Kerala News
കാർഷിക സർവകലാശാല വിസിയുടെ വീട്ടിലേക്ക് എസ്എഫ്ഐ മാർച്ച്; 20 പ്രവർത്തകർ അറസ്റ്റിൽ
കാർഷിക സർവകലാശാല വൈസ് ചാൻസലറുടെ വീട്ടിലേക്ക് എസ്എഫ്ഐ നടത്തിയ പ്രതിഷേധം സംഘർഷത്തിൽ കലാശിച്ചു. ഫീസ് വർധനവുമായി ബന്ധപ്പെട്ടാണ് എസ്എഫ്ഐ പ്രതിഷേധം നടത്തിയത്. പ്രതിഷേധം നടത്തിയ ഏകദേശം ഇരുപതോളം പ്രവർത്തകരെ പൊലീസ് അറസ്റ്റ് ചെയ്തു നീക്കി.
താമരശ്ശേരി ഫ്രഷ്കട്ട് സംഘർഷം: രണ്ടുപേർ കൂടി കസ്റ്റഡിയിൽ, ആകെ അറസ്റ്റിലായവരുടെ എണ്ണം 12 ആയി
കോഴിക്കോട് താമരശ്ശേരിയിൽ ഫ്രഷ്കട്ട് സംഘർഷത്തിൽ രണ്ടുപേരെക്കൂടി പോലീസ് കസ്റ്റഡിയിലെടുത്തു. ഇതോടെ കേസിൽ അറസ്റ്റിലായവരുടെ എണ്ണം 12 ആയി. ഒളിവിൽ പോയവരെ കണ്ടെത്താൻ പൊലീസ് പരിശോധന ശക്തമാക്കിയിട്ടുണ്ട്.
പുൽപ്പള്ളിയിൽ കോളേജ് വിദ്യാർത്ഥിനി കുഴഞ്ഞുവീണ് മരിച്ചു
പുൽപ്പള്ളി പഴശി രാജാ കോളേജിലെ എം.എസ്.സി വിദ്യാർത്ഥിനി ഹസ്നീന ഇല്യാസ് കുഴഞ്ഞുവീണ് മരിച്ചു. കോളേജ് വിട്ട് ഹോസ്റ്റലിലേക്ക് പോകും വഴിയാണ് സംഭവം. വണ്ടൂർ സ്വദേശിനിയാണ് ഹസ്നീന.
തൃശ്ശൂരിൽ വനിതാ പ്രവർത്തകയെ ലൈംഗികമായി ആക്രമിച്ച കേസിൽ കോൺഗ്രസ് നേതാവിനെതിരെ കേസ്
തൃശ്ശൂരിൽ വനിതാ പ്രവർത്തകയെ ലൈംഗികമായി ആക്രമിച്ച കേസിൽ കോൺഗ്രസ് നേതാവിനെതിരെ പോലീസ് കേസെടുത്തു. പണം തിരികെ നൽകാൻ പോയപ്പോൾ ലൈംഗികാതിക്രമം നടത്തിയെന്നാണ് പരാതിക്കാരിയുടെ മൊഴി. സി എച്ച് സാദത്തിനെ കോൺഗ്രസ് പാർട്ടിയിൽ നിന്ന് പുറത്താക്കിയതായി അധികൃതർ അറിയിച്ചു.
ആലപ്പുഴ റെയിൽവേ സ്റ്റേഷനിൽ ഉപേക്ഷിച്ച നിലയിൽ 10 കിലോ കഞ്ചാവ്
ആലപ്പുഴ റെയിൽവേ സ്റ്റേഷനിൽ 10 കിലോ കഞ്ചാവ് ഉപേക്ഷിച്ച നിലയിൽ കണ്ടെത്തി. ഷാലിമാർ എക്സ്പ്രസ് പുറപ്പെട്ടതിന് പിന്നാലെ പ്ലാറ്റ്ഫോമിൽ നിന്നാണ് കഞ്ചാവ് കണ്ടെത്തിയത്. സംഭവത്തിൽ റെയിൽവേ പൊലീസ് അന്വേഷണം ആരംഭിച്ചു.
പാലക്കാട് മണ്ണാർക്കാട് പത്താം ക്ലാസുകാരനെ തൂങ്ങിമരിച്ച നിലയിൽ കണ്ടെത്തി
പാലക്കാട് മണ്ണാർക്കാട് പത്താം ക്ലാസ് വിദ്യാർത്ഥിയെ തൂങ്ങിമരിച്ച നിലയിൽ കണ്ടെത്തി. മണലടി സ്വദേശി റിയാസിൻ്റെ മകനായ റിസ്വാനാണ് മരിച്ചത്. സംഭവത്തിൽ ദുരൂഹതയില്ലെന്ന് പോലീസ് അറിയിച്ചു, എങ്കിലും അന്വേഷണം പുരോഗമിക്കുന്നു.
