Kerala News
ദേവസ്വം ബോർഡിൽ ദൈവത്തിന്റെ പണം മോഷ്ടാക്കൾ; മുഖ്യമന്ത്രിയെ ആക്ഷേപിക്കുന്ന പ്രസ്താവനകൾ പാടില്ല: ജി. സുധാകരൻ
ദേവസ്വം ബോർഡ് പ്രസിഡന്റ് പി.എസ്. പ്രശാന്തിനെതിരെ വിമർശനവുമായി സി.പി.ഐ.എം നേതാവ് ജി. സുധാകരൻ. രാഷ്ട്രീയ പ്രതിനിധികളെന്ന പേരിൽ വരുന്ന പലർക്കും ദൈവത്തിന്റെ പണം മോഷ്ടിക്കാൻ മടിയില്ലെന്ന് അദ്ദേഹം ആരോപിച്ചു. ശബരിമലയിലെ സ്വർണപ്പാളി വിവാദത്തിൽ സർക്കാരിന്റെ പ്രതിച്ഛായ വർദ്ധിപ്പിക്കുന്ന തരത്തിലുള്ള അന്വേഷണം വേണമെന്നും അദ്ദേഹം ആവശ്യപ്പെട്ടു. പ്രസ്താവനകൾ നടത്തുമ്പോൾ ശ്രദ്ധിക്കണമെന്നും ജി. സുധാകരൻ മുന്നറിയിപ്പ് നൽകി.
കോട്ടയം ബസേലിയസ് കോളജിൽ മെഗാ തൊഴിൽ മേള
പള്ളം ബ്ലോക്ക് പഞ്ചായത്ത് കുടുംബശ്രീ ജില്ലാ മിഷനുമായി ചേർന്ന് ഒക്ടോബർ 5ന് കോട്ടയം ബസേലിയസ് കോളജിൽ മെഗാ തൊഴിൽ മേള സംഘടിപ്പിക്കുന്നു. സഹകരണം-ദേവസ്വം-തുറമുഖം വകുപ്പ് മന്ത്രി വി.എൻ. വാസവൻ മേള ഉദ്ഘാടനം ചെയ്യും. മേളയിൽ മുപ്പതിലേറെ സ്ഥാപനങ്ങൾ പങ്കെടുക്കും.
സിപിഐഎം പരിപാടിയിൽ പങ്കെടുത്തത് രാഷ്ട്രീയപരമല്ല; വിശദീകരണവുമായി റിനി ആൻ ജോർജ്
സിപിഐഎം പറവൂർ ഏരിയ കമ്മിറ്റി നടത്തിയ പെൺ പ്രതിരോധ സംഗമത്തിൽ പങ്കെടുത്തതിനെക്കുറിച്ച് വിശദീകരണവുമായി റിനി ആൻ ജോർജ്. ഒരു രാഷ്ട്രീയ പാർട്ടിയുടെയും ഭാഗമായിരുന്നല്ല താൻ പരിപാടിയിൽ പങ്കെടുത്തതെന്നും, ക്ഷണിച്ചതുകൊണ്ട് മാത്രമാണ് പങ്കെടുത്തതെന്നും റിനി വ്യക്തമാക്കി. തന്റെ നിലപാട് എപ്പോഴും സ്ത്രീപക്ഷമാണെന്നും അവർ കൂട്ടിച്ചേർത്തു.
ശബരിമല ശ്രീകോവിൽ കവാടം സ്വർണം പൂശാൻ കൊണ്ടുപോയ സംഭവം വിവാദത്തിൽ; കൂടുതൽ തെളിവുകൾ പുറത്ത്
ശബരിമല ക്ഷേത്രത്തിലെ ശ്രീകോവിലിന്റെ കവാടം സ്വർണം പൂശാനായി കൊണ്ടുപോയ സംഭവം വിവാദത്തിലേക്ക്. സ്വർണം പൂശാൻ കൊണ്ടുപോയ കവാടം പ്രദർശന മേളയാക്കി മാറ്റുകയും പണം ഈടാക്കുകയും ചെയ്തു എന്നതാണ് പ്രധാന ആരോപണം. സംഭവത്തിൽ ദേവസ്വം വിജിലൻസിന്റെ അന്വേഷണം തുടരുകയാണ്.
