Ola Electric
ഒലയുടെ കുഞ്ഞൻ ഇവി വരുന്നു; എതിരാളികൾക്ക് കടുത്ത വെല്ലുവിളി
ഇലക്ട്രിക് സ്കൂട്ടർ വിപണിയിൽ വിപ്ലവം തീർത്ത ഒല, കാർ വിപണിയിലേക്കും ചുവടുവെക്കുന്നു. ജെൻ 4 മോഡുലാർ പ്ലാറ്റ്ഫോമിൽ നിർമ്മിക്കുന്ന കോംപാക്ട് 5 ഡോർ ഇലക്ട്രിക് ഹാച്ച്ബാക്ക് മോഡലാണ് പുറത്തിറങ്ങുന്നത്. എംജി കോമെറ്റ് ഇവി, ടാറ്റ ടിയാഗോ ഇവി എന്നിവയാണ് പ്രധാന എതിരാളികൾ.
ഓല ഇലക്ട്രിക് പുതിയ ബിസിനസ്സിലേക്ക്; ആദ്യ വാഹനേതര ഉത്പന്നം ഒക്ടോബർ 17-ന്
ഓല ഇലക്ട്രിക് ഒക്ടോബർ 17-ന് അവരുടെ ആദ്യത്തെ വാഹനേതര ഉത്പന്നം പുറത്തിറക്കാൻ ഒരുങ്ങുന്നു. ഇത് കമ്പനിയുടെ എനർജി സ്റ്റോറേജ് ബിസിനസ്സിലേക്കുള്ള പ്രവേശനമായിരിക്കാമെന്ന് വിലയിരുത്തലുണ്ട്. ഓഹരി വിപണിയിൽ ഓഹരികൾ താഴ്ന്ന നിലയിലെത്തിയെങ്കിലും, പുതിയ ഉത്പന്നം വലിയ സാമ്പത്തിക മുന്നേറ്റം നൽകുമെന്നാണ് പ്രതീക്ഷ.
ഒലയുടെ തദ്ദേശീയ ലിഥിയം അയേണ് ബാറ്ററി ഉടന്; പുതിയ സ്കൂട്ടറുകളിൽ ലഭ്യമാകും
പുതിയതായി ഇന്ത്യയില് നിര്മിച്ച ലിഥിയം അയേണ് ബാറ്ററികള് തങ്ങളുടെ പുതിയ ഇലക്ട്രിക് സ്കൂട്ടറുകളില് ഉടന് തന്നെ ഘടിപ്പിച്ചു തുടങ്ങുമെന്ന് ഒല സിഇഒ ഭവിഷ് അഗര്വാള് അറിയിച്ചു. 15 മിനിറ്റിനുള്ളില് 80 ശതമാനം വരെ ചാര്ജ് ചെയ്യാന് സാധിക്കുമെന്നതാണ് ഈ ബാറ്ററിയുടെ പ്രധാന പ്രത്യേകത. ജനുവരി 2026 മുതല് ഒല ഇലക്ട്രിക് സ്കൂട്ടറുകളില് എഐ സാങ്കേതിക വിദ്യ ഉപയോഗിക്കുന്ന MoveOS6 സോഫ്റ്റ്വെയര് ലഭ്യമാക്കും.
ഒല ഇലക്ട്രിക്കിന് കേന്ദ്രസർക്കാരിന്റെ കടുത്ത നടപടി
വിൽപ്പന കണക്കുകളിലെ പൊരുത്തക്കേടിൽ ഒല ഇലക്ട്രിക് കുടുങ്ങി. കേന്ദ്രസർക്കാർ കമ്പനിയോട് വിശദീകരണം തേടി. പഞ്ചാബിൽ ഒലയുടെ 11 സ്റ്റോറുകൾ അടച്ചുപൂട്ടി.
