Pinarayi Vijayan
മുഖ്യമന്ത്രിക്ക് ആഭ്യന്തര വകുപ്പിന്റെ നിയന്ത്രണം നഷ്ടമായി; രാജി വയ്ക്കണമെന്ന് രമേശ് ചെന്നിത്തല
മുഖ്യമന്ത്രിക്ക് ആഭ്യന്തര വകുപ്പിന്റെ നിയന്ത്രണം നഷ്ടമായെന്നും അതിനാൽ അദ്ദേഹം സ്ഥാനമൊഴിയുന്നതാണ് ഉചിതമെന്നും രമേശ് ചെന്നിത്തല അഭിപ്രായപ്പെട്ടു. കാക്കി വേഷത്തിൽ ക്രിമിനലുകൾ അഴിഞ്ഞാടുകയാണ്. കേരളാ പോലീസിന്റെ സൽപ്പേരിന് കളങ്കം വരുത്തുന്നവരെ മുഖ്യമന്ത്രിയുടെ ഓഫീസ് സഹായിക്കുന്നു എന്നും അദ്ദേഹം ആരോപിച്ചു.
കഞ്ചിക്കോട് വ്യവസായ സമിതിയിലെ ആളില്ലായ്മയിൽ മുഖ്യമന്ത്രിയുടെ വിമർശനം
കഞ്ചിക്കോട് ഇൻഡസ്ട്രീസ് വ്യാവസായിക സമിതിയിൽ പങ്കെടുത്തവരുടെ എണ്ണം കുറഞ്ഞതിൽ മുഖ്യമന്ത്രി പിണറായി വിജയൻ സംഘാടകരെ വിമർശിച്ചു. വ്യവസായ വകുപ്പുമായി സഹകരിച്ച് കഞ്ചിക്കോട് ഇൻഡസ്ട്രിയൽ ഫോറം പാലക്കാട് പുതുശ്ശേരിയിൽ നടത്തിയ സമ്മിറ്റിനിടെയായിരുന്നു വിമർശനം. ദേശീയപാത വികസനത്തിന് കേന്ദ്രം സഹായിച്ചില്ലെന്നും മുഖ്യമന്ത്രി കുറ്റപ്പെടുത്തി.
കുന്നംകുളം കസ്റ്റഡി മർദ്ദനം: മുഖ്യമന്ത്രി മൗനം വെടിയണം; രമേശ് ചെന്നിത്തല
കുന്നംകുളത്ത് യൂത്ത് കോൺഗ്രസ് നേതാവിനെ പൊലീസ് മർദിച്ച സംഭവം വിവാദമായിരിക്കുകയാണ്. സംഭവത്തിൽ മുഖ്യമന്ത്രി പിണറായി വിജയനെതിരെ രമേശ് ചെന്നിത്തല രംഗത്തെത്തി. പൊലീസുകാർക്കെതിരെ നടപടിയെടുക്കാൻ മുഖ്യമന്ത്രിക്ക് അധികാരമുണ്ടായിട്ടും മൗനം പാലിക്കുകയാണെന്ന് ചെന്നിത്തല ആരോപിച്ചു.
യൂത്ത് കോൺഗ്രസ് നേതാവിനെ മർദിച്ച പൊലീസുകാരെ പുറത്താക്കണം; മുഖ്യമന്ത്രിക്ക് കത്തയച്ച് വി.ഡി. സതീശൻ
യൂത്ത് കോൺഗ്രസ് ചൊവ്വന്നൂർ മണ്ഡലം പ്രസിഡന്റ് സുജിത്തിനെ മർദിച്ച പൊലീസുകാരെ സർവീസിൽ നിന്നും പുറത്താക്കണമെന്ന് ആവശ്യപ്പെട്ട് പ്രതിപക്ഷ നേതാവ് വി.ഡി സതീശൻ മുഖ്യമന്ത്രിക്ക് കത്ത് നൽകി. നിലവിലെ ഡിഐജിയും പ്രതികളെ രക്ഷിക്കുന്ന നിലപാടാണ് സ്വീകരിക്കുന്നതെന്നും വിഡി സതീശൻ കത്തിൽ ചൂണ്ടിക്കാട്ടി. ഈ വിഷയത്തിൽ അടിയന്തരമായി ക്രിമിനൽ കേസെടുക്കണമെന്നും അദ്ദേഹം ആവശ്യപ്പെട്ടു.
