Kothamangalam
കോതമംഗലത്ത് ഹോസ്റ്റൽ മുറിയിൽ വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തി
കോതമംഗലം നെല്ലിക്കുഴിയിൽ ഹോസ്റ്റൽ മുറിയിൽ ഒന്നാം വർഷ ബിബിഎ വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തി. ഇടുക്കി മാങ്കുളം സ്വദേശി നന്ദന ഹരിയാണ് മരിച്ചത്. സംഭവത്തിൽ ദുരൂഹതയില്ലെന്ന് പോലീസ് പറഞ്ഞെങ്കിലും, വിശദമായ അന്വേഷണം ആവശ്യപ്പെട്ട് മാതാപിതാക്കളും കോളേജ് അധികൃതരും രംഗത്തെത്തി.
ഗതാഗത മന്ത്രിയുടെ നിർദ്ദേശം കാറ്റിൽപ്പറത്തി; കോതമംഗലത്ത് നിയമലംഘനം നടത്തിയ സ്വകാര്യ ബസ്സുകൾക്കെതിരെ നടപടിയില്ല
അമിത വേഗത്തിനും എയർ ഹോൺ ഉപയോഗത്തിനുമെതിരെ നടപടി സ്വീകരിക്കാൻ ഗതാഗത മന്ത്രി കെ.ബി. ഗണേഷ് കുമാർ നിർദ്ദേശം നൽകിയിരുന്നു. എന്നാൽ കോതമംഗലത്തെ സ്വകാര്യ ബസ്സുകൾക്കെതിരെ ഇതുവരെ നടപടിയൊന്നും ഉണ്ടായിട്ടില്ല. നിയമലംഘനം നടത്തിയ ബസ്സുകൾക്കെതിരെ നടപടിയെടുക്കാത്തത് ഉദ്യോഗസ്ഥരുടെ ഭാഗത്തുനിന്നുള്ള വീഴ്ചയാണെന്ന് ആക്ഷേപമുണ്ട്.
കോതമംഗലത്ത് വയോധികയുടെ മാല പൊട്ടിച്ച് കടന്നുകളഞ്ഞ ഇതര സംസ്ഥാന തൊഴിലാളി പിടിയിൽ
കോതമംഗലത്ത് 82 വയസ്സുകാരിയുടെ 1.5 പവൻ മാല പൊട്ടിച്ച് യുവാവ് ഓടി രക്ഷപ്പെട്ടു. സിസിടിവി ദൃശ്യങ്ങളുടെ അടിസ്ഥാനത്തിൽ നടത്തിയ അന്വേഷണത്തിൽ ഇതര സംസ്ഥാന തൊഴിലാളിയാണ് പിടിയിലായത്. പുതുപ്പാടിയിൽ വീടിന്റെ മുറ്റത്ത് വെച്ചായിരുന്നു സംഭവം.
കോതമംഗലത്തും മൂന്നാറിലും കാട്ടാന ശല്യം രൂക്ഷം; കൃഷി നശിപ്പിച്ച് ഗതാഗതവും തടസ്സപ്പെടുത്തി
കോതമംഗലം കോട്ടപ്പടിയിൽ കാട്ടാന ശല്യം രൂക്ഷമായി. മുറിവാലൻ കൊമ്പൻ വ്യാപകമായി കൃഷി നശിപ്പിച്ചു. മൂന്നാറിൽ ഒറ്റയാൻ റോഡിലിറങ്ങി ഗതാഗത തടസ്സമുണ്ടാക്കി.
ഊന്നുകൽ കൊലപാതകം: മരിച്ചത് കുറുപ്പംപടി സ്വദേശി ശാന്ത; അന്വേഷണം ഊർജ്ജിതം
കോതമംഗലം ഊന്നുകൽ കൊലപാതകത്തിൽ മരിച്ചത് കുറുപ്പംപടി സ്വദേശി ശാന്തയാണെന്ന് സ്ഥിരീകരിച്ചു. പോസ്റ്റ്മോർട്ടത്തിനു പിന്നാലെയാണ് മരിച്ചത് ശാന്തയാണെന്ന് തിരിച്ചറിഞ്ഞത്. സംഭവത്തിൽ ഒളിവിൽ കഴിയുന്ന പ്രതിയെ പിടികൂടാനായി പൊലീസ് അന്വേഷണം ശക്തമാക്കിയിട്ടുണ്ട്.
കോതമംഗലം ആത്മഹത്യ: എൻഐഎ അന്വേഷണം വേണമെന്ന് കുടുംബം; എല്ലാ പിന്തുണയും നൽകുമെന്ന് സുരേഷ് ഗോപി
കോതമംഗലത്തെ 23 വയസ്സുകാരിയുടെ ആത്മഹത്യയിൽ എൻഐഎ അന്വേഷണം ആവശ്യപ്പെട്ട് കുടുംബം രംഗത്ത്. റമീസിൻ്റെ വലയിൽ കൂടുതൽ പെൺകുട്ടികൾ കുടുങ്ങിയിട്ടുണ്ടോയെന്ന് അന്വേഷിക്കണമെന്നും സഹോദരൻ ആവശ്യപ്പെട്ടു. കുടുംബത്തിൻ്റെ പരാതി ഡിജിപിക്ക് നേരിട്ട് കൈമാറുമെന്ന് സുരേഷ് ഗോപി ഉറപ്പ് നൽകിയതായി സഹോദരൻ അറിയിച്ചു.
