KERALA
സംസ്ഥാനത്ത് സ്വര്ണവില കുറഞ്ഞു; ഇന്നത്തെ വില അറിയാമോ?
സംസ്ഥാനത്ത് സ്വര്ണവിലയില് ഇന്ന് ഇടിവ് രേഖപ്പെടുത്തി. പവന് 400 രൂപ കുറഞ്ഞ് 81,520 രൂപയായി. ഗ്രാമിന് 50 രൂപ കുറഞ്ഞ് 10,190 രൂപയായിട്ടുണ്ട്.
ദേശീയ ജൂനിയർ അത്ലറ്റിക് മീറ്റിലേക്ക് യോഗ്യത നേടി സജൽഖാൻ
സ്റ്റൈൽ സ്പോർട്സ് അക്കാദമിയിലെ സീനിയർ കായിക താരം സജൽഖാൻ ദേശീയ ജൂനിയർ അത്ലറ്റിക് മീറ്റിലേക്ക് യോഗ്യത നേടി. തിരുവനന്തപുരത്ത് നടന്ന 69-ാമത് സംസ്ഥാന ജൂനിയർ അത്ലറ്റിക് മീറ്റിലാണ് സജൽഖാൻ മെഡൽ നേടിയത്. ട്രിപ്പിൾ ജമ്പിൽ സ്വർണ്ണവും ലോംഗ് ജമ്പിൽ വെള്ളി മെഡലും നേടി.
ഇടുക്കി ചിത്തിരപുരത്ത് മണ്ണിടിഞ്ഞ് 2 തൊഴിലാളികൾ മരിച്ചു; റിസോർട്ടിന് സ്റ്റോപ്പ് മെമ്മോ നൽകിയിരുന്നത് ലംഘിച്ച് നിർമ്മാണം
ഇടുക്കി ചിത്തിരപുരത്ത് മണ്ണിടിച്ചിലിൽ രണ്ട് തൊഴിലാളികൾ മരിച്ചു. മിസ്റ്റി വണ്ടേഴ്സ് എന്ന റിസോർട്ടിന്റെ സംരക്ഷണഭിത്തി നിർമ്മാണത്തിനിടെയാണ് അപകടമുണ്ടായത്. അനധികൃത നിർമ്മാണം കണ്ടെത്തിയതിനെ തുടർന്ന് റിസോർട്ടിന് സ്റ്റോപ്പ് മെമ്മോ നൽകിയിരുന്നുവെങ്കിലും ഇത് ലംഘിച്ച് വീണ്ടും നിർമ്മാണം നടത്തുകയായിരുന്നു.
കണ്ണൂരിൽ ആംബുലൻസ് അപകടത്തിൽപ്പെട്ടു; രോഗിയുൾപ്പെടെ നാലുപേർക്ക് പരിക്ക്
കണ്ണൂരിൽ രോഗിയുമായി പോവുകയായിരുന്ന ആംബുലൻസ് അപകടത്തിൽപ്പെട്ടു. പെരളശ്ശേരിയിൽ വെച്ച് ബൈക്കിലിടിക്കാതിരിക്കാൻ വെട്ടിച്ചതിനെ തുടർന്ന് ആംബുലൻസ് നിയന്ത്രണം തെറ്റി മറിയുകയായിരുന്നു. അപകടത്തിൽ രോഗിയുൾപ്പെടെ നാല് പേർക്ക് പരിക്കേറ്റു, ഒരാളുടെ നില ഗുരുതരമാണ്.
സംസ്ഥാനത്ത് അമീബിക് മസ്തിഷ്ക ജ്വരം: രണ്ട് മരണം കൂടി സ്ഥിരീകരിച്ചു
സംസ്ഥാനത്ത് അമീബിക് മസ്തിഷ്ക ജ്വരം ആശങ്ക ഉയർത്തുന്നു. തിരുവനന്തപുരം, കൊല്ലം സ്വദേശികളായ രണ്ടുപേർ കഴിഞ്ഞ ദിവസം മരിച്ചതിന് പിന്നാലെ അമീബിക് മസ്തിഷ്കജ്വരമാണ് മരണകാരണമെന്ന് സ്ഥിരീകരിച്ചു. ആരോഗ്യ തദ്ദേശ വകുപ്പുകൾ പ്രതിരോധ പ്രവർത്തനങ്ങൾ ഊർജ്ജിതമാക്കിയിട്ടുണ്ട്.
വിതുരയിൽ വയോധികനെ കാറിടിച്ച് കൊലപ്പെടുത്തിയ കേസിൽ വില്ലേജ് ഓഫീസർക്ക് ജാമ്യം
വിതുരയിൽ വയോധികനെ കാറിടിച്ച് കൊലപ്പെടുത്തിയ കേസിൽ പ്രതിയായ വില്ലേജ് ഓഫീസർ സി. പ്രമോദിനെ പൊലീസ് ജാമ്യത്തിൽ വിട്ടയച്ചു. മനഃപൂർവമല്ലാത്ത നരഹത്യയ്ക്കാണ് ഇയാൾക്കെതിരെ കേസെടുത്തിരുന്നത്. അപകടം നടന്നതിനു ശേഷം ഒളിവിൽ പോയ പ്രമോദിന്റെ വാഹനം രണ്ടു ദിവസത്തിനു ശേഷം സ്റ്റേഷന് മുന്നിൽ നിന്നും കണ്ടെത്തിയിരുന്നു.