ഐക്യവും സമൃദ്ധിയും ലക്ഷ്യമിട്ട് മുഖ്യമന്ത്രിയുടെ ഓണാശംസ
മുഖ്യമന്ത്രി പിണറായി വിജയൻ ഓണാശംസകൾ നേർന്നു. സമൃദ്ധിയും സന്തോഷവും നിറഞ്ഞ ഒരു കേരളം ലക്ഷ്യമിടണമെന്നും മുഖ്യമന്ത്രി പറഞ്ഞു. ഭിന്നിപ്പുണ്ടാക്കുന്നവരെ അകറ്റിനിർത്തണമെന്നും സ്നേഹത്തോടെയും സഹകരണത്തോടെയും മുന്നോട്ട് പോകണമെന്നും അദ്ദേഹം ആഹ്വാനം ചെയ്തു.
ശബരിമലയിലെ ആചാരലംഘനത്തിൽ മുഖ്യമന്ത്രി മാപ്പ് പറയണം; ‘ആഗോള അയ്യപ്പ സംഗമം’ രാഷ്ട്രീയ നാടകമെന്ന് ചെന്നിത്തല
ശബരിമല വിഷയത്തിൽ മുഖ്യമന്ത്രി പിണറായി വിജയനെതിരെ രൂക്ഷ വിമർശനവുമായി രമേശ് ചെന്നിത്തല. ആചാരലംഘനം നടത്തിയതിന് മുഖ്യമന്ത്രി വിശ്വാസികളോട് മാപ്പ് പറയണമെന്നും, സർക്കാർ നടത്താനൊരുങ്ങുന്ന 'ആഗോള അയ്യപ്പ സംഗമം' തിരഞ്ഞെടുപ്പ് മുന്നിൽ കണ്ടുകൊണ്ടുള്ള രാഷ്ട്രീയ നാടകമാണെന്നും അദ്ദേഹം കുറ്റപ്പെടുത്തി. ശബരിമലയിൽ സ്ത്രീകളെ നിർബന്ധിച്ച് കയറ്റണമെന്ന് മുഖ്യമന്ത്രിക്ക് വാശിയുണ്ടായിരുന്നുവെന്നും, ഇതിലൂടെ വിശ്വാസികളുടെ വികാരം വ്രണപ്പെടുത്തുകയും ശബരിമലയെ കലാപ കലുഷിതമാക്കുകയും ചെയ്തുവെന്നും ചെന്നിത്തല ആരോപിച്ചു.
വെള്ളാപ്പള്ളി നടേശനെ പ്രശംസിച്ച് മുഖ്യമന്ത്രി; പിന്നാലെ വർഗീയ പരാമർശവുമായി വെള്ളാപ്പള്ളി
വെള്ളാപ്പള്ളി നടേശനെ മുഖ്യമന്ത്രി പിണറായി വിജയൻ പ്രശംസിച്ചു. തിരുവനന്തപുരം പെരിങ്ങമ്മലയിലെ എസ്.എൻ.ഡി.പി യോഗത്തിൻ്റെ ശ്രീനാരായണീയം കൺവെൻഷൻ സെന്റർ ഉദ്ഘാടന ചടങ്ങിൽ വെച്ചായിരുന്നു മുഖ്യമന്ത്രിയുടെ പ്രശംസ. മുഖ്യമന്ത്രിയുടെ പ്രശംസക്ക് പിന്നാലെ വെള്ളാപ്പള്ളി വർഗീയ പരാമർശം നടത്തിയെന്നുള്ളതും ശ്രദ്ധേയമാണ്.
