Kerala News
രൂപേഷിന്റെ നിരാഹാര സമരം അവസാനിച്ചു; മുഖ്യമന്ത്രിയുടെ ഇടപെടൽ
മാവോയിസ്റ്റ് നേതാവ് രൂപേഷ് നിരാഹാര സമരം അവസാനിപ്പിച്ചു. മുഖ്യമന്ത്രിയുടെ ഓഫീസിന്റെ ഇടപെടലിനെ തുടർന്നാണ് സമരം അവസാനിപ്പിച്ചത്. പുസ്തകം പ്രസിദ്ധീകരിക്കാനുള്ള നടപടികൾ വേഗത്തിലാക്കാമെന്ന് മുഖ്യമന്ത്രി ഉറപ്പ് നൽകി.
കോട്ടയം പാറക്കടവിൽ വള്ളം മറിഞ്ഞ് രണ്ട് മരണം
കോട്ടയം പാറക്കടവിൽ വള്ളം മറിഞ്ഞുണ്ടായ അപകടത്തിൽ രണ്ട് പേർ മരിച്ചു. കൊല്ലാട് സ്വദേശികളായ ജോബി വി.ജെ, അരുൺ സാം എന്നിവരാണ് മരിച്ചത്. മീൻ പിടിക്കാൻ പോയ മൂന്നംഗ സംഘമാണ് അപകടത്തിൽപ്പെട്ടത്.
കൊല്ലം കുണ്ടറ താലൂക്ക് ആശുപത്രിയിൽ വൈദ്യുതി തടസ്സം; ഗർഭിണികളെ ജില്ലാ ആശുപത്രിയിലേക്ക് മാറ്റി
കൊല്ലം കുണ്ടറ താലൂക്ക് ആശുപത്രിയിൽ വൈദ്യുതി തടസ്സപ്പെട്ടതിനെ തുടർന്ന് പ്രവർത്തനം താറുമാറായി. ജനറേറ്റർ പ്രവർത്തിപ്പിക്കാൻ ഡീസൽ ഇല്ലാത്തതിനാൽ ഗർഭിണികളെ ജില്ലാ ആശുപത്രിയിലേക്ക് മാറ്റി. വൈദ്യുതി എപ്പോൾ പുനഃസ്ഥാപിക്കുമെന്ന കാര്യത്തിൽ വ്യക്തതയില്ല.
കിളിമാനൂരിൽ വാഹനാപകടം; കാൽനടയാത്രക്കാരൻ മരിച്ചു
തിരുവനന്തപുരം കിളിമാനൂരിൽ അജ്ഞാത വാഹനം ഇടിച്ചു കാൽനടയാത്രക്കാരൻ മരിച്ചു. കിളിമാനൂർ ചെങ്കിക്കുന്ന് സ്വദേശി നന്ദകുമാർ ആണ് മരിച്ചത്. കിളിമാനൂർ - നഗരൂർ റോഡിലാണ് അപകടം നടന്നത്. പിന്നാലെ വന്ന വാഹനത്തിന്റെ ക്യാമറയിലാണ് ദൃശ്യങ്ങൾ പതിഞ്ഞത്.
‘നരിവേട്ട’ ദൃഢമായ രാഷ്ട്രീയം പറയുന്ന സിനിമയെന്ന് മന്ത്രി കെ.രാജൻ
അനുരാജ് മനോഹർ സംവിധാനം ചെയ്ത 'നരിവേട്ട' എന്ന സിനിമയെ പ്രശംസിച്ച് മന്ത്രി കെ. രാജൻ. സിനിമ ശക്തമായ രാഷ്ട്രീയം പറയുന്നതും ചരിത്രപരമായ മുഹൂർത്തങ്ങളെ കാത്തുസൂക്ഷിക്കുന്നതുമാണെന്ന് മന്ത്രി അഭിപ്രായപ്പെട്ടു. 2003-ലെ മുത്തങ്ങ ആദിവാസി സമരവും അന്നത്തെ കോൺഗ്രസ് ഭരണകൂടത്തിന്റെ അതിക്രമങ്ങളും സിനിമ ചർച്ചയാക്കുന്നു. സമരത്തിൽ പങ്കെടുത്ത 283 കുടുംബങ്ങൾക്കും ഇടതുപക്ഷ സർക്കാർ ഭൂമി നൽകി.
കൂരിയാട് ദേശീയപാത തകർച്ച: പ്രൊജക്ട് ഡയറക്ടർക്ക് സസ്പെൻഷൻ, സൈറ്റ് എഞ്ചിനീയറെ പിരിച്ചുവിട്ടു
മലപ്പുറം കൂരിയാട് ദേശീയപാത തകർന്ന സംഭവത്തിൽ എൻഎച്ച്എഐ പ്രൊജക്ട് ഡയറക്ടറെ സസ്പെൻഡ് ചെയ്തു. സൈറ്റ് എഞ്ചിനീയറെ പിരിച്ചുവിട്ടെന്നും റിപ്പോർട്ടുണ്ട്. കരാറുകാരൻ സ്വന്തം ചെലവിൽ പാലം നിർമ്മിക്കണമെന്നും അതോറിറ്റി അറിയിച്ചു.
