Kerala News
ശബരിമലയിലെ ദ്വാരപാലക വിഗ്രഹത്തില് സ്വര്ണം തിരികെ സ്ഥാപിച്ചതിലും ദുരൂഹത; തിരുവാഭരണ കമ്മീഷണറെ ഒഴിവാക്കിയതില് ദുരൂഹതയെന്ന് ആര്.ജി. രാധാകൃഷ്ണന്
ശബരിമലയിലെ ദ്വാരപാലക ശില്പത്തില് സ്വര്ണം പൂശിയ ശേഷം അത് തിരികെ സ്ഥാപിച്ചതിലും ദുരൂഹതകളുണ്ടെന്ന് ആരോപണം. തിരികെ സ്വര്ണം പതിച്ച ശില്പം സ്ഥാപിക്കുന്ന ചടങ്ങില് നിന്ന് തിരുവാഭരണ കമ്മീഷണറെ ഒഴിവാക്കിയതാണ് ഇതിന് പിന്നിലെ പ്രധാന കാരണം. നിയമപ്രകാരം താന് ചടങ്ങില് ഉണ്ടാകേണ്ടതായിരുന്നുവെന്നും, തന്നെ ഒഴിവാക്കിയതില് ദുരൂഹതയുണ്ടെന്നും മുന് തിരുവാഭരണ കമ്മീഷണര് ആര്.ജി. രാധാകൃഷ്ണന് പറഞ്ഞു.
ദേവാലയങ്ങളിൽ വീഡിയോയെടുക്കാൻ ക്രൈസ്തവർ മാത്രം; താമരശ്ശേരി രൂപതയുടെ പുതിയ നിർദ്ദേശം
ദേവാലയങ്ങളിൽ വീഡിയോ, ഫോട്ടോ എന്നിവ എടുക്കുന്നതുമായി ബന്ധപ്പെട്ട് സീറോ മലബാർ താമരശ്ശേരി രൂപത പുതിയ നിർദ്ദേശങ്ങൾ പുറത്തിറക്കി. ക്രൈസ്തവർക്ക് മാത്രമായിരിക്കും അനുമതി നൽകുക എന്നും, അക്രൈസ്തവർക്ക് കർമ്മങ്ങളെക്കുറിച്ച് അറിവുണ്ടായിരിക്കണമെന്നും രൂപത അറിയിച്ചു. രൂപതാ ബിഷപ്പ് മാർ റെമിജിയോസ് ഇഞ്ചനാനിയാണ് ഇതുമായി ബന്ധപ്പെട്ട നിർദ്ദേശം നൽകിയത്.
ന്യൂ മാഹി ഇരട്ടക്കൊലക്കേസിൽ കൊടി സുനി അടക്കമുള്ളവരെ വെറുതെവിട്ടു
ന്യൂ മാഹി ഇരട്ടക്കൊലക്കേസിലെ എല്ലാ പ്രതികളെയും കോടതി വെറുതെ വിട്ടു. കൊടി സുനി അടക്കമുള്ള 16 സി.പി.ഐ.എം പ്രവർത്തകരെയാണ് അഡിഷണൽ സെഷൻസ് കോടതി വെറുതെ വിട്ടത്. ഈ കേസിൽ പ്രോസിക്യൂഷൻ ഹാജരാക്കിയത് കെട്ടിച്ചമച്ച തെളിവുകളാണെന്ന് പ്രതിഭാഗം ആരോപിച്ചു.
