Kerala News
നടിയെ അധിക്ഷേപിച്ച കേസിൽ ബോബി ചെമ്മണ്ണൂരിനെതിരെ കുറ്റപത്രം
നടിയെ ലൈംഗികമായി അധിക്ഷേപിച്ച കേസിൽ ബോബി ചെമ്മണ്ണൂരിനെതിരെ കുറ്റപത്രം സമർപ്പിച്ചു. എറണാകുളം മജിസ്ട്രേറ്റ് കോടതിയിലാണ് കുറ്റപത്രം സമർപ്പിച്ചത്. നടിയെ അപമാനിക്കാൻ വേണ്ടി ബോബി ദ്വയാർത്ഥ പ്രയോഗങ്ങൾ നടത്തിയെന്ന് കുറ്റപത്രത്തിൽ പറയുന്നു.
ഇഡിക്കെതിരെ കൂടുതൽ പരാതികൾ; വിജിലൻസ് അന്വേഷണം തുടങ്ങി
എൻഫോഴ്സ്മെൻ്റ് ഡയറക്ടറേറ്റിനെതിരെ ലഭിച്ച കൂടുതൽ പരാതികളിൽ വിജിലൻസ് അന്വേഷണം ആരംഭിച്ചു. കേസ് ഒതുക്കാൻ ഇ.ഡി ഉദ്യോഗസ്ഥന്റെ പേരിൽ 25 ലക്ഷം രൂപ കൈപ്പറ്റിയെന്ന വിവരത്തിൽ വിജിലൻസ് പ്രാഥമിക അന്വേഷണം തുടങ്ങി. രേഖാമൂലം പരാതി നൽകാൻ ആരും തയ്യാറായിട്ടില്ലെങ്കിലും, ലഭിച്ച വിവരങ്ങളുടെ അടിസ്ഥാനത്തിൽ അന്വേഷണം മുന്നോട്ട് കൊണ്ടുപോകാനാണ് തീരുമാനം.
അങ്കണവാടിയിൽ ഇനി ബിരിയാണിയും; മെനു പരിഷ്കരിച്ച് വനിത ശിശുവികസന വകുപ്പ്
അങ്കണവാടി കുട്ടികളുടെ ഭക്ഷണ മെനുവിൽ വനിത ശിശുവികസന വകുപ്പ് പരിഷ്കരണം വരുത്തി. കുട്ടികളുടെ ഇഷ്ടാനുസരണം രുചികരമായ ഭക്ഷണം നൽകുന്നതിലൂടെ കുട്ടികളുടെ ആരോഗ്യം ഉറപ്പാക്കുകയാണ് ലക്ഷ്യം. പുതിയ മെനുവിൽ മുട്ട ബിരിയാണി, പായസം, പുലാവ് തുടങ്ങിയ വിഭവങ്ങൾ ഉൾപ്പെടുത്തിയിട്ടുണ്ട്. രണ്ട് ദിവസങ്ങളിൽ നൽകിയിരുന്ന പാൽ, മുട്ട എന്നിവയുടെ അളവ് മൂന്ന് ദിവസമായി വർദ്ധിപ്പിച്ചു.
തൃശ്ശൂരിൽ വീണ്ടും ഓൺലൈൻ തട്ടിപ്പ്; വീഡിയോ കോളിൽ ഭീഷണിപ്പെടുത്തി 40,000 രൂപ തട്ടിയെടുത്തു
തൃശ്ശൂരിൽ മേലൂർ സ്വദേശി ട്രീസക്ക് 40,000 രൂപ ഓൺലൈൻ തട്ടിപ്പിലൂടെ നഷ്ടമായി. വീഡിയോ കോളിൽ പൊലീസ് വേഷം ധരിച്ചെത്തിയ ആൾ അക്കൗണ്ടിലെ പണം കൈമാറാൻ ആവശ്യപ്പെടുകയായിരുന്നു. ട്രീസയുടെ ഐഡിയ സിമ്മിന്റെ ഡ്യൂപ്ലിക്കേറ്റ് ദേശവിരുദ്ധ പ്രവർത്തനത്തിന് ഉപയോഗിച്ചുവെന്നും പൊലീസ് നടപടി ആണെന്നും പറഞ്ഞാണ് പണം കൈമാറ്റം ചെയ്യിപ്പിച്ചത്.
