Kerala News
ഹൃദയം മാറ്റിവെക്കാനുള്ള കുട്ടിയുമായി വന്ദേഭാരതിൽ കുടുംബത്തിന്റെ യാത്ര
കൊല്ലത്ത് നിന്ന് ഹൃദയം മാറ്റിവെക്കാനുള്ള ശസ്ത്രക്രിയക്ക് വിധേയയാകേണ്ട 13 വയസ്സുകാരിയുമായി കുടുംബം വന്ദേഭാരത് ട്രെയിനിൽ എറണാകുളത്തേക്ക് യാത്ര തുടങ്ങി. എയർ ആംബുലൻസ് സൗകര്യം ബുദ്ധിമുട്ടായതിനെ തുടർന്നാണ് ട്രെയിൻ തിരഞ്ഞെടുത്തത്. കുട്ടിയുടെ ആരോഗ്യനില പരിഗണിച്ച് ഇന്ന് രാത്രി തന്നെ ശസ്ത്രക്രിയ നടത്താനാണ് തീരുമാനം.
മുഖംമൂടി ധരിപ്പിച്ച് കെഎസ്യു പ്രവർത്തകരെ കോടതിയിൽ എത്തിച്ച സംഭവം: എസ്എച്ച്ഒയ്ക്ക് നോട്ടീസ് അയച്ച് കോടതി
കെ.എസ്.യു പ്രവർത്തകരെ മുഖംമൂടി ധരിപ്പിച്ച് കോടതിയിൽ ഹാജരാക്കിയ സംഭവത്തിൽ വടക്കാഞ്ചേരി എസ്.എച്ച്.ഒയ്ക്ക് കോടതിയുടെ കാരണം കാണിക്കൽ നോട്ടീസ്. വിദ്യാർത്ഥികളെ കറുത്ത മാസ്കും, കൈവിലങ്ങും അണിയിച്ച് കോടതിയിൽ എത്തിച്ചതെന്തിനെന്ന് കോടതി ചോദിച്ചു. എസ്.എച്ച്.ഒ ഷാജഹാൻ തിങ്കളാഴ്ച കോടതിയിൽ ഹാജരാകണമെന്നും നിർദ്ദേശമുണ്ട്.
ശബരിമല ദ്വാരപാലക ശിൽപ്പങ്ങളിലെ സ്വർണപാളികളുടെ അറ്റകുറ്റപ്പണി നിർത്തിവെച്ചു
ശബരിമല ദ്വാരപാലക ശിൽപ്പങ്ങളിലെ സ്വർണപാളികളുടെ അറ്റകുറ്റപ്പണി ഹൈക്കോടതി പരാമർശത്തെ തുടർന്ന് നിർത്തിവെച്ചു. തിരുവിതാംകൂർ ദേവസ്വം ബോർഡ് ഹൈക്കോടതിയിൽ വീഴ്ച സമ്മതിച്ചു. സന്നിധാനത്ത് സ്വർണം പൂശിയ രേഖകൾ ഹാജരാക്കാൻ ഹൈക്കോടതി വിജിലൻസ് ചീഫിന് നിർദ്ദേശം നൽകി.
തൃശ്ശൂരിൽ സിപിഐഎം നേതാക്കൾക്കെതിരെ ഡിവൈഎഫ്ഐ ജില്ലാ സെക്രട്ടറിയുടെ ശബ്ദരേഖ
തൃശ്ശൂരിൽ സിപിഐഎം നേതാക്കൾക്കെതിരെ ഡിവൈഎഫ്ഐ ജില്ലാ സെക്രട്ടറിയുടെ ശബ്ദരേഖ പുറത്ത്. എം.കെ. കണ്ണനും എ.സി. മൊയ്തീനുമെതിരെ ഗുരുതര ആരോപണങ്ങളാണ് ഉയരുന്നത്. ശബ്ദരേഖയിൽ കപ്പലണ്ടി വിറ്റ് നടന്ന എം.കെ. കണ്ണൻ കോടിപതിയായെന്നും എ.സി. മൊയ്തീന്റെ ഡീലിങ്സ് ടോപ്പ് ക്ലാസ്സായെന്നും ശരത് പറയുന്നു.
