Kerala News
കലൂർ സ്റ്റേഡിയത്തിൽ അതിക്രമിച്ചു കയറ്റം; ഡിസിസി പ്രസിഡന്റ് മുഹമ്മദ് ഷിയാസിനെതിരെ കേസ്
കലൂർ സ്റ്റേഡിയത്തിൽ അതിക്രമിച്ചു കയറിയെന്ന പരാതിയിൽ ഡിസിസി പ്രസിഡന്റ് മുഹമ്മദ് ഷിയാസിനെതിരെ പാലാരിവട്ടം പോലീസ് കേസ് രജിസ്റ്റർ ചെയ്തു. ജിസിഡിഎ നൽകിയ പരാതിയിലാണ് കേസ്. അനുമതിയില്ലാതെ സ്റ്റേഡിയത്തിൽ പ്രവേശിച്ചതിനാണ് കേസ് എടുത്തിരിക്കുന്നത്.
ഓണറേറിയം വർധനവ് തുച്ഛം; സമരം തുടരുമെന്ന് ആശാ വർക്കർമാർ
സർക്കാർ പ്രഖ്യാപിച്ച 1000 രൂപയുടെ ഓണറേറിയം വർധനവ് തുച്ഛമാണെന്നും സമരം തുടരുമെന്നും ആശാ വർക്കർമാർ. ഓണറേറിയം 21000 രൂപയായി വർധിപ്പിക്കണമെന്നാണ് പ്രധാന ആവശ്യം. ഫെബ്രുവരി 10-ന് ആരംഭിച്ച സെക്രട്ടറിയേറ്റിന് മുന്നിലെ സമരം ഇന്ന് 264-ാം ദിവസത്തിലേക്ക് കടന്നു.
പി.എം. ശ്രീ പദ്ധതിയിലെ ഭിന്നത പരിഹരിച്ച എം.എ. ബേബിക്ക് അഭിനന്ദനം
പി.എം. ശ്രീ പദ്ധതിയിലെ ഭിന്നത പരിഹരിച്ചതിന് സി.പി.ഐ.എം ജനറൽ സെക്രട്ടറി എം.എ. ബേബിക്ക് അഭിനന്ദനം. സി.പി.ഐ ദേശീയ സെക്രട്ടറിയേറ്റ് അംഗം കെ. പ്രകാശ് ബാബു എഴുതിയ ലേഖനത്തിലാണ് അഭിനന്ദനം. കേരള മുഖ്യമന്ത്രിയുടെ നേതൃത്വത്തിൽ നടന്ന ചർച്ചകൾക്ക് ശേഷമാണ് പ്രശ്നങ്ങൾ പരിഹരിച്ചത്.
ഡോക്ടർ വന്ദന കൊലക്കേസ്: വിചാരണ വേഗത്തിലാക്കാൻ ഹൈക്കോടതി നിർദേശം
കൊട്ടാരക്കര താലൂക്ക് ആശുപത്രിയിൽ ഡോക്ടർ വന്ദന ദാസ് കൊല്ലപ്പെട്ട കേസിൽ വിചാരണ വേഗത്തിലാക്കാൻ ഹൈക്കോടതി നിർദേശം നൽകി. വിചാരണ പൂർത്തിയാക്കാൻ എടുക്കുന്ന സമയം, കേസിന്റെ നിലവിലെ സ്ഥിതി എന്നിവ സംബന്ധിച്ച് റിപ്പോർട്ട് നൽകാൻ വിചാരണക്കോടതിക്ക് ഹൈക്കോടതി നിർദ്ദേശം നൽകി. പ്രതി സന്ദീപിന്റെ ജാമ്യാപേക്ഷ 31ന് വീണ്ടും പരിഗണിക്കും.
താമരശ്ശേരി ഫ്രഷ് കട്ട് കേസ്: എസ്ഡിപിഐ പ്രാദേശിക നേതാവ് അറസ്റ്റിൽ
താമരശ്ശേരി ഫ്രഷ് കട്ട് സംഘർഷവുമായി ബന്ധപ്പെട്ട് എസ്ഡിപിഐ പ്രാദേശിക നേതാവിനെ പോലീസ് അറസ്റ്റ് ചെയ്തു. കൂടത്തായി സ്വദേശി അമ്പാടൻ അൻസാറാണ് പിടിയിലായത്. ഇതോടെ അറസ്റ്റിലായവരുടെ എണ്ണം 13 ആയി ഉയർന്നു.
തിരുവല്ലയിൽ ഒന്നര ലക്ഷം രൂപയുടെ നിരോധിത പുകയില ഉത്പന്നങ്ങൾ പിടികൂടി; യുവാവ് അറസ്റ്റിൽ
പത്തനംതിട്ട തിരുവല്ലയിൽ എക്സൈസ് നടത്തിയ പരിശോധനയിൽ ഒന്നര ലക്ഷം രൂപ വിലമതിക്കുന്ന നിരോധിത പുകയില ഉത്പന്നങ്ങൾ പിടികൂടി. വാടകക്കെടുത്ത വീട്ടിൽ മൊത്തമായി പുകയില ഉത്പന്നങ്ങൾ വിറ്റിരുന്ന യുവാവിനെ എക്സൈസ് അറസ്റ്റ് ചെയ്തു. ചങ്ങനാശ്ശേരി തൃക്കൊടിത്താനം സ്വദേശി പ്രവീൺ പ്രസാദ് ആണ് അറസ്റ്റിലായത്.