കെ.എസ്.യു നേതാക്കൾക്കെതിരെ കേസ്: പരാതിയുമായി ജനറൽ സെക്രട്ടറി
കെ.എസ്.യു ജനറൽ സെക്രട്ടറി ആക്ഷിക് ബൈജുവിന്റെ പരാതിയിൽ മൂന്ന് കെ.എസ്.യു നേതാക്കൾക്കെതിരെ ഇരവിപുരം പൊലീസ് കേസെടുത്തു. പ്രതികൾ ഭീഷണിപ്പെടുത്തി പണം തട്ടാൻ ശ്രമിച്ചെന്നും പൊതുജീവിതം തകർക്കാൻ ശ്രമിച്ചെന്നും പരാതിയിൽ പറയുന്നു. തിരുവനന്തപുരത്ത് വെച്ച് ബലാത്സംഗം ചെയ്തു എന്ന് ആരോപിക്കുന്ന വോയിസ് ക്ലിപ്പ് അയച്ചു കൊടുത്തുവെന്നും എഫ്.ഐ.ആറിൽ പറയുന്നു.
പോക്സോ കേസ് പ്രതി സ്കൂൾ പ്രവേശനോത്സവത്തിൽ; വിദ്യാഭ്യാസ മന്ത്രി റിപ്പോർട്ട് തേടി
പോക്സോ കേസിൽ പ്രതിയായ വ്യക്തി സ്കൂൾ പ്രവേശനോത്സവത്തിൽ പങ്കെടുത്ത സംഭവത്തിൽ വിശദീകരണം തേടി വിദ്യാഭ്യാസ മന്ത്രി. തിരുവനന്തപുരം ഫോർട്ട് ഹൈസ്കൂളിലാണ് പോക്സോ കേസ് പ്രതിയായ മുകേഷ് എം നായർ മുഖ്യാതിഥിയായി എത്തിയത്. സംഭവത്തെ കുറിച്ച് അന്വേഷിച്ച് റിപ്പോർട്ട് നൽകാൻ വിദ്യാഭ്യാസ വകുപ്പ് ഡയറക്ടർക്ക് നിർദേശം നൽകി.
കിളിമാനൂരിൽ സ്കൂൾ ബസ് അപകടത്തിൽപ്പെട്ടു; കുട്ടികൾക്ക് നിസ്സാര പരിക്ക്
തിരുവനന്തപുരം കിളിമാനൂരിൽ സ്കൂൾ ബസ് അപകടത്തിൽപ്പെട്ടു. വെള്ളല്ലൂർ ഗവൺമെൻ്റ് എൽ.പി.എസ്സിലെ ബസ്സാണ് അപകടത്തിൽപ്പെട്ടത്. റോഡിന് വീതിയില്ലാത്ത ഭാഗത്ത് ബസ് ചരിഞ്ഞ് വയലിലേക്ക് മറിയുകയായിരുന്നു.
നിലമ്പൂരിലും വ്യാജവാർത്തകൾ പ്രചരിപ്പിക്കുന്നു: ഷാഫി പറമ്പിൽ
ഷാഫി പറമ്പിൽ എം.പി.യുടെ പ്രതികരണം അനുസരിച്ച്, പാലക്കാടിന് സമാനമായി നിലമ്പൂരിലും തെറ്റായ വാർത്തകൾ പ്രചരിപ്പിക്കുന്നു. രാഷ്ട്രീയപരമായ പോരാട്ടം നടന്നാൽ അതിന്റെ ഏറ്റവും വലിയ നേട്ടം യു.ഡി.എഫിനായിരിക്കുമെന്നും ഷാഫി പറമ്പിൽ പ്രസ്താവിച്ചു. ദേശീയ മാധ്യമങ്ങളെപ്പോലെ കേരളത്തിലെ ചില മാധ്യമങ്ങൾ സർക്കാരിനു വേണ്ടി പ്രവർത്തിക്കുകയാണെന്ന് പി.സി. വിഷ്ണുനാഥ് കുറ്റപ്പെടുത്തി.
