Kerala News
ഐ.സി ബാലകൃഷ്ണൻ എംഎൽഎക്കെതിരെ വിജിലൻസ് കേസ്; നിയമന കോഴ ആരോപണത്തിൽ നടപടി
കോൺഗ്രസ് ഭരിക്കുന്ന സഹകരണ ബാങ്കുകളിൽ നിയമനത്തിനായി കോഴ വാങ്ങിയെന്ന ആരോപണത്തിൽ ഐ.സി. ബാലകൃഷ്ണൻ എംഎൽഎക്കെതിരെ വിജിലൻസ് കേസ് രജിസ്റ്റർ ചെയ്തു. എൻ.എം. വിജയൻ്റെ ആത്മഹത്യയുമായി ബന്ധപ്പെട്ട അന്വേഷണത്തിന് ശേഷമാണ് കേസ് രജിസ്റ്റർ ചെയ്തത്. സാമ്പത്തിക ഇടപാടുകളുമായി ബന്ധപ്പെട്ടാണ് വിജിലൻസ് അന്വേഷണം നടത്തുന്നത്.
സ്കൂളിലെ ശിരോവസ്ത്ര വിവാദം: നിലപാട് കടുപ്പിച്ച് മാനേജ്മെന്റ്, കുഞ്ഞാലിക്കുട്ടിയുടെ പ്രതികരണം ഇങ്ങനെ
എറണാകുളം പള്ളുരുത്തി റിത്താസ് സ്കൂളിലുണ്ടായ സംഭവം നിര്ഭാഗ്യകരമെന്ന് മുസ്ലിം ലീഗ് ദേശീയ ജനറല് സെക്രട്ടറി പികെ കുഞ്ഞാലികുട്ടി അഭിപ്രായപ്പെട്ടു. കേരളത്തില് സംഭവിച്ചുകൂടാത്തതാണെന്നും അദ്ദേഹം പറഞ്ഞു. അതേസമയം, സ്കൂളിന് ഹൈക്കോടതിയില് നിന്ന് തിരിച്ചടി നേരിട്ടു. ശിരോവസ്ത്രം ധരിച്ച വിദ്യാര്ത്ഥിനിയെ സ്കൂളില് പ്രവേശിപ്പിക്കണമെന്ന ഡിഡിഇയുടെ ഉത്തരവ് സ്റ്റേ ചെയ്യാന് ഹൈക്കോടതി വിസമ്മതിച്ചു.
വടകര ഐ.ടി.ഐ പുതിയ കെട്ടിടം തുറന്നു; ലക്ഷ്യം പുതിയ തൊഴിലവസരങ്ങളെന്ന് മന്ത്രി വി. ശിവന്കുട്ടി
വടകര ഐ.ടി.ഐയുടെ പുതിയ കെട്ടിടം മന്ത്രി വി. ശിവൻകുട്ടി ഉദ്ഘാടനം ചെയ്തു. സംസ്ഥാനത്തെ ഐ.ടി.ഐകളെ പുതിയ തൊഴിൽ മേഖലകളുമായി ബന്ധിപ്പിക്കാൻ സർക്കാർ നടപടി സ്വീകരിക്കുമെന്നും മന്ത്രി അറിയിച്ചു. 6.96 കോടി രൂപ ചെലവിൽ 1.7 ഏക്കർ സ്ഥലത്താണ് പുതിയ കെട്ടിടം നിർമ്മിച്ചിരിക്കുന്നത്.
ബഹ്റൈനിൽ മുഖ്യമന്ത്രിക്ക് സ്വീകരണം നൽകി ഉപപ്രധാനമന്ത്രി ശൈഖ് ഖാലിദ് ബിൻ അബ്ദുള്ള അൽ ഖലീഫ
ബഹ്റൈനിൽ എത്തിയ മുഖ്യമന്ത്രി പിണറായി വിജയനെ ബഹ്റൈൻ ഉപപ്രധാനമന്ത്രി ശൈഖ് ഖാലിദ് ബിൻ അബ്ദുള്ള അൽ ഖലീഫ കൊട്ടാരത്തിൽ സ്വീകരിച്ചു. മുഖ്യമന്ത്രിയുടെ ബഹുമാനാർത്ഥം ഉപപ്രധാനമന്ത്രി ഉച്ചവിരുന്ന് നൽകി. ബഹ്റൈൻ വാണിജ്യ വ്യവസായ മന്ത്രി അബ്ദുള്ള ആദിൽ ഫക്രു, ഇന്ത്യൻ അംബാസഡർ വിനോദ് ജേക്കബ്, എം.എ.യൂസഫലി തുടങ്ങിയ പ്രമുഖർ പങ്കെടുത്തു.
