Kerala Politics
പി.വി. അൻവറിനെ യുഡിഎഫിൽ എടുക്കുന്ന കാര്യത്തിൽ പ്രതികരണമില്ലെന്ന് വി.ഡി. സതീശൻ
പി.വി. അൻവറിനെ യുഡിഎഫിൽ എടുക്കുന്നതുമായി ബന്ധപ്പെട്ട ചോദ്യത്തിന് വി.ഡി. സതീശൻ മറുപടി നൽകിയില്ല. നിലമ്പൂരിൽ കണ്ടത് ജനങ്ങളെ മറന്നുപോയ സർക്കാരിനുള്ള പ്രതികരണമാണെന്നും അദ്ദേഹം പറഞ്ഞു. വർഗീയവാദികളുടെ വോട്ട് വേണ്ടെന്ന് തീരുമാനിച്ച പാർട്ടിയാണ് കോൺഗ്രസെന്നും സതീശൻ കൂട്ടിച്ചേർത്തു.
നിലമ്പൂരിലേത് ജനങ്ങൾ നൽകിയ വിജയം; പിതാവിൻ്റെ അഭാവത്തിൽ ദുഃഖമുണ്ടെന്ന് ആര്യാടൻ ഷൗക്കത്ത്
നിലമ്പൂരിലെ വിജയം ജനങ്ങൾ നൽകിയ അംഗീകാരമാണെന്ന് ആര്യാടൻ ഷൗക്കത്ത്. പി.വി. അൻവറുമായി വ്യക്തിപരമായ വിരോധമില്ലെന്നും അദ്ദേഹം പറഞ്ഞു. രാഷ്ട്രീയത്തിൽ സജീവമാകുമ്പോഴും സിനിമ ഉപേക്ഷിക്കില്ലെന്നും നിലവിൽ എഴുത്തിന്റെ പണിപ്പുരയിലാണെന്നും അദ്ദേഹം കൂട്ടിച്ചേർത്തു.
ബിനോയ് വിശ്വത്തിനെതിരെ പരാമർശം: സി.പി.ഐ നേതാക്കൾ മാപ്പ് പറഞ്ഞു
സി.പി.ഐ സംസ്ഥാന സെക്രട്ടറി ബിനോയ് വിശ്വത്തിനെതിരായുള്ള സംഭാഷണത്തിൽ നേതാക്കൾ മാപ്പ് പറഞ്ഞു. സംസ്ഥാന എക്സിക്യൂട്ടീവ് അംഗം കമലാ സദാനന്ദനും, എറണാകുളം ജില്ലാ സെക്രട്ടറി കെ.എം. ദിനകരനുമാണ് പാർട്ടിയ്ക്ക് വിശദീകരണം നൽകിയത്. മാപ്പപേക്ഷിച്ച സാഹചര്യത്തിൽ നടപടി താക്കീതിൽ ഒതുങ്ങിയേക്കും.
വി.എസ്. അച്യുതാനന്ദനെ സന്ദർശിച്ച് ഇടത് നേതാക്കൾ; ഉത്കണ്ഠ വേണ്ടെന്ന് എം.എ. ബേബി
മുൻ മുഖ്യമന്ത്രി വി.എസ്. അച്യുതാനന്ദനെ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചു. അദ്ദേഹത്തെ സന്ദർശിച്ച് ഇടത് നേതാക്കൾ ആരോഗ്യസ്ഥിതി വിലയിരുത്തി. വി.എസ്. ആരോഗ്യവാനായി തിരിച്ചെത്തുമെന്ന് നേതാക്കൾ അറിയിച്ചു.
