Murder Charge

സുബീൻ ഗാർഗ് മരണം: മാനേജർക്കും സംഘാടകനുമെതിരെ കൊലക്കുറ്റം ചുമത്തി

അസമീസ് ഗായകൻ സുബീൻ ഗാർഗിന്റെ മരണവുമായി ബന്ധപ്പെട്ട് അദ്ദേഹത്തിന്റെ മാനേജർ സിദ്ധാർഥ് ശർമ്മ, സിംഗപ്പൂരിലെ ഫെസ്റ്റിവൽ സംഘാടകനായ ശ്യാംകനു മഹന്ത എന്നിവർക്കെതിരെ അസം പൊലീസ് കൊലക്കുറ്റം ചുമത്തി. ഭാരതീയ ന്യായ സംഹിതയിലെ (ബിഎൻഎസ്) സെക്ഷൻ 103 പ്രകാരമാണ് എഫ്ഐആർ രജിസ്റ്റർ ചെയ്തിരിക്കുന്നത്. അന്വേഷണത്തിൽ പൂർണ്ണ വിശ്വാസമുണ്ടെന്നും സിംഗപ്പൂരിൽ എന്താണ് സംഭവിച്ചതെന്ന് കണ്ടെത്താൻ സാധിക്കുമെന്നും സുബീൻ ഗാർഗിന്റെ ഭാര്യ ഗരിമ സൈകിയ ഗാർഗ് പ്രതികരിച്ചു.