Kerala Politics
കോൺഗ്രസ് എന്നാൽ ടീം യുഡിഎഫ്; 2026-ൽ 100 സീറ്റ് നേടും: വി.ഡി. സതീശൻ
പ്രതിപക്ഷ നേതാവ് വി.ഡി. സതീശൻ, കോൺഗ്രസ് ഇപ്പോൾ "ടീം യുഡിഎഫ്" എന്ന പേരിലാണ് അറിയപ്പെടുന്നതെന്ന് അഭിപ്രായപ്പെട്ടു. 2026-ലെ നിയമസഭാ തിരഞ്ഞെടുപ്പിൽ 100 സീറ്റുകൾ നേടുമെന്നും അദ്ദേഹം പ്രത്യാശ പ്രകടിപ്പിച്ചു. ശബരിമല വിഷയത്തിൽ കോൺഗ്രസ് എപ്പോഴും വിശ്വാസികൾക്കും അയ്യപ്പ ഭക്തർക്കും ഒപ്പമാണെന്നും അദ്ദേഹം ആവർത്തിച്ചു.
ശബരിമല: സർക്കാരിന് പിന്തുണയുമായി എൻഎസ്എസ്; നിലപാട് മാറ്റിയിട്ടില്ലെന്ന് സുകുമാരൻ നായർ
ശബരിമല വിഷയത്തിൽ സർക്കാരിന് പിന്തുണ നൽകിയ നിലപാടിൽ മാറ്റമില്ലെന്ന് എൻഎസ്എസ് ജനറൽ സെക്രട്ടറി ജി. സുകുമാരൻ നായർ വ്യക്തമാക്കി. രാഷ്ട്രീയപരമായ നിലപാട് കൃത്യമായി വിശദീകരിച്ചിട്ടുണ്ടെന്നും ഏത് പ്രതിഷേധവും നേരിടുമെന്നും അദ്ദേഹം കൂട്ടിച്ചേർത്തു. നിയമനിർമ്മാണം നടത്തുമെന്ന് പറഞ്ഞ ബിജെപി വിശ്വാസികളെ വഞ്ചിച്ചെന്നും കോൺഗ്രസ് ഈ വിഷയത്തിൽ ഒന്നും ചെയ്തില്ലെന്നും അദ്ദേഹം കുറ്റപ്പെടുത്തി.
സർക്കാർ നിലപാടിൽ ഉറച്ച് ജി. സുകുമാരൻ നായർ; പ്രതിഷേധം ശക്തമാകുന്നു
എൻഎസ്എസ് ജനറൽ സെക്രട്ടറി ജി. സുകുമാരൻ നായർ സർക്കാർ അനുകൂല നിലപാടിൽ ഉറച്ചുനിൽക്കുന്നതിനെതിരെ പ്രതിഷേധം ശക്തമാകുന്നു. ശബരിമല വിഷയത്തിൽ സർക്കാർ നിലപാടിനെ പിന്തുണച്ചതിനെ തുടർന്ന് എൻഎസ്എസിനുള്ളിൽ ഭിന്നത രൂക്ഷമായി. സുകുമാരൻ നായർക്കെതിരെ പത്തനംതിട്ടയിലും കോട്ടയത്തും ഫ്ലെക്സുകൾ ഉയർന്നു.
കേരളത്തിൽ എയിംസ് സ്ഥാപിക്കാൻ ബിജെപിക്ക് മാത്രമേ കഴിയൂ: അനൂപ് ആന്റണി
കേരളത്തിൽ എയിംസ് സ്ഥാപിക്കുന്നതുമായി ബന്ധപ്പെട്ട് ബിജെപി സംസ്ഥാന ജനറൽ സെക്രട്ടറി അനൂപ് ആന്റണിയുടെ പ്രതികരണം ശ്രദ്ധേയമാകുന്നു. എയിംസ് കേരളത്തിൽ സ്ഥാപിക്കണമെന്നതാണ് ബിജെപിയുടെ പ്രധാന നിലപാടെന്നും, അത് നടപ്പാക്കാൻ ബിജെപിക്ക് മാത്രമേ സാധിക്കുകയുള്ളൂ എന്നും അദ്ദേഹം വ്യക്തമാക്കി. ഈ വിഷയത്തിൽ പാർട്ടിക്കുള്ള കൃത്യമായ നിലപാട് സംസ്ഥാന സമിതിയിൽ ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.
