National Highway
മൈലക്കാട് ദേശീയപാത തകർച്ച: ഉത്തരവാദിത്തം NHAI-ക്ക് എന്ന് മന്ത്രി കെ.എൻ.ബാലഗോപാൽ
മൈലക്കാട് ദേശീയപാത ഇടിഞ്ഞ സംഭവത്തിൽ ദേശീയപാത അതോറിറ്റിക്കെതിരെ മന്ത്രി കെ.എൻ.ബാലഗോപാൽ രംഗത്ത്. മണ്ണിന്റെ ഘടന പരിശോധിക്കുന്നതിൽ പോരായ്മ സംഭവിച്ചോ എന്ന് പരിശോധിക്കണമെന്ന് മന്ത്രി ആവശ്യപ്പെട്ടു. നിർമ്മാണ കമ്പനിയോ ദേശീയ പാത അതോറിറ്റിയോ അപകടകാരണം സംബന്ധിച്ച് വിശദീകരണം നൽകിയിട്ടില്ല.
മൈലക്കാട് ദേശീയപാത: അടിയന്തര നടപടി ആവശ്യപ്പെട്ട് മന്ത്രി റിയാസ് കേന്ദ്രത്തിന് കത്തയച്ചു
കൊല്ലം മൈലക്കാട് ദേശീയപാത നിർമ്മാണത്തിനിടെ റോഡ് ഇടിഞ്ഞ സംഭവത്തിൽ പൊതുമരാമത്ത് മന്ത്രി പി.എ. മുഹമ്മദ് റിയാസ് കേന്ദ്രമന്ത്രിക്ക് കത്തയച്ചു. അടിയന്തര നടപടി സ്വീകരിക്കണമെന്നും ഈ വിഷയത്തിൽ ഇടപെടണമെന്നും മന്ത്രി കത്തിൽ ആവശ്യപ്പെട്ടു. ദേശീയപാത 66-ന്റെ നിർമ്മാണം സമയബന്ധിതമായി പൂർത്തിയാക്കുന്നതിനൊപ്പം ഗുണനിലവാരവും ഉറപ്പുവരുത്തണമെന്നും മന്ത്രി കത്തിൽ ആവശ്യപ്പെട്ടിട്ടുണ്ട്.
കൊട്ടിയം മൈലക്കാട് ദേശീയപാതയിൽ റോഡ് ഇടിഞ്ഞു; ഗതാഗത നിയന്ത്രണം
കൊട്ടിയം മൈലക്കാട് ദേശീയപാത നിർമ്മാണത്തിനിടെ റോഡ് ഇടിഞ്ഞതിനെ തുടർന്ന് ഗതാഗത നിയന്ത്രണം ഏർപ്പെടുത്തി. സംരക്ഷണ ഭിത്തി സർവ്വീസ് റോഡിലേക്ക് ഇടിഞ്ഞുവീണു. സ്കൂൾബസ് അടക്കം നാല് വാഹനങ്ങൾ അപകടത്തിൽപ്പെട്ടു.
കൊല്ലം മൈലക്കാട് ദേശീയപാത ഇടിഞ്ഞ സംഭവം; അടിയന്തര റിപ്പോർട്ട് തേടി മന്ത്രി മുഹമ്മദ് റിയാസ്
കൊല്ലം മൈലക്കാട് ദേശീയപാത നിർമ്മാണത്തിനിടെ റോഡ് ഇടിഞ്ഞ സംഭവത്തിൽ പൊതുമരാമത്ത് വകുപ്പ് മന്ത്രി മുഹമ്മദ് റിയാസ് അടിയന്തര റിപ്പോർട്ട് തേടി. ദേശീയപാത അതോറിറ്റിയോട് വിശദീകരണം തേടി റിപ്പോർട്ട് നൽകാൻ മന്ത്രി നിർദ്ദേശം നൽകി. അപകടത്തെ തുടർന്ന് ഗതാഗതം പൂർണ്ണമായി നിർത്തിവെച്ചു.
