച്ച് വധിക്കാൻ ശ്രമിച്ചെന്ന കേസിൽ കുറ്റപത്രം സമർപ്പിക്കാൻ കേന്ദ്രാനുമതിയില്ല. വിമാനം സുരക്ഷാ നിയമം കേസിൽ നിലനിൽക്കില്ലെന്ന് കേന്ദ്രം വ്യക്തമാക്കി. കേസിൽ പ്രോസിക്യൂഷൻ അനുമതി നിഷേധിച്ചതിനെ തുടർന്ന് ആഭ്യന്തര സെക്രട്ടറി ഡിജിപിയുടെ അഭിപ്രായം തേടിയിരിക്കുകയാണ്.
തായ്ലൻഡ് പ്രധാനമന്ത്രിയെ പുറത്താക്കി; കാരണം ഇതാണ്
ധാർമികത ലംഘിച്ചെന്ന് ചൂണ്ടിക്കാട്ടി തായ്ലൻഡ് പ്രധാനമന്ത്രി പെയ്തോങ്താന് ഷിനവത്രയെ ഭരണഘടനാ കോടതി പുറത്താക്കി. കംബോഡിയൻ നേതാവുമായി നടത്തിയ ഫോൺ സംഭാഷണമാണ് ഇതിലേക്ക് നയിച്ചത്. പ്രധാനമന്ത്രിക്ക് ഭരണഘടന പ്രകാരം യോഗ്യതകളില്ലെന്നും കോടതി നിരീക്ഷിച്ചു.
കേരളം ഞെട്ടുന്ന വാർത്ത ഉടൻ വരുമെന്ന് വി.ഡി. സതീശൻ
സി.പി.ഐ.എമ്മിനും ബി.ജെ.പിക്കും മുന്നറിയിപ്പുമായി പ്രതിപക്ഷ നേതാവ് വി.ഡി. സതീശൻ. ഉടൻ തന്നെ കേരളം ഞെട്ടുന്ന വാർത്ത വരുമെന്ന് അദ്ദേഹം സൂചിപ്പിച്ചു. രാഹുൽ ചാപ്റ്റർ ക്ലോസ് ചെയ്തെന്നും ഇനി ആ വിഷയം ചർച്ച ചെയ്യില്ലെന്നും വി.ഡി. സതീശൻ വ്യക്തമാക്കി.
ക്രിമിനൽ കേസിൽ ജയിലിലായാൽ മന്ത്രിമാരെ പുറത്താക്കും; ഭരണഘടന ഭേദഗതി ബില്ലിനെ ന്യായീകരിച്ച് അമിത് ഷാ
ക്രിമിനൽ കുറ്റങ്ങൾക്ക് തുടർച്ചയായി 30 ദിവസം ജയിലിൽ കഴിഞ്ഞാൽ മന്ത്രിമാരെ പുറത്താക്കുന്ന ഭരണഘടന ഭേദഗതി ബില്ലിനെ അമിത് ഷാ ന്യായീകരിച്ചു. ജയിൽ മുഖ്യമന്ത്രിമാരുടെയും മന്ത്രിമാരുടെയും ഔദ്യോഗിക വസതിയാകുന്ന പ്രവണത അവസാനിപ്പിക്കാനാണ് ബിൽ എന്ന് അമിത് ഷാ പറഞ്ഞു. ഉപരാഷ്ട്രപതിയുടെ രാജി ആരോഗ്യ പ്രശ്നം മൂലമാണെന്നും വിവാദമാക്കാൻ ശ്രമിക്കരുതെന്നും അമിത് ഷാ വ്യക്തമാക്കി.
എം.ആർ. അജിത് കുമാറിന് വീണ്ടും സർക്കാർ സഹായം; മുൻ ഡിജിപി നൽകിയ റിപ്പോർട്ടുകൾ തിരിച്ചയച്ചു
മുൻ ഡി.ജി.പി. ഷെയ്ക്ക് ദർവേഷ് സാഹിബ് സമർപ്പിച്ച രണ്ട് അന്വേഷണ റിപ്പോർട്ടുകൾ സർക്കാർ തിരിച്ചയച്ചു. ഈ റിപ്പോർട്ടുകൾ പരിശോധിച്ച് പുതിയ അഭിപ്രായം രേഖപ്പെടുത്താൻ റവാഡ ചന്ദ്രശേഖറിനോട് സർക്കാർ ആവശ്യപ്പെട്ടിട്ടുണ്ട്. അജിത് കുമാറിനെ സംരക്ഷിക്കാനുള്ള നീക്കമാണ് നടക്കുന്നതെന്ന് പ്രതിപക്ഷം ആരോപിച്ചു.
യുവനേതാവിനെതിരായ വെളിപ്പെടുത്തലിൽ ഉറച്ച് റിനി; പേര് വെളിപ്പെടുത്തില്ല
യുവ രാഷ്ട്രീയ നേതാവിനെതിരായ വെളിപ്പെടുത്തലിൽ ഉറച്ച് നിൽക്കുന്നതായി നടി റിനി ആൻ ജോർജ്. ഇപ്പോൾ പേര് വെളിപ്പെടുത്താൻ തയാറല്ലെന്നും ആ നേതാവ് ക്രിമിനൽ ബുദ്ധിയുള്ളയാളാണെന്നും റിനി പറഞ്ഞു. സൈബർ ആക്രമണം നേരിടുന്നുണ്ടെന്നും നടി കൂട്ടിച്ചേർത്തു.
രാഷ്ട്രീയ എതിരാളികളെ വേട്ടയാടാനുള്ള നീക്കമെന്ന് രമേശ് ചെന്നിത്തല
അറസ്റ്റിലാകുന്ന മന്ത്രിമാര് ഉള്പ്പെടെയുള്ളവര്ക്ക് 30 ദിവസത്തിനുള്ളില് സ്ഥാനം നഷ്ടമാകുമെന്ന 130-ാം ഭരണഘടനാ ഭേദഗതി രാഷ്ട്രീയ എതിരാളികളെ വേട്ടയാടാന് വേണ്ടിയുള്ളതാണെന്ന് രമേശ് ചെന്നിത്തല. കേന്ദ്ര ഏജന്സികളെ ഉപയോഗിച്ച് രാഷ്ട്രീയ എതിരാളികളെ ലക്ഷ്യമിടുന്നുവെന്നും അദ്ദേഹം കുറ്റപ്പെടുത്തി. ഇതിലൂടെ സര്ക്കാരിന്റെ ഉദ്ദേശം രാഷ്ട്രീയ എതിരാളികളെ കള്ളക്കേസുകളില് കുടുക്കി ജയിലിലടയ്ക്കുകയാണെന്നും ചെന്നിത്തല ആരോപിച്ചു.
പ്രധാനമന്ത്രി നരേന്ദ്ര മോദി ബിഹാറിലും പശ്ചിമബംഗാളിലും സന്ദർശനം നടത്തും
പ്രധാനമന്ത്രി നരേന്ദ്ര മോദി വെള്ളിയാഴ്ച ബിഹാറിലും പശ്ചിമബംഗാളിലും സന്ദർശനം നടത്തും. ഗയയിൽ പതിമൂവായിരം കോടിയുടെ വികസന പദ്ധതികൾ അദ്ദേഹം ഉദ്ഘാടനം ചെയ്യും. രാഹുൽ ഗാന്ധിയുടെ വോട്ടർ അധികാർ യാത്ര തുടരുന്നതിനിടെയാണ് പ്രധാനമന്ത്രിയുടെ ഈ സന്ദർശനം.