Kerala Politics
ഫോൺ സംഭാഷണ വിവാദം: ആരോപണങ്ങൾ അടിസ്ഥാനരഹിതമെന്ന് എ.സി. മൊയ്തീൻ
സിപിഐഎമ്മിനെ വെട്ടിലാക്കിയ ഫോൺ സംഭാഷണത്തിൽ പ്രതികരണവുമായി എസി മൊയ്തീൻ. ഫോൺ സംഭാഷണത്തിൽ പറയുന്ന കാര്യങ്ങൾ വസ്തുതയുമായി ബന്ധമില്ലെന്ന് എസി മൊയ്തീൻ പറഞ്ഞു. സംഭവത്തിൽ ശരത് പ്രസാദിനോട് പാർട്ടി വിശദീകരണം ചോദിച്ചിട്ടുണ്ട്.
സിപിഐഎമ്മിനെ വെട്ടിലാക്കിയ ഫോൺ സംഭാഷണത്തിൽ ഡിവൈഎഫ്ഐ തൃശൂർ ജില്ലാ സെക്രട്ടറി ശരത് പ്രസാദിന് ഇന്ന് നേതൃത്വം നോട്ടീസ് നൽകും. ശബ്ദ സന്ദേശത്തിലെ ആരോപണങ്ങളിൽ വിശദീകരണം മൂന്നു ദിവസത്തിനകം നൽകണമെന്നാണ് നിർദേശം. അതേസമയം പുറത്തുവന്ന ഫോൺ സംഭാഷണം തന്റേതാണോയെന്ന് ഉറപ്പില്ലെന്നാണ് ശരത് പറയുന്നത്.
രാഹുലിനെതിരായ നിലപാട് കടുപ്പിച്ച് വി ഡി സതീശൻ; രാഹുലിന് ഇനി കോൺഗ്രസ് സംരക്ഷണമില്ല
രാഹുൽ മാങ്കൂട്ടത്തിലിനെതിരെ പ്രതിപക്ഷ നേതാവ് വി.ഡി സതീശൻ നിലപാട് കടുപ്പിച്ചു. രാഹുലിനെ പാർട്ടിയിൽ നിന്ന് പുറത്താക്കിയ വിവരം സ്പീക്കറെ അറിയിച്ചത് സതീശന്റെ നിർബന്ധപ്രകാരമായിരുന്നു. നിയമസഭാ സമ്മേളനം ആരംഭിക്കുന്നതുവരെ രാഹുൽ നിയമസഭയിലേക്ക് എത്തുമോ എന്ന ആകാംക്ഷ തുടരും.
രാഹുൽ മാങ്കൂട്ടത്തിലിനെതിരായ നടപടി സ്പീക്കറെ അറിയിച്ച് വി.ഡി. സതീശൻ
രാഹുൽ മാങ്കൂട്ടത്തിലിനെതിരായ സസ്പെൻഷൻ നടപടി സ്പീക്കറെ അറിയിച്ച് പ്രതിപക്ഷ നേതാവ് വി.ഡി. സതീശൻ. രാഹുലിനെ കോൺഗ്രസ് പാർലമെൻ്ററി പാർട്ടിയിൽ നിന്ന് പുറത്താക്കിയെന്നും കത്തിൽ സൂചിപ്പിച്ചു. ലൈംഗികാരോപണങ്ങളെ തുടർന്നാണ് രാഹുൽ മാങ്കൂട്ടത്തിനെതിരെ കോൺഗ്രസ് നടപടിയെടുത്തത്.
