Missing Student
വടകരയിൽ കാണാതായ പ്ലസ് വൺ വിദ്യാർത്ഥിയുടെ മൃതദേഹം പുഴയിൽ കണ്ടെത്തി
കോഴിക്കോട് വടകരയിൽ നിന്ന് കാണാതായ പ്ലസ് വൺ വിദ്യാർത്ഥിയുടെ മൃതദേഹം പുഴയിൽ കണ്ടെത്തി. മേമുണ്ട ഹയർ സെക്കണ്ടറി സ്കൂളിലെ വിദ്യാർത്ഥിയും വടകര ചാനിയം കടവ് സ്വദേശിയുമായ ആദിഷ് കൃഷ്ണ (17) യുടെ മൃതദേഹമാണ് ചാനിയം കടവ് പുഴയിൽ നിന്നും കണ്ടെത്തിയത്. 28-ാം തീയതി രാത്രിയിൽ വീട്ടിൽ നിന്ന് ഇറങ്ങിയ കുട്ടിയെ കാണാതാവുകയായിരുന്നു.
കാണാതായ പിറവം സ്വദേശി അർജുൻ രഘുവിനെ കോയമ്പത്തൂരിൽ കണ്ടെത്തി
എറണാകുളം പിറവത്ത് നിന്ന് കാണാതായ പ്ലസ് ടു വിദ്യാർത്ഥി അർജുൻ രഘുവിനെ കോയമ്പത്തൂരിൽ കണ്ടെത്തി. തിങ്കളാഴ്ച രാവിലെ സ്കൂളിലേക്ക് പോയ ശേഷം അർജുനെ കാണാതാവുകയായിരുന്നു. കുട്ടിയെ തിരികെ എത്തിക്കുന്നതിനുള്ള നടപടികൾ ആരംഭിച്ചു.
പിറവം: പ്ലസ് ടു വിദ്യാർത്ഥിയെ കാണാനില്ല; പോലീസ് അന്വേഷണം ഊർജ്ജിതം
എറണാകുളം പിറവത്ത് പ്ലസ് ടു വിദ്യാർത്ഥിയെ കാണാനില്ലെന്ന പരാതി. ഓണക്കൂർ സ്വദേശി അർജുൻ രഘുവിനെയാണ് കാണാതായത്. ഇന്നലെ രാവിലെ സ്കൂളിലേക്ക് പോയ കുട്ടി പിന്നീട് വീട്ടിൽ മടങ്ങിയെത്തിയില്ല. പാമ്പാക്കുട ഗവൺമെൻ്റ് സ്കൂളിലെ വിദ്യാർത്ഥിയാണ് അർജുൻ രഘു.
കോഴിക്കോട് നിന്ന് കാണാതായ വിദ്യാർത്ഥിയെ പൂനെയിൽ കണ്ടെത്തി
കോഴിക്കോട് വേദവ്യാസ സ്കൂളിലെ ഏഴാം ക്ലാസ് വിദ്യാർത്ഥിയെ പൂനെയിൽ നിന്ന് കണ്ടെത്തി. ഈ മാസം 24 മുതൽ കാണാതായ ബീഹാർ സ്വദേശിയായ സൻസ്കാർ കുമാറിനെയാണ് കണ്ടെത്തിയത്. ഹോസ്റ്റലിൽ നിന്ന് അപ്രത്യക്ഷനായ കുട്ടിയെ കുറിച്ച് ഹോസ്റ്റൽ അധികൃതർ പരാതി നൽകിയിരുന്നു.
തിരുവനന്തപുരത്ത് പത്താംക്ലാസുകാരൻ തട്ടിക്കൊണ്ടുപോയതായി പരാതി
തിരുവനന്തപുരത്ത് പത്താം ക്ലാസുകാരനെ തട്ടിക്കൊണ്ടുപോയതായി പരാതി ലഭിച്ചു. മംഗലപുരം സ്വദേശിയായ ആഷിഖിനെയാണ് നാലംഗ സംഘം ബലമായി കാറിൽ കയറ്റിക്കൊണ്ടുപോയത്. പൊലീസ് അന്വേഷണം ആരംഭിച്ചു.
പാലക്കാട് കൊല്ലങ്കോട് നിന്ന് കാണാതായ പത്താം ക്ലാസുകാരനെ കണ്ടെത്തി
പാലക്കാട് കൊല്ലങ്കോട് നിന്നും കാണാതായ പത്താം ക്ലാസുകാരനെ പാലക്കാട് റെയിൽവെ സ്റ്റേഷന് സമീപത്ത് നിന്ന് കണ്ടെത്തി. അച്ഛൻ വഴക്ക് പറഞ്ഞതിനെ തുടർന്ന് കുട്ടി വീട്ടിൽ നിന്ന് ഇറങ്ങിപ്പോയതായിരുന്നു. മൊബൈൽ ലൊക്കേഷൻ ഉപയോഗിച്ചാണ് കുട്ടിയെ കണ്ടെത്തിയത്.