യാത്രക്കാരിയോട് അപമര്യാദയായി പെരുമാറിയ ടൂറിസ്റ്റ് ബസ് ജീവനക്കാരൻ അറസ്റ്റിൽ
പാലക്കാട് കസബയിൽ യാത്രക്കാരിയോട് മോശമായി പെരുമാറിയ ടൂറിസ്റ്റ് ബസ് ജീവനക്കാരൻ അറസ്റ്റിലായി. ചൂലൂർ സ്വദേശി പയ്യടി വീട്ടിൽ രജീഷിനെയാണ് കസബ പൊലീസ് അറസ്റ്റ് ചെയ്തത്. ബാംഗ്ലൂരിൽ നിന്ന് കോഴിക്കോട്ടേക്ക് വരികയായിരുന്ന എ വൺ ട്രാവൽസിൻ്റെ ബസിൽ വെച്ചാണ് ഇയാൾ യുവതിയോട് അപമര്യാദയായി പെരുമാറിയത്.
പുത്തൂർ സുവോളജിക്കൽ പാർക്ക് യാഥാർഥ്യമാക്കിയത് തുടർഭരണത്തിന്റെ ഫലമെന്ന് മുഖ്യമന്ത്രി
തൃശ്ശൂർ പുത്തൂരിൽ സുവോളജിക്കൽ പാർക്ക് ഉദ്ഘാടനം ചെയ്തു. നാല് പതിറ്റാണ്ടുകൾ നീണ്ട കാത്തിരിപ്പിന് വിരാമമിട്ട് പാർക്ക് യാഥാർഥ്യമായിരിക്കുകയാണ്. കിഫ്ബി പദ്ധതിയിൽ ഉൾപ്പെടുത്തിയാണ് ഇത് പൂർത്തിയാക്കിയത്.
സിപിഐ എതിർപ്പ് നിലനിൽക്കെ കാർഷിക സർവകലാശാലയിൽ ദേശീയ വിദ്യാഭ്യാസ നയം നടപ്പാക്കി
ദേശീയ വിദ്യാഭ്യാസ നയം (NEP) കാർഷിക സർവകലാശാലയിൽ നടപ്പാക്കി. 2023-ൽ ഇതിനായുള്ള നോട്ടിഫിക്കേഷൻ ഇറക്കിയിരുന്നു. പ്രൊഫസർ ഓഫ് പ്രാക്ടീസ് നിയമനം എൻഇപി അനുസരിച്ചാണ്. സിപിഐയുടെ എതിർപ്പ് ശക്തമായി നിലനിൽക്കെയാണ് ഈ നീക്കം.
കേരളത്തിൽ സ്വർണ്ണവില വീണ്ടും കുറഞ്ഞു; ഒരാഴ്ചയിൽ 7000 രൂപയുടെ ഇടിവ്
സംസ്ഥാനത്ത് സ്വർണവിലയിൽ വീണ്ടും ഇടിവ് രേഖപ്പെടുത്തി. രാജ്യാന്തര തലത്തിൽ സ്വർണ്ണവില കുറഞ്ഞതാണ് കേരളത്തിലും സ്വർണ്ണവില കുറയാൻ പ്രധാന കാരണം. ഒരാഴ്ചയ്ക്കിടെ കേരളത്തിൽ സ്വർണത്തിന് ഏകദേശം 7000 രൂപയോളം കുറഞ്ഞിട്ടുണ്ട്
ശബരിമല സ്വർണ്ണക്കൊള്ളക്കേസ്: രണ്ടാം പ്രതി മുരാരി ബാബുവിനെ കസ്റ്റഡിയിൽ വിട്ടു
ശബരിമല സ്വർണ്ണക്കൊള്ളക്കേസിലെ രണ്ടാം പ്രതി മുരാരി ബാബുവിനെ നാല് ദിവസത്തേക്ക് എസ്ഐടി കസ്റ്റഡിയിൽ വിട്ടു. റാന്നി ഫസ്റ്റ് ക്ലാസ് മജിസ്ട്രേറ്റ് കോടതിയാണ് ഇതുസംബന്ധിച്ച ഉത്തരവ് പുറപ്പെടുവിച്ചത്. ഇതിനിടെ ശബരിമലയിൽ നിർണായക രേഖകൾ നശിപ്പിച്ചെന്നും സൂചനയുണ്ട്.
മൂലമറ്റം പവർ ഹൗസ് ഒരു മാസത്തേക്ക് അടച്ചിടും; വൈദ്യുതി ഉത്പാദനത്തിൽ കുറവുണ്ടാകും
മൂലമറ്റം പവർ ഹൗസിൽ അറ്റകുറ്റപ്പണികൾ നടക്കുന്നതിനാൽ ഒരു മാസത്തേക്ക് അടച്ചിടും. ഡിസംബർ 10 വരെയാണ് പവർ ഹൗസ് അടച്ചിടുന്നത്. ഷട്ട്ഡൗൺ കാരണം 600 മെഗാവാട്ട് വൈദ്യുതി ഉത്പാദനത്തിൽ കുറവുണ്ടാകും.