കേരളത്തിൽ അടിസ്ഥാന സൗകര്യ വികസനം മെച്ചപ്പെട്ടെന്ന് മുഖ്യമന്ത്രി പിണറായി വിജയൻ
സംസ്ഥാനത്ത് അടിസ്ഥാന സൗകര്യ വികസന രംഗത്ത് വലിയ മുന്നേറ്റം നടത്തിയെന്ന് മുഖ്യമന്ത്രി പിണറായി വിജയൻ. അഞ്ചു ലക്ഷത്തോളം വീടുകൾ ലൈഫ് മിഷൻ വഴി ലഭ്യമാക്കി. കേരള അർബൻ കോൺക്ലേവ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
ന്യൂനപക്ഷ സംഗമം: വിശദീകരണവുമായി സംസ്ഥാന സർക്കാർ
ന്യൂനപക്ഷ സംഗമവുമായി ബന്ധപ്പെട്ട് സംസ്ഥാന സർക്കാർ വിശദീകരണം നൽകി. വകുപ്പുകളുടെ ഭാവി പ്രവർത്തനങ്ങൾ നിശ്ചയിക്കുന്ന സെമിനാറുകളുടെ ഭാഗമായാണ് സംഗമമെന്ന് സർക്കാർ അറിയിച്ചു. തിരഞ്ഞെടുപ്പ് ലക്ഷ്യമിട്ട് വോട്ട് ബാങ്ക് രാഷ്ട്രീയം കളിക്കുന്നുവെന്ന വിമർശനവും പ്രതിപക്ഷം ഉയർത്തുന്നു.
പൊതിച്ചോറ് നൽകിയ സഖാവ്, മരണശേഷവും ഹൃദയം നൽകി; ഐസക് ജോർജിന് ആദരാഞ്ജലിയുമായി വി.കെ സനോജ്
കൊല്ലം സ്വദേശി ഐസക് ജോർജിന്റെ അവയവദാനവുമായി ബന്ധപ്പെട്ട് DYFI സംസ്ഥാന സെക്രട്ടറി വി കെ സനോജ് അനുസ്മരണക്കുറിപ്പ് പങ്കുവെച്ചു. റോഡപകടത്തിൽ മസ്തിഷ്ക മരണം സംഭവിച്ച ഐസക് ജോർജിന്റെ ഹൃദയം അങ്കമാലി സ്വദേശി അജിൻ ഏലിയാസിന് ദാനം ചെയ്തു. DYFI കൊല്ലം പത്തനാപുരം ബ്ലോക്ക് കമ്മിറ്റിക്ക് കീഴിലുള്ള വടകോട് യൂണിറ്റ് മുൻ പ്രസിഡന്റായിരുന്നു ഐസക് ജോർജ്.
ഡിവൈഎസ്പി മധു ബാബുവിനെതിരെ വീണ്ടും പരാതിയുമായി നിർമ്മാതാവ് ഷീല കുര്യൻ
ഡിവൈഎസ്പി മധു ബാബുവിനെതിരെ വീണ്ടും പരാതിയുമായി നിർമ്മാതാവ് ഷീല കുര്യൻ. സാമ്പത്തിക താല്പര്യങ്ങൾക്ക് വഴങ്ങി മധു ബാബു പ്രവർത്തിച്ചുവെന്നും സ്ത്രീത്വത്തെ അപമാനിച്ചുവെന്നും ഷീല കുര്യൻ ആരോപിച്ചു. മധു ബാബുവിനെതിരെ കർശന നടപടി സ്വീകരിക്കണമെന്നും ഷീല കുര്യൻ പരാതിയിൽ ആവശ്യപ്പെടുന്നു.