ഭർത്താവ് മരിച്ചാലും ഭർതൃവീട്ടിൽ നിന്ന് ഇറക്കിവിടാൻ കഴിയില്ല: ഹൈക്കോടതി വിധി
ഭർത്താവ് മരിച്ചാൽ ഭാര്യയെ ഭർതൃവീട്ടിൽ നിന്ന് ഇറക്കിവിടാൻ കഴിയില്ലെന്ന് ഹൈക്കോടതിയുടെ സുപ്രധാന വിധി. ഉടമസ്ഥാവകാശം ഇല്ലെങ്കിലും സ്ത്രീകൾക്ക് ഭർതൃവീട്ടിൽ താമസിക്കാൻ അവകാശമുണ്ടെന്നും കോടതി വ്യക്തമാക്കി. പാലക്കാട് സ്വദേശിയായ യുവതിക്ക് ഹൈക്കോടതിയിൽ നിന്നും അനുകൂല ഉത്തരവ് ലഭിച്ചു.
പോക്സോ കേസ് പ്രതിയെ പ്രവേശനോത്സവത്തിൽ ക്ഷണിച്ചു; മന്ത്രി വിശദീകരണം തേടി
പോക്സോ കേസ് പ്രതിയെ സ്കൂൾ പ്രവേശനോത്സവത്തിൽ അതിഥിയായി ക്ഷണിച്ച സംഭവത്തിൽ പൊതുവിദ്യാഭ്യാസ മന്ത്രി വി. ശിവൻകുട്ടി വിശദീകരണം തേടി. തിരുവനന്തപുരം വിദ്യാഭ്യാസ ഉപഡയറക്ടർക്ക് അടിയന്തര അന്വേഷണത്തിന് നിർദ്ദേശം നൽകി. തിരുവനന്തപുരത്തെ ഫോർട്ട് ഹൈസ്കൂളിലാണ് സംഭവം.
പോക്സോ കേസ് അട്ടിമറിക്കാന് ശ്രമം; രണ്ട് പൊലീസ് ഉദ്യോഗസ്ഥര്ക്ക് സസ്പെന്ഷന്
പത്തനംതിട്ടയിൽ ഹൈക്കോടതി അഭിഭാഷകനെതിരായ പോക്സോ കേസ് അന്വേഷണത്തിൽ വീഴ്ച വരുത്തിയെന്ന് കണ്ടെത്തിയതിനെ തുടർന്ന് ഡിവൈഎസ്പി ടി.രാജപ്പൻ, കോന്നി എസ്എച്ച്ഒ പി.ശ്രീജിത്ത് എന്നിവരെ സസ്പെൻഡ് ചെയ്തു. പരാതി ലഭിച്ചിട്ടും ഗൗരവമായി എടുക്കാതിരുന്നതിനാണ് ഇരുവർക്കുമെതിരെ നടപടിയുണ്ടായത്. ഒമ്പതാം ക്ലാസ്സിൽ പഠിക്കുമ്പോൾ മുതൽ പെൺകുട്ടി പീഡിപ്പിക്കപ്പെട്ടിരുന്നുവെന്ന് പോലീസ് കണ്ടെത്തിയിട്ടുണ്ട്.
കൊടുവള്ളിയിൽ യുവാവിനെ തട്ടിക്കൊണ്ടുപോയ കേസിൽ ഒരാൾ കൂടി അറസ്റ്റിൽ
കൊടുവള്ളിയിൽ യുവാവിനെ തട്ടിക്കൊണ്ടുപോയ കേസിൽ ഒരാൾ കൂടി അറസ്റ്റിലായി. മലപ്പുറം വേങ്ങര സ്വദേശി ഷഫീഖിനെയാണ് കൊടുവള്ളി പോലീസ് അറസ്റ്റ് ചെയ്തത്. പ്രതികൾക്ക് ഒളിവിൽ താമസിക്കാൻ സൗകര്യം ചെയ്തു കൊടുത്തത് ഷഫീഖാണെന്ന് പോലീസ് അറിയിച്ചു.