Kozhikode
എസ്എഫ്ഐ ദേശീയ സമ്മേളനത്തിന് കോഴിക്കോട് മെഡിക്കൽ കോളജ് ക്യാമ്പസ് ഹയർ സെക്കൻഡറി സ്കൂളിന് അവധി നൽകിയ സംഭവത്തിൽ പ്രധാനാധ്യാപകന് അനുകൂലമായി എഇഒ റിപ്പോർട്ട്. സ്കൂളിൽ പ്രശ്നങ്ങളുണ്ടാകാതിരിക്കാനാണ് ക്ലാസുകൾക്ക് അവധി നൽകിയത്. എസ്എഫ്ഐ പഠിപ്പ് മുടക്കെന്ന് കാണിച്ച് കത്ത് നൽകിയിരുന്നു എന്നും റിപ്പോർട്ടിലുണ്ട്.
എസ്എഫ്ഐ സമ്മേളനത്തിന് സ്കൂളിന് അവധി നൽകിയത് പ്രതിഷേധാർഹമെന്ന് കെഎസ്യു
കോഴിക്കോട് ഗവൺമെൻ്റ് മെഡിക്കൽ കോളേജ് കാമ്പസ് ഹൈസ്കൂളിന് അവധി നൽകിയത് പ്രതിഷേധാർഹമെന്ന് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യർ. വിദ്യാർത്ഥികളെ നിർബന്ധിതമായി രാഷ്ട്രീയ പരിപാടിയിൽ പങ്കെടുപ്പിക്കാൻ പ്രേരിപ്പിക്കുന്ന നടപടിയാണിതെന്നും അദ്ദേഹം ആരോപിച്ചു. വിഷയത്തിൽ വിദ്യാഭ്യാസ വകുപ്പ് മറുപടി പറയണമെന്നും കെഎസ്യു ആവശ്യപ്പെട്ടു.
മുഖ്യമന്ത്രിയുടെ വാഹനവ്യൂഹം പിന്തുടർന്നതിന് 5 പേർക്കെതിരെ കേസ്
മുഖ്യമന്ത്രിയുടെ വാഹനവ്യൂഹം പിന്തുടർന്നതിന് 5 പേർക്കെതിരെ കേസ് എടുത്തു. മലപ്പുറം സ്വദേശികളായ അഞ്ചുപേരെയാണ് അറസ്റ്റ് ചെയ്തത്. വാഹനത്തിൽ നിന്ന് വാക്കി ടോക്കിയും കണ്ടെത്തി.
വടകരയിൽ 13 വയസ്സുകാരനെ കാണാനില്ല; മാനന്തവാടിയിൽ സിസിടിവി ദൃശ്യങ്ങൾ
കോഴിക്കോട് വടകരയിൽ 13 വയസ്സുകാരനെ കാണാനില്ല. ആയഞ്ചേരി അഷ്റഫിന്റെ മകൻ റാദിൻ ഹംദാനെയാണ് കാണാതായത്. കുട്ടിക്കായി കോഴിക്കോടും വയനാടും ഊർജിതമായ തിരച്ചിൽ നടത്തുകയാണ് പൊലീസ്.
കോഴിക്കോട് 21 കിലോ കഞ്ചാവുമായി ഒഡീഷ സ്വദേശികൾ പിടിയിൽ
കോഴിക്കോട് നഗരത്തിൽ വൻ കഞ്ചാവ് വേട്ടയിൽ രണ്ട് ഒഡീഷ സ്വദേശികൾ പിടിയിലായി. 21.200 കിലോഗ്രാം കഞ്ചാവാണ് ഇവരിൽ നിന്നും കണ്ടെത്തിയത്. എക്സൈസ് എൻഫോഴ്സ്മെൻ്റ് ആൻഡ് ആൻ്റി നാർക്കോട്ടിക് സ്പെഷ്യൽ സ്ക്വാഡാണ് ഇവരെ പിടികൂടിയത്.
കോഴിക്കോട് കനത്ത മഴ: രണ്ട് മരണം; സംസ്ഥാനത്ത് 19 വരെ ശക്തമായ മഴയ്ക്ക് സാധ്യത
കോഴിക്കോട് ജില്ലയിൽ കനത്ത മഴയെ തുടർന്ന് രണ്ട് മരണം റിപ്പോർട്ട് ചെയ്തു. കല്ലൂട്ടിവയൽ സ്വദേശി ഷംസീർ (46), അന്നശ്ശേരി കുളങ്ങരത്തുതാഴം സ്വദേശി നക്ഷത്ര (രണ്ടര വയസ്സ്) എന്നിവരാണ് മരിച്ചത്. സംസ്ഥാനത്ത് അടുത്ത 5 ദിവസം വ്യാപകമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
കുഴിയിൽ വീണ് ബൈക്ക് യാത്രികൻ മരിച്ചു; ദേശീയപാതയിലെ അപകടം തുടർക്കഥയാവുന്നു
കോഴിക്കോട് വടകര ചോമ്പാല ദേശീയപാതയിൽ കുഴിയിൽ വീണ് ബൈക്ക് യാത്രികൻ മരിച്ചു. ചോമ്പാൽ സ്വദേശി ടി.ടി. നാണു (61) ആണ് മരിച്ചത്. മുക്കാളി കെ എസ് ഇ ബി ഓഫിസിന് സമീപമായിരുന്നു അപകടം. കനത്ത മഴയിൽ വെള്ളം കയറിയ കുഴിയിൽ ബൈക്ക് മറിഞ്ഞ് വിഴുകയായിരുന്നു.
