Kerala Politics
നിലമ്പൂർ ഉപതിരഞ്ഞെടുപ്പ്: ആദ്യ ഫല സൂചനകൾ വഴിക്കടവിൽ നിന്ന്
നിലമ്പൂർ ഉപതിരഞ്ഞെടുപ്പിന്റെ ഫലം അറിയാൻ ഇനി മണിക്കൂറുകൾ മാത്രം. ആദ്യ ഫല സൂചനകൾ രാവിലെ എട്ടേകാലോടെ അറിയാം. വഴിക്കടവ് പഞ്ചായത്തിലെ വോട്ടുകളാണ് ആദ്യം എണ്ണുന്നത്.
നിലമ്പൂർ ഉപതെരഞ്ഞെടുപ്പ്: വോട്ടെണ്ണൽ ആരംഭിക്കാൻ മണിക്കൂറുകൾ മാത്രം; രാഷ്ട്രീയ കേരളം ഉറ്റുനോക്കുന്നു
രാഷ്ട്രീയ കേരളം ഉറ്റുനോക്കുന്ന നിലമ്പൂർ ഉപതെരഞ്ഞെടുപ്പിന്റെ ഫലം ഇന്ന് അറിയാം. രാവിലെ എട്ട് മണി മുതൽ വോട്ടെണ്ണൽ ആരംഭിക്കും. ആദ്യ ഫല സൂചനകൾ എട്ടേകാലോടെ ലഭ്യമാകും. തിരഞ്ഞെടുപ്പ് കമ്മീഷൻ എല്ലാ തയ്യാറെടുപ്പുകളും പൂർത്തിയാക്കിയതായി അറിയിച്ചു.
മൈക്ക് കിട്ടിയാൽ നിയന്ത്രണം വിടരുത്; നിലമ്പൂർ ഉപതിരഞ്ഞെടുപ്പ് ഫലം നിർണായകമെന്ന് മുഖ്യമന്ത്രിയുടെ താക്കീത്
നിലമ്പൂർ ഉപതിരഞ്ഞെടുപ്പിന്റെ ഫലം അറിയാൻ മണിക്കൂറുകൾ മാത്രം ബാക്കിനിൽക്കെ, മുഖ്യമന്ത്രി പിണറായി വിജയൻ പാർട്ടിക്ക് താക്കീത് നൽകി. മൈക്ക് കാണുമ്പോൾ നിയന്ത്രണം വിടരുതെന്ന് അദ്ദേഹം പറഞ്ഞു. തിരഞ്ഞെടുപ്പ് ഒരുക്കങ്ങൾ ചർച്ച ചെയ്യുന്നതിനിടെയാണ് മുഖ്യമന്ത്രിയുടെ ഈ മുന്നറിയിപ്പ്.
നിലമ്പൂർ ഉപതിരഞ്ഞെടുപ്പ് ഫലം നാളെ; രാഷ്ട്രീയ കേരളം ഉറ്റുനോക്കുന്നു
നാളെ രാവിലെ 8 മണിക്ക് വോട്ടെണ്ണൽ ആരംഭിക്കും. എൽഡിഎഫിനും യുഡിഎഫിനും ഈ തിരഞ്ഞെടുപ്പ് നിർണായകമാണ്. ഇരുമുന്നണികളും വിജയപ്രതീക്ഷ പങ്കുവെക്കുമ്പോഴും, പി.വി. അൻവർ നേടുന്ന വോട്ടുകൾ നിർണായകമാകും.
പെരിയ ഇരട്ടക്കൊലക്കേസ് പ്രതിയായ കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ. മണികണ്ഠൻ രാജിവെച്ചു
കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ. മണികണ്ഠൻ രാജി വെച്ചു. പെരിയ ഇരട്ടക്കൊലക്കേസിലെ 14-ാം പ്രതിയായ ഇദ്ദേഹത്തെ കോടതി അഞ്ച് വർഷത്തെ തടവിന് ശിക്ഷിച്ചിരുന്നു. ഈ മാസം 26-നാണ് കേസ് സംബന്ധിച്ച അന്തിമ വാദം കേൾക്കുന്നത്.
കെ.പി.സി.സി രാഷ്ട്രീയ കാര്യ സമിതി യോഗം ജൂൺ 27-ന് ചേരും. നിലമ്പൂർ ഉപതിരഞ്ഞെടുപ്പിന് ശേഷമുള്ള ആദ്യ യോഗമാണിത്. പുനഃസംഘടന ചർച്ചകൾ പ്രധാന അജണ്ടയാണ്.
ഗവർണറുടെ അധികാരം പാഠ്യപദ്ധതിയിൽ; സ്വാഗതം ചെയ്ത് കേന്ദ്രമന്ത്രി ജോർജ് കുര്യൻ
ഗവർണറുടെ അധികാരങ്ങൾ പാഠ്യപദ്ധതിയിൽ ഉൾപ്പെടുത്തുന്നതിനെ കേന്ദ്രമന്ത്രി ജോർജ് കുര്യൻ സ്വാഗതം ചെയ്തു. രാജ്ഭവനിൽ എന്ത് വേണമെന്ന് ഗവർണർ തീരുമാനിക്കണം, ക്ലിഫ് ഹൗസിൽ എന്ത് വേണമെന്ന് മുഖ്യമന്ത്രിയും തീരുമാനിക്കണം എന്നും അദ്ദേഹം പറഞ്ഞു. ഗവർണറും സർക്കാരും തമ്മിലുള്ള ഭാരതാംബ ചിത്ര വിവാദത്തിൽ ഇരു കൂട്ടരും നിലപാടുകളിൽ ഉറച്ചുനിൽക്കുകയാണ്.