കൊട്ടിയത്ത് ദേശീയപാത തകർന്ന സംഭവം; സമഗ്ര അന്വേഷണം വേണമെന്ന് എംഎൽഎ, ഗതാഗതം പൂർണ്ണമായി നിർത്തിവെച്ചു
കൊല്ലം കൊട്ടിയത്ത് നിർമ്മാണത്തിലിരുന്ന ദേശീയപാത തകർന്നുവീണു. റോഡിൽ വിള്ളൽ കണ്ടതിനെ തുടർന്ന് ബസ് വേഗത്തിൽ ഒതുക്കി നിർത്തി വിദ്യാർത്ഥികളെ അടുത്തുള്ള വീട്ടിലേക്ക് മാറ്റി. അപകടത്തിൽ സമഗ്രമായ അന്വേഷണം നടത്തണമെന്ന് എംഎൽഎ ജയലാൽ ആവശ്യപ്പെട്ടു.
കൊട്ടിയത്ത് നിർമ്മാണത്തിലിരുന്ന ദേശീയപാത തകർന്നു; സ്കൂൾ ബസ്സടക്കം 4 വാഹനങ്ങൾ അപകടത്തിൽപ്പെട്ടു
കൊല്ലം കൊട്ടിയം മൈലക്കാട് നിർമ്മാണത്തിലിരുന്ന ദേശീയപാത തകർന്ന് വീണു. സ്കൂൾ ബസ്സടക്കം 4 വാഹനങ്ങൾ അപകടത്തിൽപ്പെട്ടു. കുട്ടികളടക്കമുണ്ടായിരുന്ന വാഹനത്തിൽ നിന്ന് എല്ലാവരെയും പുറത്തെത്തിച്ചു. ആർക്കും പരുക്കുകൾ ഇല്ല.
കൊല്ലം കുരീപ്പുഴയിൽ ദേശീയപാത നിർമ്മാണത്തിനിടെ അപകടം; ബിഹാർ സ്വദേശി മരിച്ചു
കൊല്ലം കുരീപ്പുഴയിൽ ദേശീയപാത നിർമ്മാണ സ്ഥലത്തുണ്ടായ അപകടത്തിൽ ബിഹാർ സ്വദേശി മരിച്ചു. മണ്ണ് നീക്കുന്നതിനിടെ മണ്ണിനടിയിൽപ്പെട്ടാണ് അപകടം സംഭവിച്ചത്. മൃതദേഹം പുറത്തെടുക്കാനുള്ള ശ്രമങ്ങൾ പുരോഗമിക്കുകയാണ്.
അടിമാലിയിൽ ദേശീയപാത നിർമ്മാണത്തിനിടെ മണ്ണിടിച്ചിൽ; സുരക്ഷയില്ലാത്തതിനാൽ വീടൊഴിയേണ്ട അവസ്ഥയെന്ന് നാട്ടുകാർ
ഇടുക്കി അടിമാലിക്കടുത്ത് ദേശീയപാത നിർമ്മാണത്തിനിടെ മണ്ണിടിഞ്ഞതിനെ തുടർന്ന് നാട്ടുകാർ പ്രതിഷേധവുമായി രംഗത്ത്. ദേശീയപാത നിർമ്മാണത്തിലെ അശാസ്ത്രീയതയാണ് അപകടകാരണമെന്ന് നാട്ടുകാർ ആരോപിച്ചു. ഉത്തരവാദിത്തപ്പെട്ടവർ ഇടപെട്ട് തങ്ങളെ സുരക്ഷിതമായ ഒരിടത്തേക്ക് മാറ്റണമെന്നാണ് നാട്ടുകാരുടെ ആവശ്യം.
