Kerala News
തിരുവനന്തപുരത്ത് എൽഡിഎഫ് സ്ഥാനാർത്ഥിക്ക് ലഹരിസംഘത്തിൻ്റെ ആക്രമണം; നിരവധി പേർക്ക് പരിക്ക്
തിരുവനന്തപുരത്ത് കഠിനംകുളത്ത് എൽഡിഎഫ് സ്ഥാനാർത്ഥി എയ്ഞ്ചലിനും ബന്ധുക്കൾക്കും ലഹരിസംഘത്തിൻ്റെ ആക്രമണത്തിൽ പരിക്കേറ്റു. പത്തിലധികം പേരെ പ്രതിയാക്കി കഠിനംകുളം പൊലീസ് കേസ് രജിസ്റ്റർ ചെയ്തു. തിരഞ്ഞെടുപ്പ് പ്രചാരണത്തിന് ശേഷം വീട്ടിൽ തിരിച്ചെത്തിയപ്പോഴായിരുന്നു ആക്രമണം.
മെഡിക്കൽ കോളേജ് നെഫ്രോളജി മേധാവി കെ-സോട്ടോയിൽ നിന്ന് രാജി വെച്ചു
തിരുവനന്തപുരം മെഡിക്കൽ കോളേജിലെ നെഫ്രോളജി വിഭാഗം മേധാവി ഡോ. മോഹൻ ദാസ് കെ, കെ-സോട്ടോയിൽ നിന്ന് രാജി വെച്ചു. അവയവദാനവുമായി ബന്ധപ്പെട്ട് കെ സോട്ടോയ്ക്കെതിരെ ഡോ. മോഹൻദാസ് സോഷ്യൽ മീഡിയയിൽ പോസ്റ്റ് ഇട്ടിരുന്നു. ഇതിൽ വിശദീകരണം തേടി മെമ്മോ നൽകിയതിൽ പ്രതിഷേധിച്ചാണ് രാജി.
എസ്ഐആർ സമയപരിധി നീട്ടിയിട്ടും; ബിഎൽഒമാർക്ക് ഒഴിവില്ല, കൂടുതൽ ജോലിഭാരം
എസ്ഐആർ സമയപരിധി നീട്ടിയിട്ടും ബിഎൽഒമാർക്ക് ജോലി സമ്മർദ്ദം കുറയുന്നില്ല. കാട്ടാക്കട ഇലക്ടറൽ രജിസ്ട്രേഷൻ ഓഫീസറുടെ ശബ്ദ സന്ദേശം പുറത്തുവന്നതോടെ, സമയം നീട്ടിയെന്ന് കരുതി വിശ്രമിക്കേണ്ടതില്ലെന്ന് വ്യക്തമായി. നിലവിൽ ചെയ്യുന്ന അതേ വേഗത്തിൽ എന്യൂമെറേഷൻ ഫോം കളക്ഷനും ഡിജിറ്റൈസേഷനും പൂർത്തിയാക്കാനാണ് ബിഎൽഒമാർക്ക് ലഭിച്ചിരിക്കുന്ന നിർദ്ദേശം.
രാഹുൽ മാങ്കൂട്ടത്തിലിന് പിന്തുണയുമായി ഇനിയും വീഡിയോകള്; ഉറപ്പുമായി രാഹുല് ഈശ്വര്
രാഹുൽ മാങ്കൂട്ടത്തിലിന് അനുകൂലമായി ഇനിയും വീഡിയോകള് ചെയ്യുമെന്ന് രാഹുൽ ഈശ്വർ. വീട്ടിലെ തെളിവെടുപ്പിനിടെയായിരുന്നു അദ്ദേഹത്തിന്റെ പ്രതികരണം. രാഹുലിനെതിരെ പീഡന പരാതി നൽകിയ സ്ത്രീക്കെതിരെ സൈബർ അധിക്ഷേപം നടത്തിയതിനാണ് രാഹുൽ ഈശ്വറിനെ അറസ്റ്റ് ചെയ്തിരിക്കുന്നത്.
സ്വർണവില കുതിച്ചുയരുന്നു; പവന് 95,680 രൂപയായി
സംസ്ഥാനത്ത് സ്വര്ണവില വീണ്ടും ഉയര്ന്നു. ഇന്ന് ഒരു പവന് സ്വര്ണത്തിന് 480 രൂപ കൂടി. ഇതോടെ ഒരു പവന് സ്വര്ണത്തിന്റെ വില 95,680 രൂപയായി. ഗ്രാമിന് 11960 രൂപയിലാണ് വ്യാപാരം നടക്കുന്നത്.
രാഹുൽ മാങ്കൂട്ടത്തിലിന്റെ ഫ്ലാറ്റിലെ സിസിടിവി ദൃശ്യങ്ങൾ ഡിലീറ്റ് ചെയ്തു; പോലീസ് അന്വേഷണം ഊർജ്ജിതമാക്കി
ലൈംഗിക പീഡനക്കേസിൽ ഒളിവില്പോയ രാഹുൽ മാങ്കൂട്ടത്തിലിന്റെ ഫ്ലാറ്റിലെ സിസിടിവി ദൃശ്യങ്ങൾ ഡിലീറ്റ് ചെയ്ത നിലയിൽ കണ്ടെത്തി. രാഹുൽ ഒളിവില്പോയ ദിവസത്തെ ദൃശ്യങ്ങളാണ് നീക്കം ചെയ്തിരിക്കുന്നത്. പോലീസ് രാഹുലിനായി കേരളത്തിലും തമിഴ്നാട്ടിലുമായി തിരച്ചിൽ ഊർജ്ജിതമാക്കിയിട്ടുണ്ട്.
