Kozhikode
വിജിൽ നരഹത്യ കേസ്: മൃതദേഹം കണ്ടെത്താനുള്ള തിരച്ചിൽ ഇന്നും തുടർന്നു; നാളെയും പരിശോധന
കോഴിക്കോട് വിജിൽ നരഹത്യ കേസിൽ മൃതദേഹം കണ്ടെത്താനുള്ള തിരച്ചിൽ ഇന്നും തുടർന്നു, എന്നാൽ ഇതുവരെ കണ്ടെത്താനായില്ല. ചതുപ്പ് നിലം തിരച്ചിലിന് പ്രതിസന്ധി സൃഷ്ടിക്കുന്നു. നാളെയോടെ മൃതദേഹം കണ്ടെടുക്കാൻ കഴിയുമെന്ന പ്രതീക്ഷയിലാണ് അന്വേഷണ സംഘം.
അമീബിക് മസ്തിഷ്ക ജ്വരം: കോഴിക്കോട് മെഡിക്കൽ കോളേജിൽ ചികിത്സയിലായിരുന്ന രണ്ട് കുട്ടികൾ രോഗം ഭേദമായി ആശുപത്രി വിട്ടു
കോഴിക്കോട് മെഡിക്കൽ കോളേജിൽ ചികിത്സയിലായിരുന്ന രണ്ട് കുട്ടികൾ അമീബിക് മസ്തിഷ്ക ജ്വരം ഭേദമായി ആശുപത്രി വിട്ടു. ഒരാൾക്ക് മാത്രമാണ് തലച്ചോറിനെ രോഗം ബാധിച്ചിരുന്നത്. അതേസമയം, സംസ്ഥാനത്ത് രോഗം ബാധിച്ച് മരണം വർധിക്കുന്നത് ആശങ്കയുണ്ടാക്കുന്നു.
അമീബിക് മസ്തിഷ്ക ജ്വരം: കോഴിക്കോട് മെഡിക്കൽ കോളേജിൽ ചികിത്സയിലുള്ളവരുടെ നില ഗുരുതരം
അമീബിക് മസ്തിഷ്ക ജ്വരം ബാധിച്ച് കോഴിക്കോട് മെഡിക്കൽ കോളേജിൽ ചികിത്സയിലുള്ള രണ്ട് പേരുടെ ആരോഗ്യ നില ഗുരുതരമായി തുടരുന്നു. മലപ്പുറം വണ്ടൂർ സ്വദേശിനിയായ 52 കാരി ഉൾപ്പടെ രണ്ട് പേരുടെ ആരോഗ്യനില ഗുരുതരമായി തുടരുകയാണ്. സംസ്ഥാനത്ത് ഒരു മാസത്തിനിടെ 4 പേരാണ് രോഗം ബാധിച്ച് മരിച്ചത്.
വിജിൽ കൊലക്കേസ്: മൃതദേഹം കണ്ടെത്താൻ ഇന്ന് വീണ്ടും തിരച്ചിൽ
വെസ്റ്റ്ഹിൽ വിജിൽ നരഹത്യ കേസിൽ മൃതദേഹം കണ്ടെത്താനുള്ള തിരച്ചിൽ ഇന്ന് പുനരാരംഭിക്കും. ലാൻഡ് പെനിട്രേറ്റിംഗ് റഡാർ സംവിധാനം ഉപയോഗിച്ചാണ് പരിശോധന നടത്തുന്നത്. കേസിൽ റിമാൻഡിൽ കഴിയുന്ന പ്രതികളെ കസ്റ്റഡിയിൽ വാങ്ങാൻ പോലീസ് അപേക്ഷ നൽകിയിട്ടുണ്ട്.
കോഴിക്കോട് കൊടുവള്ളിയിൽ പുഴയിൽ ഒഴുക്കിൽപ്പെട്ട് രണ്ട് കുട്ടികൾ; ഒരാളെ രക്ഷപ്പെടുത്തി
കോഴിക്കോട് കൊടുവള്ളി മാനിപുരം ചെറുപുഴയിൽ ഒഴുക്കിൽപ്പെട്ട് രണ്ട് കുട്ടികൾ. കുളിക്കാനായി എത്തിയ കുട്ടികളാണ് അപകടത്തിൽപ്പെട്ടത്. ഇതിൽ ഒരാളെ രക്ഷപ്പെടുത്തിയിട്ടുണ്ട്. 10 വയസ്സുള്ള പെൺകുട്ടിക്കായി തിരച്ചിൽ തുടരുകയാണ്.
കോഴിക്കോട് മെഡിക്കൽ കോളേജിൽ ഡിവൈഎഫ്ഐയുടെ തിരുവോണസദ്യ
കോഴിക്കോട് മെഡിക്കൽ കോളേജിൽ ഡിവൈഎഫ്ഐ തിരുവോണസദ്യ വിതരണം ചെയ്തു. രോഗികൾക്കും കൂട്ടിരിപ്പുകാർക്കും പായസത്തോടുകൂടിയ ഓണസദ്യയാണ് നൽകിയത്. പത്തനംതിട്ടയിൽ സിപിഐഎം ജനറൽ സെക്രട്ടറി എം എ ബേബി പൊതിച്ചോറ് വിതരണത്തിൽ പങ്കാളിയായി.