കോഴിക്കോട് മെഡിക്കൽ കോളേജിൽ തലയോട്ടിയും അസ്ഥികളും കണ്ടെത്തി; പോലീസ് അന്വേഷണം ആരംഭിച്ചു
കോഴിക്കോട് മെഡിക്കൽ കോളേജ് വേസ്റ്റ് വാട്ടർ പ്ലാന്റിന് സമീപം തലയോട്ടിയും അസ്ഥികളും കണ്ടെത്തി. ബിഗ് ഷോപ്പറിലാണ് തലയോട്ടി കണ്ടെത്തിയത്. സംഭവത്തിൽ പൊലീസ് അന്വേഷണം ആരംഭിച്ചു.
കോഴിക്കോട് വളയത്ത് മിന്നൽ ചുഴലി; താമരശ്ശേരി ചുരത്തിൽ ഗതാഗത നിയന്ത്രണം
കോഴിക്കോട് വളയം പഞ്ചായത്തിൽ മിന്നൽ ചുഴലിക്കാറ്റ് വീശി നാശനഷ്ടം. മരങ്ങൾ കടപുഴകി വീണ് വൈദ്യുതി ബന്ധം തകരാറിലായി. താമരശ്ശേരി ചുരത്തിൽ മരം നിലംപൊത്തുന്ന അവസ്ഥയിൽ; ഗതാഗത നിയന്ത്രണം ഏർപ്പെടുത്തി.
കോഴിക്കോട് പ്ലാനറ്റോറിയം കാഴ്ചയുടെ വിസ്മയം തീർക്കുന്നു; ജ്യോതിശാസ്ത്ര ഗാലറി തുറന്നു
കോഴിക്കോട് പ്ലാനറ്റോറിയത്തിലെ നവീകരിച്ച ജ്യോതിശാസ്ത്ര ഗാലറി മന്ത്രി പി.എ. മുഹമ്മദ് റിയാസ് ഉദ്ഘാടനം ചെയ്തു. 4500 ചതുരശ്ര അടിയിൽ 40-ഓളം പ്രദർശനികളുള്ള ഗാലറിയിൽ പുരാതന ജ്യോതിശാസ്ത്രം മുതൽ ആധുനിക ബഹിരാകാശ ശാസ്ത്രം വരെയുള്ള വിവരങ്ങൾ ലഭ്യമാണ്. സന്ദർശകർക്ക് ആഴത്തിലുള്ള പഠനാനുഭവവും അത്യാധുനിക സാങ്കേതികവിദ്യയും ഇവിടെ ഒരുക്കിയിരിക്കുന്നു.
സംസ്ഥാനത്ത് കനത്ത മഴ; എറണാകുളത്തും തിരുവനന്തപുരത്തും കോഴിക്കോടും നാശനഷ്ടം
സംസ്ഥാനത്ത് കനത്ത മഴയിലും കാറ്റിലും വ്യാപക നാശനഷ്ടം. എറണാകുളം കാക്കനാട് സംരക്ഷണഭിത്തി തകർന്ന് വീട് അപകടാവസ്ഥയിലായി. കോഴിക്കോട് മാങ്കാവ് ഇരുനില കെട്ടിടം തകർന്നു വീണു, ആളപായമില്ല.
കോഴിക്കോട്: ഹണി ട്രാപ്പിൽ പ്രവാസിയെ കുടുക്കി 23 ലക്ഷം രൂപയും വാഹനവും തട്ടി; രണ്ട് പേർ പിടിയിൽ
കോഴിക്കോട് ജില്ലയിൽ ഹണി ട്രാപ്പിൽ കുടുക്കി പ്രവാസിയിൽ നിന്ന് 23 ലക്ഷം രൂപ വിലമതിക്കുന്ന വാഹനവും ഒരു ലക്ഷം രൂപയും തട്ടിയെടുത്ത കേസിൽ രണ്ടുപേരെ നാദാപുരം പോലീസ് അറസ്റ്റ് ചെയ്തു. പള്ളൂർ പാറാൽ സ്വദേശി തെരേസ നോവീന റാണി, തലശ്ശേരി സ്വദേശി അജിനാസ് എന്നിവരെയാണ് പോലീസ് അറസ്റ്റ് ചെയ്തത്. ഈ കേസിൽ ഇനി നാലുപേർ കൂടി പിടിയിലാകാനുണ്ട്.