KERALA
ആശാ വർക്കർമാർക്ക് ഫെബ്രുവരി മാസത്തെ ഓണറേറിയം ലഭിച്ചുതുടങ്ങി
പത്തനംതിട്ട ജില്ലയിലെ ആശാ വർക്കർമാർക്ക് ഫെബ്രുവരി മാസത്തെ 7000 രൂപ ഓണറേറിയം ലഭിച്ചുതുടങ്ങി. മറ്റു ജില്ലകളിലും തുക ഉടൻ ലഭ്യമാകും. ഇ പി ജയരാജന്റെ പരാമർശം വിവാദമായതിനിടെയാണ് ഓണറേറിയം വിതരണം.
ഒറ്റപ്പാലത്ത് വയോധികയ്ക്ക് നേരെ ദമ്പതികളുടെ ക്രൂരമര്ദനം
ഒറ്റപ്പാലം കോതകുര്ശിയില് 60 വയസ്സുള്ള ഉഷാകുമാരിയെ ദമ്പതികള് ക്രൂരമായി മര്ദിച്ചു. കഴിഞ്ഞ തിങ്കളാഴ്ച വൈകുന്നേരം 3.30നാണ് സംഭവം. ഉഷാകുമാരിയുടെ ഇടത് ചെവിക്ക് ഗുരുതരമായി പരുക്കേറ്റു.
എൽഎസ്എസ്/യുഎസ്എസ് സ്കോളർഷിപ്പ് കുടിശ്ശിക വിതരണം പൂർത്തിയായി: 29 കോടി രൂപ വിതരണം ചെയ്തു
എൽഎസ്എസ്/യുഎസ്എസ് സ്കോളർഷിപ്പിന്റെ കുടിശ്ശിക വിതരണം പൂർത്തിയായതായി മന്ത്രി വി. ശിവൻകുട്ടി അറിയിച്ചു. ഏകദേശം 29 കോടി രൂപ ഇതിനകം വിതരണം ചെയ്തു. ബാക്കി വിദ്യാർത്ഥികൾക്ക് അഞ്ച് കോടി രൂപ അധികമായി അനുവദിക്കണമെന്ന് സർക്കാർ ആവശ്യപ്പെട്ടിട്ടുണ്ട്.
സമഗ്ര ശിക്ഷാ കേരളത്തിന് കേന്ദ്രാനുമതി: 654 കോടി രൂപയുടെ പദ്ധതികൾക്ക് അംഗീകാരം
2025-26 അധ്യയന വർഷത്തേക്കുള്ള സമഗ്ര ശിക്ഷാ കേരളത്തിന്റെ പദ്ധതി നിർദ്ദേശങ്ങൾക്ക് കേന്ദ്രസർക്കാർ അംഗീകാരം നൽകി. 654 കോടി രൂപയുടെ പദ്ധതികൾക്കാണ് കേന്ദ്രം അനുമതി നൽകിയിരിക്കുന്നത്. എസ്എസ്കെ വിഭാവനം ചെയ്ത 20 ഇന പരിപാടികൾക്കാണ് അംഗീകാരം ലഭിച്ചത്.
കേരളത്തിലേക്ക് ലഹരിമരുന്ന് കടത്ത്: രണ്ട് പേർ കൂടി ബെംഗളൂരുവിൽ പിടിയിൽ
കേരളത്തിലേക്ക് വൻതോതിൽ ലഹരിമരുന്ന് കടത്തിയ സംഘത്തിലെ രണ്ട് പേരെ ബെംഗളൂരുവിൽ നിന്ന് പിടികൂടി. നൈജീരിയൻ സ്വദേശിയും ത്രിപുര സ്വദേശിയുമാണ് പിടിയിലായത്. ബത്തേരി പൊലീസും ലഹരി വിരുദ്ധ സ്ക്വാഡും ചേർന്നാണ് ഇവരെ അറസ്റ്റ് ചെയ്തത്.
തിരുവനന്തപുരം മെഡിക്കൽ കോളേജിൽ സാംപിൾ മോഷണം: ജീവനക്കാരൻ സസ്പെൻഡ്
തിരുവനന്തപുരം മെഡിക്കൽ കോളേജ് ആശുപത്രിയിൽ പരിശോധനയ്ക്കായി എടുത്ത ശരീരഭാഗങ്ങൾ മോഷണം പോയി. ഹൗസ് കീപ്പിംഗ് വിഭാഗത്തിലെ ജീവനക്കാരനെ സസ്പെൻഡ് ചെയ്തു. ആക്രിക്കാരനിൽ നിന്ന് സാംപിളുകൾ തിരിച്ചുപിടിച്ചു.