കോഴിക്കോട് എരഞ്ഞിപ്പാലം ആത്മഹത്യ: സുഹൃത്ത് അറസ്റ്റിൽ
കോഴിക്കോട് എരഞ്ഞിപ്പാലത്ത് യുവതി ആത്മഹത്യ ചെയ്ത സംഭവത്തിൽ സുഹൃത്ത് അറസ്റ്റിലായി. അത്തോളി സ്വദേശിനി ആയിഷ റഷയുടെ മരണവുമായി ബന്ധപ്പെട്ട് സുഹൃത്തായ ബഷീറുദ്ദീനെയാണ് പോലീസ് അറസ്റ്റ് ചെയ്തത്. ഇരുവരും തമ്മിലുള്ള പ്രശ്നങ്ങളാണ് ആയിഷയുടെ ആത്മഹത്യയിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം.
എരഞ്ഞിപ്പാലം ആത്മഹത്യ: കാമുകൻ അയച്ച സന്ദേശം നിർണായകമായി; യുവാവിനെതിരെ കേസ്
കോഴിക്കോട് എരഞ്ഞിപ്പാലത്ത് യുവതിയെ തൂങ്ങിമരിച്ച നിലയിൽ കണ്ടെത്തിയ സംഭവം കൊലപാതകമാണെന്ന് ബന്ധുക്കൾ ആരോപിച്ചു. ഇതിനിടെ, തനിക്ക് എന്തെങ്കിലും സംഭവിച്ചാൽ ഉത്തരവാദി ബഷീറുദ്ദീൻ ആയിരിക്കുമെന്ന് ആയിഷ റഷ ബഷീറുദ്ദീന് അയച്ച സന്ദേശം പോലീസിന് ലഭിച്ചു. ഈ തെളിവിന്റെ അടിസ്ഥാനത്തിൽ ബഷീറുദ്ദീനെതിരെ ആത്മഹത്യാ പ്രേരണ കുറ്റം ചുമത്താൻ പോലീസ് തീരുമാനിച്ചു.
കോഴിക്കോട് കളക്ടറേറ്റിൽ ഓണാഘോഷത്തിനിടെ ജീവനക്കാരിക്ക് ലൈംഗികാതിക്രമം; അന്വേഷണം പുരോഗമിക്കുന്നു
കോഴിക്കോട് കളക്ടറേറ്റ് ഓണാഘോഷത്തിനിടെ ജീവനക്കാരിക്ക് ലൈംഗികാതിക്രമം. കെ സെക്ഷനിലെ ഉയർന്ന ഉദ്യോഗസ്ഥനെതിരെയാണ് പരാതി. സംഭവത്തിൽ ഡെപ്യൂട്ടി കളക്ടർ ഇന്ന് പ്രാഥമിക അന്വേഷണ റിപ്പോർട്ട് സമർപ്പിക്കും.
കോഴിക്കോട് എരഞ്ഞിപ്പാലത്ത് യുവതിയെ തൂങ്ങി മരിച്ച നിലയിൽ കണ്ടെത്തി; സുഹൃത്ത് കസ്റ്റഡിയിൽ
കോഴിക്കോട് എരഞ്ഞിപ്പാലത്ത് 21 വയസ്സുള്ള യുവതിയെ ആൺസുഹൃത്തിന്റെ വാടക വീട്ടിൽ തൂങ്ങി മരിച്ച നിലയിൽ കണ്ടെത്തി. സംഭവത്തിൽ യുവതിയുടെ ആൺസുഹൃത്തിനെ നടക്കാവ് പോലീസ് കസ്റ്റഡിയിലെടുത്തു. മരണത്തിൽ ദുരൂഹതയുണ്ടെന്ന് കുടുംബം ആരോപിച്ചു.
അമീബിക് മസ്തിഷ്ക ജ്വരം: കോഴിക്കോട് മെഡിക്കൽ കോളേജിൽ ചികിത്സയിലായിരുന്ന കുഞ്ഞ് മരിച്ചു
കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന മൂന്ന് മാസം പ്രായമുള്ള കുഞ്ഞ് അമീബിക് മസ്തിഷ്ക ജ്വരം ബാധിച്ച് മരിച്ചു. ഓമശ്ശേരി സ്വദേശി അബൂബക്കർ സിദ്ദിഖിന്റെ കുഞ്ഞാണ് മരിച്ചത്. സംസ്ഥാനത്ത് എട്ട് പേരാണ് നിലവിൽ ഈ രോഗം ബാധിച്ച് ചികിത്സയിൽ കഴിയുന്നത്.
താമരശ്ശേരി മത്സ്യ മാർക്കറ്റിൽ ക്വട്ടേഷൻ സംഘത്തിന്റെ ആക്രമണം; ജീവനക്കാർക്ക് പരിക്ക്
കോഴിക്കോട് താമരശ്ശേരി ചുങ്കത്ത് പ്രവർത്തിക്കുന്ന മത്സ്യ മാർക്കറ്റിൽ ക്വട്ടേഷൻ സംഘം ആക്രമം നടത്തി. വൈകിട്ട് ഏഴ് മണിയോടെ എത്തിയ അഞ്ചോളം പേരടങ്ങുന്ന സംഘം ഓഫീസും വാഹനവും അടിച്ചു തകർത്തു. ജീവനക്കാരായ സുൽഫിക്കർ, സുഹൈൽ എന്നിവർക്ക് പരിക്കേറ്റു.