Kerala News
ചെമ്പഴന്തിയിൽ മധ്യവയസ്കന് ക്രൂര മർദ്ദനം; മൂന്ന് യുവാക്കൾ പിടിയിൽ
തിരുവനന്തപുരം ചെമ്പഴന്തിയിൽ മധ്യവയസ്കന് യുവാക്കളുടെ ക്രൂര മർദ്ദനം. സംഭവത്തിൽ നാല് പേരടങ്ങുന്ന മദ്യപസംഘമാണ് അക്രമം നടത്തിയതെന്ന് പോലീസ് പറഞ്ഞു. ഇതിന്റെ അടിസ്ഥാനത്തിൽ കഴക്കൂട്ടം പൊലീസ് മൂന്ന് പേരെ കസ്റ്റഡിയിൽ എടുത്തു. ഗാന്ധിപുരം സ്വദേശി അഡിൻ ദാസിനാണ് മർദ്ദനമേറ്റത്.
കൊച്ചി മെട്രോ ട്രാക്കിൽ നിന്ന് യുവാവിൻ്റെ ചാട്ടം; ഗുരുതര പരിക്ക്, സർവീസ് നിർത്തിവെച്ചു
കൊച്ചി വടക്കേക്കോട്ട മെട്രോ സ്റ്റേഷനിൽ യുവാവ് ട്രാക്കിൽ നിന്ന് ചാടി ആത്മഹത്യക്ക് ശ്രമിച്ചു. തിരൂരങ്ങാടി സ്വദേശി നിസാറിനാണ് ഗുരുതരമായി പരിക്കേറ്റത്. സംഭവത്തെ തുടർന്ന് തൃപ്പൂണിത്തുറക്കും കടവന്ത്രക്കുമിടയിൽ മെട്രോ സർവീസ് നിർത്തിവെച്ചു.
ഒ. മാധവൻ പുരസ്കാരങ്ങൾ പ്രഖ്യാപിച്ചു; സൂര്യ കൃഷ്ണമൂർത്തിക്കും കെ.പി.എ.സി ലീലയ്ക്കും പുരസ്കാരം
നാടക രംഗത്തെ സമഗ്ര സംഭാവനയ്ക്കുള്ള ഒ. മാധവൻ അവാർഡുകൾ പ്രഖ്യാപിച്ചു. നാടക രചന സംവിധാന വിഭാഗത്തിൽ സൂര്യ കൃഷ്ണമൂർത്തിയും, മികച്ച അഭിനേത്രി വിഭാഗത്തിൽ കെ.പി.എ.സി ലീലയേയും തിരഞ്ഞെടുത്തു. ഓഗസ്റ്റ് 19-ന് കൊല്ലം സോപാനം ഓഡിറ്റോറിയത്തിൽ നടക്കുന്ന ചടങ്ങിൽ നടി ഉർവശി പുരസ്കാരങ്ങൾ സമ്മാനിക്കും.
ഗ്യാസ് അടുപ്പിൽ നിന്ന് തീ പടർന്ന് അമ്മയ്ക്കും മകൾക്കും പൊള്ളലേറ്റു
തൃശ്ശൂരിൽ ഗ്യാസ് അടുപ്പിൽ നിന്ന് തീ പടർന്ന് അമ്മയ്ക്കും മകൾക്കും പൊള്ളലേറ്റു. പഴയന്നൂർ മേപ്പാടത്ത് പറമ്പ് സ്വദേശി അരുൺ കുമാറിൻ്റെ ഭാര്യ സന്ധ്യയ്ക്കും മകൾ അനുശ്രീയ്ക്കുമാണ് അപകടം സംഭവിച്ചത്. ഗുരുതരമായി പൊള്ളലേറ്റ ഇരുവരെയും തൃശ്ശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
അശ്ലീല സിനിമ കേസ്: ശ്വേതാ മേനോൻ ഹൈക്കോടതിയിൽ, അടിയന്തര സ്റ്റേ തേടി
അശ്ലീല സിനിമയിൽ അഭിനയിച്ചെന്ന കേസ് റദ്ദാക്കണമെന്ന് ആവശ്യപ്പെട്ട് നടി ശ്വേതാ മേനോൻ ഹൈക്കോടതിയെ സമീപിച്ചു. സെൻസർ സർട്ടിഫിക്കറ്റ് ലഭിച്ച സിനിമകളിൽ മാത്രമേ അഭിനയിച്ചിട്ടുള്ളൂവെന്നും അതിനാൽ കേസ് നിലനിൽക്കില്ലെന്നും ശ്വേത ഹർജിയിൽ പറയുന്നു. ഹർജിയിൽ അടിയന്തര സ്റ്റേ നൽകണമെന്നും ആവശ്യപ്പെട്ടിട്ടുണ്ട്.
കോഴിക്കോട് മേഖലാ രാജ്യാന്തര ചലച്ചിത്രോത്സവം വെള്ളിയാഴ്ച; 58 സിനിമകൾ പ്രദർശിപ്പിക്കും
കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന മേഖലാ രാജ്യാന്തര ചലച്ചിത്രോത്സവം കോഴിക്കോട് വെള്ളിയാഴ്ച ആരംഭിക്കും. നാല് ദിവസങ്ങളിലായി നടക്കുന്ന മേളയിൽ 58 സിനിമകൾ പ്രദർശിപ്പിക്കും. രജിസ്റ്റർ ചെയ്ത ഡെലിഗേറ്റുകൾക്ക് മാത്രമേ പ്രവേശനം അനുവദിക്കുകയുള്ളൂ.