ഒല ഇലക്ട്രിക് ജെൻ 3 സ്കൂട്ടറുകൾ നാളെ വിപണിയിൽ
നാളെ ഒല ഇലക്ട്രിക് പുതിയ തലമുറ സ്കൂട്ടറുകളായ ജെൻ 3 ശ്രേണി പുറത്തിറക്കുന്നു. കാര്യക്ഷമതയും നൂതനതയും ഭാരം കുറവുമാണ് പ്രധാന ഘടകങ്ങൾ. S1 X 2kWh മോഡലിന് 79,999 രൂപയാണ് വില.
ഓല ഇലക്ട്രിക് പുതിയ നാഴികക്കല്ല് സ്ഥാപിച്ചു: 2024-ൽ 4 ലക്ഷത്തിലധികം സ്കൂട്ടറുകൾ വിറ്റഴിച്ചു
ഓല ഇലക്ട്രിക് 2024-ൽ 4 ലക്ഷത്തിലധികം ഇലക്ട്രിക് സ്കൂട്ടറുകൾ വിറ്റഴിച്ച് പുതിയ റെക്കോർഡ് സൃഷ്ടിച്ചു. ഇന്ത്യൻ ഇലക്ട്രിക് സ്കൂട്ടർ വിപണിയിൽ 36% വിഹിതവുമായി മുന്നിൽ നിൽക്കുന്ന ഓല, എതിരാളികളെ വെല്ലുവിളിക്കുന്ന നിലയിലാണ്. എന്നാൽ വളർച്ചയ്ക്കൊപ്പം ഉപഭോക്തൃ പരാതികളും വർധിച്ചു വരുന്നതായി റിപ്പോർട്ടുകൾ സൂചിപ്പിക്കുന്നു.
90,000 രൂപ സർവീസ് ബിൽ: ഒല ഇലക്ട്രിക് സ്കൂട്ടർ അടിച്ചുതകർത്ത് യുവാവ്
ഒല ഇലക്ട്രിക് സ്കൂട്ടർ വാങ്ങി ഒരു മാസത്തിന് ശേഷം 90,000 രൂപ സർവീസ് ബിൽ വന്നതിനെ തുടർന്ന് യുവാവ് സ്കൂട്ടർ അടിച്ചുതകർത്തു. സംഭവത്തിന്റെ വീഡിയോ സോഷ്യൽ മീഡിയയിൽ വൈറലായി. ഒല ഇലക്ട്രിക് സ്കൂട്ടറിനെതിരെ നേരത്തെയും നിരവധി പരാതികൾ ഉയർന്നിരുന്നു.
ഒല ഇലക്ട്രിക്കിന്റെ അവകാശവാദം: 99.1% ഉപഭോക്തൃ പരാതികളും പരിഹരിച്ചു
ഒല ഇലക്ട്രിക് 10,644 പരാതികളിൽ 99.1% പരിഹരിച്ചതായി അവകാശപ്പെടുന്നു. കുനാൽ കമ്രയുടെ ആരോപണത്തെ തുടർന്ന് കേന്ദ്ര ഉപഭോക്തൃ സംരക്ഷണ അതോറിറ്റി വിശദീകരണം തേടി. അഗർവാൾ-കമ്ര തർക്കത്തിൽ പൊതുജനം കമ്രയെ പിന്തുണച്ചു.
ഒല സ്കൂട്ടർ തകരാറിലായി; പ്രകോപിതനായ ഉപഭോക്താവ് ഷോറൂമിന് തീയിട്ടു
കർണാടകയിലെ ഗുൽബർഗയിൽ ഒരു ഉപഭോക്താവ് ഒല സ്കൂട്ടർ ഷോറൂമിന് തീയിട്ടു. പുതുതായി വാങ്ങിയ സ്കൂട്ടർ തകരാറിലായതിനെ തുടർന്നാണ് സംഭവം. 8.5 ലക്ഷം രൂപയുടെ നാശനഷ്ടമുണ്ടായി. പ്രതിയെ പൊലീസ് അറസ്റ്റ് ചെയ്തു.