Kerala News
സ്വർണ പാളി വിവാദം: അധിക സ്വർണം ഉപയോഗിക്കാൻ അനുമതി തേടിയെന്ന് കണ്ടെത്തൽ
സ്വർണ പാളി വിവാദത്തിൽ ദേവസ്വം വിജിലൻസ് കണ്ടെത്തലിന്റെ കൂടുതൽ വിവരങ്ങൾ പുറത്ത്. അധിക സ്വർണം ഉപയോഗിയ്ക്കാൻ ഉണ്ണികൃഷ്ണൻ പോറ്റി ദേവസ്വം ബോർഡിന്റെ അനുമതി തേടി. ദേവസ്വം പ്രസിഡന്റായിരുന്ന എ പത്മകുമാറിന് അയച്ച ഇ മെയിലിന്റെ വിവരങ്ങൾ പുറത്ത്.
ശബരിമല സ്വർണപാളി വിവാദം: 2019-ലെ ഫോട്ടോ താരതമ്യം ചെയ്യാൻ ഹൈക്കോടതിയുടെ അനുമതി
ശബരിമല സ്വർണപാളി വിവാദത്തിൽ ഹൈക്കോടതി നിർണായക ഇടപെടൽ നടത്തി. 2019-ലെ ദ്വാരപാലക ഫോട്ടോയും ഇപ്പോഴത്തെ ദ്വാരപാലക പാളിയും തമ്മിൽ താരതമ്യം ചെയ്യാൻ അനുമതി നൽകി. ആറാഴ്ചയ്ക്കകം അന്വേഷണ റിപ്പോർട്ട് സമർപ്പിക്കാൻ കോടതി നിർദ്ദേശിച്ചു. ഉദ്യോഗസ്ഥർ മനഃപൂർവം സ്വർണത്തിനുപകരം ചെമ്പ് പാളിയെന്ന് രേഖപ്പെടുത്തിയെന്ന് വിജിലൻസ് റിപ്പോർട്ടിൽ പറയുന്നു.
ശബരിമല സ്വർണപ്പാളി വിവാദം: ഉദ്യോഗസ്ഥ വീഴ്ചയ്ക്ക് തെളിവുകളുമായി ദേവസ്വം വിജിലൻസ്
ശബരിമല സ്വർണപ്പാളി വിവാദത്തിൽ ഉദ്യോഗസ്ഥരുടെ വീഴ്ചകൾക്ക് തെളിവുകളുമായി ദേവസ്വം വിജിലൻസ് ഹൈക്കോടതിയിൽ റിപ്പോർട്ട് സമർപ്പിച്ചു. 2019-ൽ ദ്വാരപാലക ശിൽപത്തിലെ സ്വർണ്ണപ്പാളി ചെമ്പുപാളിയാണെന്ന് ഉദ്യോഗസ്ഥർ റിപ്പോർട്ട് നൽകിയത് ഇതിന് കാരണമായി. ഹൈക്കോടതി ഈ വിഷയത്തിൽ ഉന്നതതല അന്വേഷണം പ്രഖ്യാപിച്ചു.
പൊലീസ് സമ്മേളന വേദിയിൽ നിന്ന് ഡിവൈഎസ്പി മധുബാബുവിനെ ഒഴിവാക്കി; മുഖ്യമന്ത്രിയുടെ ഓഫീസിന്റെ ഇടപെടൽ
കേരള പൊലീസ് സീനിയർ ഓഫീസേഴ്സ് അസോസിയേഷൻ സംസ്ഥാന സമ്മേളനത്തിൽ നിന്നും ഡിവൈഎസ്പി എം ആർ മധുബാബുവിനെ ഒഴിവാക്കി. മുഖ്യമന്ത്രി പങ്കെടുത്ത പൊതുസമ്മേളന വേദിയിൽ നിന്നാണ് അദ്ദേഹത്തെ ഒഴിവാക്കിയത്. പൊലീസ് സേനയിൽ ക്രിമിനലുകൾക്ക് സ്ഥാനമില്ലെന്നും മുഖ്യമന്ത്രി വേദിയിൽ പ്രഖ്യാപിച്ചു.