ഹിജാബ് വിവാദം: സെൻ്റ് റീത്ത സ്കൂൾ പ്രിൻസിപ്പാളിന് നന്ദി പറഞ്ഞ് എസ്എഫ്ഐ
ഹിജാബ് വിവാദത്തിൽ പ്രതികരണവുമായി എസ്എഫ്ഐ രംഗത്ത്. മതനിരപേക്ഷ വിദ്യാഭ്യാസത്തിൻ്റെ ലോക മാതൃകയായ കേരളത്തിൽ ഈ വിഷയം അനാവശ്യമായി വിവാദമാക്കിയ സെൻ്റ് റീത്ത പബ്ലിക്ക് സ്കൂൾ പ്രിൻസിപ്പാളിന് എസ്എഫ്ഐ സംസ്ഥാന പ്രസിഡന്റ് എം. ശിവപ്രസാദ് നന്ദി അറിയിച്ചു. എല്ലാവരുടെയും അവകാശങ്ങൾ സംരക്ഷിക്കപ്പെടുന്നതാണ് ജനാധിപത്യമെന്നും അദ്ദേഹം ഓർമ്മിപ്പിച്ചു.
ശബരിമല നട തുറക്കുന്നു; സ്വർണ്ണ കുംഭകോണക്കേസിൽ ഉണ്ണികൃഷ്ണൻ പോറ്റി കസ്റ്റഡിയിൽ
തുലാമാസ പൂജകൾക്കായി ശബരിമല ക്ഷേത്ര നട തുറന്നു. സ്വർണ്ണ കുംഭകോണക്കേസിൽ ഉണ്ണികൃഷ്ണൻ പോറ്റിയെ കോടതി കസ്റ്റഡിയിൽ വിട്ടു. തട്ടിയെടുത്ത സ്വർണം ഉദ്യോഗസ്ഥർക്കായി വീതിച്ചു നൽകിയെന്നും ഇയാൾ മൊഴി നൽകിയിട്ടുണ്ട്.
താമരശ്ശേരിയിൽ ഒമ്പതുവയസ്സുകാരി മരിച്ച സംഭവം: ചികിത്സാ പിഴവിൽ നിയമനടപടിയുമായി കുടുംബം
താമരശ്ശേരിയിൽ ഒമ്പത് വയസ്സുകാരി മരിച്ച സംഭവത്തിൽ പോസ്റ്റ്മോർട്ടം റിപ്പോർട്ട് പുറത്തുവന്നതിന് പിന്നാലെ നിയമനടപടിയുമായി കുടുംബം. താലൂക്ക് ആശുപത്രിയിലെ ചികിത്സാ പിഴവാണ് മരണകാരണമെന്ന് കുട്ടിയുടെ അമ്മ ആരോപിച്ചു. അതേസമയം, ചികിത്സാ പിഴവ് ഉണ്ടായിട്ടില്ലെന്ന് ആശുപത്രി സൂപ്രണ്ട് വ്യക്തമാക്കി.
അട്ടപ്പാടിയിൽ ആദിവാസി സ്ത്രീയെ കുഴിച്ചിട്ട നിലയിൽ കണ്ടെത്തി; കൂടെ താമസിച്ചയാൾ പിടിയിൽ
അട്ടപ്പാടിയിൽ ആദിവാസി സ്ത്രീയെ കുഴിച്ചിട്ട നിലയിൽ കണ്ടെത്തി. രണ്ട് മാസം മുൻപ് കാണാതായ വള്ളിയമ്മയുടെ മൃതദേഹമാണ് കണ്ടെത്തിയത്. സംഭവത്തിൽ കൂടെ താമസിക്കുന്ന പഴനിയെ പുതൂർ പോലിസ് പിടികൂടി.
