KERALA
തദ്ദേശ തെരഞ്ഞെടുപ്പിൽ പത്തിരട്ടി സീറ്റ് നേട്ടം ലക്ഷ്യമിട്ട് ബിജെപി
തദ്ദേശ സ്വയംഭരണ തെരഞ്ഞെടുപ്പിൽ 10,000 സീറ്റുകൾ നേടാൻ ലക്ഷ്യമിട്ട് ബിജെപി. 150 ദിവസത്തെ പ്രവർത്തന പദ്ധതികൾ പ്രഖ്യാപിച്ചു. വാർഡ് തലത്തിൽ സർവേയും പുതിയ ആപ്പും ഒരുക്കും.
ഗവർണർക്കെതിരായ ഹർജി ഇന്ന് സുപ്രീം കോടതി പരിഗണിക്കും
ഗവർണറുടെ ബില്ലുകളിലെ തീരുമാനം വൈകുന്നതിനെതിരെ സംസ്ഥാന സർക്കാർ നൽകിയ ഹർജി ഇന്ന് സുപ്രീം കോടതി പരിഗണിക്കും. ജസ്റ്റിസ്മാരായ പി എസ് നരസിംഹ, ജ്യോതിമാല ഭാഗ്ചി എന്നിവരടങ്ങിയ ബെഞ്ചാണ് ഹർജി പരിഗണിക്കുന്നത്. തമിഴ്നാടിന്റെ സമാന ഹർജിയിലെ സുപ്രീംകോടതി വിധി സജീവ ചർച്ചയായിരിക്കെയാണ് കേരളത്തിന്റെ ഹർജി പരിഗണിക്കുന്നത്.
കോഴിക്കോട്: മുന്നറിയിപ്പില്ലാതെ വൈദ്യുതി മുടക്കം; രോഗികളടക്കം വലഞ്ഞു
കോഴിക്കോട് ജില്ലയിൽ മുന്നറിയിപ്പില്ലാതെ വൈദ്യുതി നിയന്ത്രണം ഏർപ്പെടുത്തിയതിനെതിരെ വ്യാപക പരാതി. രാത്രി ഏഴ് മണി മുതൽ ആരംഭിച്ച വൈദ്യുതി മുടക്കം പലയിടത്തും മണിക്കൂറുകളോളം നീണ്ടുനിന്നു. കീമോതെറാപ്പി കഴിഞ്ഞ് വിശ്രമിക്കാൻ ശ്രമിച്ച രോഗികളടക്കം നിരവധി പേർക്കാണ് വൈദ്യുതി മുടക്കം വലിയ ബുദ്ധിമുട്ടുകൾ സൃഷ്ടിച്ചത്.
ഗുരുവായൂർ ക്ഷേത്രത്തിൽ ഭക്തർക്ക് നേരെ സെക്യൂരിറ്റി ജീവനക്കാരുടെ മർദ്ദനമെന്ന് പരാതി
ഗുരുവായൂർ ക്ഷേത്രത്തിൽ വിവാഹ ചടങ്ങിന് എത്തിയ ഭക്തരെ സെക്യൂരിറ്റി ജീവനക്കാർ മർദ്ദിച്ചതായി പരാതി. നടപ്പന്തലിലേക്കുള്ള പ്രവേശനവുമായി ബന്ധപ്പെട്ട തർക്കമാണ് സംഘർഷത്തിന് കാരണമായത്. സംഭവത്തിന്റെ ദൃശ്യങ്ങൾ സാമൂഹ്യ മാധ്യമങ്ങളിൽ പ്രചരിക്കുന്നുണ്ട്.
ഉമ്മൻ ചാണ്ടിയുടെ സ്റ്റാഫംഗത്തിന്റെ കാറിടിച്ച് ബൈക്ക് യാത്രികൻ മരിച്ചു
കൊട്ടാരക്കരയിൽ മുൻ മുഖ്യമന്ത്രി ഉമ്മൻ ചാണ്ടിയുടെ പേഴ്സണൽ സ്റ്റാഫ് അംഗത്തിന്റെ കാറിടിച്ച് ബൈക്ക് യാത്രികൻ മരിച്ചു. സി.പി.ഐ.എം ബ്രാഞ്ച് സെക്രട്ടറി ഷൈൻ (30) ആണ് മരിച്ചത്. ടെനി ജോപ്പനെ പോലീസ് കസ്റ്റഡിയിലെടുത്തു.
മുതലപ്പൊഴിയിൽ പൊഴിമുറി ആരംഭിച്ചു
മുതലപ്പൊഴിയിൽ ഭാഗികമായി പൊഴിമുറിച്ചു തുടങ്ങി. ഡ്രഡ്ജർ കമ്പനിയും സമരസമിതിയും തമ്മിലുള്ള ചർച്ചയിലാണ് തീരുമാനം. മണൽ കൂനകൾ പൂർണ്ണമായും നീക്കം ചെയ്താലെ സമരം അവസാനിപ്പിക്കൂ എന്ന് സമരസമിതി.
