Kodungallur
കൊടുങ്ങല്ലൂരിൽ ആംബുലൻസിന് നേരെ ആക്രമണം; ഓട്ടോ ഡ്രൈവർ അറസ്റ്റിൽ
കൊടുങ്ങല്ലൂരിൽ രോഗിയുമായി എത്തിയ ആംബുലൻസിന് നേരെ ആക്രമണം. മതിലകത്ത് നിന്ന് കുട്ടിയുമായി വന്ന ആംബുലൻസ് ചന്തപ്പുരയിൽ വെച്ച് ഓട്ടോറിക്ഷയിൽ തട്ടിയതിനെ തുടർന്ന് ഓട്ടോ ഡ്രൈവർ പിന്തുടർന്ന് ആക്രമിക്കുകയായിരുന്നു. സംഭവത്തിൽ ഓട്ടോ ഡ്രൈവർ രഞ്ജേഷിനെ പോലീസ് അറസ്റ്റ് ചെയ്തു.
വിദ്യാർത്ഥികൾക്ക് മദ്യം നൽകിയവർ അറസ്റ്റിൽ
കൊടുങ്ങല്ലൂരിൽ എസ്എസ്എൽസി പരീക്ഷയുടെ അവസാന ദിവസം വിദ്യാർത്ഥികൾക്ക് മദ്യം നൽകിയ രണ്ട് യുവാക്കളെ പോലീസ് അറസ്റ്റ് ചെയ്തു. സ്കൂൾ അധികൃതർ നടത്തിയ ബാഗ് പരിശോധനയിലാണ് മദ്യം കണ്ടെത്തിയത്. പത്തനംതിട്ടയിൽ പരീക്ഷയ്ക്ക് മദ്യവുമായി എത്തിയ നാല് വിദ്യാർത്ഥികൾക്ക് കൗൺസിലിങ് നൽകും.
കൊടുങ്ങല്ലൂരിൽ പൊലീസിനെ ആക്രമിച്ച യുവാവ് അറസ്റ്റിൽ
കൊടുങ്ങല്ലൂരിൽ വാഹന പരിശോധനയ്ക്കിടെ പൊലീസ് ഉദ്യോഗസ്ഥരെ ആക്രമിച്ച യുവാവ് അറസ്റ്റിലായി. പൊയ്യ സ്വദേശി ഇറ്റിത്തറ രാഹുൽ (35) ആണ് അറസ്റ്റിലായത്. മദ്യപിച്ച് വാഹനമോടിച്ചതിന് പൊലീസ് വാഹനം കസ്റ്റഡിയിലെടുത്തതിന് പിന്നാലെയാണ് സംഭവം.
കൊടുങ്ങല്ലൂർ എസ്ഐ സാമ്പത്തിക തട്ടിപ്പിൽ കർണാടക പോലീസിന്റെ പിടിയിൽ
കൊടുങ്ങല്ലൂർ പോലീസ് സ്റ്റേഷനിലെ ഗ്രേഡ് എസ്ഐ ഷഫീർ ബാബുവിനെ മൂന്നര കോടി രൂപയുടെ തട്ടിപ്പുമായി ബന്ധപ്പെട്ട് കർണാടക പോലീസ് കസ്റ്റഡിയിലെടുത്തു. ഇഡി ഉദ്യോഗസ്ഥനെന്ന് ചമഞ്ഞ് തട്ടിപ്പ് നടത്തിയ കേസിലെ ഗൂഢാലോചന കുറ്റത്തിലാണ് അറസ്റ്റ്. കൂടുതൽ അന്വേഷണത്തിനായി പ്രതിയെ കർണാടകയിലേക്ക് കൊണ്ടുപോയി.
കൊടുങ്ങല്ലൂരിൽ നൂറ് ലിറ്റർ ചാരായ വാഷ് പിടികൂടി; നെടുമ്പാശ്ശേരിയിൽ കോടികളുടെ കഞ്ചാവ് വേട്ട
കൊടുങ്ങല്ലൂരിൽ എക്സൈസ് സംഘം നൂറ് ലിറ്റർ ചാരായ വാഷ് പിടികൂടി. നെടുമ്പാശ്ശേരി വിമാനത്താവളത്തിൽ 2.376 കോടി രൂപയുടെ ഹൈബ്രിഡ് കഞ്ചാവ് കസ്റ്റംസ് പിടിച്ചെടുത്തു. ബാങ്കോക്കിൽ നിന്നെത്തിയ കോഴിക്കോട് സ്വദേശിയിൽ നിന്നാണ് കഞ്ചാവ് കണ്ടെത്തിയത്.
കൊടുങ്ങല്ലൂർ അഗതിമന്ദിരത്തിലെ കുട്ടികളെ പീഡിപ്പിച്ച വാർഡൻ അറസ്റ്റിൽ
തൃശ്ശൂർ കൊടുങ്ങല്ലൂരിലെ അഗതിമന്ദിരത്തിലെ കുട്ടികളെ പീഡിപ്പിച്ച വാർഡനെ പൊലീസ് അറസ്റ്റ് ചെയ്തു. കാഞ്ഞങ്ങാട് സ്വദേശിയായ നാരായണനാണ് അറസ്റ്റിലായത്. സേവാഭാരതിയുടെ കീഴിലുള്ള സുകൃതം കൂട്ടുകുടുംബം ഹോസ്റ്റലിലാണ് സംഭവം നടന്നത്.