സിപിഐഎം നേതാക്കൾക്കെതിരായ ആരോപണങ്ങളിൽ വിശദീകരണവുമായി DYFI ജില്ലാ സെക്രട്ടറി
തൃശൂർ ജില്ലയിലെ സിപിഐഎം നേതാക്കൾക്കെതിരായ ആരോപണങ്ങളിൽ വിശദീകരണവുമായി ഡിവൈഎഫ്ഐ ജില്ലാ സെക്രട്ടറി ശരത് പ്രസാദ് രംഗത്ത്. ശബ്ദ സന്ദേശം തന്റേതാണോ എന്ന് ഉറപ്പില്ലെന്നും, ശബ്ദ സന്ദേശത്തിൽ പേര് പരാമർശിക്കപ്പെട്ടവർ ഗുരുതുല്യരാണെന്നും ശരത് പ്രസാദ് ട്വന്റിഫോറിനോട് പറഞ്ഞു. സംഭവത്തിൽ നിയമനടപടിയുമായി മുന്നോട്ട് പോകുമെന്നും ശരത് പ്രസാദ് വ്യക്തമാക്കി.
സിപിഐ-സിപിഐഎം ബന്ധം ശക്തിപ്പെടുത്താൻ ആഗ്രഹിക്കുന്നു: ബിനോയ് വിശ്വം
സിപിഐ-സിപിഐഎം ബന്ധം ശക്തിപ്പെടുത്താൻ സിപിഐ ആഗ്രഹിക്കുന്നുവെന്ന് സംസ്ഥാന സെക്രട്ടറി ബിനോയ് വിശ്വം പറഞ്ഞു. എൽഡിഎഫിന് മുന്നാമൂഴം ഉണ്ടാകുമെന്നും അതിനായി എല്ലാവരെയും ചേർത്തുപിടിക്കുമെന്നും അദ്ദേഹം കൂട്ടിച്ചേർത്തു. കമ്മ്യൂണിസ്റ്റ് പാർട്ടി ഏൽപ്പിച്ച ഉത്തരവാദിത്തം നിറവേറ്റുമെന്നും പ്രവർത്തകരാണ് പാർട്ടിയുടെ ശക്തിയെന്നും ബിനോയ് വിശ്വം പറഞ്ഞു.
തൃശൂർ ജില്ലയിലെ സിപിഐഎം നേതാക്കൾക്കെതിരായ ആരോപണങ്ങളിൽ ഡിവൈഎഫ്ഐ ജില്ലാ സെക്രട്ടറി ശരത് പ്രസാദ് മലക്കം മറിഞ്ഞു. പുറത്തുവന്ന ശബ്ദ സന്ദേശത്തിന്റെ ആധികാരികതയിൽ സംശയമുണ്ടെന്ന് അദ്ദേഹം ഫേസ്ബുക്കിൽ കുറിച്ചു. പാർട്ടി വിരുദ്ധ പ്രവർത്തനത്തിന്റെ പേരിൽ പുറത്തുപോയവരാണ് ഗൂഢാലോചന നടത്തുന്നതെന്നും ശരത് പ്രസാദ് ആരോപിച്ചു.
രാഹുലിന് നിയമസഭയിൽ സംരക്ഷണം നൽകേണ്ടത് സ്പീക്കർ: അടൂർ പ്രകാശ്
നിയമസഭയിൽ രാഹുൽ മാങ്കൂട്ടത്തിലിനെതിരെ പ്രതിഷേധം വന്നാൽ സംരക്ഷണം നൽകേണ്ടത് സ്പീക്കറെന്ന് യുഡിഎഫ് കൺവീനർ അടൂർ പ്രകാശ്. രാഹുൽ മാങ്കൂട്ടത്തിൽ നിയമസഭ സമ്മേളനത്തിൽ പങ്കെടുക്കുന്ന കാര്യത്തിൽ പാർട്ടി അന്തിമ തീരുമാനമെടുക്കും. വോട്ടർ പട്ടികയിലെ ക്രമക്കേടുകൾക്കെതിരെ മുഖ്യ തിരഞ്ഞെടുപ്പ് കമ്മീഷന് പരാതി നൽകിയിട്ടുണ്ട്.
