Kerala Politics
തിരുവനന്തപുരം കോർപ്പറേഷനിൽ കോൺഗ്രസ് സ്ഥാനാർത്ഥികൾക്കായി ശശി തരൂർ പ്രചാരണത്തിനിറങ്ങി
തിരുവനന്തപുരം കോർപ്പറേഷനിലെ കോൺഗ്രസ് സ്ഥാനാർത്ഥികൾക്ക് വേണ്ടി ശശി തരൂർ എംപി പ്രചാരണത്തിനിറങ്ങി. എൽഡിഎഫ് ഭരണം തലസ്ഥാനത്തിന് മടുത്തു കഴിഞ്ഞെന്ന് തരൂർ പറഞ്ഞു. ഡിസംബർ 9, 11 തീയതികളിൽ സംസ്ഥാനത്ത് തദ്ദേശ തിരഞ്ഞെടുപ്പ് നടക്കും.
പി.വി. അൻവറിൻ്റെ യുഡിഎഫ് പ്രവേശനം അനിശ്ചിതത്വത്തിൽ; കോൺഗ്രസ് തീരുമാനം വൈകുന്നു
പി.വി. അൻവർ നയിക്കുന്ന തൃണമൂൽ കോൺഗ്രസിനെ യുഡിഎഫിൽ എടുക്കുന്ന കാര്യത്തിൽ അനിശ്ചിതത്വം തുടരുന്നു. യുഡിഎഫ് യോഗം പച്ചക്കൊടി കാട്ടിയെങ്കിലും കോൺഗ്രസ് നേതൃത്വത്തിൻ്റെ തീരുമാനം വൈകുകയാണ്. തദ്ദേശ തിരഞ്ഞെടുപ്പിൻ്റെ പത്രിക സമർപ്പണം പൂർത്തിയാകുന്ന ഈ മാസം 21 കഴിഞ്ഞേ കോൺഗ്രസ് തീരുമാനമെടുക്കൂ.
ബിഹാർ തിരഞ്ഞെടുപ്പ് ഫലം ബിജെപിക്ക് വ്യക്തമായ സന്ദേശം നൽകുന്നു: രാജീവ് ചന്ദ്രശേഖർ
ബിഹാർ തിരഞ്ഞെടുപ്പ് ഫലം ബിജെപിക്ക് അനുകൂലമായ സൂചന നൽകുന്നുവെന്ന് രാജീവ് ചന്ദ്രശേഖർ അഭിപ്രായപ്പെട്ടു. പ്രധാനമന്ത്രിയുടെ നേതൃത്വത്തിൽ ബിജെപി മുന്നോട്ട് വെക്കുന്ന രാഷ്ട്രീയത്തിനുള്ള അംഗീകാരമാണിതെന്നും അദ്ദേഹം പറഞ്ഞു. ഇനി കേരളത്തിന്റെ ഊഴമാണെന്നും രാജീവ് ചന്ദ്രശേഖർ കൂട്ടിച്ചേർത്തു.
തദ്ദേശ തെരഞ്ഞെടുപ്പിൽ കെഎസ്യുവിന് അതൃപ്തി; മുട്ടടയിൽ കോൺഗ്രസ് സ്ഥാനാർത്ഥിക്കെതിരെ കള്ളവോട്ട് ആരോപണം
തദ്ദേശ സ്വയംഭരണ തെരഞ്ഞെടുപ്പുകളിലെ സ്ഥാനാർത്ഥി നിർണയത്തിൽ കെ.എസ്.യുവിന് അതൃപ്തി. ആദ്യഘട്ട സ്ഥാനാർത്ഥി പട്ടികയിൽ കെ.എസ്.യുവിന് മതിയായ പ്രാതിനിധ്യം ലഭിച്ചിട്ടില്ലെന്ന് അലോഷ്യസ് സേവ്യർ. തിരുവനന്തപുരം കോർപ്പറേഷൻ മുട്ടട വാർഡ് സ്ഥാനാർത്ഥി വൈഷ്ണ സുരേഷിനെതിരെ കള്ളവോട്ട് ആരോപണവും ഉയർന്നിട്ടുണ്ട്.