വെളിച്ചെണ്ണ വില കുതിച്ചുയരുമ്പോൾ ആലുവയിൽ കട കുത്തിത്തുറന്ന് മോഷണം
വെളിച്ചെണ്ണ വില കുതിച്ചുയരുന്നതിനിടെ ആലുവയില് ഒരു പലചരക്ക് കടയില് നിന്നും 30 ലിറ്റര് വെളിച്ചെണ്ണ മോഷണം പോയി. കടയുടെ പൂട്ട് തകര്ത്താണ് മോഷ്ടാവ് അകത്ത് കയറിയത്. സിസിടിവി ദൃശ്യങ്ങളുടെ അടിസ്ഥാനത്തില് പൊലീസ് അന്വേഷണം ആരംഭിച്ചിട്ടുണ്ട്.
തദ്ദേശ തിരഞ്ഞെടുപ്പ് അട്ടിമറിക്കാൻ LDF ശ്രമിക്കുന്നു; അനൂപ് ആന്റണി
തദ്ദേശ തിരഞ്ഞെടുപ്പ് അട്ടിമറിക്കാൻ എൽഡിഎഫ് ശ്രമിക്കുന്നുവെന്ന് ബിജെപി സംസ്ഥാന ജനറൽ സെക്രട്ടറി അനൂപ് ആൻ്റണി ആരോപിച്ചു. വാർഡ് വിഭജനത്തിന് പിന്നാലെ വോട്ടർപട്ടികയിലും തിരുമറി നടത്താൻ ശ്രമിക്കുന്നുവെന്നും അദ്ദേഹം ആരോപിച്ചു. തിരഞ്ഞെടുപ്പ് കമ്മീഷൻ വിഷയത്തിൽ ഗൗരവമായി ഇടപെടണമെന്നും അനൂപ് ആവശ്യപ്പെട്ടു.
സ്വർണവില കുതിക്കുന്നു; പവൻ 75,200 രൂപയായി
സംസ്ഥാനത്ത് ഇന്ന് സ്വർണവില ഉയർന്നു. പവന് 160 രൂപ കൂടി 75,200 രൂപയായി. രാജ്യാന്തര തലത്തില് സ്വര്ണവില ഉയര്ന്നതാണ് കാരണം. ചരിത്രത്തിലാദ്യമായാണ് പവന് വില ഇത്രയും ഉയരത്തിലെത്തുന്നത്.
ദിയ കൃഷ്ണയുടെ സ്ഥാപനത്തിലെ തട്ടിപ്പ്: രണ്ടാം പ്രതി കീഴടങ്ങി
ദിയ കൃഷ്ണയുടെ സ്ഥാപനത്തിലെ തട്ടിപ്പ് കേസിൽ രണ്ടാം പ്രതിയായ ദിവ്യ ക്രൈം ബ്രാഞ്ച് ഓഫീസിൽ കീഴടങ്ങി. അഭിഭാഷകർക്ക് ഒപ്പമാണ് അവർ എത്തിയത്. ദിയയുടെ സ്ഥാപനത്തിൽ നിന്നും 69 ലക്ഷം രൂപ ജീവനക്കാർ തട്ടിയെടുത്തെന്നാണ് കേസ്.
പോലീസ് ഉദ്യോഗസ്ഥനെ ആക്രമിച്ച സോഷ്യൽ മീഡിയ ഇൻഫ്ലുവെൻസർ രേവന്ത് ബാബു അറസ്റ്റിൽ
പാലിയേക്കര ടോൾപ്ലാസയിൽ പോലീസ് ഉദ്യോഗസ്ഥനെ ആക്രമിച്ച സോഷ്യൽ മീഡിയ ഇൻഫ്ലുവെൻസർ രേവന്ത് ബാബു അറസ്റ്റിലായി. തൃശ്ശൂർ വരന്തരപ്പിള്ളി സ്വദേശിയായ രേവന്ത് ബാബുവിനെതിരെ ജാമ്യമില്ലാ വകുപ്പ് പ്രകാരം കേസെടുത്തു. ടോൾ പ്ലാസയിൽ ബാരിക്കേഡുകൾ ഉയർത്തി വാഹനങ്ങൾ കടത്തിവിടുകയും, പോകാത്ത വാഹനങ്ങളുടെ താക്കോലുകൾ ഊരിയെടുക്കുകയും ചെയ്തതിനെത്തുടർന്നാണ് പോലീസ് എത്തിയത്.
പാലിയേക്കര ടോൾ പ്ലാസയിലെ ടോൾ പിരിവ് ഹൈക്കോടതി മരവിപ്പിച്ചു
ഇടപ്പള്ളി മണ്ണുത്തി ദേശീയപാതയിലെ പാലിയേക്കര ടോൾ പ്ലാസയിലെ ടോൾ പിരിവ് ഹൈക്കോടതി നാലാഴ്ചത്തേക്ക് മരവിപ്പിച്ചു. റോഡിന്റെ ശോചനീയാവസ്ഥ പരിഗണിച്ച് ടോൾ പിരിവ് റദ്ദാക്കണമെന്ന ഹർജിക്കാരുടെ ആവശ്യം കണക്കിലെടുത്താണ് നടപടി. യാത്രാദുരിതം പരിഹരിക്കുന്നതിൽ അതോറിറ്റിക്ക് വീഴ്ച സംഭവിച്ചുവെന്ന് കോടതി വിമർശിച്ചു.