സിപിഐഎം നേതാക്കൾക്കെതിരായ ആരോപണം: പരിഹാസവുമായി യൂത്ത് ലീഗ് നേതാവ് പി.കെ. ഫിറോസ്
സിപിഐഎം നേതാക്കൾക്കെതിരെ ഡിവൈഎഫ്ഐ ജില്ലാ സെക്രട്ടറി വി.പി ശരത് പ്രസാദ് രംഗത്തെത്തിയതിന് പിന്നാലെ യൂത്ത് ലീഗ് നേതാവ് പി.കെ. ഫിറോസിൻ്റെ പരിഹാസം. എ.സി. മൊയ്തീൻ, എം.കെ. കണ്ണൻ എന്നിവർക്കെതിരെയാണ് പ്രധാനമായും ആരോപണങ്ങൾ ഉയർന്നിരിക്കുന്നത്. ശരത് പ്രസാദിൻ്റെ പഴയ ശബ്ദ സന്ദേശമാണ് വിവാദത്തിന് ആധാരം.
രാഹുലിന് നിയമസഭയിൽ പങ്കെടുക്കാം, സംരക്ഷണം നൽകേണ്ടത് സ്പീക്കർ: സണ്ണി ജോസഫ്
നിയമസഭാ സമ്മേളനത്തിൽ രാഹുൽ മാങ്കൂട്ടത്തിൽ പങ്കെടുക്കുന്നതുമായി ബന്ധപ്പെട്ട് കെ.പി.സി.സി അധ്യക്ഷൻ സണ്ണി ജോസഫിന്റെ പ്രതികരണം ശ്രദ്ധേയമാകുന്നു. രാഹുലിനെ സ്പീക്കർ സംരക്ഷിക്കണമെന്നും, സർക്കാരിൻ്റെ ന്യൂനപക്ഷ സംഗമം അവസാനകാല തന്ത്രമാണെന്നും അദ്ദേഹം പറഞ്ഞു. തങ്കച്ചനെ കള്ളക്കേസിൽ കുടുക്കിയ സംഭവത്തിൽ പൊലീസിനാണ് വീഴ്ച പറ്റിയതെന്നും സണ്ണി ജോസഫ് കൂട്ടിച്ചേർത്തു.
ബിനോയ് വിശ്വം സിപിഐ സംസ്ഥാന സെക്രട്ടറിയായി തിരഞ്ഞെടുക്കപ്പെട്ടു
സിപിഐ സംസ്ഥാന സെക്രട്ടറിയായി ബിനോയ് വിശ്വത്തെ തിരഞ്ഞെടുത്തു. സംസ്ഥാന കൗൺസിലാണ് ബിനോയ് വിശ്വത്തെ സെക്രട്ടറിയായി തിരഞ്ഞെടുത്തത്. സമ്മേളനത്തിലൂടെ ബിനോയ് വിശ്വം സംസ്ഥാന സെക്രട്ടറി സ്ഥാനത്തേക്ക് എത്തുന്നത് ഇതാദ്യമാണ്.
സിപിഐഎം നേതാക്കൾക്കെതിരെ സാമ്പത്തിക ആരോപണവുമായി ഡിവൈഎഫ്ഐ നേതാവ്
സിപിഐഎം നേതാക്കൾക്കെതിരെ ഗുരുതരമായ സാമ്പത്തിക ആരോപണങ്ങളുമായി ഡിവൈഎഫ്ഐ തൃശ്ശൂർ ജില്ലാ സെക്രട്ടറി വി.പി. ശരത് പ്രസാദ് രംഗത്ത്. എ സി മൊയ്തീൻ, എം കെ കണ്ണൻ എന്നിവർക്കെതിരെയാണ് പ്രധാന ആരോപണങ്ങൾ. അദ്ദേഹത്തിന്റെ സ്വകാര്യ സംഭാഷണത്തിലെ പരാമർശങ്ങൾ പുറത്തുവന്നിട്ടുണ്ട്.