കേരള പോലീസ് ജനകീയ സേനയെന്ന് മുഖ്യമന്ത്രി പിണറായി വിജയൻ
സംസ്ഥാന പോലീസ് സേന ഒരു ജനകീയ സേനയായി മാറിയെന്ന് മുഖ്യമന്ത്രി പിണറായി വിജയൻ അഭിപ്രായപ്പെട്ടു. വർഗീയ സംഘർഷങ്ങളില്ലാതെ മുന്നോട്ട് പോകാൻ കേരളത്തിന് സാധിക്കുന്നു എന്നത് അഭിനന്ദനാർഹമാണ്. നൂതനമായ കുറ്റകൃത്യങ്ങൾ പോലും സമയബന്ധിതമായി തെളിയിക്കാൻ സാധിക്കുന്നുണ്ടെന്നും മുഖ്യമന്ത്രി കൂട്ടിച്ചേർത്തു.
കെഎസ്ആർടിസി ജീവനക്കാരുടെ സ്ഥലംമാറ്റം; ഹൈക്കോടതിയെ സമീപിക്കാനൊരുങ്ങി ടിഡിഎഫ്
ബസിനുള്ളിൽ കുപ്പിവെള്ളം സൂക്ഷിച്ചതിന് കെഎസ്ആർടിസി ജീവനക്കാരെ സ്ഥലം മാറ്റിയതിനെതിരെ ടിഡിഎഫ് ഹൈക്കോടതിയെ സമീപിക്കുന്നു. സ്ഥലം മാറ്റിയ ഉത്തരവ് ഇതുവരെ പിൻവലിച്ചിട്ടില്ലെന്ന് സിഎംഡി അറിയിച്ചു. ഉത്തരവ് സ്റ്റേ ചെയ്തിട്ടില്ലെന്നറിഞ്ഞ് മന്ത്രി റോഡിൽ വെച്ച് ശകാരിച്ച ഡ്രൈവർ ജയ്മോൻ ജോസഫ് ഡ്യൂട്ടിക്കിടെ കുഴഞ്ഞുവീണു.
ശബരിമല ദ്വാരപാലക ശിൽപ വിവാദം: സ്വർണപ്പാളി മാറ്റിയെന്ന് ദേവസ്വം വിജിലൻസ് കണ്ടെത്തൽ
ശബരിമല ദ്വാരപാലക ശിൽപ വിവാദത്തിൽ സ്പോൺസർ ഉണ്ണികൃഷ്ണൻ പോറ്റിയെ പ്രതിക്കൂട്ടിലാക്കി സ്വർണപ്പാളി വിവാദത്തിൽ നിർണായക നിഗമനവുമായി ദേവസ്വം വിജിലൻസ് രംഗത്ത്. അറ്റകുറ്റപ്പണികൾക്കായി കൊണ്ടുപോയ പാളികൾ അല്ല തിരികെ കൊണ്ടുവന്നതെന്നാണ് കണ്ടെത്തൽ. 2019 ൽ ഉണ്ണികൃഷ്ണൻ പോറ്റിയ്ക്ക് കൈമാറിയിരുന്നത് സ്വർണം പൊതിഞ്ഞ പാളികൾ തന്നെയായിരുന്നുവെന്നാണ് ദേവസ്വം ഉദ്യോഗസ്ഥൻ നൽകിയ മൊഴി.