കൊച്ചി-ധനുഷ്കോടി ദേശീയപാത: നിർമ്മാണ വിലക്ക് നീക്കാൻ സർക്കാർ ഖേദപ്രകടനം നടത്തി പുതിയ സത്യവാങ്മൂലം സമർപ്പിച്ചു
കൊച്ചി-ധനുഷ്കോടി ദേശീയപാത നിർമ്മാണവുമായി ബന്ധപ്പെട്ട് ഹൈക്കോടതിയിൽ സംസ്ഥാന സർക്കാർ പുതിയ സത്യവാങ്മൂലം സമർപ്പിച്ചു. നേരത്തെ നൽകിയ സത്യവാങ്മൂലം തെറ്റായിരുന്നെന്ന് സമ്മതിച്ച സർക്കാർ കോടതിയിൽ ഖേദം പ്രകടിപ്പിച്ചു. റോഡിന്റെ ഉടമസ്ഥാവകാശത്തെക്കുറിച്ചുള്ള വിവരങ്ങളിലാണ് സർക്കാർ ഇപ്പോൾ തിരുത്തൽ വരുത്തിയിരിക്കുന്നത്.
ദേശീയപാതാ പ്രവൃത്തികൾ വേഗത്തിൽ പൂർത്തിയാക്കണം: മുഖ്യമന്ത്രി
ദേശീയപാതാ പ്രവൃത്തികൾ വേഗത്തിൽ പൂർത്തിയാക്കാൻ മുഖ്യമന്ത്രി പിണറായി വിജയൻ നിർദ്ദേശം നൽകി. സാങ്കേതിക തടസ്സങ്ങളില്ലാതെ പ്രവൃത്തികൾ മുന്നോട്ട് കൊണ്ടുപോകാൻ മുഖ്യമന്ത്രി ഉദ്യോഗസ്ഥർക്ക് നിർദ്ദേശം നൽകി. 2025 ഡിസംബറോടെ 480 കിലോമീറ്ററും 2026 മാർച്ചോടെ 560 കിലോമീറ്ററും പൂർത്തിയാകും.
മണ്ണുത്തി-ഇടപ്പള്ളി ദേശീയപാതയിൽ അറ്റകുറ്റപ്പണി തുടങ്ങി
സുപ്രീം കോടതിയുടെ വിമർശനത്തിന് പിന്നാലെ മണ്ണുത്തി-ഇടപ്പള്ളി ദേശീയപാതയിൽ അറ്റകുറ്റപ്പണി ആരംഭിച്ചു. പാലിയേക്കര ടോൾ പിരിവ് നിർത്തിവെച്ച ഹൈക്കോടതി ഉത്തരവ് സുപ്രീം കോടതി ശരിവച്ചതിനെ തുടർന്നാണ് നടപടി. അറ്റകുറ്റപ്പണികൾ പൂർത്തിയാകുന്നതോടെ ഗതാഗതക്കുരുക്കിന് ഒരു പരിധി വരെ പരിഹാരമുണ്ടാകുമെന്നാണ് പ്രതീക്ഷിക്കുന്നത്.
മണ്ണുത്തി-ഇടപ്പള്ളി ദേശീയപാതയിലെ കുഴികൾ അടയ്ക്കാതെ NHAI; സുപ്രീംകോടതി ഇടപെട്ടിട്ടും ദുരിതം തുടരുന്നു
തൃശ്ശൂർ മണ്ണുത്തി-ഇടപ്പള്ളി ദേശീയപാതയിലെ കുഴികൾ അടയ്ക്കാതെ നാഷണൽ ഹൈവേ അതോറിറ്റിയും കരാർ കമ്പനിയും. സുപ്രീംകോടതിയുടെ ഇടപെടൽ ഉണ്ടായിട്ടും റോഡിലെ കുഴികൾ അടയ്ക്കാൻ അധികൃതർ തയ്യാറാകുന്നില്ല. ഇത് മൂലം ഗതാഗതക്കുരുക്ക് രൂക്ഷമാവുകയും അപകടങ്ങൾ തുടർക്കഥയാവുകയും ചെയ്യുന്നു.