ഐസക് ജോർജിന്റെ അവയവദാനം: ഹൃദയം ചേർത്തുപിടിച്ച് ഡോക്ടർ; കുറിപ്പ് വൈറൽ
ഐസക് ജോർജിന്റെ അവയവദാനവുമായി ബന്ധപ്പെട്ട് ലിസ്സി ആശുപത്രിയിലെ കാർഡിയോളജിസ്റ്റ് ഡോ. ജോ ജോസഫ് പങ്കുവെച്ച കുറിപ്പ് ശ്രദ്ധേയമാകുന്നു. അവയവങ്ങൾ നീക്കം ചെയ്യുമ്പോൾ തനിക്കുണ്ടായ മാനസിക വിഷമം അദ്ദേഹം ഫേസ്ബുക്കിൽ പങ്കുവെച്ചു. മനുഷ്യനെ നല്ലവനാക്കുക എന്ന പ്രത്യയശാസ്ത്രത്തിൽ വിശ്വസിക്കുന്ന ഒരാൾക്ക് ഇതിലപ്പുറം നന്മ ചെയ്യാൻ സാധിക്കുമോ എന്നും അദ്ദേഹം ചോദിക്കുന്നു.
ഐസക് ജോര്ജിന്റെ ഹൃദയം സ്വീകരിച്ച രോഗി തീവ്രപരിചരണ വിഭാഗത്തില്; 48 മണിക്കൂര് നിര്ണായകം
കൊല്ലം കൊട്ടാരക്കര സ്വദേശി ഐസക് ജോര്ജിന്റെ ഹൃദയം സ്വീകരിച്ച അങ്കമാലി സ്വദേശിയെ തീവ്രപരിചരണ വിഭാഗത്തിൽ പ്രവേശിപ്പിച്ചു. രോഗിയുടെ ആരോഗ്യനില അടുത്ത 48 മണിക്കൂറിനുള്ളിൽ വിലയിരുത്തുന്നതാണ്. നിലവിൽ വെന്റിലേറ്റർ സഹായത്തോടെയാണ് രോഗി ജീവൻ നിലനിർത്തുന്നത്.
പി.പി. തങ്കച്ചന്റെ മൃതദേഹം പൊതുദർശനത്തിന് വെക്കില്ല
മുതിർന്ന കോൺഗ്രസ് നേതാവ് പി.പി. തങ്കച്ചൻ അന്തരിച്ചു. അദ്ദേഹത്തിന്റെ ആഗ്രഹപ്രകാരം മൃതദേഹം പൊതുദർശനത്തിന് വെക്കേണ്ടതില്ലെന്ന് തീരുമാനിച്ചു. നാളെ രാവിലെ 11 മണിയോടെ പെരുമ്പാവൂരിലെ വീട്ടിൽ മൃതദേഹം എത്തിക്കും. തുടർന്ന്, ശനിയാഴ്ച ഉച്ചയോടെ നെടുമ്പാശ്ശേരി അകപ്പറമ്പ് യാക്കോബായ പള്ളിയിൽ സംസ്കാരം നടക്കും.
ന്യൂനപക്ഷ സംഗമം നടത്താനൊരുങ്ങി സർക്കാർ; തീരുമാനം അയ്യപ്പ സംഗമത്തിന് പിന്നാലെ
അയ്യപ്പ സംഗമത്തിന് പിന്നാലെ ന്യൂനപക്ഷ സംഗമം സംഘടിപ്പിക്കാനൊരുങ്ങി സംസ്ഥാന സർക്കാർ. ക്രിസ്ത്യൻ, മുസ്ലിം മതവിഭാഗങ്ങളിൽ നിന്നായി ക്ഷണിക്കപ്പെട്ട 1500 പേരെ പങ്കെടുപ്പിക്കും. കോഴിക്കോടോ കൊച്ചിയിലോ ആയിരിക്കും ന്യൂനപക്ഷ സംഗമം പ്രധാനമായും നടക്കുക.