ശബരിമലയിലെ ക്രമക്കേടുകൾ; ഇ.ഡി. അന്വേഷണം ആരംഭിച്ചു
ശബരിമലയിലെ ക്രമക്കേടുകളുമായി ബന്ധപ്പെട്ട് എൻഫോഴ്സ്മെൻ്റ് ഡയറക്ടറേറ്റിന് ലഭിച്ച പരാതിയിൽ ഇ.ഡി രഹസ്യാന്വേഷണം ആരംഭിച്ചു. സാമ്പത്തിക ഇടപാടുകളിൽ ക്രമക്കേട് നടന്നതായി കണ്ടെത്തിയതിനെ തുടർന്ന് വിശദമായ അന്വേഷണത്തിന് ഇ.ഡി തീരുമാനിച്ചു. ടെൻഡർ നടപടികളിൽ വലിയ കൊള്ള നടന്നുവെന്നും ഇ.ഡിക്ക് തെളിവ് ലഭിച്ചിട്ടുണ്ട്
ജയിലിൽ രാഹുൽ മാങ്കുട്ടത്തിൽ; സന്ദീപ് വാര്യരെ സന്ദർശിച്ചു
പത്തനംതിട്ട ദേവസ്വം ഓഫീസിലേക്ക് യൂത്ത് കോൺഗ്രസ് നടത്തിയ മാർച്ചുമായി ബന്ധപ്പെട്ട് അറസ്റ്റിലായവരെ പാലക്കാട് എംഎൽഎ രാഹുൽ മാങ്കുട്ടത്തിൽ സന്ദർശിച്ചു. കൊട്ടാരക്കര സബ് ജയിലിൽ സന്ദീപ് വാര്യരെയും മറ്റ് പ്രവർത്തകരെയും കാണാനാണ് രാഹുൽ എത്തിയത്. ജയിലിന് മുന്നിൽ യൂത്ത് കോൺഗ്രസ് ജില്ലാ പ്രസിഡന്റ് അടക്കം രാഹുലിനെ സ്വീകരിച്ചു.
ചൂരൽമല ഉരുൾപൊട്ടൽ: ദുരിതബാധിതരുടെ വായ്പ എഴുതിത്തള്ളില്ലെന്ന് കേന്ദ്രം
മുണ്ടക്കൈ-ചൂരൽമല ഉരുൾപൊട്ടൽ ദുരന്തബാധിതരുടെ ബാങ്ക് വായ്പകൾ എഴുതിത്തള്ളില്ലെന്ന് കേന്ദ്ര സർക്കാർ ഹൈക്കോടതിയെ അറിയിച്ചു. വായ്പ എഴുതിത്തള്ളുന്നത് കേന്ദ്രത്തിന്റെ അധികാര പരിധിക്ക് പുറത്തുള്ള കാര്യമാണെന്നും കേന്ദ്രം വ്യക്തമാക്കി. ഇതുമായി ബന്ധപ്പെട്ട് കേന്ദ്ര ആഭ്യന്തര മന്ത്രാലയം സത്യവാങ്മൂലം നൽകി.
ഭൂട്ടാൻ കാർ ഇടപാട്: മമ്മൂട്ടി, ദുൽഖർ, പൃഥ്വിരാജ് എന്നിവരുടെ വീടുകളിൽ ഇ.ഡി. റെയ്ഡ്
ഭൂട്ടാൻ കാർ ഇടപാടിലെ കള്ളപ്പണ ഇടപാട് സംശയത്തെ തുടർന്ന് ഇ.ഡി. റെയ്ഡ്. മമ്മൂട്ടി, ദുൽഖർ സൽമാൻ, പൃഥ്വിരാജ് എന്നിവരുടെ വീടുകളിലും സ്ഥാപനങ്ങളിലും പരിശോധന. സംസ്ഥാനത്തെ 17 ഇടങ്ങളിൽ ഒരേസമയം റെയ്ഡ് നടക്കുന്നു.
സ്വർണവില കുതിക്കുന്നു; പവൻ 90,320 രൂപയായി
സംസ്ഥാനത്ത് സ്വര്ണവില സര്വകാല റെക്കോര്ഡിലേക്ക്. ഇന്ന് ഒരു പവന് സ്വര്ണത്തിന് 90,320 രൂപയായി ഉയര്ന്നു. അന്താരാഷ്ട്ര വിപണിയിലെ മാറ്റങ്ങളും പ്രാദേശികമായ ആവശ്യകതയും സ്വര്ണവിലയെ സ്വാധീനിക്കുന്നു. ഈ മാസം മാത്രം സ്വര്ണത്തിന് 3320 രൂപയുടെ വര്ധനവാണ് ഉണ്ടായിരിക്കുന്നത്.
