Kerala Politics
ബിജെപി ആദ്യമായി മതാടിസ്ഥാനത്തിൽ യോഗം ചേർന്നു; ക്രൈസ്തവ സഭകളെ അടുപ്പിക്കാൻ പുതിയ നീക്കം
സംസ്ഥാന ബിജെപി ആദ്യമായി മതാടിസ്ഥാനത്തിൽ യോഗം ചേർന്നു. ക്രൈസ്തവ സഭകളെ അടുപ്പിച്ചു നിർത്താൻ സഭാ അടിസ്ഥാനത്തിൽ നേതാക്കൾക്ക് ചുമതല നൽകി. ഇതിന്റെ ഭാഗമായി കോട്ടയത്ത് ക്നാനായ കത്തോലിക്കാ സഭാ അധ്യക്ഷനുമായി ബിജെപി സംസ്ഥാന അധ്യക്ഷൻ കൂടിക്കാഴ്ച നടത്തി.
കെ.ടി. ജലീലിന് മനോനില തെറ്റി, ചികിത്സ നൽകണം; യൂത്ത് ലീഗ്
പി.കെ. ഫിറോസിനെതിരായ കെ.ടി. ജലീലിന്റെ ആരോപണങ്ങളിൽ യൂത്ത് ലീഗ് ദേശീയ ജനറൽ സെക്രട്ടറി അഷ്റഫ് അലിയുടെ പ്രതികരണം. ജലീലിന് മനോനില തെറ്റിയെന്നും ചികിത്സ നൽകണമെന്നും അഷ്റഫ് അലി ആവശ്യപ്പെട്ടു. ലീഗിനോടുള്ള വൈരാഗ്യമാണ് ജലീൽ തീർക്കുന്നതെന്നും അദ്ദേഹം ആരോപിച്ചു.
രാഹുലിന് കണ്ടാമൃഗത്തിന്റെ തൊലിക്കട്ടിയെന്ന് എം.വി. ജയരാജൻ
രാഹുൽ മാങ്കൂട്ടത്തിലിനെതിരെ വിമർശനവുമായി സി.പി.ഐ.എം നേതാവ് എം.വി. ജയരാജൻ രംഗത്ത്. ഗൂഗിൾ പേയിലൂടെ അശ്ലീല സന്ദേശം അയക്കാമെന്ന് പഠിച്ചയാളാണ് രാഹുൽ മാങ്കൂട്ടത്തിൽ. രാഹുൽ വിഷയം മറച്ചു പിടിക്കാനാണ് പഴയ കസ്റ്റഡി മർദന ആരോപണങ്ങൾ ഇപ്പോൾ ഉന്നയിക്കുന്നതെന്നും അദ്ദേഹം വിമർശിച്ചു.
ഡിജിറ്റൽ മീഡിയ സെൽ വിവാദം: വി.ഡി സതീശനെതിരെ വിമർശനവുമായി കോൺഗ്രസ് നേതാക്കൾ
കോൺഗ്രസിൽ ഡിജിറ്റൽ മീഡിയ സെല്ലിനെ ചൊല്ലി വിവാദം പുകയുന്നു. വി.ഡി സതീശൻ ഡിജിറ്റൽ മീഡിയ സെൽ ഇല്ലെന്ന് പറഞ്ഞതിന് പിന്നാലെ കെപിസിസി അധ്യക്ഷൻ സണ്ണി ജോസഫ് ഡിജിറ്റൽ മീഡിയ സെൽ പ്രവർത്തിക്കുന്നുണ്ടെന്ന് അറിയിച്ചത് വിവാദമായി. വി.ടി ബൽറാമിനെ സോഷ്യൽ മീഡിയ സെല്ലിൽ നിന്ന് ആരും പുറത്താക്കിയിട്ടില്ലെന്ന് രമേശ് ചെന്നിത്തല പ്രതികരിച്ചു.