ലോകം ചുറ്റി മലയാളി വനിതാ നാവികര് നാട്ടില് തിരിച്ചെത്തി; പ്രതിരോധ മന്ത്രി സ്വീകരിച്ചു
മലയാളി ലഫ്നന്റ് കമാന്ഡര് കെ. ദില്നയും തമിഴ്നാട് സ്വദേശി ലഫ്.കമാന്ഡര് എ രൂപയും പായ്വഞ്ചിയില് ലോകം ചുറ്റി തിരിച്ചെത്തി. പ്രതിരോധ മന്ത്രിയുടെ നേതൃത്വത്തില് ഇവരെ സ്വീകരിച്ചു. യന്ത്രസഹായമില്ലാതെ എട്ടുമാസം കൊണ്ട് നാല്പതിനായിരം കിലോമീറ്റര് താണ്ടിയാണ് ഇരുവരും മടങ്ങിയെത്തിയത്.
കപ്പലപകടം: മത്സ്യത്തൊഴിലാളികൾക്ക് ധനസഹായം പ്രഖ്യാപിച്ച് മുഖ്യമന്ത്രി
കപ്പൽ അപകടത്തെ തുടർന്ന് ദുരിതത്തിലായ മത്സ്യത്തൊഴിലാളികൾക്ക് സർക്കാർ ധനസഹായം നൽകുമെന്ന് മുഖ്യമന്ത്രി പിണറായി വിജയൻ അറിയിച്ചു. മത്സ്യത്തൊഴിലാളികൾക്ക് താൽക്കാലിക സഹായമായി 1000 രൂപയും ആറ് കിലോ അരിയും വിതരണം ചെയ്യും. അപകടവുമായി ബന്ധപ്പെട്ട് തെറ്റായ വാർത്തകൾ പ്രചരിപ്പിക്കരുതെന്നും മുഖ്യമന്ത്രി അഭ്യർത്ഥിച്ചു.
മലപ്പുറം കൂരിയാട് ദേശീയപാത വീണ്ടും തകർന്നു; ഹൈക്കോടതി ഇന്ന് പരിഗണിക്കും
മലപ്പുറം കൂരിയാട് ദേശീയപാത വീണ്ടും തകർന്നു. പ്രധാന റോഡിന്റെ പാർശ്വഭിത്തി തകർന്ന് സർവ്വീസ് റോഡിലേക്ക് പതിച്ചു. ഹൈക്കോടതി ഇന്ന് ഈ വിഷയം പരിഗണിക്കും.
ഇടുക്കി കരിമണ്ണൂരിൽ ലൈഫ് മിഷൻ ഫ്ലാറ്റ് ചോർന്നൊലിക്കുന്നു; ദുരിതത്തിലായി ഗുണഭോക്താക്കൾ
ഇടുക്കി കരിമണ്ണൂരിൽ ഭവനരഹിതർക്കായി സർക്കാർ നിർമിച്ചു നൽകിയ ലൈഫ് മിഷൻ ഫ്ലാറ്റ് സമുച്ചയം ചോർന്നൊലിക്കുന്നു. ഗുണഭോക്താക്കൾക്ക് ഫ്ലാറ്റ് കൈമാറി രണ്ട് വർഷം തികയും മുൻപേ പല ഭാഗങ്ങളും അടർന്ന് വീഴുന്ന അവസ്ഥയാണ്. ഫ്ലാറ്റുകൾ ചോർന്നൊലിക്കുന്നതും, ഭിത്തികൾ ഇടിഞ്ഞു വീഴാറായതുമാണ് ദുരിതത്തിന് കാരണം.
കാലടിയിൽ 100 ഗ്രാം എംഡിഎംഎയുമായി യുവതി അടക്കം രണ്ട് പേർ പിടിയിൽ
എറണാകുളം ജില്ലയിലെ കാലടിയിൽ 100 ഗ്രാം എംഡിഎംഎയുമായി യുവതി ഉൾപ്പെടെ രണ്ട് പേരെ പോലീസ് അറസ്റ്റ് ചെയ്തു. രഹസ്യവിവരത്തെ തുടർന്ന് നടത്തിയ അന്വേഷണത്തിലാണ് ഇവർ പിടിയിലായത്. ബെംഗളൂരുവിൽ നിന്നും മയക്കുമരുന്ന് എത്തിച്ച്, ചെറുപൊതികളാക്കി വിൽപ്പന നടത്തുകയായിരുന്നു ഇവരുടെ രീതി.
ഇരിങ്ങാലക്കുടയിൽ വീട്ടുമുറ്റത്ത് പാമ്പ് കടിയേറ്റ് യുവതി മരിച്ചു
ഇരിങ്ങാലക്കുടയിൽ വീട്ടുമുറ്റത്ത് വെച്ച് പാമ്പ് കടിയേറ്റതിനെ തുടർന്ന് 28 വയസ്സുള്ള യുവതി മരണപ്പെട്ടു. മാപ്രാണം മാടായിക്കോണം സ്വദേശി ചെറാകുളം ഷാരോണിന്റെ ഭാര്യ ഹെന്നയാണ് മരിച്ചത്. ചൊവ്വാഴ്ച രാത്രി എട്ട് മണിയോടെയാണ് സംഭവം നടന്നത്.