തൃശ്ശൂർ പൂരം വിളംബരത്തിന് വീണ്ടും ശിവകുമാർ
എറണാകുളം ശിവകുമാർ എന്ന കൊമ്പൻ തൃശ്ശൂർ പൂരത്തിന്റെ വിളംബര ഘോഷയാത്രയ്ക്ക് നേതൃത്വം നൽകും. മെയ് അഞ്ചിന് നടക്കുന്ന ചടങ്ങിൽ നെയ്തലക്കാവിലമ്മയുടെ തിടമ്പ് വഹിച്ചാകും ശിവകുമാർ തെക്കേ ഗോപുര നട തുറക്കുക. തുടർച്ചയായ അഞ്ചാം തവണയാണ് ശിവകുമാർ ഈ ദൗത്യം നിർവഹിക്കുന്നത്.
ഫ്രാൻസിസ് മാർപാപ്പയുടെ വിയോഗത്തിൽ മമ്മൂട്ടിയും മുഖ്യമന്ത്രിയും അനുശോചിച്ചു
ലോക സമാധാനത്തിന്റെയും മനുഷ്യ സ്നേഹത്തിന്റെയും വക്താവായിരുന്ന ഫ്രാൻസിസ് മാർപാപ്പയുടെ വിയോഗത്തിൽ അനുശോചന പ്രവാഹം. മാർപാപ്പയുടെ വിയോഗത്തിൽ മമ്മൂട്ടിയും മുഖ്യമന്ത്രി പിണറായി വിജയനും അനുശോചിച്ചു. മനുഷ്യാവകാശങ്ങളോടുള്ള മാർപാപ്പയുടെ പ്രതിബദ്ധത കാലത്തിന്റെ പരീക്ഷണങ്ങളെ അതിജീവിക്കുമെന്ന് മമ്മൂട്ടി അനുസ്മരിച്ചു.
എ. പത്മകുമാറിനെ ഒഴിവാക്കി സിപിഐഎം പത്തനംതിട്ട ജില്ലാ സെക്രട്ടേറിയറ്റ്
എ. പത്മകുമാറിനെ ഒഴിവാക്കി സിപിഐഎം പത്തനംതിട്ട ജില്ലാ സെക്രട്ടേറിയറ്റ് രൂപീകരിച്ചു. അച്ചടക്ക നടപടിയിൽ തീരുമാനം വരുന്നതുവരെ അദ്ദേഹത്തിന് സ്ഥാനങ്ങൾ നൽകില്ല. പുതിയ അംഗങ്ങളെ ഉൾപ്പെടുത്തിയതോടെ പാർട്ടി പ്രവർത്തനങ്ങൾ കൂടുതൽ ശക്തമാകുമെന്നാണ് പ്രതീക്ഷ.
ഫ്രാൻസിസ് മാർപാപ്പയ്ക്ക് ആദരാഞ്ജലി അർപ്പിച്ച് മന്ത്രി പി. രാജീവ്
മാർപാപ്പയെ നേരിൽ കണ്ട് സംസാരിച്ച അനുഭവം പങ്കുവച്ച് മന്ത്രി പി. രാജീവ്. കേരളത്തിൽ നിന്നുള്ള ഒരു കമ്മ്യൂണിസ്റ്റുകാരനാണ് താനെന്ന് പരിചയപ്പെടുത്തിക്കൊണ്ടാണ് സംഭാഷണം തുടങ്ങിയത്. ദൈവം നിങ്ങളെ അനുഗ്രഹിക്കട്ടെയെന്ന് പറഞ്ഞ് ഒരു ജപമാല മാർപാപ്പ തനിക്ക് സമ്മാനിച്ചു.
ആലപ്പുഴ ഹൈബ്രിഡ് കഞ്ചാവ് കേസ്: ഷൈൻ ടോം, ശ്രീനാഥ് ഭാസി എന്നിവർക്ക് നോട്ടീസ്
ഹൈബ്രിഡ് കഞ്ചാവ് കേസിലെ മുഖ്യപ്രതി തസ്ലിമ സുൽത്താന, താരങ്ങളുമായി സൗഹൃദം മാത്രമാണെന്ന് വെളിപ്പെടുത്തി. പ്രതികളെ 24 വരെ കസ്റ്റഡിയിൽ വിട്ടു. വിശദമായ ചോദ്യം ചെയ്യലിന് ശേഷം താരങ്ങൾക്ക് നോട്ടീസ് അയക്കും.
ഫ്രാൻസിസ് മാർപ്പാപ്പയുടെ വിയോഗം; പുതിയ മാർപ്പാപ്പയെ തിരഞ്ഞെടുക്കാൻ കോൺക്ലേവ്
ലോക സമാധാനത്തിന്റെ വക്താവായിരുന്ന ഫ്രാൻസിസ് മാർപ്പാപ്പയുടെ വിയോഗത്തിൽ ലോകം ദുഃഖത്തിലാണ്. പുതിയ മാർപ്പാപ്പയെ തിരഞ്ഞെടുക്കാൻ 135 കർദ്ദിനാൾമാർ അടങ്ങുന്ന കോൺക്ലേവ് ചേരും. കേരളത്തിൽ നിന്നുള്ള രണ്ട് കർദ്ദിനാൾമാർ ഉൾപ്പെടെ നാല് ഇന്ത്യൻ കർദ്ദിനാൾമാർ കോൺക്ലേവിൽ പങ്കെടുക്കും.