മുഖ്യമന്ത്രിക്ക് ആഭ്യന്തര വകുപ്പിന്റെ നിയന്ത്രണം നഷ്ടമായി; രാജി വയ്ക്കണമെന്ന് രമേശ് ചെന്നിത്തല
മുഖ്യമന്ത്രിക്ക് ആഭ്യന്തര വകുപ്പിന്റെ നിയന്ത്രണം നഷ്ടമായെന്നും അതിനാൽ അദ്ദേഹം സ്ഥാനമൊഴിയുന്നതാണ് ഉചിതമെന്നും രമേശ് ചെന്നിത്തല അഭിപ്രായപ്പെട്ടു. കാക്കി വേഷത്തിൽ ക്രിമിനലുകൾ അഴിഞ്ഞാടുകയാണ്. കേരളാ പോലീസിന്റെ സൽപ്പേരിന് കളങ്കം വരുത്തുന്നവരെ മുഖ്യമന്ത്രിയുടെ ഓഫീസ് സഹായിക്കുന്നു എന്നും അദ്ദേഹം ആരോപിച്ചു.
കോൺഗ്രസ് വിട്ട് സിപിഐഎമ്മിൽ ചേർന്ന റിയാസ് തച്ചമ്പാറ 24 മണിക്കൂറിനകം തിരിച്ചെത്തി
കോൺഗ്രസ് വിട്ട് സി.പി.ഐ.എമ്മിൽ ചേർന്ന റിയാസ് തച്ചമ്പാറ 24 മണിക്കൂറിനുള്ളിൽ കോൺഗ്രസിലേക്ക് തന്നെ തിരിച്ചെത്തി. ഡി.സി.സി പ്രസിഡന്റ് എ. തങ്കപ്പനെതിരെ ഉന്നയിച്ച ആരോപണങ്ങൾ ബാഹ്യശക്തികളുടെ ഇടപെടൽ മൂലമാണെന്നും, ഇതിൽ എ. തങ്കപ്പനോട് ക്ഷമാപണം നടത്തുന്നുവെന്നും റിയാസ് തച്ചമ്പാറ പറഞ്ഞു. താൻ ഒരു കോൺഗ്രസുകാരനായി തന്നെ തുടരുമെന്ന് റിയാസ് തച്ചമ്പാറ അറിയിച്ചു.
മന്ത്രിമാര്ക്കും എംഎല്എമാര്ക്കുമെതിരായ പരാമര്ശത്തില് ഉറച്ച് ബഹാവുദ്ദീന് നദ്വി
മന്ത്രിമാർക്കും എംഎൽഎമാർക്കുമെതിരെ നടത്തിയ പരാമർശത്തിൽ ഉറച്ചുനിൽക്കുന്നതായി സമസ്ത ഇകെ വിഭാഗം നേതാവ് ബഹാവുദ്ദീൻ മുഹമ്മദ് നദ്വി അറിയിച്ചു. താൻ പറഞ്ഞതിൽ തെറ്റില്ലെന്നും ചില മന്ത്രിമാർക്കും ജനപ്രതിനിധികൾക്കും അവിഹിത ഭാര്യമാരുണ്ടെന്നും അദ്ദേഹം ആവർത്തിച്ചു. ഈ വിഷയത്തിൽ ആർക്കെങ്കിലും പ്രതിഷേധമുണ്ടെങ്കിൽ അവർ അനാശാസ്യം നിർത്തിവയ്ക്കുകയാണ് ഇതിന് പരിഹാരമെന്നും അദ്ദേഹം കൂട്ടിച്ചേർത്തു.
ഇരട്ട വോട്ടില്ല, ആരോപണം അടിസ്ഥാനരഹിതം; സിപിഐഎമ്മിന് ബിജെപി വക്കാലത്തെന്ന് ടി സിദ്ദിഖ്
വയനാട് കൽപ്പറ്റയിൽ ഇരട്ട വോട്ടുണ്ടെന്ന ആരോപണം ടി സിദ്ദിഖ് എംഎൽഎ നിഷേധിച്ചു. സി.പി.ഐ.എം രാജ്യ വ്യാപകമായി വോട്ട് കൊള്ളക്കെതിരെ ക്യാമ്പയിൻ നടത്തുമ്പോൾ മിണ്ടാതിരുന്നവരാണ് തനിക്കെതിരെ ആരോപണം ഉന്നയിക്കുന്നതെന്നും അദ്ദേഹം കുറ്റപ്പെടുത്തി. കോഴിക്കോട്ടെ വോട്ട് ഒഴിവാക്കാൻ വേണ്ട നടപടികൾ സ്വീകരിക്കുമെന്നും അദ്ദേഹം അറിയിച്ചു.