വെള്ളക്കുപ്പി വിവാദം: കെഎസ്ആർടിസി ജീവനക്കാരുടെ സ്ഥലംമാറ്റം റദ്ദാക്കി
കെഎസ്ആർടിസി ബസ്സിൽ വെള്ളക്കുപ്പികൾ വെച്ച സംഭവത്തിൽ ജീവനക്കാരെ സ്ഥലം മാറ്റിയ നടപടി റദ്ദാക്കി. കോട്ടയം പൊൻകുന്നം ഡിപ്പോയിലെ മൂന്ന് ജീവനക്കാരെ സ്ഥലം മാറ്റിയത് തൃശൂരിലേക്കാണ്. ഈ ഉത്തരവാണ് ഇപ്പോൾ റദ്ദാക്കിയിരിക്കുന്നത്.
പാലക്കാട് ജില്ലാ ആശുപത്രിയിലെ ചികിത്സാ പിഴവ്: രണ്ട് ഡോക്ടർമാർക്ക് സസ്പെൻഷൻ
പാലക്കാട് ജില്ലാ ആശുപത്രിയിൽ ഒൻപത് വയസ്സുകാരിയുടെ കൈ മുറിച്ചു മാറ്റിയ സംഭവത്തിൽ രണ്ട് ഡോക്ടർമാർക്ക് സസ്പെൻഷൻ. ഡോ. മുസ്തഫ, ഡോ. സർഫറാസ് എന്നിവരെയാണ് അന്വേഷണ വിധേയമായി സസ്പെൻറ് ചെയ്തത്. ആരോഗ്യ വകുപ്പ് ഡയറക്ടറുടെ നേതൃത്വത്തിൽ അന്വേഷണം നടത്താൻ തീരുമാനിച്ചു.
ശബരിമലയിൽ വ്യാപക പണപ്പിരിവ്; സ്വർണ്ണപ്പാളി വിവാദത്തിൽ അന്വേഷണം
ശബരിമലയുടെ പേരിൽ വ്യാപകമായി പണപ്പിരിവ് നടക്കുന്നതായി പരാതി. അംഗീകൃത സ്പോൺസർ എന്ന വ്യാജേനയാണ് പണപ്പിരിവ് നടക്കുന്നത്. സ്വർണ്ണപ്പാളി വിവാദത്തിൽ ദേവസ്വം ഉദ്യോഗസ്ഥരെ കേന്ദ്രീകരിച്ച് അന്വേഷണം നടത്തും.
കഫ് സിറപ്പ്: കേരളത്തിലും ജാഗ്രത; 52 മരുന്നുകളുടെ സാമ്പിളുകൾ ശേഖരിച്ചു
കഫ് സിറപ്പ് കഴിച്ച് കുട്ടികൾ മരിച്ച സംഭവത്തിൽ കേരളത്തിലും ജാഗ്രത ശക്തമാക്കി. സംസ്ഥാനത്ത് വിൽക്കുന്ന എല്ലാ ചുമ മരുന്നുകളിലും ഡ്രഗ്സ് കൺട്രോൾ വിഭാഗം നിരീക്ഷണം ശക്തമാക്കിയിട്ടുണ്ട്. ഇതിന്റെ ഭാഗമായി 52 മരുന്നുകളുടെ സാമ്പിളുകൾ പരിശോധനയ്ക്കായി ശേഖരിച്ചു.
കാസർഗോഡ് കരിന്തളത്ത് അയൽവാസി വയോധികനെ തലക്കടിച്ച് കൊന്നു; പ്രതി അറസ്റ്റിൽ
കാസർഗോഡ് ജില്ലയിലെ കരിന്തളം കുമ്പളപ്പള്ളിയിൽ അയൽവാസി വയോധികനെ തലക്കടിച്ച് കൊലപ്പെടുത്തി. കുമ്പളപ്പള്ളി ചിറ്റമൂല ഉന്നതിയിലെ കെ കണ്ണൻ (80) ആണ് കൊല്ലപ്പെട്ടത്. സംഭവത്തിൽ അയൽവാസിയായ കെ ശ്രീധരനൻ (45) നെ നീലേശ്വരം പോലീസ് അറസ്റ്റ് ചെയ്തു.