നിലമ്പൂർ ഉപതെരഞ്ഞെടുപ്പ്: യുഡിഎഫിന് ജമാഅത്തെ ഇസ്ലാമിയുമായുള്ള ബന്ധം ഭാവിയിൽ തിരിച്ചടിയാകുമെന്ന് മന്ത്രി പി.എ. മുഹമ്മദ് റിയാസ്
നിലമ്പൂർ ഉപതെരഞ്ഞെടുപ്പിൽ യുഡിഎഫ് വിജയിച്ചതിന് പിന്നാലെ മന്ത്രി പി.എ. മുഹമ്മദ് റിയാസ് പ്രതികരണവുമായി രംഗത്ത്. യുഡിഎഫിന് ജമാഅത്തെ ഇസ്ലാമിയുമായുള്ള ബന്ധം ഇന്ന് മധുരിക്കുമെങ്കിലും നാളെ കയ്ക്കും എന്ന് മന്ത്രി അഭിപ്രായപ്പെട്ടു. എൽഡിഎഫ് ഉയർത്തിയ ശരിയായ രാഷ്ട്രീയം ജനങ്ങളിലേക്ക് എത്തിക്കാൻ സാധിച്ചോ എന്ന് പരിശോധിക്കുമെന്നും അദ്ദേഹം ഫേസ്ബുക്കിൽ കുറിച്ചു.
നിലമ്പൂർ ഉപതിരഞ്ഞെടുപ്പ്: സർക്കാരിൻ്റെ ജനവിരുദ്ധ നയങ്ങൾക്കെതിരെയുള്ള വിധിയെന്ന് സണ്ണി ജോസഫ്
നിലമ്പൂർ ഉപതിരഞ്ഞെടുപ്പ് ഫലം പിണറായി സർക്കാരിന്റെ ജനവിരുദ്ധ നയങ്ങൾക്കെതിരെയുള്ള അതിശക്തമായ ജനവിധിയാണെന്ന് കെപിസിസി അധ്യക്ഷൻ സണ്ണി ജോസഫ് അഭിപ്രായപ്പെട്ടു. തിരഞ്ഞെടുപ്പിൽ യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് മികച്ച ഭൂരിപക്ഷത്തോടെ വിജയിച്ചെന്നും അദ്ദേഹം കൂട്ടിച്ചേർത്തു. ഈ വിജയം വരാനിരിക്കുന്ന തദ്ദേശ തിരഞ്ഞെടുപ്പുകളിലും 2026-ലെ നിയമസഭാ തിരഞ്ഞെടുപ്പിലും യുഡിഎഫിന് കരുത്തും ഊർജ്ജവും നൽകുമെന്നും സണ്ണി ജോസഫ് ഫേസ്ബുക്കിൽ കുറിച്ചു.
യുഡിഎഫിനൊപ്പം ചേർന്നാൽ ബേപ്പൂരിൽ റിയാസിനെതിരെ മത്സരിക്കും; വി.ഡി. സതീശനുമായി ചർച്ചയ്ക്ക് തയ്യാറെന്ന് അൻവർ
യുഡിഎഫിനൊപ്പം മുന്നോട്ട് പോകാൻ സാഹചര്യമുണ്ടെങ്കിൽ അതിന് തയ്യാറാണെന്ന് പി.വി. അൻവർ. വി.ഡി. സതീശനുമായി ചർച്ച ചെയ്യാൻ തയാറാണെന്നും അദ്ദേഹം അറിയിച്ചു. 2026-ൽ ബേപ്പൂരിൽ മുഹമ്മദ് റിയാസിനെതിരെ മത്സരിക്കുമെന്നും അൻവർ വെല്ലുവിളിച്ചു. പിണറായിസവും മരുമോനിസവുമാണ് ഇവിടുത്തെ പ്രശ്നമെന്നും അൻവർ വിമർശിച്ചു.
നിലമ്പൂരിലെ പരാജയം അംഗീകരിക്കുന്നു; പാഠം പഠിച്ച് മുന്നോട്ട് പോകുമെന്ന് ബിനോയ് വിശ്വം
സിപിഐ സംസ്ഥാന സെക്രട്ടറി ബിനോയ് വിശ്വം നിലമ്പൂരിലെ ഉപതിരഞ്ഞെടുപ്പിലെ പരാജയം അംഗീകരിച്ചു. എൽഡിഎഫ് രാഷ്ട്രീയം മാത്രമാണ് പറഞ്ഞിട്ടുള്ളതെന്നും എന്നിട്ടും പരാജയപ്പെട്ടുവെന്നും അദ്ദേഹം പറഞ്ഞു. പരാജയത്തിൽ നിന്ന് പാഠങ്ങൾ പഠിച്ച് മുന്നോട്ട് പോകുമെന്നും അദ്ദേഹം വ്യക്തമാക്കി.