വാഹനക്കടത്ത് കേസ്: ഭൂട്ടാന് കസ്റ്റംസ് സംഘം കേരളത്തിലേക്ക്
ഭൂട്ടാനില് നിന്നുള്ള വാഹനക്കടത്ത് അന്വേഷിക്കാന് റോയല് ഭൂട്ടാന് കസ്റ്റംസ് സംഘം കേരളത്തിലേക്ക്. അടുത്തയാഴ്ച സംഘം കൊച്ചിയിലെത്തും. അനധികൃതമായി കടത്തിയ വാഹനങ്ങളുടെ വിവരങ്ങള് കസ്റ്റംസില് നിന്ന് തേടും.
ഭിന്നശേഷി നിയമനം: മന്ത്രിയുടെ പ്രസ്താവനയ്ക്കെതിരെ വിമർശനവുമായി കെസിബിസിയും സീറോ മലബാർ സഭയും
എയ്ഡഡ് സ്കൂളുകളിലെ ഭിന്നശേഷി നിയമനവുമായി ബന്ധപ്പെട്ട് വിദ്യാഭ്യാസ മന്ത്രി വി. ശിവൻകുട്ടിയുടെ പ്രസ്താവനക്കെതിരെ കെസിബിസിയും സീറോ മലബാർ സഭയും രംഗത്ത്. മന്ത്രിയുടെ പ്രസ്താവനകൾ വസ്തുതാവിരുദ്ധമാണെന്ന് സീറോ മലബാർ സഭ കുറ്റപ്പെടുത്തി. ഇടതുപക്ഷ ഭരണത്തിൽ തൊഴിലാളികൾക്ക് ശമ്പളമില്ല എന്ന് പറയുന്നത് അപമാനകരമാണെന്നും കെസിബിസി എജ്യൂക്കേഷൻ കമ്മീഷൻ സെക്രട്ടറി ഫാദർ ആന്റണി അറക്കൽ പറഞ്ഞു.
കെഎസ്ആർടിസി ബസിനുള്ളിൽ കഞ്ചാവ്; സംസ്ഥാന വ്യാപകമായി പരിശോധനയ്ക്ക് സിഎംഡി
പത്തനാപുരം ഡിപ്പോയിലെ കെഎസ്ആർടിസി ബസിനുള്ളിൽ കഞ്ചാവ് കണ്ടെത്തി. എറണാകുളത്ത് നിന്നും വന്ന ബസ്സിലാണ് 2 കിലോ കഞ്ചാവ് കണ്ടെത്തിയത്. സംഭവത്തിൽ പത്തനാപുരം പൊലീസ് അന്വേഷണം ആരംഭിച്ചു. ഇതിനു പിന്നാലെ കെഎസ്ആർടിസി ബസുകളിൽ സ്പെഷ്യൽ ഡ്രൈവ് നടത്താൻ സിഎംഡി തീരുമാനിച്ചു.
നെടുമങ്ങാട് ജില്ലാ ആശുപത്രിയിൽ കോൺക്രീറ്റ് പാളി അടർന്ന് വീണ് യുവതിക്ക് പരിക്ക്
തിരുവനന്തപുരം നെടുമങ്ങാട് ജില്ലാ ആശുപത്രിയിൽ കെട്ടിടത്തിന്റെ കോൺക്രീറ്റ് പാളി അടർന്ന് വീണ് കൂട്ടിരിപ്പുകാരിക്കു പരുക്കേറ്റു. ഒപിയിൽ ഇരിക്കവെയാണ് അപകടമുണ്ടായത്. നൗഫിയയുടെ ഇടതു കയ്യിലും മുതുകിലും പാളികൾ അടർന്ന് വീണു. പരുക്ക് ഗുരുതരമല്ല.