അട്ടപ്പാടിയിൽ എലിവിഷം കഴിച്ച് മൂന്നുവയസ്സുകാരി മരിച്ചു
അട്ടപ്പാടിയിൽ എലിവിഷം കഴിച്ച് മൂന്നുവയസ്സുകാരി മരിച്ചു. ലിതിൻ -ജോമരിയ ദമ്പതികളുടെ മകൾ നേഹ റോസ് ആണ് മരിച്ചത്. ഫെബ്രുവരി 22നാണ് സംഭവം.
ആർ.സി.സി.യിൽ അത്യാധുനിക കാൻസർ ചികിത്സ; സർഫസ് ഗൈഡഡ് റേഡിയേഷൻ തെറാപ്പി ആരംഭിച്ചു
തിരുവനന്തപുരം ആർ.സി.സി.യിൽ അത്യാധുനിക സർഫസ് ഗൈഡഡ് റേഡിയേഷൻ തെറാപ്പി (എസ്.ജി.ആർ.ടി.) ആരംഭിച്ചു. കാൻസർ കോശങ്ങളെ കൃത്യമായി ലക്ഷ്യം വച്ച് റേഡിയേഷൻ നൽകുന്നതിലൂടെ സാധാരണ കോശങ്ങൾക്ക് കേടുപാടുകൾ സംഭവിക്കുന്നത് എസ്.ജി.ആർ.ടി. തടയുന്നു. സർക്കാർ മേഖലയിൽ ആദ്യമായാണ് ഇത്തരമൊരു ചികിത്സാ സംവിധാനം ഒരുക്കുന്നത്.
ഇടുക്കിയിലെ കയ്യേറ്റങ്ങൾക്കെതിരെ കർശന നടപടി; പ്രത്യേക സംഘത്തെ നിയോഗിക്കുമെന്ന് മന്ത്രി കെ. രാജൻ
ഇടുക്കിയിലെ കയ്യേറ്റങ്ങൾക്കെതിരെ കർശന നടപടിയെടുക്കുമെന്ന് റവന്യൂ മന്ത്രി കെ. രാജൻ. ചൊക്ര മുടിയിലെ കയ്യേറ്റം സർക്കാരിൻ്റെ ശക്തമായ നിലപാടിൻ്റെ ഉദാഹരണമാണെന്ന് മന്ത്രി. കയ്യേറ്റങ്ങൾ കണ്ടെത്തി നടപടി സ്വീകരിക്കാൻ പ്രത്യേക ടീമിനെ നിയോഗിക്കും.
വയനാട്ടിൽ കാട്ടാനാക്രമണം: ഗോത്ര യുവാവിന് പരിക്ക്
വയനാട്ടിൽ കാട്ടാനയുടെ ആക്രമണത്തിൽ ഗോത്ര യുവാവിന് പരുക്ക്. നൂൽപ്പുഴ മറുകര കാട്ടുനായിക്ക ഉന്നതിയിലെ നാരായണനാണ് (40) പരിക്കേറ്റത്. സുൽത്താൻബത്തേരി താലൂക്ക് ആശുപത്രിയിൽ ചികിത്സയിലാണ്.
ആറ്റിങ്ങലിൽ പത്താം ക്ലാസ് വിദ്യാർത്ഥി തൂങ്ങിമരിച്ച നിലയിൽ
ആറ്റിങ്ങലിൽ പത്താം ക്ലാസ് വിദ്യാർത്ഥി വീട്ടിൽ മരിച്ച നിലയിൽ. കണ്ണന്റെ മകൻ അമ്പാടി(15)യാണ് മരിച്ചത്. മരണകാരണം വ്യക്തമല്ല.
കീം 2024-25: ബഹ്റൈൻ, ഹൈദരാബാദ് കേന്ദ്രങ്ങൾ റദ്ദാക്കി; റീഫണ്ട് നടപടികൾ ആരംഭിച്ചു
കീം 2024-25 പരീക്ഷയുടെ ബഹ്റൈൻ, ഹൈദരാബാദ് കേന്ദ്രങ്ങൾ റദ്ദാക്കി. ആവശ്യത്തിന് അപേക്ഷകർ ഇല്ലാത്തതാണ് കാരണം. റീഫണ്ടിന് അർഹരായവർക്ക് ആദ്യഘട്ട വിതരണം പൂർത്തിയായി. ബാങ്ക് അക്കൗണ്ട് വിവരങ്ങൾ തെറ്റായവർക്ക് വീണ്ടും സമർപ്പിക്കാം.