ത്രിവർണ പതാകയേന്തിയ ഭാരതാംബ; ബിജെപി നിലപാട് മാറ്റുന്നു?
സെക്രട്ടറിയേറ്റിന് മുന്നിൽ ഇന്ന് നടക്കാനിരിക്കുന്ന സമരപരിപാടിക്കായി ബിജെപി തയ്യാറാക്കിയ പോസ്റ്ററിൽ കാവിക്കൊടിക്ക് പകരം ത്രിവർണ പതാകയേന്തിയ ഭാരതാംബയുടെ ചിത്രം ഉപയോഗിച്ചു. രാജ്ഭവനിൽ നടന്ന യോഗ ദിനാചരണ പരിപാടിയിലും ഗവർണർ കാവിക്കൊടിയേന്തിയ ഭാരതാംബയുടെ ചിത്രം ഉപയോഗിച്ചത് ശ്രദ്ധേയമായി. ഗവർണറും സർക്കാരും തമ്മിലുള്ള ഭാരതാംബ ചിത്ര വിവാദം പുതിയ തലത്തിലേക്ക് നീങ്ങുകയാണ്.
തദ്ദേശ തിരഞ്ഞെടുപ്പിന് സിപിഐഎം ഒരുങ്ങുന്നു; സംസ്ഥാന ശില്പശാല ഞായറാഴ്ച
തദ്ദേശ സ്വയംഭരണ തിരഞ്ഞെടുപ്പ് ഒരുക്കങ്ങളിലേക്ക് കടന്ന് സിപിഐഎം. സംസ്ഥാന- ജില്ലാ നേതാക്കള്ക്ക് പരിശീലനത്തിനായി ഞായറാഴ്ച ശില്പശാല നടത്തും. മുഖ്യമന്ത്രിയുടെ നേതൃത്വത്തിലാണ് ശില്പശാല. തദ്ദേശ തിരഞ്ഞെടുപ്പില് ജയം ഉറപ്പാക്കുക ലക്ഷ്യമിട്ടുള്ള രൂപരേഖ അവതരിപ്പിക്കും.
എ. ജയതിലകിന് പ്രത്യേക സംരക്ഷണമോ? ഫേസ്ബുക്ക് പോസ്റ്റുമായി എന്. പ്രശാന്ത് ഐ.എ.എസ്
ചീഫ് സെക്രട്ടറി എ. ജയതിലകിനെതിരെ ഫേസ്ബുക്ക് പോസ്റ്റുമായി എന്. പ്രശാന്ത് ഐ.എ.എസ്. എ. ജയതിലകിന് മറ്റാർക്കും ലഭിക്കാത്ത പരിരക്ഷ ലഭിക്കുന്നുവെന്ന് അദ്ദേഹം ആരോപിച്ചു. തന്റെ സസ്പെൻഷന് പിന്നിലെ കാര്യങ്ങൾ പുറത്തുവരുമെന്നും അദ്ദേഹം പറഞ്ഞു. വിവരാവകാശ പ്രകാരം ലഭിച്ച ഫയലുകൾ തിരുത്തിയതാരെന്ന് കണ്ടെത്തുമെന്നും പ്രശാന്ത് കുറിച്ചു.
‘ആർഎസ്എസ് ചിഹ്നം പ്രദർശിപ്പിച്ച് രാജ്ഭവൻ ഭരണഘടന ലംഘിച്ചു’: എം.വി. ഗോവിന്ദൻ
മന്ത്രി വി ശിവൻകുട്ടിയുടേത് ശരിയായ ദിശയിലുള്ള നടപടിയാണെന്ന് എം വി ഗോവിന്ദൻ അഭിപ്രായപ്പെട്ടു. ഔദ്യോഗിക ചടങ്ങിൽ ആർഎസ്എസ് ചിഹ്നം പ്രദർശിപ്പിച്ച രാജ്ഭവനാണ് ഭരണഘടനാപരമായ രീതി ലംഘിച്ചിരിക്കുന്നതെന്നും അദ്ദേഹം കുറ്റപ്പെടുത്തി. സർക്കാർ പരിപാടികളിൽ പൊതുവിൽ അംഗീകരിച്ച ചിഹ്നങ്ങൾ മാത്രമേ ഉപയോഗിക്കാൻ പാടുള്ളുവെന്നും ഏതെങ്കിലും രാഷ്ട്രീയ സംഘടനയുടെ കൊടികളോ ചിഹ്നങ്ങളോ ഉപയോഗിക്കാൻ പാടില്ലെന്നും അദ്ദേഹം കൂട്ടിച്ചേർത്തു.
നിലമ്പൂരിൽ എൽഡിഎഫിന് വിജയപ്രതീക്ഷയുണ്ടെന്ന് എം സ്വരാജ്
നിലമ്പൂർ ഉപതെരഞ്ഞെടുപ്പിൽ എൽഡിഎഫ് മികച്ച വിജയം നേടുമെന്ന് സ്ഥാനാർത്ഥി എം. സ്വരാജ് പറഞ്ഞു. തെരഞ്ഞെടുപ്പിൽ ഭരണവിരുദ്ധ വികാരം ഉണ്ടായിട്ടില്ലെന്നും അദ്ദേഹം കൂട്ടിച്ചേർത്തു. വിവാദങ്ങൾക്കും അവഹേളനങ്ങൾക്കും ജനം മറുപടി നൽകുമെന്നും ആര്യാടൻ ഷൗക്കത്ത് അഭിപ്രായപ്പെട്ടു.