രാഷ്ട്രീയമായി എൻഎസ്എസ് എപ്പോഴും സമദൂരം പാലിക്കുന്നു; നിലപാട് ആവർത്തിച്ച് സുകുമാരൻ നായർ
എൻഎസ്എസ് രാഷ്ട്രീയപരമായി എപ്പോഴും സമദൂരമാണ് പാലിക്കുന്നതെന്ന് ജനറൽ സെക്രട്ടറി ജി. സുകുമാരൻ നായർ വ്യക്തമാക്കി. വിജയദശമി ദിനത്തിൽ നടന്ന സംഗമത്തിൽ സംസാരിക്കുകയായിരുന്നു അദ്ദേഹം. സർക്കാരുമായി എൻഎസ്എസ് അടുക്കുന്നു എന്ന വിവാദങ്ങൾ നിലനിൽക്കുന്ന സാഹചര്യത്തിലാണ് അദ്ദേഹം തൻ്റെ നിലപാട് ആവർത്തിച്ചത്.
രാഷ്ട്രപതി ദ്രൗപദി മുർമുവിന്റെ ശബരിമല സന്ദർശന തീയതി അടുത്തയാഴ്ച തീരുമാനമാകും
രാഷ്ട്രപതി ദ്രൗപദി മുർമുവിന്റെ ശബരിമല സന്ദർശന തീയതി അടുത്തയാഴ്ച തീരുമാനിക്കും. ഒക്ടോബർ 19, 20 തീയതികളിൽ ദർശന സൗകര്യമൊരുക്കാമെന്ന് സംസ്ഥാന സർക്കാർ രാഷ്ട്രപതി ഭവനെ അറിയിച്ചു. മാസപൂജയുടെ അവസാന ദിവസമായ ഒക്ടോബർ 20ന് രാഷ്ട്രപതി ശബരിമലയിൽ എത്തിയേക്കുമെന്നാണ് വിവരം.
ഡൽഹിയിൽ മലയാളി വിദ്യാർത്ഥികൾക്ക് പൊലീസ് മർദ്ദനം; അമിത് ഷായ്ക്ക് കത്തയച്ച് മുഖ്യമന്ത്രി
ന്യൂഡൽഹിയിൽ മലയാളി വിദ്യാർത്ഥികൾക്ക് പോലീസ് മർദ്ദനമേറ്റ സംഭവത്തിൽ ആഭ്യന്തര മന്ത്രി അമിത് ഷായ്ക്ക് മുഖ്യമന്ത്രി കത്തയച്ചു. സംഭവത്തിൽ ഉന്നതതല അന്വേഷണം നടത്തണമെന്ന് കത്തിൽ ആവശ്യപ്പെട്ടിട്ടുണ്ട്. കുറ്റക്കാരായ പോലീസ് ഉദ്യോഗസ്ഥർക്കെതിരെ കർശന നടപടി സ്വീകരിക്കണമെന്നും കത്തിൽ ആവശ്യപ്പെട്ടിട്ടുണ്ട്
കൂത്തുപറമ്പ് എംഎൽഎ കെ.പി. മോഹനന് കയ്യേറ്റം; 25 പേർക്കെതിരെ കേസ്
കൂത്തുപറമ്പ് എംഎൽഎ കെ.പി. മോഹനന് നേരെ കയ്യേറ്റം. കണ്ടാൽ അറിയാവുന്ന 25 പേർക്കെതിരെ ചൊക്ലി പോലീസ് കേസെടുത്തു. മാലിന്യ പ്രശ്നത്തിൽ പ്രതിഷേധിക്കുന്ന നാട്ടുകാർക്കിടയിലൂടെ പോകുമ്പോളാണ് സംഭവം. കരിയാട് അങ്കണവാടി ഉദ്ഘാടനത്തിന് എത്തിയതായിരുന്നു കെ.പി. മോഹനൻ.