ബിജെപി സംസ്ഥാന സമിതി യോഗം ഇന്ന് കൊല്ലത്ത്; എയിംസ് വിഷയം ചർച്ചയായേക്കും
ബിജെപി സംസ്ഥാന സമിതി യോഗം ഇന്ന് കൊല്ലത്ത് നടക്കും. രാജീവ് ചന്ദ്രശേഖറിൻ്റെ നേതൃത്വത്തിലുള്ള പുതിയ സംസ്ഥാന കമ്മിറ്റിയുടെ ആദ്യ യോഗമാണിത്. യോഗത്തിൽ ജെ പി നദ്ദ പങ്കെടുക്കും. തദ്ദേശ തിരഞ്ഞെടുപ്പ് മുന്നൊരുക്കം, എയിംസ് വിഷയം, സാമുദായിക സംഘടനകളുമായുള്ള ബന്ധം തുടങ്ങിയ വിഷയങ്ങൾ ചർച്ചയാകും.
എൻഎസ്എസ് വാർഷിക പ്രതിനിധി സഭ ഇന്ന് പെരുന്നയിൽ; ജി. സുകുമാരൻ നായരുടെ നിലപാട് വിശദീകരണം നിർണായകമാകും
എൻഎസ്എസ് വാർഷിക പ്രതിനിധി സഭ ഇന്ന് പെരുന്നയിൽ നടക്കും. 2024-25 വർഷത്തെ വരവ് ചിലവ് കണക്കുകൾ യോഗത്തിൽ ചർച്ച ചെയ്യും. രാഷ്ട്രീയ നിലപാടുകളിലെ മാറ്റം ജനറൽ സെക്രട്ടറി ജി. സുകുമാരൻ നായർ വിശദീകരിക്കും.
യൂത്ത് കോൺഗ്രസ് സംസ്ഥാന അധ്യക്ഷസ്ഥാനത്തേക്ക്; സമ്മർദ്ദം ശക്തമാക്കി ഐ ഗ്രൂപ്പ്
യൂത്ത് കോൺഗ്രസ് സംസ്ഥാന അധ്യക്ഷ സ്ഥാനത്തേക്ക് ഐ ഗ്രൂപ്പ് സമ്മർദ്ദം ശക്തമാക്കുന്നു. അബിൻ വർക്കിയെ അധ്യക്ഷനാക്കണമെന്ന ആവശ്യവുമായി ഗ്രൂപ്പ് നേതാക്കൾ രംഗത്ത്. ഇതിന്റെ ഭാഗമായി കൊച്ചിയിൽ ഗ്രൂപ്പ് നേതാക്കളുടെ യോഗം ചേർന്നു.
ആഗോള അയ്യപ്പ സംഗമം: യുഡിഎഫ് വിശദീകരണ യോഗം നാളെ കോട്ടയത്ത്
ആഗോള അയ്യപ്പ സംഗമം, വികസന സദസ്സ് എന്നീ വിഷയങ്ങളിൽ യുഡിഎഫ് നാളെ കോട്ടയത്ത് വിശദീകരണ യോഗം നടത്തും. തിരുനക്കരയിൽ പ്രതിപക്ഷ നേതാവ് വി ഡി സതീശൻ യോഗം ഉദ്ഘാടനം ചെയ്യും. എൻഎസ്എസ് സർക്കാർ അനുകൂല നിലപാട് സ്വീകരിച്ച സാഹചര്യത്തിൽ യോഗം നിർണായകമാകും.