നിലമ്പൂരിലെ തോൽവി പരിശോധിക്കും; തുടർഭരണ പ്രതീക്ഷക്ക് മങ്ങലില്ലെന്ന് എം.എ. ബേബി
നിലമ്പൂരിലെ പരാജയം സംസ്ഥാന കമ്മിറ്റിയും ജില്ലാ കമ്മിറ്റിയും പരിശോധിക്കുമെന്ന് സി.പി.ഐ.എം ജനറൽ സെക്രട്ടറി എം.എ. ബേബി അറിയിച്ചു. നിലമ്പൂർ ഇടത് മണ്ഡലമല്ലെന്നും ചരിത്രപരമായി അവിടെ എൽ.ഡി.എഫ് വിജയിച്ചിട്ടില്ലെന്നും അദ്ദേഹം കൂട്ടിച്ചേർത്തു. ഈ തോൽവി തുടർഭരണ പ്രതീക്ഷകളെ ബാധിക്കില്ലെന്നും എം.എ. ബേബി വ്യക്തമാക്കി.
നിലമ്പൂരിൽ ബിജെപിക്ക് തിരിച്ചടി; ക്രൈസ്തവ വോട്ട് ലക്ഷ്യമിട്ടുള്ള തന്ത്രം പാളി
നിലമ്പൂർ ഉപതിരഞ്ഞെടുപ്പിൽ ബിജെപിക്ക് കാര്യമായ മുന്നേറ്റം ഉണ്ടാക്കാൻ സാധിച്ചില്ല. ക്രൈസ്തവ വോട്ടുകൾ ലക്ഷ്യമിട്ട് സ്ഥാനാർത്ഥിയെ നിർത്തിയെങ്കിലും കാര്യമായ പിന്തുണ ലഭിച്ചില്ല. കഴിഞ്ഞ തവണത്തേക്കാൾ ഇരുന്നൂറിനടുത്ത് വോട്ടുകൾ മാത്രമാണ് ഇത്തവണ ബിജെപിക്ക് നേടാനായത്.
ഷൗക്കത്തിന് വിജയാശംസകൾ; മുഖ്യമന്ത്രി രാജിവെക്കണം, സതീശനുമായി ചർച്ചയ്ക്ക് തയ്യാറെന്ന് പി.വി അൻവർ
ഷൗക്കത്തിന് വിജയാശംസകൾ നേർന്ന് പി.വി. അൻവർ. മുഖ്യമന്ത്രി പിണറായി വിജയൻ രാജിവെക്കണമെന്ന് ആവശ്യപ്പെട്ടു. വി.ഡി. സതീശനുമായി തുറന്ന ചർച്ചയ്ക്ക് തയ്യാറാണെന്നും അദ്ദേഹം വ്യക്തമാക്കി.
നിലമ്പൂരിലേത് യുഡിഎഫിൻ്റെ വിജയം; സർക്കാരിന് ജനങ്ങൾ നൽകിയത് അവഗണനക്കുള്ള മറുപടിയെന്ന് വി.ഡി. സതീശൻ
നിലമ്പൂരിൽ യുഡിഎഫിൻ്റെ വിജയം ടീം യുഡിഎഫിൻ്റെ ഒറ്റക്കെട്ടായുള്ള പ്രവർത്തനത്തിൻ്റെ ഫലമാണെന്ന് വി.ഡി. സതീശൻ അഭിപ്രായപ്പെട്ടു. 2026-ലെ നിയമസഭാ തിരഞ്ഞെടുപ്പിൽ 100-ൽ അധികം സീറ്റുകൾ നേടി യുഡിഎഫ് അധികാരത്തിൽ തിരിച്ചെത്തുമെന്നും അദ്ദേഹം പ്രത്യാശ പ്രകടിപ്പിച്ചു. ജനങ്ങളോടുള്ള സർക്കാരിൻ്റെ അവഗണനക്കെതിരെയുള്ള പ്രതികരണമാണ് ഈ വിജയമെന്നും അദ്ദേഹം അഭിപ്രായപ്പെട്ടു