രാഹുലിനെ കുടുക്കാൻ ശ്രമം; പുരുഷ കമ്മീഷൻ വേണമെന്ന് രാഹുൽ ഈശ്വർ
രാഹുൽ മാങ്കൂട്ടത്തിലിനെതിരായ ലൈംഗിക പീഡനക്കേസിലെ അതിജീവിതയുടെ വിവരങ്ങൾ വെളിപ്പെടുത്തിയ കേസിൽ രാഹുൽ ഈശ്വർ അറസ്റ്റിലായി. തനിക്കെതിരെ ഉയർന്നത് വ്യാജ പരാതിയാണെന്നും, പുരുഷ കമ്മീഷന്റെ ആവശ്യകത ഈ കേസിൽ തെളിയുന്നുണ്ടെന്നും രാഹുൽ ഈശ്വർ പ്രതികരിച്ചു. യുവതിയുടെ ചിത്രങ്ങൾ താൻ പങ്കുവെച്ചിട്ടില്ലെന്നും അദ്ദേഹം കൂട്ടിച്ചേർത്തു.
ആലപ്പുഴ കായംകുളത്ത് മകന്റെ വെട്ടേറ്റ് പിതാവ് മരിച്ചു; ഭാര്യക്ക് ഗുരുതര പരിക്ക്
ആലപ്പുഴ കായംകുളത്ത് അഭിഭാഷകനായ മകൻ പിതാവിനെ വെട്ടിക്കൊന്നു. ഗുരുതരമായി പരിക്കേറ്റ മാതാവിനെ വണ്ടാനം മെഡിക്കൽ കോളേജിൽ പ്രവേശിപ്പിച്ചു. സംഭവത്തിൽ പോലീസ് അന്വേഷണം ആരംഭിച്ചു.
ഭിന്നശേഷിക്കാർക്കായി യന്ത്രസഹായ വീൽചെയറുകളുമായി എസ്.പി ആദർശ് ഫൗണ്ടേഷൻ
എസ്.പി ആദർശ് ഫൗണ്ടേഷൻ കേരളത്തിൽ ആദ്യമായി ഭിന്നശേഷിക്കാർക്കായി യന്ത്ര സഹായത്താൽ പ്രവർത്തിക്കുന്ന വീൽചെയറുകൾ പുറത്തിറക്കി. സൊമാറ്റോ ഡെലിവറി പങ്കാളികൾക്ക് 10 നിയോബോൾട്ട് വാഹനങ്ങൾ ചടങ്ങിൽ കൈമാറി. കാൻ വോക്ക് ഫൗണ്ടേഷനുമായി സഹകരിച്ച് ലിവ്ലിഹുഡ് ഓൺ വീൽസ് പദ്ധതിയുടെ ഭാഗമായാണ് ഇത് നടപ്പാക്കുന്നത്.
രാഹുൽ മാങ്കൂട്ടത്തിൽ കേസ്: അതിജീവിതയെ അധിക്ഷേപിച്ച കേസിൽ സന്ദീപ് വാര്യർക്കെതിരെയും കേസ്
രാഹുൽ മാങ്കൂട്ടത്തിലിനെതിരെ പരാതി നൽകിയ യുവതിയെ അധിക്ഷേപിച്ച കേസിൽ സന്ദീപ് വാര്യരെ പ്രതി ചേർത്തു. അതിജീവിതയെ അപമാനിച്ച കേസിൽ നാലാം പ്രതിയാണ് സന്ദീപ് വാര്യർ. രാഹുൽ ഈശ്വർ ഉൾപ്പെടെ നാലുപേരുടെ യുആർഎൽ ആണ് പരാതിക്കാരി സമർപ്പിച്ചത്.
മുനമ്പം ഭൂസമരം താൽക്കാലികമായി അവസാനിപ്പിച്ചു; പ്രതിഷേധം തുടരുമെന്ന് മറുവിഭാഗം
ഹൈക്കോടതിയുടെ അനുമതിയെ തുടർന്ന് മുനമ്പത്തെ ഭൂസംരക്ഷണ സമിതി സമരം അവസാനിപ്പിച്ചു. എന്നാൽ റവന്യൂ അവകാശങ്ങൾ പൂർണ്ണമായി ലഭിക്കാത്തതിനാൽ സമരം തുടരുമെന്ന് മറുവിഭാഗം അറിയിച്ചു. മന്ത്രിമാരായ കെ രാജനും പി രാജീവും സമരപ്പന്തലിലെത്തി പിന്തുണ അറിയിച്ചു. 414 ദിവസങ്ങൾ നീണ്ട സമരത്തിനാണ് താൽക്കാലിക വിരാമമായത്.
രാഹുൽ ഈശ്വർ കസ്റ്റഡിയിൽ; രാഹുൽ മാങ്കൂട്ടത്തിലിന്റെ ഫ്ലാറ്റിൽ വീണ്ടും പരിശോധനക്ക് സാധ്യത
രാഹുൽ മാങ്കൂട്ടത്തിലിനെതിരെ പരാതി നൽകിയ യുവതിയുടെ സൈബർ അധിക്ഷേപ പരാതിയിൽ രാഹുൽ ഈശ്വറിനെ പോലീസ് കസ്റ്റഡിയിലെടുത്തു. രാഹുൽ ഈശ്വർ ഉൾപ്പെടെ നാലുപേരുടെ യുആർഎൽ ആണ് പരാതിക്കാരി സമർപ്പിച്ചത്. ലൈംഗിക പീഡനക്കേസില് രാഹുല് മാങ്കൂട്ടത്തില് എംഎല്എയുടെ പാലക്കാട്ടെ ഫ്ളാറ്റിലെ പരിശോധന പൂർത്തിയായി.