ബിഹാറിൽ ജയിച്ചത് എൻഡിഎ അല്ല, തിരഞ്ഞെടുപ്പ് കമ്മീഷൻ; രൂക്ഷ വിമർശനവുമായി രമേശ് ചെന്നിത്തല
ബിഹാർ നിയമസഭാ തിരഞ്ഞെടുപ്പിൽ എൻഡിഎയുടെ വിജയത്തെ രമേശ് ചെന്നിത്തല വിമർശിച്ചു. തിരഞ്ഞെടുപ്പ് കമ്മീഷനാണ് വിജയിച്ചതെന്നും എൻഡിഎ അല്ലെന്നും അദ്ദേഹം ആരോപിച്ചു. തിരുവനന്തപുരം കോർപ്പറേഷനിൽ ഇടത് ഭരണം അഴിമതി നടത്തുകയാണെന്നും അദ്ദേഹം കുറ്റപ്പെടുത്തി.
ശശി തരൂർ തല മറന്ന് എണ്ണ തേക്കുന്നു; രൂക്ഷ വിമർശനവുമായി എം.എം. ഹസ്സൻ
ശശി തരൂരിനെതിരെ രൂക്ഷ വിമർശനവുമായി എം.എം. ഹസ്സൻ. നെഹ്റു കുടുംബത്തിൻ്റെ ഔദാര്യത്തിലാണ് തരൂർ രാഷ്ട്രീയത്തിലെത്തിയത്. വർക്കിംഗ് കമ്മിറ്റിയിൽ ഇരുന്നു കൊണ്ട് നെഹ്റു കുടുംബത്തെ അവഹേളിച്ചത് ശരിയല്ലെന്നും ഹസ്സൻ വിമർശിച്ചു. ജി. സുധാകരനെ ഹസ്സൻ പ്രശംസിച്ചു.
ചങ്ങനാശ്ശേരിയിൽ എൻഡിഎ മുന്നണിയിൽ ഭിന്നത; ബിഡിജെഎസ് ഒറ്റയ്ക്ക് മത്സരിക്കും
ചങ്ങനാശ്ശേരിയിൽ എൻഡിഎ മുന്നണിയിൽ ഭിന്നത രൂക്ഷം. സീറ്റ് വിഭജനത്തിൽ ബി.ഡി.ജെ.എസ്-നെ പൂർണമായി ഒഴിവാക്കിയതിൽ പ്രതിഷേധിച്ചാണ് ബി.ഡി.ജെ.എസ് ഒറ്റയ്ക്ക് മത്സരിക്കാൻ തീരുമാനം. എൻഡിഎയുടെ തെരഞ്ഞെടുപ്പ് പ്രവർത്തനങ്ങളിൽ നിന്ന് വിട്ടുനിൽക്കാനും തീരുമാനിച്ചിട്ടുണ്ട്. ചങ്ങനാശ്ശേരി മണ്ഡലത്തിന് കീഴിലുള്ള എല്ലാ സീറ്റുകളിലും ബി.ഡി.ജെ.എസ് മത്സരിക്കും.
ഫസൽ വധക്കേസ് പ്രതി കാരായി ചന്ദ്രശേഖരൻ തലശ്ശേരിയിൽ സ്ഥാനാർത്ഥി
ഫസൽ വധക്കേസിലെ പ്രതി കാരായി ചന്ദ്രശേഖരൻ തലശ്ശേരി നഗരസഭയിൽ എൽഡിഎഫ് സ്ഥാനാർത്ഥിയായി മത്സരിക്കുന്നു. 2015-ൽ നഗരസഭാ ചെയർമാനായിരിക്കെ ജില്ലയിൽ പ്രവേശിക്കരുതെന്ന് കോടതി വിധിച്ചതിനെ തുടർന്ന് അദ്ദേഹം രാജി വെച്ചിരുന്നു. ഒമ്പത് വർഷത്തിന് ശേഷം തലശ്ശേരിയിൽ തിരിച്ചെത്തിയ അദ്ദേഹം 16-ാം വാർഡിലാണ് മത്സരിക്കുന്നത്.
