Kerala News
സ്വർണ്ണവില വീണ്ടും കുറഞ്ഞു; ഒരു പവൻ സ്വർണ്ണത്തിന് ഇന്നത്തെ വില അറിയാമോ?
സംസ്ഥാനത്ത് സ്വര്ണവില വീണ്ടും കുറഞ്ഞു. ഇന്ന് പവന് 200 രൂപയാണ് കുറഞ്ഞത്. ഒരു ഗ്രാം സ്വര്ണത്തിന്റെ വില 25 രൂപ കുറഞ്ഞ് 9070 രൂപയായി.
പാൽ വില കൂട്ടാൻ മിൽമ; തീരുമാനം ഉടൻ
പാൽ വില വർദ്ധിപ്പിക്കാൻ മിൽമ ഒരുങ്ങുന്നു. ഇതിന്റെ ഭാഗമായി മിൽമ തിരുവനന്തപുരം മേഖലാ യൂണിയൻ ഭരണ സമിതി യോഗം ചേരുന്നു. മലബാർ മേഖലാ യൂണിയൻ 28-ന് യോഗം ചേർന്ന് വില വർധനവിനായുള്ള ശിപാർശകൾ സമർപ്പിക്കും. യൂണിയനുകളിൽ നിന്നും അഭിപ്രായം തേടിയ ശേഷം വില വർധനവിൽ അന്തിമ തീരുമാനമുണ്ടാകും.
‘ജാനകി വേഴ്സസ് സ്റ്റേറ്റ് ഓഫ് കേരള’ പേര് മാറ്റാൻ കാരണം ബോർഡ് പറഞ്ഞില്ല; ഹൈക്കോടതി ഇന്ന് പരിഗണിക്കും
"ജാനകി വേഴ്സസ് സ്റ്റേറ്റ് ഓഫ് കേരള" എന്ന സിനിമയുടെ പേര് മാറ്റാനുള്ള കാരണം സെൻസർ ബോർഡ് ഇതുവരെ വ്യക്തമാക്കിയിട്ടില്ലെന്ന് അണിയറ പ്രവർത്തകർ. സിനിമയുടെ സെൻസറിംഗ് വിഷയത്തിൽ അണിയറ പ്രവർത്തകർ നൽകിയ ഹർജി ഹൈക്കോടതി ഇന്ന് പരിഗണിക്കും. സെൻസറിംഗിനായി റിവ്യൂ കമ്മിറ്റി വ്യാഴാഴ്ച സിനിമ കാണും.
ദിയ കൃഷ്ണയുടെ കടയിലെ സാമ്പത്തിക ക്രമക്കേട്; ജീവനക്കാരുടെ ജാമ്യ ഹർജിയിൽ ഇന്ന് വിധി
ദിയ കൃഷ്ണയുടെ ആഭരണക്കടയിലെ സാമ്പത്തിക ക്രമക്കേടുമായി ബന്ധപ്പെട്ട് മൂന്ന് വനിതാ ജീവനക്കാരുടെ മുൻകൂർ ജാമ്യ ഹർജിയിൽ ഇന്ന് കോടതി വിധി പറയും. ജീവനക്കാരെ കസ്റ്റഡിയിൽ ചോദ്യം ചെയ്യണമെന്നാണ് ക്രൈം ബ്രാഞ്ചിന്റെ ആവശ്യം. ജീവനക്കാർ 64 ലക്ഷം രൂപയുടെ ക്രമക്കേട് നടത്തിയെന്ന് തെളിയിക്കുന്ന രേഖകൾ പോലീസ് കോടതിയിൽ സമർപ്പിക്കും.
ദിയ കൃഷ്ണകുമാറിന്റെ സ്ഥാപനത്തിലെ സാമ്പത്തിക തട്ടിപ്പ്: ജീവനക്കാരുടെ ജാമ്യഹർജിയെ എതിർത്ത് ക്രൈംബ്രാഞ്ച്
ദിയ കൃഷ്ണകുമാറിന്റെ സ്ഥാപനത്തിലെ സാമ്പത്തിക തട്ടിപ്പ് കേസിൽ ജീവനക്കാരുടെ ജാമ്യഹർജിയെ ക്രൈംബ്രാഞ്ച് എതിർത്തു. ജീവനക്കാർ പണം തട്ടിയതിന് തെളിവുണ്ടെന്ന് ക്രൈംബ്രാഞ്ച് കോടതിയിൽ അറിയിച്ചു. ജീവനക്കാരുടെ മുൻകൂർ ജാമ്യാപേക്ഷയിൽ നാളെ വിധി പറയും.
മൂന്നാറിൽ ഓടിക്കൊണ്ടിരുന്ന ബസ്സിന്റെ ടയർ ഊരിത്തെറിച്ചു; ആളപായമില്ല
മൂന്നാറിൽ ഓടിക്കൊണ്ടിരുന്ന ബസ്സിന്റെ ടയർ ഊരിത്തെറിച്ചു. ടയർ ഉരുണ്ട് നിർത്തിയിട്ടിരുന്ന ഓട്ടോയിൽ ഇടിച്ചു. അപകടത്തിൽ ആളപായമില്ല.
