Kerala Politics
ഷാഫി പറമ്പിലിനെതിരെ വിമർശനവുമായി എസ്എഫ്ഐ സംസ്ഥാന പ്രസിഡന്റ് എം. ശിവപ്രസാദ്
പേരാമ്പ്ര സംഭവത്തിൽ ഷാഫി പറമ്പിലിനെതിരെ എസ്എഫ്ഐ സംസ്ഥാന പ്രസിഡന്റ് എം. ശിവപ്രസാദ് രംഗത്ത്. രാഷ്ട്രീയ ആരോപണങ്ങളിൽ നിന്ന് രക്ഷപ്പെടാനുള്ള ഗൂഢാലോചനയാണ് നടക്കുന്നതെന്നും യൂത്ത് കോൺഗ്രസ് വയനാടിനു വേണ്ടി പിരിച്ച പണം എവിടെയാണെന്ന് ചോദിക്കണമെന്നും അദ്ദേഹം ആവശ്യപ്പെട്ടു. ക്രിമിനൽ കേസുകളുള്ളവർക്ക് ഡിഗ്രി പ്രവേശന വിലക്ക് ഏർപ്പെടുത്തുന്നത് ജനാധിപത്യ ലംഘനമാണെന്നും അദ്ദേഹം കൂട്ടിച്ചേർത്തു.
മുഖ്യമന്ത്രിയുടെ മകന് ഇ.ഡി നോട്ടീസ്: രാഷ്ട്രീയ വിവാദങ്ങൾക്ക് തുടക്കം
മുഖ്യമന്ത്രി പിണറായി വിജയന്റെ മകന് വിവേക് കിരണിന് എന്ഫോഴ്സ്മെന്റ് ഡയറക്ടറേറ്റ് (ഇ.ഡി) നോട്ടീസ് അയച്ച സംഭവം സംസ്ഥാന രാഷ്ട്രീയത്തില് പുതിയ വിവാദങ്ങള്ക്ക് തുടക്കം കുറിക്കുന്നു. കള്ളപ്പണം വെളുപ്പിക്കൽ ആരോപണവുമായി ബന്ധപ്പെട്ട് 2023ൽ ആണ് ഇ.ഡി നോട്ടീസ് അയച്ചത്. ഇതുമായി ബന്ധപ്പെട്ട് വിവേക് കിരണിനെ വീണ്ടും ചോദ്യം ചെയ്യാൻ ഇ.ഡി ഒരുങ്ങുകയാണ്.
ഷാഫി പറമ്പിലിനെ പരിഹസിച്ച് വി വസീഫ്; ‘തോർത്തുമായി ഫോറൻസിക്കിലേക്ക് പോകേണ്ടി വരുമെന്ന്’
പേരാമ്പ്രയിൽ യുഡിഎഫ്-സിപിഐഎം പ്രതിഷേധ പ്രകടനങ്ങൾക്കിടെ പോലീസ് ലാത്തിച്ചാർജിൽ പരിക്കേറ്റ ഷാഫി പറമ്പിൽ എം.എൽ.എയെ അടിയന്തര ശസ്ത്രക്രിയക്ക് വിധേയനാക്കിയതിനു പിന്നാലെ, ഡിവൈഎഫ്ഐ സംസ്ഥാന പ്രസിഡന്റ് വി. വസീഫ് അദ്ദേഹത്തെ പരിഹസിച്ച് രംഗത്തെത്തി. ഷാഫി മൂക്കുമായി ആശുപത്രിയിലേക്ക് പോവുകയല്ല, തോർത്തുമായി ഫോറൻസിക്കിലേക്കാണ് പോകേണ്ടതെന്ന് വസീഫ് പരിഹസിച്ചു. വയനാട് ഫണ്ടിലും രാഹുൽ മാങ്കൂട്ടത്തിൽ വിഷയങ്ങളിലും ഷാഫി പ്രതിസന്ധിയിലായ സമയത്ത് ഇമേജ് ബിൽഡിങ്ങിനുള്ള ശ്രമമാണ് പേരാമ്പ്രയിൽ കണ്ടതെന്നും വി. വസീഫ് ആരോപിച്ചു.
ഷാഫി പറമ്പിലിനെ ആക്രമിച്ചാല് പ്രതികാരം ചോദിക്കും; സര്ക്കാരിനെതിരെ ആഞ്ഞടിച്ച് വി.ഡി. സതീശന്
ഷാഫി പറമ്പിലിനെ ആക്രമിച്ച സംഭവത്തില് സര്ക്കാരിനെതിരെ ആഞ്ഞടിച്ച് വി.ഡി. സതീശന്. പ്രതിരോധത്തിലായ സര്ക്കാരിനെയും മുഖ്യമന്ത്രിയെയും രക്ഷിക്കാന് പൊലീസ് ശ്രമിച്ചാല് ശക്തമായ പ്രക്ഷോഭം നടത്തുമെന്ന് അദ്ദേഹം മുന്നറിയിപ്പ് നല്കി. ഷാഫി പറമ്പിലിന്റെ ചോരയ്ക്ക് പ്രതികാരം ചോദിക്കുമെന്നും സതീശന് കൂട്ടിച്ചേര്ത്തു.