ഒയാസിസ് ബ്രൂവറിക്കെതിരെ നിയമനടപടി: ഹൈക്കോടതിയിലേക്ക് നീങ്ങി എലപ്പുള്ളി പഞ്ചായത്ത്
ഒയാസിസ് ബ്രൂവറി പദ്ധതിക്കെതിരെ എലപ്പുള്ളി പഞ്ചായത്ത് ഹൈക്കോടതിയിലേക്ക്. പദ്ധതിക്ക് അനുമതി നൽകുന്നതിനെതിരെയാണ് നിയമനടപടി. ഇതിനായി അടിയന്തര ഭരണസമിതി യോഗം ചേർന്ന് തീരുമാനമെടുത്തു. പഞ്ചായത്തിൻ്റെ അധികാരങ്ങളിൽ സർക്കാർ ഇടപെടുന്നുവെന്ന് പ്രസിഡൻ്റ് ആരോപിച്ചു.
ഓണറേറിയം വർദ്ധിപ്പിച്ചതിനെതിരെ ആശാവർക്കർമാർ; സമരം തുടരുമെന്ന് അറിയിപ്പ്
സംസ്ഥാന സർക്കാർ ആശാവർക്കർമാരുടെ ഓണറേറിയം 1000 രൂപ വർദ്ധിപ്പിച്ചതിൽ പ്രതിഷേധം അറിയിച്ച് ആശാവർക്കർമാർ. തങ്ങൾ ആവശ്യപ്പെട്ടത് 21000 രൂപയാണെന്നും, വർദ്ധനവ് തുച്ഛമാണെന്നും അവർ പറഞ്ഞു. ഈ സാഹചര്യത്തിൽ സമരം തുടരുമെന്ന് ആശാവർക്കർമാർ അറിയിച്ചു.
മെസിയുടെ വരവിൽ മുഖ്യമന്ത്രിക്ക് ധാരണയില്ല; ഗുരുതര ആരോപണവുമായി ഹൈബി ഈഡൻ
മെസിയുടെ വരവിനെക്കുറിച്ചും കലൂർ സ്റ്റേഡിയം നവീകരിക്കുന്നതിനെക്കുറിച്ചും മുഖ്യമന്ത്രിക്ക് ഒരു ധാരണയുമില്ലെന്ന് ഹൈബി ഈഡൻ എം.പി ആരോപിച്ചു. 70 കോടി രൂപ എങ്ങനെ ചെലവഴിക്കുന്നു എന്നതിനെക്കുറിച്ച് ദുരൂഹത നിലനിൽക്കുകയാണെന്നും അദ്ദേഹം പറഞ്ഞു. സ്റ്റേഡിയം നവീകരിക്കുന്നതിൽ ഗുരുതരമായ സാമ്പത്തിക ക്രമക്കേട് നടന്നിട്ടുണ്ടെന്നും ഡി.സി.സി അധ്യക്ഷൻ മുഹമ്മദ് ഷിയാസ് ആരോപിച്ചു.
അടിമാലി ദുരന്തം: സന്ധ്യയുടെ ചികിത്സാ ചെലവ് ഏറ്റെടുത്ത് മമ്മൂട്ടി
അടിമാലി മണ്ണിടിച്ചിലിൽ പരിക്കേറ്റ സന്ധ്യയുടെ ചികിത്സാ ചെലവുകൾ മമ്മൂട്ടി നേതൃത്വം നൽകുന്ന കെയർ ആൻഡ് ഷെയർ ഇൻ്റർനാഷണൽ ഏറ്റെടുക്കും. സന്ധ്യയുടെ സഹോദരൻ സന്ദീപിന്റെ അപേക്ഷ പരിഗണിച്ചാണ് ഈ തീരുമാനം. അപകടത്തിൽ സന്ധ്യയുടെ ഭർത്താവ് ബിജു മരിച്ചതിനെത്തുടർന്ന് കുടുംബം ദുരിതത്തിലായതോടെയാണ് സഹായവുമായി കെയർ ആൻഡ് ഷെയർ ഇൻ്റർനാഷണൽ മുന്നോട്ടുവന്നത്.
നെല്ല് സംഭരണത്തിലെ പ്രതിസന്ധിക്ക് താൽക്കാലിക പരിഹാരം; സംഭരണം ഉടൻ ആരംഭിക്കും
നെല്ല് സംഭരണവുമായി ബന്ധപ്പെട്ട പ്രതിസന്ധിക്ക് താൽക്കാലിക പരിഹാരമായി. മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിൽ അടുത്ത സീസണിലേക്കുള്ള നെല്ല് സംഭരണം ഉടൻ ആരംഭിക്കാൻ തീരുമാനിച്ചു. 2022-23 കാലയളവിലെ കുടിശ്ശിക തുക നൽകുമെന്ന് മുഖ്യമന്ത്രി മില്ലുടമകൾക്ക് ഉറപ്പ് നൽകി.
കൊയിലാണ്ടി നന്തിയിലെ കുഴിയിൽ കൈകഴുകി കരാർ കമ്പനി; പ്രതിഷേധം കനക്കുന്നു
കൊയിലാണ്ടി നന്തി സർവീസ് റോഡിലെ കുഴി നന്നാക്കാത്തതിൽ നാട്ടുകാരുടെ പ്രതിഷേധം ശക്തമാകുന്നു. രണ്ടാഴ്ചക്കിടയിൽ പതിനൊന്ന് അപകടങ്ങൾ സംഭവിച്ചിട്ടും അധികൃതർ നടപടിയെടുക്കുന്നില്ലെന്ന് ആക്ഷേപം. പ്രതികൂല കാലാവസ്ഥ മാറിയാലുടൻ നിർമ്മാണം ആരംഭിക്കാമെന്ന് കരാർ കമ്പനി അറിയിച്ചു.