കോതമംഗലം ആത്മഹത്യ കേസ്: പ്രതി റമീസിൻ്റെ മാതാപിതാക്കളെ ഇന്ന് കസ്റ്റഡിയിലെടുക്കും
കോതമംഗലത്ത് 23 വയസ്സുകാരി ആത്മഹത്യ ചെയ്ത സംഭവത്തിൽ പ്രതി റമീസിൻ്റെ മാതാപിതാക്കളെ ഇന്ന് കസ്റ്റഡിയിലെടുക്കും. റമീസിനെ കസ്റ്റഡിയിൽ വാങ്ങി ആലുവയിലെ വീട്ടിലെത്തിച്ച് തെളിവെടുപ്പ് നടത്തും. ആത്മഹത്യയിലേക്ക് നയിച്ചത് റമീസും കുടുംബവും ചേർന്ന് മതപരിവർത്തനത്തിന് നിർബന്ധിച്ചത് കൊണ്ടാണെന്നാണ് കുടുംബത്തിൻ്റെ പരാതി.
കോതമംഗലം ആത്മഹത്യ കേസ്: കൂടുതൽ പേരെ പ്രതിചേർക്കാൻ സാധ്യത
കോതമംഗലത്ത് 23കാരി ആത്മഹത്യ ചെയ്ത സംഭവത്തിൽ കൂടുതൽ പേരെ പ്രതിചേർക്കാൻ സാധ്യത. പ്രതി റമീസിൻ്റെ മാതാപിതാക്കളെയും ചോദ്യം ചെയ്യും. റമീസിനെതിരെ നിരവധി കേസുകളുണ്ടെന്നും പോലീസ് അറിയിച്ചു.
കൂലി ചോദിച്ചെത്തിയ എസി മെക്കാനിക്കിന് ക്രൂര മർദ്ദനം; കോതമംഗലത്ത് പ്രതിഷേധം.
എറണാകുളം കോതമംഗലത്ത് കൂലി ചോദിച്ചെത്തിയ എസി മെക്കാനിക്കിന് മർദ്ദനമേറ്റു. പല്ലാരിമംഗലം ഇഞ്ചക്കുടിയിലെ പ്ലൈവുഡ് കമ്പനിയിൽ വെച്ചാണ് സംഭവം നടന്നത്. സി.പി.ഐ.എം പ്രതിഷേധ മാര്ച്ച് നടത്തി.
കോതമംഗലത്ത് ചായക്കട ഉടമയെ ജീപ്പിടിച്ച് കൊലപ്പെടുത്താൻ ശ്രമം; പ്രതിക്കെതിരെ കേസ്
കോതമംഗലം മാമലക്കണ്ടത്ത് ചായക്കട ഉടമയെയും കുടുംബത്തെയും ജീപ്പിടിച്ച് കൊലപ്പെടുത്താൻ ശ്രമിച്ചു. വാക്ക് തർക്കമാണ് സംഭവത്തിന് പിന്നിലെന്നാണ് പ്രാഥമിക നിഗമനം. സംഭവത്തിൽ രതീഷ് എന്നയാൾക്കെതിരെ പോലീസ് കേസെടുത്തു.
കോതമംഗലം ഫുട്ബോൾ ദുരന്തം: സംഘാടകർക്കെതിരെ കേസ്
കോതമംഗലത്ത് ഫുട്ബോൾ ടൂർണമെന്റിനിടെ ഗ്യാലറി തകർന്ന് വീണ് നിരവധി പേർക്ക് പരിക്കേറ്റു. സംഘാടകർക്കെതിരെ പോലീസ് കേസെടുത്തു. മതിയായ സുരക്ഷാ സംവിധാനങ്ങൾ ഒരുക്കിയിരുന്നില്ലെന്നും പഞ്ചായത്തിന്റെ അനുമതി വാങ്ങിയിരുന്നില്ലെന്നും പോലീസ് പറഞ്ഞു.
കോതമംഗലത്ത് ഫുട്ബോൾ ഗ്യാലറി തകർന്നുവീണു; നിരവധി പേർക്ക് പരിക്ക്
കോതമംഗലം അടിവാട്ടിൽ നടന്ന ഫുട്ബോൾ ടൂർണമെന്റിനിടെ ഗ്യാലറി തകർന്ന് നിരവധി പേർക്ക് പരിക്കേറ്റു. ഫൈനൽ മത്സരത്തിന് മുമ്പ് താൽക്കാലികമായി നിർമ്മിച്ച തടി ഗ്യാലറിയിലേക്ക് തിങ്ങിനിറഞ്ഞ കാണികളാണ് അപകടത്തിനിടയാക്കിയത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.