വെള്ളാപ്പള്ളി നടേശനുമായി കൂടിക്കാഴ്ച നടത്തി വി മുരളീധരൻ; രാഷ്ട്രീയം ചർച്ചയായില്ലെന്ന് സൂചന
എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശനുമായി ബിജെപി നേതാവ് വി. മുരളീധരൻ കൂടിക്കാഴ്ച നടത്തി. കണിച്ചുകുളങ്ങരയിലെ വീട്ടിൽ എത്തിയായിരുന്നു കൂടിക്കാഴ്ച. രാഷ്ട്രീയം ചർച്ചയായില്ലെന്നും സൗഹൃദ സന്ദർശനം മാത്രമായിരുന്നു ഇതെന്നും നേതാക്കൾ വ്യക്തമാക്കി.
തിരഞ്ഞെടുപ്പിൽ തുടർച്ചയായി മത്സരിക്കുന്നതിൽ നിന്ന് വിട്ട് നിൽക്കാൻ എൻസിപി; ലക്ഷ്യം മന്ത്രി എ.കെ ശശീന്ദ്രൻ?
തുടർച്ചയായി തിരഞ്ഞെടുപ്പുകളിൽ മത്സരിക്കുന്നതിൽ നിന്ന് വിട്ട് നിൽക്കാൻ എൻസിപി പുതിയ മാർഗ്ഗരേഖ പുറത്തിറക്കി. മൂന്ന് ടേമോ അതിൽ കൂടുതലോ മത്സരിച്ചവർക്ക് ഇത്തവണ സീറ്റ് നൽകേണ്ടതില്ലെന്നാണ് തീരുമാനം. മന്ത്രി എ.കെ ശശീന്ദ്രനെ ലക്ഷ്യമിട്ടാണ് പ്രധാനമായും ഈ നീക്കം.
ശബരിമല വിഷയത്തിൽ എൻഎസ്എസ് അടക്കമുള്ളവർക്ക് എന്ത് തീരുമാനവുമെടുക്കാം: വി.ഡി. സതീശൻ
ശബരിമല വിഷയത്തിൽ എൻഎസ്എസ് ഉൾപ്പെടെയുള്ള സമുദായ സംഘടനകൾക്ക് എന്ത് തീരുമാനവുമെടുക്കാമെന്ന് പ്രതിപക്ഷ നേതാവ് വി. ഡി. സതീശൻ അഭിപ്രായപ്പെട്ടു. തിരഞ്ഞെടുപ്പ് മുന്നിൽ കണ്ടുള്ള സിപിഐഎമ്മിന്റെ ശബരിമല മാസ്റ്റർ പ്ലാൻ കപടഭക്തിയുടെ ഭാഗമല്ലേയെന്നും അദ്ദേഹം ചോദിച്ചു. യുഡിഎഫിന് ഇക്കാര്യത്തിൽ ഒറ്റ നിലപാടേ ഉള്ളൂവെന്നും സതീശൻ കൂട്ടിച്ചേർത്തു.
എയിംസ് വിഷയത്തിൽ ഉറച്ച് സുരേഷ് ഗോപി; വിമർശനവുമായി സിപിഎമ്മും, തള്ളി ബിജെപി ജില്ലാ നേതൃത്വവും
എയിംസ് വിഷയത്തിൽ തനിക്ക് ഒറ്റ നിലപാടേ ഉള്ളൂവെന്ന് കേന്ദ്രമന്ത്രി സുരേഷ് ഗോപി. എയിംസ് കേരളത്തിൽ എവിടെ സ്ഥാപിച്ചാലും സ്വീകാര്യമാണെന്ന് ബിജെപി. സുരേഷ് ഗോപിക്ക് എതിരെ രൂക്ഷ വിമർശനവുമായി സി.പി.എം രംഗത്ത്.