സ്വകാര്യ ആശുപത്രികളിലെ വിദേശ നിക്ഷേപം ലാഭം മാത്രം ലക്ഷ്യം വെച്ചുള്ളതെന്ന് മുഖ്യമന്ത്രി
സ്വകാര്യ സൂപ്പർ സ്പെഷ്യാലിറ്റി ആശുപത്രികൾക്കെതിരെ മുഖ്യമന്ത്രി പിണറായി വിജയൻ രംഗത്ത്. സംസ്ഥാനത്തെ പ്രധാനപ്പെട്ട ആശുപത്രികളിൽ വിദേശ കമ്പനികൾ നിക്ഷേപം നടത്തുന്നത് കേരളത്തിൻ്റെ ആരോഗ്യരംഗം മെച്ചപ്പെടുത്താൻ വേണ്ടിയല്ലെന്നും, മറിച്ച് കൂടുതൽ ലാഭം നേടാനുള്ള ലക്ഷ്യത്തോടെയാണെന്നും മുഖ്യമന്ത്രി കുറ്റപ്പെടുത്തി. ഇത് സാധാരണക്കാർക്ക് വലിയ സാമ്പത്തിക ബാധ്യത ഉണ്ടാക്കുന്നതിനും ചികിത്സാ ചിലവുകൾ താങ്ങാനാവാത്ത രീതിയിൽ വർധിക്കുന്നതിനും കാരണമാകുമെന്നും അദ്ദേഹം കൂട്ടിച്ചേർത്തു
ഓണക്കാലത്ത് വിലക്കയറ്റം നിയന്ത്രിക്കാൻ സർക്കാർ നടപടി സ്വീകരിച്ചെന്ന് മുഖ്യമന്ത്രി
ഓണക്കാലത്ത് വിലക്കയറ്റം നിയന്ത്രിക്കുന്നതിന് സർക്കാർ ഫലപ്രദമായ നടപടികൾ സ്വീകരിച്ചുവെന്ന് മുഖ്യമന്ത്രി പിണറായി വിജയൻ. സിവിൽ സപ്ലൈസ് കോർപ്പറേഷൻ മുഖേന ഓണക്കാലത്ത് വലിയ ഇടപെടലാണ് സർക്കാർ നടത്തുന്നത്. എല്ലാ മേഖലയിലും വികസനത്തിന്റെ സ്പർശമേൽക്കുന്നുവെന്നും മുഖ്യമന്ത്രി ചൂണ്ടിക്കാട്ടി.
വയനാട് തുരങ്കപാത: മുഖ്യമന്ത്രിയെ പ്രശംസിച്ച് ബിഷപ്പ് മാർ റെമിജിയോസ് ഇഞ്ചനാനിയേൽ
വയനാട് തുരങ്കപാതയുടെ നിർമ്മാണോദ്ഘാടന വേദിയിൽ മുഖ്യമന്ത്രി പിണറായി വിജയനെ താമരശ്ശേരി രൂപത ബിഷപ്പ് മാർ റെമിജിയോസ് ഇഞ്ചനാനിയേൽ പ്രശംസിച്ചു. പദ്ധതി യാഥാർത്ഥ്യമാക്കാൻ മുഖ്യമന്ത്രിയുടെ നിശ്ചയദാർഢ്യം കാരണമായെന്നും ബിഷപ്പ് പറഞ്ഞു. പദ്ധതിക്ക് തുക അനുവദിച്ച ഉമ്മൻ ചാണ്ടിയെയും കെ.എം. മാണിയെയും ടി. സിദ്ദിഖ് എം.എൽ.എ അനുസ്മരിച്ചു.
വയനാട് തുരങ്കപാതയ്ക്ക് തുടക്കമിട്ട് മുഖ്യമന്ത്രി; യാത്രാസമയം ഒന്നര മണിക്കൂറായി കുറയും
കേരളത്തിൻ്റെ സ്വപ്ന പദ്ധതിയായ കോഴിക്കോട് - വയനാട് ജില്ലകളെ ബന്ധിപ്പിക്കുന്ന ഇരട്ട തുരങ്കപാതയുടെ നിർമ്മാണോദ്ഘാടനം മുഖ്യമന്ത്രി പിണറായി വിജയൻ നിർവ്വഹിച്ചു. ഈ പദ്ധതി യാഥാർഥ്യമാകുന്നതോടെ വയനാട്ടിലേക്കുള്ള യാത്രാസമയം ഏകദേശം ഒന്നര മണിക്കൂറായി കുറയും. കിഫ്ബി പദ്ധതിയിൽ ഉൾപ്പെടുത്തി 2,134 കോടി രൂപ ചെലവഴിച്ചാണ് പാത നിർമ്മാണം നടത്തുന്നത്.
മുഖ്യമന്ത്രി പിണറായി വിജയനെതിരെ അശ്ലീല പ്രചാരണം; ലീഗ് നേതാവ് അറസ്റ്റിൽ
മുഖ്യമന്ത്രി പിണറായി വിജയനെതിരെ സമൂഹമാധ്യമങ്ങളിൽ അശ്ലീല പ്രചാരണം നടത്തിയ കേസിൽ ഒരാൾ അറസ്റ്റിലായി. വടകര സൈബർ പൊലീസ് നടത്തിയ അന്വേഷണത്തിലാണ് അറസ്റ്റ് നടന്നത്. ലീഗ് നേതാവായ സാദിഖ് അവീറിനെയാണ് പോലീസ് അറസ്റ്റ് ചെയ്തത്.