പേരാമ്പ്രയിലെത് ഷാഫി ഷോ; ആരോപണവുമായി ഡിവൈഎഫ്ഐ നേതാക്കൾ
പേരാമ്പ്രയിൽ നടന്ന സംഭവങ്ങൾ ഷാഫി പറമ്പിലിന്റെ ആസൂത്രിത നാടകമാണെന്ന് ഡിവൈഎഫ്ഐ നേതാക്കൾ ആരോപിച്ചു. എസ് കെ സജീഷും വി കെ സനോജും ഷാഫിക്കെതിരെ ശക്തമായ വിമർശനവുമായി രംഗത്തെത്തി. കലാപം സൃഷ്ടിക്കാനുള്ള ബോധപൂർവമായ ശ്രമമാണ് ഷാഫി നടത്തിയതെന്നും അവർ ആരോപിച്ചു.
ഷാഫി പറമ്പിലിന് മർദനമേറ്റ സംഭവം: പ്രതികരണവുമായി പ്രതിപക്ഷം
പേരാമ്പ്രയിൽ ഷാഫി പറമ്പിൽ എം.പിക്ക് മർദനമേറ്റ സംഭവത്തിൽ പ്രതികരണവുമായി പ്രതിപക്ഷ നേതാക്കൾ രംഗത്ത്. ഷാഫി പറമ്പിലിനെ മർദിച്ച പോലീസ് ഉദ്യോഗസ്ഥർക്കെതിരെ നടപടി എടുക്കണമെന്ന് രമേശ് ചെന്നിത്തല ആവശ്യപ്പെട്ടു. കോൺഗ്രസ് നേതാക്കളുടെ പ്രതിഷേധ പ്രസ്താവനകൾ വിവിധ വിഷയങ്ങളിൽ ഊന്നിയുള്ളതായിരുന്നു.
പോലീസ് ചോരയിൽ മുക്കിയാലും അയ്യപ്പന്റെ പൊന്ന് എവിടെയെന്ന് ചോദിക്കും; രാഹുൽ മാങ്കൂട്ടത്തിൽ
കോൺഗ്രസ് നേതാക്കളെ പൊലീസ് ചോരയിൽ മുക്കിയാലും അയ്യപ്പന്റെ പൊന്ന് എവിടെയാണെന്ന് ചോദിക്കുമെന്ന് രാഹുൽ മാങ്കൂട്ടത്തിൽ എംഎൽഎ പറഞ്ഞു. അയ്യപ്പന്റെ സ്വർണം ആർക്കാണ് വിറ്റതെന്നും, എത്ര കോടിക്കാണ് വിറ്റതെന്നും അവസാന ശ്വാസം വരെ ചോദിച്ചുകൊണ്ടേയിരിക്കുമെന്നും അദ്ദേഹം കൂട്ടിച്ചേർത്തു. അയ്യപ്പന്റെ പൊന്ന് കട്ടവരെ വെറുതെ വിടാൻ ഉദ്ദേശിക്കുന്നില്ലെന്നും രാഹുൽ വ്യക്തമാക്കി.
ഷാഫി പറമ്പിലിന്റേത് ഷോ; പൊലീസ് മർദിക്കുമെന്ന് ആരും വിശ്വസിക്കില്ലെന്ന് വി കെ സനോജ്
ഷാഫി പറമ്പിലിനെ പൊലീസ് മർദിക്കുമെന്നാരും വിശ്വസിക്കില്ലെന്നും ഇതെല്ലാം അദ്ദേഹത്തിന്റെ ഷോയാണെന്നും ഡിവൈഎഫ്ഐ സംസ്ഥാന സെക്രട്ടറി വി കെ സനോജ്. കോൺഗ്രസ് അകപ്പെട്ടിട്ടുള്ള പ്രതിസന്ധിയിൽ നിന്നും രക്ഷിക്കാനുള്ള ശ്രമമാണ് ഷാഫി നടത്തുന്നതെന്നും അദ്ദേഹം കൂട്ടിച്ചേർത്തു. വയനാട് ദുരിതബാധിതരെ മുൻനിർത്തി പിരിച്ച പണം ഏത് വഴിക്ക് പോയെന്ന് വ്യക്തമാക്കണമെന്നും വി കെ സനോജ് ആവശ്യപ്പെട്ടു.