ശബരിമല സ്വർണ്ണ കേസ്: ഉണ്ണികൃഷ്ണൻ പോറ്റിക്കെതിരെ അറസ്റ്റ് മെമ്മോ; കസ്റ്റഡിയിൽ വിട്ടു
ശബരിമലയിൽ രണ്ട് കിലോ സ്വർണം തട്ടിയെടുത്ത കേസിൽ ഉണ്ണികൃഷ്ണൻ പോറ്റിക്കെതിരെ അറസ്റ്റ് മെമ്മോ പുറത്തിറങ്ങി. തിരുവിതാംകൂർ ദേവസ്വം ബോർഡിന് നഷ്ടം വരുത്തിയെന്നും മെമ്മോയിൽ പറയുന്നു. റാന്നി കോടതി പ്രതിയെ ഒക്ടോബർ 30 വരെ കസ്റ്റഡിയിൽ വിട്ടു.
ഹിജാബ് വിവാദം: മകളെ മറ്റൊരു സ്കൂളിലേക്ക് മാറ്റുമെന്ന് പിതാവ്
പള്ളുരുത്തി സെൻ്റ് റീത്താസ് സ്കൂളിലെ ഹിജാബ് വിവാദത്തിൽ മകളെ മറ്റൊരു സ്കൂളിലേക്ക് മാറ്റുമെന്ന് പിതാവ്. സ്കൂൾ മാനേജ്മെൻ്റ് കൂടെ നിന്നില്ലെന്നും വിദ്യാഭ്യാസ മന്ത്രിയുടെ വാക്കുകൾ പോലും ഉൾക്കൊള്ളാൻ സ്കൂളിന് കഴിഞ്ഞില്ലെന്നും അദ്ദേഹം കുറ്റപ്പെടുത്തി. ഹിജാബ് മറ്റ് കുട്ടികൾക്ക് ഭയപ്പാടുണ്ടാക്കുന്നു എന്നത് പ്രിൻസിപ്പൽ പറയാൻ പാടില്ലാത്ത കാര്യമാണെന്നും അദ്ദേഹം അഭിപ്രായപ്പെട്ടു.
സാങ്കേതിക സർവകലാശാല വിസി നിയമനം: മുൻഗണനാ പട്ടിക തയ്യാറാക്കി മുഖ്യമന്ത്രി
സാങ്കേതിക, ഡിജിറ്റൽ സർവകലാശാല വൈസ് ചാൻസലർ നിയമനവുമായി ബന്ധപ്പെട്ട് മുഖ്യമന്ത്രി മുൻഗണനാ പട്ടിക തയ്യാറാക്കി. അക്കാദമിക് യോഗ്യതകൾക്ക് പ്രാധാന്യം നൽകിയാണ് പട്ടിക തയ്യാറാക്കിയിരിക്കുന്നത്. പട്ടികയിൽ മുൻ വിസിമാരായ സജി ഗോപിനാഥും, എം എസ് രാജശ്രീയും പിന്നിലാണ്.
ഹിജാബ് വിവാദം: സ്കൂളിൽ തുടരാൻ താൽപര്യമില്ലെന്ന് വിദ്യാർത്ഥിനി; സർക്കാർ സംരക്ഷണം നൽകുമെന്ന് മന്ത്രി വി. ശിവൻകുട്ടി
എറണാകുളം പള്ളുരുത്തി സെൻ്റ് റീത്താസ് ഹൈസ്കൂളിലെ ഹിജാബ് വിവാദത്തിൽ പ്രതികരണവുമായി മന്ത്രി വി. ശിവൻകുട്ടി. സ്കൂളിൽ തുടരാൻ മകൾക്ക് താൽപര്യമില്ലെന്ന് പെൺകുട്ടി അറിയിച്ചതായി മന്ത്രി പറഞ്ഞു. സംഭവത്തിൽ സർക്കാരിന് ഒരു കുട്ടിയുടെ പ്രശ്നമാണെങ്കിലും സംരക്ഷണം നൽകുമെന്നും മന്ത്രി കൂട്ടിച്ചേർത്തു.