കൊട്ടാരക്കരയിൽ കിണറ്റിൽ വീണ് മൂന്ന് വയസ്സുകാരൻ മരിച്ചു
കൊല്ലം കൊട്ടാരക്കരയിൽ മൂന്ന് വയസ്സുകാരൻ കിണറ്റിൽ വീണ് മരിച്ചു. വിലങ്ങറ സ്വദേശികളായ ബൈജു-ധന്യ ദമ്പതികളുടെ മകൻ ദിലിനാണ് മരിച്ചത്. കളിക്കുന്നതിനിടെ വീട്ടുമുറ്റത്തെ കിണറ്റിൽ വീണാണ് അപകടം സംഭവിച്ചത്.
സ്വർണവിലയിൽ മാറ്റമില്ല; ഒരു പവൻ 81,520 രൂപ
സംസ്ഥാനത്ത് സ്വർണവിലയിൽ മാറ്റമില്ല. ഒരു പവൻ സ്വർണത്തിന്റെ ഇന്നത്തെ വില 81,520 രൂപയാണ്. ഗ്രാമിന് 10,190 രൂപയാണ് വില. ഈ മാസത്തെ ഏറ്റവും കുറഞ്ഞ വില 77,640 രൂപയായിരുന്നു, ഇത് ഈ മാസം ആദ്യമായിരുന്നു രേഖപ്പെടുത്തിയത്.
കോയിപ്രത്ത് യുവാക്കളെ മർദിച്ച കേസ്: പ്രതികൾ വീട്ടിൽ വന്നിട്ടുണ്ട്, ആത്മാക്കളെന്ന് പറഞ്ഞാണ് പീഡിപ്പിച്ചത്: മാതാപിതാക്കൾ
പത്തനംതിട്ട കോയിപ്രത്ത് യുവാക്കളെ ക്രൂരമായി മർദിച്ച കേസിൽ പ്രതികളായ ജയേഷും ഭാര്യ രശ്മിയും തങ്ങളുടെ വീട്ടിൽ പല തവണ വന്നിട്ടുണ്ടെന്ന് മർദനത്തിനിരയായ റാന്നി സ്വദേശിയുടെ മാതാപിതാക്കൾ വെളിപ്പെടുത്തി. മകനും ജയേഷും തമ്മിൽ ജോലി സംബന്ധമായ സൗഹൃദമുണ്ടായിരുന്നുവെന്നും, ആത്മാക്കളെന്ന് പറഞ്ഞാണ് പീഡിപ്പിച്ചതെന്നും അവർ ട്വന്റിഫോറിനോട് പറഞ്ഞു. അറസ്റ്റിലാകുന്നതുവരെ അപകടത്തിൽ പെട്ടുവെന്നാണ് മകൻ പറഞ്ഞിരുന്നത് എന്നും മാതാപിതാക്കൾ പറയുന്നു.
രാജ്യാന്തര ചലച്ചിത്രമേള: സിനിമകൾ സമർപ്പിക്കാനുള്ള അവസാന തീയതി നീട്ടി
കേരള രാജ്യാന്തര ചലച്ചിത്രമേളയുടെ 30-ാമത് പതിപ്പിലേക്ക് സിനിമകൾ സമർപ്പിക്കാനുള്ള അവസാന തീയതി സെപ്റ്റംബർ 17 വരെ നീട്ടി. 2024 സെപ്റ്റംബർ 1 മുതൽ 2025 ഓഗസ്റ്റ് 31 വരെ പൂർത്തിയാക്കിയ സിനിമകൾക്ക് മേളയിൽ എൻട്രി ലഭിക്കും. കൂടുതൽ വിവരങ്ങൾക്കും എൻട്രികൾ സമർപ്പിക്കുന്നതിനും www.iffk.in സന്ദർശിക്കുക.
അങ്കമാലിയിലെ സ്വകാര്യ ബസ് സമരം ഒത്തുതീർപ്പായി; ബസുകൾ ഇന്ന് മുതൽ സർവീസ് നടത്തും
അങ്കമാലിയിൽ സ്വകാര്യ ബസ് തൊഴിലാളികൾ വേതന വർധന ആവശ്യപ്പെട്ട് നടത്തിയ സമരം ഒത്തുതീർപ്പായി. ജില്ലാ ലേബർ ഓഫീസർ നടത്തിയ ചർച്ചയിലാണ് സമരം ഒത്തുതീർന്നത്. ഇന്ന് മുതൽ അങ്കമാലിയിൽ ബസുകൾ സർവീസ് പുനരാരംഭിക്കും.
നൈജീരിയൻ ലഹരി കേസ്: മലയാളി ലഹരി മാഫിയയുമായി നടത്തിയ ഫോൺ സംഭാഷണം കണ്ടെത്തി
നൈജീരിയൻ ലഹരി കേസിൽ നിർണ്ണായക നീക്കവുമായി പോലീസ്. ലഹരി മാഫിയയുമായി മലയാളി നടത്തിയ ഫോൺ സംഭാഷണം കണ്ടെത്തി. സിറാജിന്റെ ശബ്ദ സാമ്പിൾ ശേഖരിക്കാൻ കോടതിയിൽ അപേക്ഷ നൽകും.