ഗൃഹസമ്പർക്കം 10 ദിവസം കൂടി നീട്ടി; വിവാദത്തിൽ ബൽറാമിന് പിന്തുണയുമായി കെപിസിസി അധ്യക്ഷൻ
കെപിസിസി നടത്തുന്ന ഗൃഹസമ്പർക്ക പരിപാടി 10 ദിവസത്തേക്ക് കൂടി നീട്ടാൻ തീരുമാനിച്ചു. പരിപാടി വിജയകരമാണെന്ന് കെപിസിസി നേതൃയോഗം വിലയിരുത്തി. വിവാദമായ 'ബീഡി ബിഹാർ' പോസ്റ്റിൽ വി.ടി. ബൽറാമിനെ പിന്തുണച്ച് കെപിസിസി അധ്യക്ഷൻ സണ്ണി ജോസഫ് രംഗത്തെത്തി.
ടി. സിദ്ദിഖിന് ഇരട്ട വോട്ടെന്ന ആരോപണവുമായി സി.പി.ഐ.എം
കൽപ്പറ്റ എംഎൽഎ ടി. സിദ്ദിഖിന് ഇരട്ട വോട്ടുണ്ടെന്ന ആരോപണവുമായി സി.പി.ഐ.എം രംഗത്ത്. കോഴിക്കോട് പെരുമണ്ണയിലും വയനാട് കല്പറ്റയിലും സിദ്ദിഖിന് വോട്ടുണ്ടെന്ന് സി.പി.ഐ.എം ജില്ലാ സെക്രട്ടറി കെ. റഫീഖ് ആരോപിച്ചു. അതേസമയം, ആരോപണങ്ങൾ നിഷേധിച്ച് ടി. സിദ്ദിഖ് രംഗത്തെത്തി.
മുഖ്യമന്ത്രി മനസാക്ഷിയില്ലാത്ത ഭീകരൻ; സുജിത്തിനെ മർദ്ദിച്ച സംഭവം അപലപനീയമെന്ന് സുധാകരൻ
യൂത്ത് കോൺഗ്രസ് നേതാവിനെ പോലീസ് മർദ്ദിച്ച സംഭവത്തിൽ മുഖ്യമന്ത്രിയെ രൂക്ഷമായി വിമർശിച്ച് കെ. സുധാകരൻ. മുഖ്യമന്ത്രി മനസാക്ഷിയില്ലാത്ത ഭീകരനാണെന്ന് സുധാകരൻ ആരോപിച്ചു. പോലീസ് ഉദ്യോഗസ്ഥരെ സംരക്ഷിക്കാൻ ശ്രമിക്കുന്നുവെന്നും അദ്ദേഹം കുറ്റപ്പെടുത്തി. പൊലീസുകാരെ സർവീസിൽ നിന്ന് പുറത്താക്കുന്നത് വരെ കോൺഗ്രസ് പ്രതിഷേധം തുടരുമെന്ന് സുധാകരൻ വ്യക്തമാക്കി.
പോലീസ് സ്റ്റേഷനുകളിലെ മർദ്ദന ദൃശ്യങ്ങൾ ശേഖരിക്കാൻ കെപിസിസി; പ്രതിഷേധം ശക്തമാക്കാൻ നീക്കം
പോലീസ് സ്റ്റേഷനുകളിൽ നടന്ന മർദ്ദനങ്ങളുടെ സിസിടിവി ദൃശ്യങ്ങൾ ശേഖരിക്കാൻ കെപിസിസി തീരുമാനിച്ചു. കോൺഗ്രസ് പ്രവർത്തകർക്ക് നേരെ സമാനമായ നിരവധി മർദ്ദനങ്ങൾ ഉണ്ടായിട്ടുണ്ടെന്ന വിലയിരുത്തലിന്റെ അടിസ്ഥാനത്തിലാണ് ഈ നീക്കം. മർദ്ദനത്തിന് ഇരയായവരെ നേരിൽ കണ്ട് വിവരാവകാശം നൽകി മർദ്ദനങ്ങളുടെ സിസിടിവി ദൃശ്യങ്ങൾ ശേഖരിക്കുകയാണ് ആദ്യപടി.