ലഹരിക്ക് എതിരെ ബോധപൂർണിമ പദ്ധതിയുമായി ഉന്നതവിദ്യാഭ്യാസ വകുപ്പ്
ഉന്നത വിദ്യാഭ്യാസ വകുപ്പിന്റെ ലഹരി വിരുദ്ധ ബോധവൽക്കരണ പദ്ധതിയായ ബോധപൂർണിമ ജൂൺ 25, 26 തീയതികളിൽ നടക്കും. എല്ലാ കോളേജുകളിലും ജൂൺ 26 ലഹരി വിരുദ്ധ ദിനമായി ആചരിക്കും. തൃശൂരിൽ ഗവർണർ പങ്കെടുക്കുന്ന ചടങ്ങിൽ ദൃശ്യങ്ങൾ പകർത്തുന്നതിന് വിലക്ക് ഏർപ്പെടുത്തിയിട്ടുണ്ട്.
വി.എസ്. അച്യുതാനന്ദന്റെ ആരോഗ്യനിലയിൽ നേരിയ പുരോഗതി: മെഡിക്കൽ ബുള്ളറ്റിൻ
മുൻ മുഖ്യമന്ത്രി വി.എസ്. അച്യുതാനന്ദന്റെ ആരോഗ്യനിലയിൽ നേരിയ പുരോഗതിയുണ്ടെന്ന് മെഡിക്കൽ ബുള്ളറ്റിൻ. തിരുവനന്തപുരം എസ്.യു.ടി. ആശുപത്രിയിൽ ചികിത്സയിലാണ് അദ്ദേഹം. മുഖ്യമന്ത്രി പിണറായി വിജയൻ ആശുപത്രിയിൽ സന്ദർശനം നടത്തി ആരോഗ്യസ്ഥിതി ചോദിച്ച് അറിഞ്ഞു.
തിരുവല്ലയിൽ മദ്യപിച്ച് സ്കൂൾ ബസ് ഓടിച്ച ഡ്രൈവർ പിടിയിൽ; മുത്തങ്ങയിൽ പച്ചക്കറി വണ്ടിയിൽ പണം കടത്തിയ ആളെയും പിടികൂടി
തിരുവല്ലയിൽ സ്വകാര്യ സ്കൂൾ ബസ് ഡ്രൈവർ മദ്യപിച്ച് വാഹനമോടിച്ചതിന് പിടിയിലായി. രാമൻചിറയിൽ നടത്തിയ വാഹന പരിശോധനയിലാണ് സംഭവം. വയനാട് മുത്തങ്ങ എക്സൈസ് ചെക്ക് പോസ്റ്റിൽ മതിയായ രേഖകളില്ലാതെ കടത്തിക്കൊണ്ടുവന്ന 17.5 ലക്ഷം രൂപയും പിടികൂടി.
നിലമ്പൂരിൽ ബിജെപിക്ക് വോട്ട് കൂടിയെന്ന് മോഹൻ ജോർജ്
നിലമ്പൂരിൽ ക്രൈസ്തവ മേഖലയിൽ നിന്ന് ബിജെപിക്ക് പിന്തുണ ലഭിച്ചെന്നും, വോട്ട് ശതമാനം വർധിച്ചെന്നും എൻഡിഎ സ്ഥാനാർത്ഥി അഡ്വക്കേറ്റ് മോഹൻ ജോർജ് അഭിപ്രായപ്പെട്ടു. തെരഞ്ഞെടുപ്പിന്റെ ജയപരാജയങ്ങൾ നിർണയിച്ചത് പി.വി. അൻവറാണെന്നും അദ്ദേഹം ട്വന്റിഫോറിനോട് പറഞ്ഞു. പ്രചാരണം കുറച്ചുകൂടി നേരത്തെ ആരംഭിച്ചിരുന്നെങ്കിൽ 150000 വോട്ടുകൾ നേടാമായിരുന്നു എന്നും അദ്ദേഹം കൂട്ടിച്ചേർത്തു.
അഹമ്മദാബാദ് വിമാന ദുരന്തം: മരിച്ച മലയാളി നഴ്സ് രഞ്ജിതയുടെ മൃതദേഹം നാട്ടിലെത്തിച്ചു
അഹമ്മദാബാദ് വിമാന ദുരന്തത്തിൽ മരിച്ച മലയാളി നഴ്സ് രഞ്ജിതയുടെ മൃതദേഹം നാട്ടിലെത്തിച്ചു. തിരുവനന്തപുരം വിമാനത്താവളത്തിൽ മന്ത്രിമാരും രാഷ്ട്രീയ നേതാക്കളും ചേർന്ന് മൃതദേഹം ഏറ്റുവാങ്ങി. പുല്ലാട് ശ്രീ വിവേകാനന്ദ ഹൈസ്കൂളിൽ പൊതുദർശനത്തിന് ശേഷം വൈകിട്ട് വീട്ടുവളപ്പിൽ സംസ്കാരം നടക്കും.
നിലമ്പൂർ തോൽവി: സി.പി.ഐ.എം വിലയിരുത്തൽ യോഗം നാളെ
നിലമ്പൂർ ഉപതിരഞ്ഞെടുപ്പിലെ പരാജയം സി.പി.ഐ.എം വിലയിരുത്തുന്നു. ഇതിനായി പാർട്ടി നേതൃയോഗങ്ങൾ നാളെ ആരംഭിക്കും. മൂന്നു ദിവസങ്ങളിലായാണ് യോഗങ്ങൾ നടക്കുന്നത്. തെരഞ്ഞെടുപ്പിൽ സംഭവിച്ച വീഴ്ചകളും ഭരണവിരുദ്ധ വികാരത്തിൻ്റെ ആഴവും യോഗത്തിൽ ചർച്ചയാകും.