പേരാമ്പ്ര സംഘർഷം: ഷാഫി പറമ്പിലിനെതിരെ കേസ്, 692 പേർക്കെതിരെയും കേസ്
പേരാമ്പ്ര സി.കെ.ജി കോളേജിലെ തിരഞ്ഞെടുപ്പുമായി ബന്ധപ്പെട്ട് യുഡിഎസ്എഫിന്റെ വിജയാഹ്ലാദപ്രകടനം പോലീസ് തടഞ്ഞതിനെ തുടര്ന്ന് പേരാമ്പ്ര ടൗണില് സംഘര്ഷമുണ്ടായി. ഷാഫി പറമ്പിലിന് പുറമെ ഡി.സി.സി പ്രസിഡന്റ് പ്രവീൺ കുമാർ ഉൾപ്പെടെ 692 പേർക്കെതിരെയും കേസ് രജിസ്റ്റർ ചെയ്തു. സംഘർഷത്തിൽ പരിക്കേറ്റ ഷാഫി പറമ്പിൽ എം.പി കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിൽ തുടരുകയാണ്.
വയനാട് ഡബ്ല്യു.എം.ഒ കോളേജ് വിഷയം പ്രാദേശികമായി പരിഹരിക്കും: പി.കെ. ഫിറോസ്
വയനാട് ഡബ്ല്യു.എം.ഒ കോളേജിൽ എം.എസ്.എഫ് പ്രവർത്തകർ കോൺഗ്രസ് എം.എൽ.എമാർക്കെതിരെ ബാനർ ഉയർത്തിയ സംഭവം കുട്ടികൾക്കിടയിലുള്ള പ്രശ്നമാണെന്ന് യൂത്ത് ലീഗ് നേതാവ് പി.കെ. ഫിറോസ്. ബ്രഹ്മഗിരി സൊസൈറ്റി തട്ടിപ്പിൽ പണം നഷ്ടപ്പെട്ടവർക്ക് പണം തിരികെ നൽകണം, ഉത്തരവാദികളായ മന്ത്രി ഒ.ആർ.കേളുവിൽ നിന്ന് പണം ഈടാക്കണം. മുഖ്യമന്ത്രിയുടെ ബോഡി ഷെയിമിംഗിനെക്കുറിച്ചും ഫിറോസ് പ്രതികരിച്ചു.
ഓണക്കിറ്റുമായി വന്നാൽ മുഖത്തേക്ക് എറിയണം; സർക്കാരിനെതിരെ സുരേഷ് ഗോപി
പാലക്കാട് കലുങ്ക് സംവാദ പരിപാടിക്കിടെ കേന്ദ്രമന്ത്രി സുരേഷ് ഗോപി സർക്കാരിനെതിരെ വിമർശനവുമായി രംഗത്ത്. തിരഞ്ഞെടുപ്പ് സമയത്ത് ആരെങ്കിലും ഓണക്കിറ്റുമായി വന്നാൽ, അത് അവരുടെ മുഖത്തേക്ക് എറിയണമെന്ന് അദ്ദേഹം പറഞ്ഞു. ഹിന്ദുക്കൾക്ക് വേദപഠനത്തിനുള്ള അവസരങ്ങൾ ഒരുക്കുന്നതിനെക്കുറിച്ചും മന്ത്രി സംസാരിച്ചു.
വാച്ച് ആന്ഡ് വാര്ഡിനെ മര്ദ്ദിച്ചെന്ന ആരോപണം തെറ്റ്; സ്പീക്കറെയും മുഖ്യമന്ത്രിയെയും വിമര്ശിച്ച് സണ്ണി ജോസഫ്
പ്രതിപക്ഷ അംഗങ്ങളെ സസ്പെൻഡ് ചെയ്ത സംഭവത്തിൽ സ്പീക്കർ എ.എൻ. ഷംസീറിനെതിരെയും മുഖ്യമന്ത്രി പിണറായി വിജയനെതിരെയും കെ.പി.സി.സി അധ്യക്ഷൻ സണ്ണി ജോസഫ് രംഗത്ത്. വാച്ച് ആന്ഡ് വാര്ഡിനെ പ്രതിപക്ഷ അംഗങ്ങള് മര്ദ്ദിച്ചെന്ന വാദം തെറ്റാണെന്നും അദ്ദേഹം കൂട്ടിച്ചേർത്തു. പ്രതിഷേധങ്ങളെ മുഖ്യമന്ത്രി ന്യായീകരിക്കുന്നുവെന്നും, പ്രതിഷേധം തടയുന്നതിന് വാച്ച് ആന്ഡ് വാര്ഡിനെ ഉപയോഗിക്കുന്നുവെന്നും സണ്ണി ജോസഫ് ആരോപിച്ചു.