കോൺഗ്രസ് കോർ കമ്മിറ്റിയിൽ പട്ടികജാതി പ്രാതിനിധ്യം ഇല്ലാത്തതിൽ വിമർശനവുമായി കൊടിക്കുന്നിൽ സുരേഷ്
കൊൺഗ്രസ് നേതൃത്വത്തിനെതിരെ കൊടിക്കുന്നിൽ സുരേഷ് എം.പി രംഗത്ത്. തദ്ദേശ തിരഞ്ഞെടുപ്പ് കോർ കമ്മിറ്റിയിൽ നിന്നും എസ്.സി, എസ്.ടി വിഭാഗങ്ങളെ ഒഴിവാക്കിയതാണ് വിമർശന കാരണം. കെപിസിസി പ്രസിഡന്റിനോട് പറഞ്ഞിട്ടും നടപടിയുണ്ടായില്ലെന്നും അദ്ദേഹം ആരോപിച്ചു.
സിപിഐഎം – ബിജെപി ഡീൽ ആരോപണം: ആനി അശോകനെ പുറത്താക്കി
തിരുവനന്തപുരം ചെമ്പഴന്തിയിൽ സിപിഐഎം-ബിജെപി ഡീൽ ആരോപിച്ചതിനെ തുടർന്ന് ലോക്കൽ കമ്മിറ്റി അംഗം ആനി അശോകനെ പുറത്താക്കി. പരസ്യ പ്രതികരണത്തിന് പിന്നാലെയാണ് നടപടി. ജയസാധ്യത കുറഞ്ഞ സ്ഥാനാർത്ഥികളെ നിർത്തി ബിജെപിക്ക് വോട്ട് മറിക്കാൻ ധാരണയുണ്ടെന്നായിരുന്നു ആനിയുടെ ആരോപണം.
പി.എം.ശ്രീയിൽ ചോദ്യം; മുഖ്യമന്ത്രി പിണറായി വിജയന് മാധ്യമങ്ങളോട് രോഷം
പി.എം. ശ്രീ പദ്ധതിയുമായി ബന്ധപ്പെട്ട ചോദ്യത്തിന് മറുപടി നൽകവേ മുഖ്യമന്ത്രി പിണറായി വിജയൻ മാധ്യമപ്രവർത്തകരോട് രോഷാകുലനായി. സി.പി.ഐ.എം പോളിറ്റ് ബ്യൂറോ യോഗത്തിൽ പങ്കെടുക്കാൻ ഡൽഹിയിൽ എത്തിയതായിരുന്നു അദ്ദേഹം. പി.എം. ശ്രീ പദ്ധതിയിൽ തുടർച്ചയായ നടപടികൾ നിർത്തിവെക്കണമെന്ന് ആവശ്യപ്പെട്ട് കേരളം കേന്ദ്ര സർക്കാരിന് കത്തയച്ചിരുന്നു.
തൃശ്ശൂരിൽ രാഷ്ട്രീയ അട്ടിമറി; എൽഡിഎഫ് കൗൺസിലർ ബിജെപിയിൽ ചേർന്നു
തൃശ്ശൂരിൽ എൽഡിഎഫ് കൗൺസിലർ ഷീബ ബാബു ബിജെപിയിൽ ചേർന്നു. എൽഡിഎഫിലെ സീറ്റ് തർക്കമാണ് ഷീബയുടെ രാജിക്ക് പിന്നിൽ. എൻഡിഎ പിന്തുണയോടെ കൃഷ്ണാപുരത്ത് ഷീബ മത്സരിക്കും.