ശബരിമലയിലെ ശ്രീകോവിൽ കട്ടിള ചെമ്പെന്ന് രേഖ; സ്വർണം പൂശാൻ നൽകിയത് ഉണ്ണികൃഷ്ണൻ പോറ്റിക്ക്
ശബരിമല സ്വർണ്ണ കേസിൽ നിർണ്ണായക വഴിത്തിരിവ്. ശ്രീകോവിലിന്റെ കട്ടിള ചെമ്പെന്ന് രേഖപ്പെടുത്തിയ മഹസർ പുറത്ത്. ദേവസ്വം മുൻ അഡ്മിനിസ്ട്രേറ്റീവ് ഓഫീസർ മുരാരി ബാബു അടക്കമുള്ള ഉദ്യോഗസ്ഥരാണ് രേഖയിൽ ഒപ്പിട്ടിരിക്കുന്നത്.
വയറ്റിൽ കത്രിക കുടുങ്ങിയ സംഭവം; ഹർഷിന വീണ്ടും സമരത്തിലേക്ക്, ഉദ്ഘാടനം വി.ഡി. സതീശൻ
കോഴിക്കോട് മെഡിക്കൽ കോളേജിൽ പ്രസവ ശസ്ത്രക്രിയക്കിടെ കത്രിക കുടുങ്ങിയ ഹർഷിന വീണ്ടും സമരത്തിലേക്ക്. സെക്രട്ടേറിയറ്റിന് മുന്നിൽ ഇന്ന് ആരംഭിക്കുന്ന സത്യഗ്രഹ സമരം പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യും. തനിക്ക് മതിയായ നഷ്ടപരിഹാരം നൽകണമെന്നും തുടർ ചികിത്സ സർക്കാർ ഉറപ്പാക്കണമെന്നും അവർ ആവശ്യപ്പെട്ടു.
പാലക്കാട് ജില്ലാ ആശുപത്രിയിലെ ഡോക്ടർമാർക്കെതിരായ നടപടിയിൽ കെജിഎംഒഎയുടെ പ്രതിഷേധം ശക്തമാകുന്നു
പാലക്കാട് ജില്ലാ ആശുപത്രിയിൽ ചികിത്സാ പിഴവ് ആരോപണത്തെ തുടർന്ന് ഡോക്ടർമാർക്കെതിരെ നടപടിയെടുത്തതിൽ പ്രതിഷേധിച്ച് കെജിഎംഒഎ സമരം ശക്തമാക്കുന്നു. ഒക്ടോബർ 14-ന് ജില്ലയിലെ എല്ലാ ആശുപത്രികളിലെയും ഒ.പി. ബഹിഷ്കരിക്കും. കൂടാതെ, ഒക്ടോബർ 13-ന് പാലക്കാട് ജില്ലാ ആശുപത്രിയിലെ ഒ.പി. ബഹിഷ്കരിക്കും.
ഉറവിട മാലിന്യ സംസ്കരണത്തിന് നികുതി ഇളവുമായി സംസ്ഥാന സർക്കാർ
സംസ്ഥാനത്ത് ഉറവിട മാലിന്യ സംസ്കരണ സംവിധാനം സ്ഥാപിക്കുന്ന വീടുകൾക്ക് കെട്ടിടനികുതിയിൽ 5 ശതമാനം ഇളവ് നൽകാൻ സർക്കാർ തീരുമാനിച്ചു. മാലിന്യ സംസ്കരണം പ്രോത്സാഹിപ്പിക്കുകയാണ് ഈ തീരുമാനത്തിന്റെ പ്രധാന ലക്ഷ്യം. ശുചിത്വ മിഷൻ അംഗീകരിച്ചിട്ടുള്ള ഉറവിട മാലിന്യ സംസ്കരണ ഉപാധികൾ സ്ഥാപിച്ച ശേഷം കെ-സ്മാർട്ട് വഴി അപേക്ഷ നൽകുന്നവർക്കാണ് ഈ ആനുകൂല്യം ലഭിക്കുക.